رؤية لبعض الأسهم المرشحه للصعود .. 3

[Q8 Stock]

هاهاهاهاهااهاهاهااااااااااي

بوطلال ليو
مره فصل يقولون له سهم عقار
يقول قطاع العقار فيه 30 شركه
اي شركه تقصد
مادري ليش قفل هذاك اليوم

 

[FLOOD]

بيكحلها عماها

هههههههه لا دارى بس حق الشماته

هاهاهاهاهااهاهاهااااااااااي

بوطلال ليو
مره فصل يقولون له سهم عقار
يقول قطاع العقار فيه 30 شركه
اي شركه تقصد
مادري ليش قفل هذاك اليوم

انا اعرفه عدل مايقول جذى الا اذا طول وقت التداول ما قدر يطلع بتكه حق البانزين و الماجله ينعفس موليه مايرمق

الا اى عقار يقول ههههههههههههه


قايلك ليو لا تباعد عن المنتدى وايد

 

[almwhoob]

تسلم ياخوي ماستر ,جان زين تهد الاسد عليه نبيه يحرك الدانه شوي , واي خليجي قصدي بيت الدمار الخليجي الي موراضي يتحرك , واذا ما عليك امر ابي تعمير ك شرايك فيها وتحليلك لها اذا ماعليك امر , ومشكور

 

[Master-Leo]

Q8Stock + Flood + قاروه

يعني أنا من أنشغل ساعتين عن المنتدى أرجع ألقاكم حاشين فيني

أنا قاعد اتعشى قبل شوي وأسمع اذني اليسار تصفر الويل لكم

وبعدين ماكانت شركة عقار اللي ضيعت فيها كانت الشركه العقاريه ضيعت
بينها وبين العربيه العقاريه والسبب بورصتكم مو قلة أسامي وحده اسمها عقاريه والثانيه ع عقاريه بالله هذي أسامي !

بس تالي عرفتها لما قالولي انها بين عقار ومزايا

عرفتوا منو اللي شايب فينا الحين اللي ينسى بسرعه (Q8Stock)

اقترح عليك الاتصال في برنامج سيرة الحب على قناة الراي الحين يعرضونه لايطوفك ممكن تسأل الدكتورة عن علاج للنسيان

 

[Master-Leo]

تسلم ياخوي ماستر ,جان زين تهد الاسد عليه نبيه يحرك الدانه شوي , واي خليجي قصدي بيت الدمار الخليجي الي موراضي يتحرك , واذا ما عليك امر ابي تعمير ك شرايك فيها وتحليلك لها اذا ماعليك امر , ومشكور

ايي الدانه وبيت الدمار يبيلهم أسد يعفسهم ! حسو في مساهمينكم حسحسوهم ناسينهم ناسينهم !!

تعمير ك مؤشراتها ايجابيه بس الحذر واجب لأنها مقتربه من مناطق جني
أرباح وحاليا الدعم بسيط على 136 وعندنا دعم على 128

ومقاومه 142 اذا كسرها الأهداف المتوقعه 146 و 150 و 160 وبالتوفيق

 

[FLOOD]

Q8Stock + Flood + قاروه

يعني أنا من أنشغل ساعتين عن المنتدى أرجع ألقاكم حاشين فيني

أنا قاعد اتعشى قبل شوي وأسمع اذني اليسار تصفر الويل لكم

هههههههههههههههههههه الله يقطع بليسك ليو

 

[almwhoob]

اخوي ماستر ما تقصر بس حبيت اسأل المقاومه شلون يكسرها يعني لازم يسكر التداول فوقها ولا بس يوصلها ؟ , يعني باجر اذا تدولو فوق 142 هل تم كسر المقاومه؟

 

[Master-Leo]

- عقار لازالت للمتابعه ......

في حال حافظ السهم على الدعم الجديد 144 وكسر 152 ان شاءالله هدف أول 172-174
وهدف بعيد المدى 200-210

- الأهليه وصلت للهدف المتوقع 310-315 http://www.indexsignal.com/vb/showthread.php?t=73674&page=56

وارتدت للأسفل هذي حالتنا ويا هالأهليه كل مره لكن في كل مره تنزل تأسس على أسعار أعلى
من السابق فأتمنى هالمره التأسيس يكون فوق 280 حتى يعطي دافع للمستثمرين

- صكوكو للمتابعه .... في حال كسر 232 فالهدف 236 و 240

 

[Master-Leo]

اخوي ماستر ما تقصر بس حبيت اسأل المقاومه شلون يكسرها يعني لازم يسكر التداول فوقها ولا بس يوصلها ؟ , يعني باجر اذا تدولو فوق 142 هل تم كسر المقاومه؟

اذا كان التداول بكميات عالية على 142 واذا أقفل بنهاية التداول فوقها فإن شاءالله نتأكد إن كسرها وللتأكد باليوم الثاني يفترض ماينزل أسفلها طبعا

