شركة المال للإستثمار ش.م.ك.مقفلة (المال) ..2

[الفوزش]

القناعه كنز لايفنى .
يعني اللي مقتنع بربحه يبيع . بس بحزه البيع اللي صارت كانت اوامر الشراء اللي تدخل بالحد الأعلى من 250 ألف و 500 ألف . معنى هذا ان الشراي اقشر وكان يقدر يهد السهم ويلمه من تحت بس الظاهر افباله سعر عالي بيمشي عليه كميته. وهذا رايي .

 

[خالد العتيبي]

كما سمعنا وأُثير سابقا : العملية اللي صايرة هي عملية استحواذ على نسبة مؤثرة في الشركة والسبب هو وجود عقود على وشك الأعلان.. ستؤثر على سعر السهم مستقبلا وعلى مستقبل الشركة عموما ... يعني الموضوع ليس مجرد مضاربة ...

 

[DAISKY]

485 4,790,000 10:10

485 61 24,250,000


الحمدلله رب العالمين و ماشاء الله

 

[الوزني]

حسب ما وصلني من شخص ثقه انشالله ان باجر الاستثمارات الوطنيه راح تفتح الحنفيه علي السهم (حسب تعريفه) لذا اقتضي التنويه والله المستعان

السلام

وين المصدر الثقة ياخوي

 

[الوزني]

قصده باجر اذا لحقت اتبيع

والله الكلام يضحك احس شئ كل واحد يحتفظ حق بمعلومات السهم صاعد صاعد بأذن الله الى 700 او 650 انشاء الله ..

 

[ChuCky]

الحذر من تداول باجر
اقترح بيع جزء من السهم اذا مو كله
عندي احساس باجر جنى ارباح قوي جدا

ارد واقول احساس وبيع جزء من السهم افضل (اذا مو كله)

 

[خسران جداً]

انا اقول اللي صابر مثلي خل يصبر لما يربح ربح زين .........اللي وصله 485 راح يدبله

 

[ChuCky]

انا اقول اللي صابر مثلي خل يصبر لما يربح ربح زين .........اللي وصله 485 راح يدبله

واذا نزل راح ينزل عدل لانه صعود بدون تأسيس
وفي ثغرات وايد بالشارت
اللي ربحان ربح زين خل يبيع كميته او نصف كميته ويترقب للسهم
اذا شافه نزل يبيع الباجي واذا صعد ينطر شوي

 

[DAISKY]

حسب ما وصلني من شخص ثقه انشالله ان باجر الاستثمارات الوطنيه راح تفتح الحنفيه علي السهم (حسب تعريفه) لذا اقتضي التنويه والله المستعان

مشكور و على التنويه البطيخي

 

[DAISKY]

والله الكلام يضحك احس شئ كل واحد يحتفظ حق بمعلومات السهم صاعد صاعد بأذن الله الى 700 او 650 انشاء الله ..

و الله ياخوي الوزني انا ماكنت اقول معلومه انا شرحت كلام الأخ بورصه نت
بس . و انا اتمنى السهم يوصل دينار انشالله مو 700 بس و الله يوفق ملاكه .

 

[منان]

يااخوان سمعت من شخص مقرب من الصقر ان الموضوع بيع ملكية المال فى دار الاستثمار والله اعلم

 

[الوزني]

المال تسعى لتسويق الدفعة الثانية من النسبة المخصصة لها من بنك الخليج التجاري القطري البالغ رأسمال 8.1 مليار او 1.8$ .

 

[دليل البورصة]

المال' تسوق 12% من رأس مال الخليج التجاري


27/09/2006 كتب حسن ملاك:
علمت 'القبس' ان شركة المال للاستثمار بصدد تسويق الدفعة الثانية من النسبة المخصصة لها في رأس مال بنك الخليج التجاري الذي يتخذ من قطر مقرا له والبالغة 12% من اصل 8.1 مليار دولار على ان يتم طرح الدفعة الثانية للاكتتاب الخاص خلال اسبوعين من الآن.
ويذكر ان النسبة المخصصة للكويتيين للاكتتاب برأسمال البنك السالف الذكر تصل الى 20%.
ويذكر ايضا ان سهم شركة المال شهد اقبالا وارتفاعا في سوق الكويت للأوراق المالية على مدى اكثر من اسبوع نتيجة لدخول مجموعة استثمارية على السهم بقصد التملك لمصلحة عملاء لها وبدافع من اداء الشركة ومشاريعها المستقبلية.

 

[الفوزش]

اشرايكم....
اليوم بينطلب بالأعلى نفس اليومين اللي فاتو ولا لأ ؟؟

 

[MOHAMMED11]

اشرايكم....
اليوم بينطلب بالأعلى نفس اليومين اللي فاتو ولا لأ ؟؟

الود ودّي مايوقف

لكن اعتقد انّه راح يلامس الحد الاعلى
وبعدها الله واعلم
لكن يسكر حد اعلى استبعدها
وعنده الملاّك الخبر اليقين

 

[nabeels8]

مساء الخير
مبروكين وعسى الله يوفقكم يارب

فقط معلومه وصلت لي والله العالم يقولك أن السهم إنشاء الله معلق ولكن يوم الأحد راح يصير

بيع لأن السعر المستهدف 640 فلس والله العالم

والله يشهد ترى ما املك بالسهم فقط حبيت ابلغكم مثل ما وصل لي

والله يوفقكم ويوفقنا يارب

 

[NBK]

مشكووووووووووووور
اخوي نبيييييييييييييل​

 

[ahmed6]

والله شكله بيضل يعلق على هالطلبات المليونيه كل مانبي ندش عالسهم تخرعونا وتقولون جني ارباح قوي ليما راحت علينا فرصه ذهبيه ما راح تتكرر شكله بيصير نفس بتروجلف من 250 سيدا ليه 800فلس

 

[جبتر وي]

مرحبا

ممكن اعرف الهدف جم تنصحون بالدخول ولا طاف القطار
على 570

 

[ابن الوليد78]

اللهم ابعدنا عن المال الحرام