شركة اكتتاب القابضة ش.م.ك (إكتتاب) ....2

[Dr.F]

الله يكون بالعون ..الله معانا..وانشالله يكون المانع خير وبكون عند حسن الضن..

 

[BO-MUBARAK]

افا اقفال بايخ موووووول

 

[ابو محمد 2007]

يالوووووورد شسويت فينا

كل يوم والسهم في نزول خسايرنا ماتشيلها .......وانت فاهم

مسكوا السهم الخير بالطريق

والطريق انتبه امامك حفريات

واتمنى نسمع ردك بسرررعه يالووورد الناس رمضان

 

[سوق خضرة]

ياشباب احد يقدر يعرف انه اخونا لورد قرأ مشاركاتنا البوم ولا لأ ؟ نفس اللي سواه واحد من الاخوان امس وعقبها رد علينا لورد

 

[النجدي2007]

لا حييييييييييييياة لمن تنادى ويقول لك امسك السهم فيه خير والخير طلع بالسالب وسمعنا الكلام وتحول الربح الى خسسسسساره والله المستعان والحمد لله على كل حال

هلا اخوي بومحمد شلونك ارجع للتوصيات من قبل يومين كنت اقولهم في تصريف علي السهم بس للاسف بعض الاعضاء ماكان عاجبهم كلامي ومستهزئين بعد ,,,, يلة وينهم الحين ؟؟؟

 

[ميكانيكي]

الدعم 300

290

 

[lord_mee]

ياجماعة الخير السوق مايساعد بس شوي ان شاء الله ويستعدل كل شي لانه السوق قاعد يمر في حركات تصحيحية وان شاء الله بعدها بيرتفع السهم

 

[lord_mee]

ولا تطالعون السهم اذا كل يوم ينزل هذه من صالحنا لانه السهم طلع من القاع والحين يعدل ان شاء الله ويرد يكمل الصعود ان شاء الله ولاتحاتون يااخواني

 

[lord_mee]

وانا ماازعل من اخواني صج دعو على بس اخوان ماازعل منهم

 

[ابوعلي 2]

اخوي الغالي ابو سليمان

اولا الله يجزاك خير على اعطائنا الكثير من وقتك وشكرا لك على سرعه التجاوب مع اخوانك في المؤشر نت و اسمحلي اخوي ان اعيد عليك بعضا مما كتبته في المشاركه السابقه لم تعطني رأيك فيها

ووالله ان رأيك يهمني فلاتبخل علينا وجعلها الله في ميزان حسناتك ان شاء الله





اجابات تجول في خاطري وقد تكون خاطئه 100%

1- من الطبيعي ان تنزل نسبه شركه المدينه في اكتتاب من85 الي 34لان الاسهم المطروحه للاكتتاب بلغت 290 مليون سهم والنسبه القديمه(85) بناءا على راس المال القديم..؟؟ وهذا يؤكد انه لايوجد تصريف بالنسبه اللتي ذكرتها وهي 52% وعلى فكره هي مقاربه لنسبه زياده راس المال ان لم اخطئ في الحساب61%

2- تقول الاخبار المنقوله عن مصادر(رغم شكي بها ) انه تم اعطاء كبار المساهمين والمحافظ والصناديق الاوليه في التخصيص وبنسب كبيره؟؟ وبناءً على كلام اخونا الناصح ان لم اخطئ هناك بلوك على البيع لمده سنه؟؟


3-بحسبه بسيطه لوتضرب نسبه المدينه الحاليه 34% بعدد الاسهم الاجمالية نجد ان المدينه تملك 160 مليون سهم تقريبا +290 مليون المطروحه للاكتتاب نحصل على ناتج 450 مليون سهم تقريبا ناهيك عن الشركه التي تملك 7% واسهم الخزينه مليون وميتين الف



اخوي العزيز ابوسليمان اضع بين يديكم هذه الاسئله وانتظر بفارغ الصبر الاجابه

وشكرا لك

​

 

[bo fawaz]

2- تقول الاخبار المنقوله عن مصادر(رغم شكي بها ) انه تم اعطاء كبار المساهمين والمحافظ والصناديق الاوليه في التخصيص وبنسب كبيره؟؟ وبناءً على كلام اخونا الناصح ان لم اخطئ هناك بلوك على البيع لمده سنه؟؟

