شركة المشروعات الكبري العقارية ش.م.ك.م ( جراند ) ..... 5

[كويتي2006]

ما يفيد هل الحجي

البدر هذا انا من شفت صورته وملامحه ما يوحيلك بالتفاؤل

بس الكلام شنسوي الحين نطلع بالخساير ، اخف باجر حد ادنى بعد مثل جيزان يصير

لأن الكمية المعروضه بالحد الأدنى وايد

يعني بذمتكم شفتوا شركة يطلع صاحبها يصرح ان حقوق المساهمين صارت 5 مليار ، وبعدين ينزل السهم حد ادنى

شي عجيب

وينك يا ليووو انصحنه

 

[هلال العيد]

يا جماعة لا تحاتون عادي حركات من بوبدر قبل القرقيعان .. ما بقى شي ويـبـتـدي الأعـــصــار

 

[كويتي2006]

وانت شدراك ان في اعصار علشان اتعشمنه

الله يستر

ذكرتني بسهم جيزان والي عشموا الناس فيه وباعصاره

 

[سعود222]

نبي نعرف ليش حد ادنى هل فيه اخبار سيئة على السهم
منو اللي عنده خبر

 

[ابو محمد 2007]

يا اخوان البدر ماله امان واسمعوا نصيحة اخوكم كل مره يرفع واحده من شركانه وينزل الباقى

 

[filfil]

السلام عليكم ورحمة الله وبركاته
السهم ما يخوف
الي يخوف صدق البيع
و ليس الصبر عليه - اذا ارتد انشاء الله نشوف خير

 

[filfil]

و ما التوفيق إلا من عند الله

 

[alani60600]

عاده عساها ( تنقطع )

يومين حد اعلي وشهر حد ادني

عادات الزعيم ماتغيرت

 

[unbeatable]

الله يعين ملاك السهم على صانع السوق

من الطبيعي أن ينخفض السهم مع إقتراب إقفالات الربع الثالث لكن ليست بهذه الطريقة الغبيه...
والسبب في الإنخفاض خصوصاً قبل إقفالات الربع الثالث هو تقليص الأرباح غير المحققه والتي تشوه ارباح اي شركه وهذه الأرباح غير المحققة ناتجة عن الإحتفاظ بكمية كبيرة من الأسهم وحتى تتحقق الارباح ينبغي البيع...
على العموم، ستتضح أمور هذه المجموعة أول أسبوعين من شهر 10 أي بعد الإقفالات...
والله تعالى أعلم...

 

[Master-Leo]

نصيحتي ياخوي انك لاتاخذ أي سهم بالحد الأعلى هذي أفضل نصيحه وتشمل كل الأسهم مو بس جراند

لاتحاول تلحق سهم صاعد بقوة ترى يتعزز عليك السهم ويخض بطنك عدل اذا نزل من الحد الأعلى

السلام عليكم
الإقفال مطمئن نوعا ما ان شاءالله والدعم حاليا 400-395

هلا اخوي كويتي تبي كلام التحليل ولا كلام التوصيات ؟

عندك خيارين :

1- كلام التحليل : دعم 400-395 و مقاومه 425 فالأفضل البيع 425

والاسترداد بالنازل أو الانتظار لحد كسر المقاومه والاتجاه للهدف الثاني 440

ووقف الخساره عند كسر 390 .

2- كلام التوصيات : السهم وصلت توصية عليه ان ممكن يوصل 450

للأمانه ما كان ودي انقلها لكم لأني ماني مستعد أتحمل وزر خسارة أي أحد

بسبب توصية على جروب البدر بالذات لكن نقلتها الحين لأنك سألت فجاوبتك باللي أعرفه والله يوفقكم بهالسهم .

وينك يا ليووو انصحنه

السلام عليكم اخوي كويتي اكثر من اللي قلته في مشاركاتي السابقة

بالموضوع مافي بعد نصائح أكثر من جذي والله ان اكثر موضوع كتبت فيه

كان لشركة جراند مع ان ماعندي فيها ولا سهم بس النصيحة واجبه لما

اشوف شي احس اني أقدر أفيد فيه بقية الإخوان أقوم وأكتبه لكن شنقول

والله اني قايل حق أحد الأعضاء جروب البدر والبحر وجهان لعملة واحده

الخارج من أسهمهم مولود والداخل مفقود و لاحول ولا قوة الا بالله العلي

العظيم والله يعوض على كل خسران ونصيحتي الأخيرة الالتزام بوقف

الخساره في حال كسر دعم 375 والله يقدرنا ونعطي توصيات تعوضون فيها

خسائركم في هالجروبين .

