أحترمك أخوي هداف بس لا تزعل مني كلامك موصحيح 100% بالنسبه لتقييم السعر العادل للرابطه, بتقولي ليش؟
هل عندك تقييم كامل لأصول الشركه و بياناتها الماليه الكامله لسنة 2007 علشان تقيم السهم على أساس 360 فلس وهل بيانات 2007 وحدها كافيه لتقييم الشركه والحكم عليها بطريقه بعض الأخوان ولا هذا إجتهاد منك فقط لأن اللي ذكرته ماله علاقه مباشره وبالتأثير هذا على نزلة السهم الصاروخيه للسعر المتدني الحالي واللي ممكن يوصل لأدنى من سعر 400 فلس؟
هل تعلم أن مشرف وهي شركه خدماتيه جديده مقارنة بالرابطه خسرانه 125 فلس حسب بيانات الربع الثالث وأن سهمها يتداول حاليا عند 600 فلس والشركه عليها كلام كثير من ناس كبار!!!!!!!
ياجماعه أقسم بالله أنه ليس بالضروره أن يكون هناك تأثير لأرباح الشركه سواء بالإرتفاع أو بالإنخفاض على سعر تداولها بالسوق والأمثله كثيره منها ص متحده,مشرف,جراند,عراق قابضه,تمويل خليجي عندما وصل سعره 480 فلس وغيرها من الشركات بالإضافه إلى الرابطه حاليا وإن شاء الله ليس أبدا.
الكلمه الأخيره اللي أبي أقولها لبعض الأعضاء وخاصه النشطين منهم(ما أقصدك يا هداف) إن إحنا ما طلبنا منهم يمدحون السهم في كل وقت على الطالعه والنازله مثل ما أهم يعتقدون بس بنفس الوقت ما نبيهم يبالغون في أمور بعيده كل البعد عن الواقع الحالي وتشويش أفكار الأعضاء الجدد و آنا منهم بأمور غير جديه مثل إعلان إفلاس الشركه ووصول السهم ل 280 فلس أوأكثر أوأقل وإن عارضتهم رحت فيها وكلوك بقشورك ولامو عاجبهم كلام أخوانهم الأعضاء الجدد وكأنهم نكره وإن إقترحت عليهم شي وشاركت قالوا لك عضو جديد وبقراطيسه وما نعطيه أكبر من حجمه(تقدرون تشوفون المشاركات الماضيه)!!! واللي على راسه بطحه يحسس عليها.
أتمنى لك التوفيق أخوي هداف.
شكرا أخوي متداول على مشاركتك ووجهة نظرك و انشاء الله تفيدني وتفيد اخوانك بالمنتدى
بس حبيت اعلق على كلامك
اشلون تقول الارباح السنوية مالها علاقة بسعر السهم؟
زين ليش الاسهم تتفصخ ويبدى تقييمها من جديد من ارباح الربع الاول
ليش بعض الشركات قلت قيمتها الدفترية؟
انت عارف شنو معناته ان الشركة تقل أرباحها الى النصف؟
غير هذا مثل ماتفضلت ليش مشرف خسرانه ومع هذا ماسكة سعرها
انا اقولك ليش
لأنها شركة محترمة تبي تحافظ على سعر سهمها وقاعدة تدعمه لأغراض كثيرة طبعا منها الاقتراض من البنوك بضمان سعر السهم بالسوق
انا يوم شريت الرابطة شهر 7 بسعر 760 كنت عارف هالشي بس كان عندي نظرة ان الشركة راح تعوض الخسارة بالنصف الثاني من السنة بس الضاهر ان حسبتي خانتني هالمرة
وبعدين سعر السهم العادل يتقيم من ارباح السنة ومعامل البي اي وعندنا ارباح ال9 اشهر وانا بس قيمت الربع الرابع وحسبت سعر السهم العادل
ماعمرك سمعت سهم محمل بالأرباح شنو معنى هالكلام؟
ليش تسمع دايما كلمةاسهم متضخمة وشنو تعني ؟
انا معاك ان في لعب بالسوق و مسك بعض الأسهم وخفس بعض الأسهم بدون ان يأخذ كل سهم حقه
بس احنا ماعلينا الا من الضاهر وهي بيانات وارباح السهم اما الخفايا فلايعلمها الا رب العالمين
وعندي لك طلب
ياريت تفتح البيانات المالية لدانة الاسماك
والدولي
وجراندالسياحية وتشوف ارباحهم وتعطيني رايك
ومنكم نستفيد وشكرا
حسبي الله الله عليه
