طيران الجزيره (كم سعر الادراج المتوقع)

[Bo Rashed]

متي تاريخ التداول با الضبط

يشهد الله اني لاملك فيه اى سهم بس مجرد استفسار

يقال 3 سبتمبر القادم
بعدين ليش مستحي من السؤال حتى لو عندك أسهم السؤال حق مشروع

 

[المرتجز]

السلام عليكم...

ياخوان شنو اخر الاخبار عن هل شركة سمعنة الدمج هذا الشهر او لمه الحين ما اكو شي.

اتمنة من الاخوان الى عندهم اخبار ايفيدونة

او شكراا

 

[بوبرجس]

متي تاريخ التداول با الضبط

يشهد الله اني لاملك فيه اى سهم بس مجرد استفسار

لأ ... حبيبي إذا تملك فيها لاتحاول تخش علينا الله يرحم والديك . قول من ألحين عشان نتطمن ونعرف شلون نتصرف بأسهمنا .

 

[kwt.to.kwt]

الأدراج 3-9 بس الغريب لم يحددوا موعد الدمج

 

[حمدان]

الأدراج 3-9 بس الغريب لم يحددوا موعد الدمج

هانت أخوى توقع هذة الايام نزول اعلان بخصوص الدمج قريبا أن شاء الله ... وبالتوفيق للجميع​

 

[لافي العتيبي]

جم وصل السعر

 

[abo othman]

جم وصل السعر

الشراء يتراوح من 350 الى 400 فلس حسب الكميه​

 

[قرطبه]

حسب كلام الربع الادراج قرب
سؤالي قديم وازلي ولاني مطنش اشوي
شنو صار على زياده راس المال خاموووش ماشفنا شي ؟؟؟
وفي احد من الربع يعرف رقمهم يعطينا

 

[abo othman]

حسب كلام الربع الادراج قرب
سؤالي قديم وازلي ولاني مطنش اشوي
شنو صار على زياده راس المال خاموووش ماشفنا شي ؟؟؟
وفي احد من الربع يعرف رقمهم يعطينا

السلام عليكم

زياده راس المال اقرت بالجمعيه العموميه وصدر بها مرسوم اميري بجريده الكويت اليوم بشهر 10 الماضي والزياده سوف تكون بعد الادراج

وبالتوفيق للجميع​

 

[قرطبه]

تسلم بو عثمان
ما قصرت

 

[kwt.to.kwt]

مبروووووووووووووك للجميع

 

[nafisi38]

بوسعد اشراليك ابهل سهم اوهل تتوقع انها تترتفع وايد لما تنزل

 

[kakpal]

ماراح تدرج بهذي السنه

اول شي أجتماع مجلس ادارتها كان في شهر 6 لسنه 2006 من كان محطوط في تاريخ شهر 4 1007 وأبو عثمان يدري منو اللي أجل أجتماع مجلس الاداره ومنو الشخص اللي حول أجتماع الجمعيه العموميه لتاريخ شهر 6 من عام 2007 وعشان جذي انا اقولكم ياجماعت الخير هالسنه ماراح تدرج شركة طيران الجزيره ودمتم سالمين بالتوفيج يابوعثمان فلوسي اللي بالجزيره رديتها من دونك

 

[abo othman]

اول شي أجتماع مجلس ادارتها كان في شهر 6 لسنه 2006 من كان محطوط في تاريخ شهر 4 1007 وأبو عثمان يدري منو اللي أجل أجتماع مجلس الاداره ومنو الشخص اللي حول أجتماع الجمعيه العموميه لتاريخ شهر 6 من عام 2007 وعشان جذي انا اقولكم ياجماعت الخير هالسنه ماراح تدرج شركة طيران الجزيره ودمتم سالمين بالتوفيج يابوعثمان فلوسي اللي بالجزيره رديتها من دونك

السلام عليكم

كلامك استاذي العزيز غامض وغير مفهوم

ولكن للعلم الشركه ادراجها راح يكون على ابعد التوقعات خلال 2007

والشركه اكثر من ممتازه حتى لو لم تدرج

ودمتم بود​

 

