وصل السعر 700 دينار

[العتيبي]

alsalm هههههههه بس فيه بـــ 20 دينار وينه يامعود اي مكتب يشتري اخاف لي جنب القلاف هذه المره .

 

[alsalm]

هلا بالعتيبي

لا والله مو جنب القلاف الكذب على الله خيبة فوق مكتب القلاف على طول




لاوالله قريت الخبر بجريدة الوطن عدد امس يقولون ان البطايق على عشرين خمس وعشرين

ان شاء الله تكون غلطة مطبعية وناسين يحطون الصفر يم الخمس وعشرين

 

[M3and]

المكتب اللي فوق مكتب القلاف كم تيلفونه؟؟

 

[alsalm]

هلا اخوي m3and

وين ما نطقه عويه وطلعو نص دواوين الكويت كذابين روح هالمكتب وتعال هالمكتب وكله خرطي بخرطي وآخرتها طلع لنا هالصحفي بجريدة الوطن يعني يكون صاج بكلامه يقول 25 الظاهر اخوي m3and بنكتتب 0 اكيد اخوي m3and بتسألني شلون يبت هالقرار الفلتة لان ما يبيله بنك اسلامي (وبالقبة وبالبحر ) لا وسعر سهم التأسيس 100 فلس ياسلام (سلم)وتابع بنك المركزي عكس بيت التمويل يعني اكيديلعب بالساحة قصدي السوق وتضرب ارباحه بدعم من البنك المركزي واعتقد انه هذا البنك كون انه هو الأول من نوعه في الكويت اعتقد راح يكون له نصيب الاسد من التعاقدات الشركات الكويتية لامداد الجيش الامريكي المتواجد الآن في (ام قصر العراقية) اللي بدوره راح يمد الشركات العراقية



على هذا الاساس آنا اللي راح اشتري بطايقكم

 

[شاريه]

أقول ياسالم والين الكويتي و M3and شنو رأيك في واحد إذا قام من النوم وراح وصلي الفجر ورجع للبيت وحط رأسه ونام وبعد ساعه راح يفتح صندوق الجريدة ومستعجل على أسرار البورصة اعتقد عرفت شنو هي الجريدة الذي فيه أسرار البورصة هي ( الرأي العام ) وبعدها قمت تفتش بالجريدة تدور يمين ويسار لين وصلت الى صفحه 37 وبعده صدمك اعلان شنو تعتقد هذا الإعلان حزر فزر ياسالم وبقية الاخوان وبصفحة 37 يوم السبت تاريخ 20/9/2003م وبعدها رحت بالسياره تركض بدشداشه النوم وناسي مو مصدق تبي تصير اول واحد تعرف حنا بالكويت من سبق لبق معروف هذا المثل عندنا ورحت تفر وتدور العنوان نسيت العيال موديهم للمدارس ونسيت الريوق ونسيت تبدل ملابسك زين لبس نعول بعد ولا رايح حافي وتدور الاعلان وتسأل معاك الجريده وتشوف كويتي يسئل عن مكتب يشتري و تقول لا صكروه من صجك وانت تدور تبيه مايسبقك المهم طلع كل شي مثل مقال العتيبي كله مسخره بمسخره

 

[alsalm]

هلا اخوي شاريه

كلامك عدل بعدل لكن شنو قالو لك اصحاب المكتب


مع اني اصبحت عندي قناعة تامة بأني اكتتب في هذا البنك افضل SIZE] لي الا اني اود ان اعرف رأيك اخوي شاريه ورأي الاخوان بحسبة محسوبة بالآلة الحاسبة لعلى وعسى ان نخرج بقناعة تامة ايهما الافضل الاكتتاب او بيع البطايق لتعم الفائدة الحقيقية لرواد المنتدى

 

[bene stock]

قريبا جدا

سوف يصل سعر البطاقه 400 دينار

باقي من الوقت القليل

 

[فريد]

في احتمال كبير إن رأس المال المطروح للاكتتاب سوف يتجاوز 100 مليون دينار إذا صدق هذا الكلام فسوف تصل أسعار البطاقات إلى مستوى قياسي لكن الاكتتاب افضل

 

[M3and]

السالم أكييييييييد تبي تكتتب إنت؟؟

شاريه وربي مصخت السالفه حرام يسوون فينا جذي والله حرااااااااااام

فريد مو قانون انشاء المصارف الاسلاميه ينص على إن لا يتجاوز رأس مال البنك 75 مليون؟؟

bene stock
تكفى واللي يرحم والديك لاتقول جذي ترى احنا على طريف والناس ماقصروا فينا

 

[العتيبي]

شاريه هههههههه والله ضحكتني تدري شنو هذا الاعلان دعايه للمطعم بس بصراحه دعايه على مستوي والشباب متجمعين في المطعم ينطرون المكتب يفتح ...\\

 

[ابوراشد]

شباب هل صحيح ان البطاقات يمكن يوصل سعرها 300 دينار للبطاقه انا البارح فى سوق الجت ولا لهم نية لشرى البطاقات انتو شرايكم

 

[saeed]

السلام عليكم

اعتقد والله اعلم

ماكو سوق للبطاقات الاكتتابات اللى طافت كانت على شركات قائمه
وسعرها واضح ونسبه الفرق وناس تبى تستولي على حصص مؤثره
وصار سوق بطاقات بس هذا مختلف من ناحيه النظره العامه يعنى
اللى فاهم بالاستثمار يدري بالمستقبل الواعد وراح يكتتب مع المؤسسين وينطر بعدها يتاسس البنك من الاكتتاب ويقدم ميزانيه سنتين وطلب ادراج للسوق وبعدها يصير السهم جم سعره وتكون الارباح وطبعا مثل ماقلنا انه تاساسيس مو بيع حصه فقط فراح يكون السقف مفتوح بكميه الاكتتاب يعنى مشوار شويه الناس تبى تكتتب
وتدمج وتبيع وعيونها على السعر بالسوق
بس هذا نظره استثماريه على المدى الطويل

يعنى ماكو سوق للبطاقه


والله الموفق