 

[calpe]

يعطيك العافية اخ ماستر ليو


بخصوص الصفوه؟ والقرين؟


تنصح ادش عليهم بالاسعار الحالية ولا انطر جني ارباح وادش تالي


وشكرا

 

[BMW2007]

يسعد مسااك ياليو ويسعد مسا الموجودين
كان النيه بدزلك حماام محشي بس جااني خبر انك متعشي(راحت عليك ياصااحبي)

شرايك بعقاراات نمسكها والا نرميهااا شاريها علا ال40
وتقبل تحيات اخوك الصغير

 

[Master-Leo]

يعطيك العافية اخ ماستر ليو


بخصوص الصفوه؟ والقرين؟


تنصح ادش عليهم بالاسعار الجالية ولا انطر جني ارباح وادش تالي


وشكرا

اذا انت مستثمر فإشتر وانتظر متى ماصعدوا بيعهم بالربح اللي تقتنع فيه

لأن الشركتين يستحقون الاستثمار فيهم أما اذا شغلك مضاربه فحاول تصيد

الصفوه مابين 128-132 والقرين مابين 440-450 والبيع قبل 140 للصفوه

وقبل 475 للقرين والله الموفق

 

[Master-Leo]

يسعد مسااك ياليو ويسعد مسا الموجودين
كان النيه بدزلك حماام محشي بس جااني خبر انك متعشي(راحت عليك ياصااحبي)

شرايك بعقاراات نمسكها والا نرميهااا شاريها علا ال40
وتقبل تحيات اخوك الصغير

انت راد من مصر صح ؟ فبقولك أمــــســك ....... أعصابك وإوعى تتهور

السهم فيه خير ان شاءالله حتى إسأل مشرفنا قاروه ( وهقته )

اذا تحب تجني أرباحك فممكن مابين 250- 255 ان شاءالله بالتوفيق

 

[BMW2007]

الله يرزقك من حوريات الجنه انت ومن يقرا يارب

 

[الأريش]

ليو المعدات لو سمحت

 

[وحش السوق]

ياهلا بالحبيب وحمدلله على السلامه حمام مشوي محشي كله حلو
المهم مافيه انلفونزا الطيور هههههه



ياهلا فيك

الأهلية : كسر مقاومة 290 وحل نشوف تداول اليوم للتأكد وحاليا مقاومة 305-310 اذا كسرها فالهدف 340-345 وحاليا المؤشرات ايجابيه

غلف : مؤشراته ايجابيه أيضا وتابع طبعا للأهلية والدعم 214 والمقاومات هي الاهداف 232 - 236 - 244

وتقدر تدخل صفحه الأهليه الاخوان اللي فيها عندهم خبره بهالسهمين الأخ mtaher والبقية مايقصرون موفق

السلام
حبيب Master Leo .....ولو.... العين ما تعلا عن الحاجب
انا واحد من الناس الذين يحرصون على الدخول على مشاركاتك وقراءتها
اللة يوفقك ويوفق الجميع

 

[Master-Leo]

الله يرزقك من حوريات الجنه انت ومن يقرا يارب

اللهم آمين ومشكور على الدعوه

ليو المعدات لو سمحت

تداول ايجابي اليوم وأقفل فوق المقاومه بصفقه ولاحظ السهم رغم اعلانه

لخساره الا انه صعد فمعناتها التوصيه عليه ان شاءالله راح تمشي بطريقها

في حال مانزل عن 330 فالهدف المقاومه القادمه 350 والمؤشرات ايجابيه

بالتوفيق

 

[Master-Leo]

السلام
حبيب Master Leo .....ولو.... العين ما تعلا عن الحاجب
انا واحد من الناس الذين يحرصون على الدخول على مشاركاتك وقراءتها
اللة يوفقك ويوفق الجميع

تسلم اخوي الله يعز شانك وموفقين ملاك الأهلية وغلف وان شاءالله دوم
تفرح ملاكهم بالأخبار الجيده لهالشركتين

 

[vartona]

ليو العزيز شلون اتشوف الديرة عقب تداول اليوم يسوى الدخول عليها وشنو الدعم و المقاومة و يعطيك الف عافية

 

[Master-Leo]

ليو العزيز شلون اتشوف الديرة عقب تداول اليوم يسوى الدخول عليها وشنو الدعم و المقاومة و يعطيك الف عافية

دعم 740 و 700 ومقاومه 830 في حال تجاوزها بتداول عالي ممكن يصل
الى 860-870 والتداول اليوم عالي بصورة غير طبيعيه

للمره الأولى من مده طويله ماشفنا تداول عالي على سهم الديرة وحاليا المؤشرات ايجابيه وبالتوفيق ان شاءالله