شباب...
في شي مهم ولازم تعرفونه...اذا صانع السوق يبي ينزل السهم يقدر ينزله وبكل بساطه عن طريق اعلان ارباح مخيبه للآمال أو توزيعه تفشل تنزلك السهم غصب طيب...لازم الكل يعترف في هالشي...
من جيذيه قاعد أقولكم لا تشترون الحين عشان لا تتدبسون نفسي...صدقوني والله اني أحب الخير حق الجميع...أدري ان السهم فيه خير ان شاء الله للمستثمر طويل الأجل لكن ليش ما نصيد السهم بالنازل...كلنا عندنا السهم وماخذينه بسعر عالي فالأحسن نصيده بالقاع...والقاع هو 375 فلس ووصله بالضبط بتاريخ 5 - 1 - 2003
السهم ممكن ينزل الى هذا السعر عن طريق الضغط ويايكم بالطريج توزيعه وتفصيخه ممكن تنزل السهم أكثر وأكثر خاصة اذا كانت منحه...
على العموم أي شخص يبي يبرد على السهم
القاع: 375 - 380 - 385 فلس أسعار جداً مغريه
واذا توزيعة السهم حلوه ان شاء الله راح ينتهي من عملية التصحيح وتبدأ انطلاقة السهم وخلكم من الأحلام الذهبيه وأقصد بهالشي الـ 1900 فلس...بو خماط أنا ما أعرفك ولا تعرفني ولا تزعل منى...
بو خماط واحد من الأثنين:-
1 - أكبر مطبل للسهم ويخللي الناس تحلم بيوم من الايام ان السهم ممكن يصل الى 1900 فلس وهو يعمل لصالح صناع السوق أو ما شابه...
2 - شخص طيب تدبس نفسنا بالرابطه بسعر عالي ويحاول يصبر الناس ويقولهم ان السهم راح يصعد الى 1900 فلس عشان ما يفرطون فيه
لكن الحقيقه والواقع السهم من سيئ الى أسوأ...
على العموم بو خماط أنا أعتقد انك من النوع الثاني ولا تزعل بس الواحد مرات تجيله شكوك وظنون...وسامحني اعتبرها مثل ما يقولون اخوانا اللبنانيين " فشة خلق "
وسامحوني على الـ 300 فلس الواحد من القهر يحوشه احباط...تدرون ليش يالي هذا الاحباط ؟ لأني لو ظال على السهم اللي كان عندي قبل ما آخذ الرابطه...جان ربحي الآن على الأقل 110%
ان شاء الله أكون غلطان والسهم يصعد مثل الصارووووووووووووووووووووووووخ