==========================================

اخوى ابوعلى الى سمعته ان ادارة اكتتاب خصصت للموظفين عدد من الاسهم

وذلك باعطائهم اولويه الاكتتاب وكميات مفتوحه والبلوك الى سوته

انهم ماوزعت عليهم شهادات الاكتتاب الا المدراء فقط وباقى الموظفين

والمساهمين الاخرين مااستلموا الشهادات لحد الحين

يعنى الى يصرف محفظة المدينه ومدرائها

ثانيا" النسبه الى تكلمت عنها سابقا" 85% اهى نسبة المدينه

فى اكتتاب بعد زيادة راس المال لان المدينه استحوذت على كاظمه

وفى شهر اربعه والنسبه المعلنه وهى 85% كانت فى شهر8

وبنسبه للنزول الحاصل ناس مكتتبه بسعر وصار الدبل الحين

وحابين يجنون الارباح بدرى والى اهم كبار مدراء المدينه ومحافظ المدينه

ومضاربين كبار دشوا بدرى على السهم

والعلم عند الله

 

[المرسومي]

لووووووورد

عطنا مصادرك

وتكف شر دعاء الناس عليك في رمضان ترى الدعاء مستجاب للصائم

 

[UNIX]

هذي خامس مشاركة أقولها لكم و حتى قلتها أول ما وصى لورد عليها،،،

السهم تبليع صلاخة،،، تم ازالة القفل على شهادات اسهم كبار عملاء المدينة و اهم قاعدين يبيعون عليكم. صوتي انبح يا عالم فهموا،، ماكو ارتفاع في الفترة هذي.

 

[bo fawaz]

لووووووورد

عطنا مصادرك

وتكف شر دعاء الناس عليك في رمضان ترى الدعاء مستجاب للصائم

اقبض من دبش مع احترامى للاخ لورد لوابى اقتبس كل مشاركاته الى كتبها

عن اكتتاب كلاها السهم فيه خير والسهم بيصعد نقوله تصريف يقول تجميع

صارله اكثر من شهر يقول بيصعد ومن مصادرى وين مصادره ماقالت له

عن التصريف ويقول يملك محفظه لو عنده تفكير صح وعنده مصادر تبيله

الخير جان قالت له فيه تصريف وخلته يصرف بالعالى وياخذ منتحت

ياجماعه والله ان لورد وحده من الثنتين يااما غشيم مايعرف ولايطبل للسهم

واتحدى احد يثبت غير ذلك تبون النصيحه ولوجه الله

اتبعوا كلام ابوسليمان

 

[برق الشرق]

فهمنا من كل هاللغوه أن السهم رايح فيها ..ماشي راح ناخذ بهالكلام
لكن ماذا يصنع الذي اشترى السهم بسعر 320 ,330 وحتى 310 ؟
يبيع بخسارة أم ينتظر وصول السهم لقاع آمن ,ومن ثم يبرّد على السهم؟

فهّمونا ,وكفاية مداحر الله يجزاكم خير!!

 

[ابو محمد 2007]

الاخ برق الشرق انا اشتريت حسب الكلام ب335 و325 كميه كبيره وبعت نصها بخساره 310 السؤال للمحللين وين دعم السهم هل السهم يوصل الى290 ومتى يرتد ويكون التحليل منطقى وواقعى لاننا ملينا من السهم ما وراه الا الخساير

 

[قنوع ؟]

اخواني
مجرد توقع ولا تأخذون بكلامي
السهم يتجه الي 270 والعلم عند الله

 

[BO-MUBARAK]

لا حول ولاقوة الا بالله يوم دشينا على السهم طلع رايح فيها حسبي الله الى اللي وهقونا
وين الشربيني اللي يمدحونه وبيشلع السهم

 

[سوق خضرة]

فهمنا من كل هاللغوه أن السهم رايح فيها ..ماشي راح ناخذ بهالكلام
لكن ماذا يصنع الذي اشترى السهم بسعر 320 ,330 وحتى 310 ؟
يبيع بخسارة أم ينتظر وصول السهم لقاع آمن ,ومن ثم يبرّد على السهم؟

فهّمونا ,وكفاية مداحر الله يجزاكم خير!!

هذا الزبدة اللي نبيها ؟؟؟؟؟؟؟؟؟؟؟؟؟؟؟؟

 

[ابو محمد 2007]

يااهل النصيحه نبيع اليوم انتشاب لانى اثق فى كلام اخوى قنوع ان السهم يتجه الى 270 والايام الماضيه تثبت ذلك من335الى300 واذا ماارتد اليوم معناه السقوط الى الهاويه