[hassankoc]

كأن قريت حق بودي من فتره انها ستدرج او يحاول ادراجها شهر 9\2007 لكن نريد خبر اكيد ومصدر رسمي متى بالتحديد وكم زيادة راس المال

 

[kkkkkk]

الظاهر كلام 3/9/2007 حجي في حجي

يالييييل ما اطولك

 

[بورصة جمبزه]

: يا جماعه انتو لو تفتكون من هالاشاعات ومن هالطابور الخامس احنا بخير اخواني الي الان لا يوجد خبر نزول الشركة واعتقد بان لجنة البورصة راح تجتمع اب 10/9 علساس تناقش موضوع كذا شركه ستدرج ومن ضمنها علي ما اعتقد الجزيره وبسكم اشاعات ودمتم
موفقين

 

[FOCUS]

متى متى متى !!!!؟؟؟

هذا أحنا آخر شهر 8 وماكو دمج ومايندرى متى الإدراج الله يستر

مانبي الجزيرة تخون بموعدها مثل شركات الدار الورقية ترى وصلنا حدنا من النطرة وللصبر حدود .

أتمنى من مروان بودي إبيضها ويحط إعلان قوي بالجرايد عن الدمج والإدراج وزيادة راس المال بالأيام القريبة .


أخوكم فوووووكس .

 

[abo othman]

السلام عليكم

اليكم بعض المعلومات للتذكير



تأسست شركة طيران الجزيرة في دولة الكويت بموجب المرسوم الاميري رقم89 لسنة 2004 كشركة مساهمة كويتية عامة برأسمال قدره 10 مليون د.ك تمت تغطيته عبر الاكتتاب بعد ان أصدر مجلس الوزراء الكويتي قراراً في عام 2003 يسمح بتأسيس شركات طيران غير حكومية لتكسر بذلك 50 عاماً من الاحتكار لقطاع الطيران المدني. وكان لطيران الجزيرة شرف كبير في تتويجها كناقل وطني من قبل السلطات الكويتية ولكونها أول شركة طيران تابعة للقطاع الخاص تدخل قطاع الطيران المدني في الكويت والشرق الأوسط.

أعضاء مجلس الإدارة
• السيد/ مروان مرزوق بودي، رئيس مجلس الإدارة
• السيد/ جاسم مرزوق بودي، نائب رئيس مجلس الإدارة
• السيد/ يوسف أحمد الجلاهمة
• السيد/ يعقوب صالح الشرهان
• السيد/ فيصل يوسف الماجد
• السيد/ فضل عقاب الخطيب
• السيد/ سهيل حمصي

الإدارة التنفيذية
• السيد/ مروان مرزوق بودي، رئيس مجلس الإدارة والرئيس التنفيذي
• م/عبدالله حسين الحديد، نائب الرئيس لشئون الهندسة والصيانة
• السيد/ رينهارد كوساك، رئيس قطاع التشغيل
• السيد/ بدر ناصر المرشد، نائب الرئيس لشئون الصناعة
• السيد/ مارك اليوت، نائب الرئيس للشؤون المالية والادارية
• الكابتن/ مخلد الصواغ، نائب الرئيس لشئون العمليات
• الكابتن/ فلاح الشمري، نائب الرئيس لشؤون التدريب
• السيد/ على فيروز، نائب الرئيس لشؤون العمليات الارضية​

 

[ماكوشغل]

المصداقية

السلام عليكم

فى تاريخ 23/7/2007 صرح الاخ المشرف ابو عثمان ان ادراج طيران الجزيرة يوم 3/9/2007 وطلع كلام غير صحيح ولا يوجد ادراج فى الوقت الحالى وين المصداقية لو انه عضو عادى ماكو مشكلة بس المصيبة انه مشرف ومحسوب عليه كلامه شنو الهدف من التصريح؟؟
كم واحد شرا وكم واحد باع على اثر التصريح ؟؟
شنو راى الاعضاء فى السالفة؟؟

ملاحظة مهمة: الرجاء عدم قفل الموضوع وتردون على موشغلك بسنا دكتاتورية