شركة جيزان العقارية ش م ك مقفلة ( جيزان ) ... 3

[ذو الفقار]

ربحان 63 فلس

ليش ما يصعد عيل

لازم يوصل دينار على هل الربح

بالظااااااااااااااابط....

جنه وصلتلك التوصيه...!!​

 

[كويتي2006]

اي توصيه
ما وصلني شي

شكلي بطلع من السهم

لو بايعينه ب 485 فلس احسن

واقف مكانك سر او للخلف در

اليوم نازل خبر قوي يفترض يعلق بس 5 فلوس صاعد

هناك أمر ما وراء الأكمه

عدل الأكمه ولا مو جذي المقولة

 

[ابو العداله]

اشتر على الاشاعه وبيع على الخبر

(مانبى زعل هذه وجهة نظر)

 

[UNIX]

ربحان 63 فلس

ليش ما يصعد عيل

لازم يوصل دينار على هل الربح

مو شرط ياخوي السهم يرتفع على ربحيته، في أسهم أرباحها وايد بس أسعارها أرض لعدة أسباب. منها:

1- عدم وجود صانع سوق للسهم.
2- احتياج الأرباح لعمليات التوسع و التطوير.
3- الضغط على ملاك السهم الاّخرين.


يعني ماكو شي بعلم التمويل و الاستثمار يقولك السهم ربحيته وايد فلازم يصير دينار

السهم تقريباً اخلصت المضاربة عليه،،، و الحين يه وقت المتداولين اهم يرفعونه على حسب أداءه. "وجهة نظر تحليلية"


و بارك الله فيكم

 

[ali hussain]

انا اقول يا جماعة ان الله مع الصابرين عطوا السهم اشوية حاصل وانشاء الله بتشوفون الخير

 

[UNIX]

أخوي علي حسين،

اكيد ان شاء الله ، بس الناس مو راضيه تقدر انه السهم تدوبل 4 مرات بفتره حيل قصيرة و لازم يريح!!

حسبالهم البورصة قمار حط فلوسك اسبوعين و يتدوبلون 1000 مرة

ان الله مع الصابرين

 

[Ferrari2008]

جيزان كان في مرحلة تصحيح قربت نهايتها ومع كل هالاخبار الطيبه . اندماج مع شركة قويه وسيولتها اقوى وتملك في اغلب شركات البحر لما كانت نازله وشوف ربحهم الحين بعد صعود اغلب الاسهم . بالاضافه لبيعتهم 20 % من مكتبهم للوساطه وربحهم فيها 38 فلس . فا ان شاء الله بالايام الجايه نشوف انطلاقتها من جديد اذا الله اراد والله يوفقنا معاكم

 

[UNIX]

شوف الشارت مالها أخوي فيراري حده حلو

 

[UNIX]

لازم يكسر الترند النازل على سعر ال 465 علشان يكتمل شكل ال W

 

[Ferrari2008]

الله يعطيك العافيه اخوي Unix ومبارك عليك الشهر انت وجميع الاخوان وان شاء الله الخير جدام

 

[UNIX]

علينا و عليك و على كل المسلمين،، ان شاء الله الخير جدام هذا شي مفروغ منه بإذن الله أولا و اّخرا لأن السهم تداوله طبيعي و محقق أرباح جيدة + بوطلال منتهج نهج جديد و هو اعطاء الثقة للناس بشركاته.

 

[ناصر دشتي]

:dسبب عدم تحرك جيزان هو خروجي من السهم ،،،، بس راجعله وحياتكم على قولت يدي الله يرحمه ((البحر مقاسات - والبحر اللي مو بحرك لا تغوص فيه ))

 

[سايق الخير74]

:dسبب عدم تحرك جيزان هو خروجي من السهم ،،،، بس راجعله وحياتكم على قولت يدي الله يرحمه ((البحر مقاسات - والبحر اللي مو بحرك لا تغوص فيه ))

مبارك عليكم الشهر وأسأل الله عز وجل يتقبل صيامنا وقيامنا وجميع طاعاتنا وأتشرف بالمشاركه الاولى بهالموضوع...اخ ناصر تحية اجلال واحترام لك...رجعتك للسهم راح تطول وقد تكون هجره وليس خروج والله يفتح لك أبواب رزقه والجميع.

 

[أبو فلسين]

الحين خلاص تم الدمج ولا بعد

 

[كويتي2006]

ليش موقع ميدل ايست مافي جيزان

ليش شالوا سهم جيزان

 

[حفار قبور]

أعلنت شركة جيزان القابضة إنجاز عملية بيع حصتها في شركة الخليج للوساطة المالية والبالغة 20 في المئة، إلى شركة كويت انفست القابضة وذلك بسعر 800 فلس للسهم، وبقيمة إجمالية بلغت 10.2 مليون دينار. وقد نتج عن هذه العملية ارباح قدرها 8.720.470 دينارا وبذلك تكون ربحية السهم 38.6 فلس للسهم الواحد.‏
بدورها، أفادت شركة كويت انفست القابضة أن مساهمتها في رأسمال شركة الخليج للوساطة المالية ارتفعت بعد إتمام الصفقة إلى 70.66 في المئة.

جريدة الراي 13/09/2007

 

[فهد الفهود]

الحين خلاص تم الدمج ولا بعد

لا بعد .... توه الناس

يبيلها وقت

 

[الانوار الخمسه]

هل ( جيزان ) تملك حصه فى سهم ( الانضمه )

 

[بوشعيب]

هل ( جيزان ) تملك حصه فى سهم ( الانضمه )

ملكية جيزان في الانظمه الآليه...

-- / مباشــرة شركة جـيـزان الـعـقـاريــة / 8.81 %‏

 

[كويتي2006]

ليش ناااااااااااااااااااااااااااااازل