رؤية لبعض الأسهم المرشحه للصعود .. 4

[ميكانيكي]

استثمارات الوطنيه

هل هو ساريه وعلم

ننتظر التأكيد من بو سلمان

 

[الطير القطامي]

بنك بوبيان كنت حاط له توصيه قبل شهر لكن السهم عاندني وتأخر بالصعود

ان شاءالله الهدف القادم 760 وفي حال تجاوزه الهدف القادم 800-810 بأذن الله والدعم على 730 وممكن يعود اليه لتأكيد الدعم

جيزان : الدعم 320 ومقاومه 360 ومؤشرات السهم سلبية لكن متماسكه

فأتوقع ممكن فيه فرصه حلوه للمضاربه بالشراء قريب من سعر الدعم والله أعلم .

بالتوفيق





السهم صاير فيه سالفة عناد الظاهر .. يفترض ان يلامس مستوى 144

لمحاولة كسره بس الظاهر صانع السوق متحلف بالمضاربين يبي يشلعهم

من السهم عشان تصير صعدة السهم أسهل بالنسبه له والله أعلم

الهدف الأول في حال اختراق 144 ان شاءالله 150 ومن ناحية شرعية

السهم ماعندي فكره لكن البعض يجيز المضاربه بالأسهم بصفه

عامه واللي يحب التفاصيل يسأل أهل الاختصاص أفضل من أخذ الكلام من عامة الناس

مشكوووووووور يالغالي وماقصرت بس ماعليه تحملني شوي ابسألك بعد عن الوطنيه العقاريه اشرايك فيها الحين

 

[جوكوزال]

شخبار ثمار بعد اللي صار اليوم وهل هو سهم شرعي
بارك الله فيك اخوي ليو

 

[ahmed6]

اشلونك اخوي مستر ليو بغينا تحليل تمذين أ ماعليك امر

 

[روعه]

صبحك الله بالخير مستر ليو عندك اخبار عن سهم الخليجي

 

[Master-Leo]

السلام عليكم

خبر لملاك سهم أجيليتي

تم معرفة المحفظة الخاصه اللي كانت تبيع سهم أجيليتي بالأيام الماضيه وتسببت في نزوله

والسبب انهم مجرد يبون يوفرون كاش ويبدلون سهم اجيليتي بأسهم أخرى .

حاليا الدعم 1700 ومقاومه 1800 والمؤشرات بدت تنزل لمستويات الشراء

 

[Master-Leo]

مشكوووووووور يالغالي وماقصرت بس ماعليه تحملني شوي ابسألك بعد عن الوطنيه العقاريه اشرايك فيها الحين

الوطنيه العقاريه : لازالت مؤشراته سلبية والدعم 610 ومقاومه 670 ولاتوجد اشارات قوية تدل على الدخول .

 

[سيف-68]

ليو حبيبي تقصد اجيلتي راح تنزل ولا تصعده

 

[Master-Leo]

شخبار ثمار بعد اللي صار اليوم وهل هو سهم شرعي
بارك الله فيك اخوي ليو

مؤشراته ردت سلبيه فممكن يتراوح حاليا مابين 138-142 لفتره

من ناحيه شرعي أم لا اسأل اهل الاختصاص أفضل

اشلونك اخوي مستر ليو بغينا تحليل تمذين أ ماعليك امر

تمدين أ : دعم 485 مقاومه 510 - 550 ومؤشراته سلبية لكن بعضها

يشير الى بداية المبالغه في البيع والله أعلم .

صبحك الله بالخير مستر ليو عندك اخبار عن سهم الخليجي

الخليجي : دعم 250-248 ومقاومه 275 وممكن يلامسها قريبا ان شاءالله

لمحاولة كسرها لأن مؤشرات السهم ايجابيه الى حد الآن .

 

[Master-Leo]

ليو حبيبي تقصد اجيلتي راح تنزل ولا تصعده

أقصد ان اللي كان ينزل السهم كان ينزله متعمد عشان يوفر كاش حق

محفظته لا أكثر ولا أقل يعني ماكو خوف ان شاءالله على السهم في

حال اذا لم يكسر دعم 1700 .

 

[AL.MOUSAWI]

صبحك الله بالخير أخي العزيز ماستر ليو ، والله يعطيك الصحة والعافية ، ممكن تحليل التجارية ولا عليك أمر ، لا خلا ولا عدم .

 

[abu fissal]

وتحليل لمبرد اذا ماعليك امر.......ياحبيب الشعب

 

[الطير القطامي]

الوطنيه العقاريه : لازالت مؤشراته سلبية والدعم 610 ومقاومه 670 ولاتوجد اشارات قوية تدل على الدخول .

مشكوووور والله يرزقك من وين مارحت.........

 

[fi9al]

اشكرك يا ليو والله يوفق الجميع انشاله

 

[ابودعيج]

السلام عليكم اخ ليو ... بغيت سهم استثماري اسلامي .. يعني .. ابي اشتري و انام عليه .. ما عندي وقت للمضاربه .. اذا ما عليك امر شنو نصيحتك ؟؟

 

[الأريش]

المجموعة الدولية يا الغالي ليو

 

[سيف-68]

ليو عيدك مبارك
وكل عام وانت بخير


ليو ولا عليك امر شرايك بالسياحيه



وشكرا

 

[الطير القطامي]

السلالالالام عليكم_______الاخ الورده ليو اشرايك بالدخول على سهم اسمنت بالخليج ومتى تنصح بالخروج منه_______وكل عام وانت بخير

 

[Master-Leo]

السلام عليكم وكل عام وانتم بخير وعيدكم مبارك والله يعوده علينا وعليكم

تفضلوا بعض التحاليل المطلوبه لبعض الأسهم :

- التجاريه العقاريه : دعم 275 - 270 ومقاومه 295 ومؤشرات السهم ثابته من مده فأغلب الظن

ان تجميع بالسهم لأن من الأسهم الثقيله وصعدتها صعبه بدون تجميع لفترة طويلة .

- المجموعه الدولية : دعم 385-380 - 355 ومقاومه 410 ممكن يصل

لها السهم في حال الاغلاق فوق مستوى 390 ان شاءالله وحاليا المؤشرات سلبية وفي مناطق مبالغه بالبيع .

- مبرد : الدعم 445-440 مقاومه 510 و مؤشر الماكد لازال ايجابي لكن بعض المؤشرات الأخرى

اعطت دلائل جني أرباح وقد يهبط للتأسيس وتسكير فجوة عند 470-480 والله أعلم .

- السياحيه : دعم 160-158 ومقاومه 166 - 176 ومؤشرات السهم غير واضحة الاتجاه بعد

لكن تقدر تقول ان واصل لمستويات الشراء بحكم قرب السهم من مستوى الدعم الحالي .

- ابودعيج طلبت سهم اسلامي شوف اسمنت ابيض ان شاءالله فيه خير وحاليا الدعم 170 .

 

[Master-Leo]

السلالالالام عليكم_______الاخ الورده ليو اشرايك بالدخول على سهم اسمنت بالخليج ومتى تنصح بالخروج منه_______وكل عام وانت بخير

وانت بخير وصحه وسلامه وعساك من العايدين

اذا ماخذ السهم بالنازل وربحان فهذا قرارك طبعا

السهم حاليا عنده مقاومه 540 في حال اجتيازها الهدف قد يصل الى 590-600 ان شاءالله ومع تداول الغد

تتضح الرؤية أكثر خصوصا ان المؤشرات ايجابيه و دخلت في بداية مناطق جني الأرباح

لكن لم تعطي اشارة خروج فقد يستمر الصعود في حال كسر 540 بأذن الله.