 

[دوم خسران]

احذروا هذا السهم عند سعر 420فلس احتمال يرتد

لأنها لعب محافظ مو تحرك البدر

واعتبروا هذه اشاعة

وهذه ليست دعوة للبيع والشراء​

للتذكير​

 

[alibahrain2]

مساء الخير ياشباب وتقبل الله طاعتكم اخواني المحلليل اتمنى من احد الاخوه يفسرلنا ماحصل لجراند اليوم وشمعنا جراند نازله حد ادنى وباقي القروب ثابت نبي تحليل ودمتم برعاية الله

 

[سعود222]

مساء الخير ياشباب وتقبل الله طاعتكم اخواني المحلليل اتمنى من احد الاخوه يفسرلنا ماحصل لجراند اليوم وشمعنا جراند نازله حد ادنى وباقي القروب ثابت نبي تحليل ودمتم برعاية الله

نعم سؤالك 100% هل فيه سبب معين
اتمنى من الاخوان الرد على هذا السؤال
وعدم الرد بالتوقعات بل اذا كانت هناك اخبار ثقه
والله يعطيكم العافيه

 

[راعي فزعة]

مساء الخير ياشباب وتقبل الله طاعتكم اخواني المحلليل اتمنى من احد الاخوه يفسرلنا ماحصل لجراند اليوم وشمعنا جراند نازله حد ادنى وباقي القروب ثابت نبي تحليل ودمتم برعاية الله

نفس السؤال كان ليش جراند صعدت وباقي القروب ثابت ؟؟

الظاهر من كمية التداول ان فيه اتفاق على بيع كمية او تبديل بالملكيات من اسهم جراند بسعر فوق 400 فلس وتمت الصفقة وانتهت .. لكن ان شاء الله يرجعها باجر ويثبتها فوق ال 400

 

[سعود222]

الله يعطيك العافيه

 

[STOCK_O]

نعم سؤالك 100% هل فيه سبب معين
اتمنى من الاخوان الرد على هذا السؤال
وعدم الرد بالتوقعات بل اذا كانت هناك اخبار ثقه
والله يعطيكم العافيه

اسأل المحلل الفني عن توقعات للسهم الاهداف الدعم والمقاومة اشارات الدخول والخروج من السهم وقف الخسارة 0

وفنيا السهم كان له هدف 425

في حال تجاوز 395

وقد اصاب السهم الهدف

الآن راقب 375 ووو 360
دعوم امام السهم في حال استمر في النزول

 

[أبو عمر]

باقى القروب ما كان ثابت !
بتروجلف صعدت وياها وما زالت صاعده ؟
شنو تفسيرها ؟

 

[V.Smart]

سلام عليكم

برأيي فيه اختيارين لا ثالث لهما في راس صانع السوق لجراند والله أعلم

الاول انه البدر ناوي يعيد الفلم الهندي من جديد وهو انه ناوي يحرك السهم في مساحه ضيقة جدا الفتره القادمه يعني تقريبا بين 370 -395 وبس وهذا ممكن يحدث لو ما طلع فوق 395 مع بداية شهر 10,وهذي نظره ممكن تكون متشائمة لكن الهدف هو تطفيش اكبر قدر من المضاربين خلال الاشهر الجاية(
الاحتمال الثاني وهو ايضا متوقع بنسبة 50% ولكنه احتمال متفائل:d وهو
انه يبدأ شهر 10 فوق 395 وبالنسبة لي هذا معناه ان الهدف 450

عموما كلها يومين ونشوف اللي بالجدر

 

[سعود222]

للرفع

 

[AL.MOUSAWI]

الله يكون بعونكم ، ان شاء الله يرتد السهم وتعوضون خسائركم ، وتمسكوا بالصبر ، وأسأل الله سبحانه وتعالى أن لا يطيل صبركم .


أخوكم : الموسوي ( مساهم سابقا في جراند )