شركة القرين لصناعة الكيماويات البترولية (القرين) ...2

[فيتو كوراليون]

مبروكين عيل

من السبت بتلاحظون حد اعلى لدخول تجار وشركات للأستحواذ والاستثمار على المدى الطويل

المهم خنتفتك من الناس الي تخاف ونبي ناس قلوبها قوية وتصبر

استغرب من الناس تصبر سنتين ونص ما تصبر بعد اسبوعين ثلاث ؟

 

[بوزييز]

انا سمعت انهم بوصلونها 200 فلس والله اعلم​

 

[دبدوب]

وين الناس اللي تفهم و اتقول امس راح يعلق السهم و لما نزل قالوا لا اتبيعون لان اليوم راح يعلق السهم
و لما تكلمنا و قلنا ديروا بالكم من الشركة لان طريقة العرض مو طبيعية
طلعنا ما نفهم شي و ما نبي مصلحة الناس و قاعدين نأثر عليهم
هذا اليوم الثاني حد ادني
الله يعين و يرزق الجميع
سلام

يالحبيب تنصح يسبونك ويقولون انت ماتهم شنوا عرفك بالسوق ..

الحين روح دورهم وين المطبيلجية ...

كلامك سليم وعين العقل

 

[Sniper Stock]

السهم استثماري

تحت 400 انا راح اخمط حتى لو ينزل بعد شريتي..200 هم راح اشتري..

اتكلم كمستثمر..اما كمضارب معرروفه لأحد يدش ليما السهم يرسي على سعر..ويكون له دعم ومقاومه يعني عرض وبيع وينضاف بلستة التحليل..

ام التحليل والتهويل من ابو سعود وكأنه عالم بالغيب ويحذر العموم اعتقد انه مايطلع من واحد الا حده بيع بطاقات او بيع اسهم بسوق الجت..

يا ااخوان كلامنا واضح ووضوح الشمس..اللي يبي يشتثمر كاهو القرين ونزوله حد ادنى من صالح المستثمر..المضارب اللي يشتر بالحد الاعلى بعد صعوده بثلاث ايام..هذا اعتبره ومع كل احترامي الشديد له غشيم

والسهم راح اشوفه على الدينار خلال نهاية السنه او بداية السنه القادمه..

لسببين اول شئ لقرب انتخابات الجمعيه العموميه...

ثانيا لقرب بداية المشاريع اللي تنطوي تحت البترووصناعي المذكورة في مجال القرين.

عكس كلام بو سعود اللي سألناه اكثر من مره على اي اساس انت خوفت ولمنوو تحذيرك..

احنا عطيناك الادله كأستثمار والمشاريع اول بدايتها مشروع الجزائر ...وانت شنو عطيتنا غير تخويفك للأخوان. ؟؟؟؟

احسن مافيك انك متخصص بالردود فقط بصفحة القرين..!!!!

اتق الله بنفسك وهذا مو رأي او وجهة نظر..هذه اعتبرها تهويل وترجيف للأخوان اللي داشين على السهم كأستثمار.



وسامحوني على الاطاله.

وانا راح اكتفى بالردود اللي ماله داعي

 

[jamalll]

السهم ما عليه خوف للمستثمر طويل الامد حتى لو نزل حد ادنى

 

[أمير النحل]

انا سمعت انهم بوصلونها 200 فلس والله اعلم​

المتوقع تثبيت ومرحلة استقرار مؤقت للسهم على سعر بين 420 الى 430 وفق لاحد الخبراء الاقتصاديين

 

[maktob]

انا سمعت انهم بوصلونها 200 فلس والله اعلم​

على كم المراوح يالطيب لايكون اكثر من200 قابلهم الله يبرد عليك

 

[wzer]

خفس :d

 

[على حمد]

السهم يا جماعة قاعد يتعرض لضغط كبير من محافظ متملكة عدد كبير من الاسهم بواسطة سوق الجت والآن قاعدين يضغطون السهم لأقصى الحدود وبنفس الطريقة اللي مارسوها على بنك بوبيان السهم ذهبي ولناس موراضية تبيع بالسعر اللي هم يبونه والدليل انه وصل لغاية 485 ومحد كان راضي يبيع والكميات اللي كانت معروضة لم تتجاوز المليونين في تلك الفترة فالعملية واضحة جدا حتى للاعمى الناس ما رضت تبيع او حتى تعرض على 485 تروح تبيع على سعر 460 و435 المسألة واضحة وطريقة اللعبة مكشوفة لكن ليت الناس ما تخاف وتنجر مع اللعبة مثل الاسهم السابقة وانا واثق كل الثقة ان السهم رايح يوصل خلال فترة قادمة لل800 وال 900 فلس وما نستغرب حتى الدينار فهذه الشركة ايراداتها تشغيلية واعمالها ضخمة ومساهماتها في شركات لها وزنها والمستقبل رايح يثبت للجميع

وبالتوفيق

 

[بو سعود2003]

ياجماعة الظاهر انه البعض مايفرق بين الجد والغشمرة وبالنسبة لي يوم قلت نشتري على 485 فلس كنت قاعد اتغشمر وارفع من معنوياتي ومعنويات المساهمين وخصوصاً انه كانت المشاركة قبل البدء بتداول سهم القرين بعد اعلان خبر الفوز بالعقد


كما اود هنا بان اعتذر اذا سببت بهذه المشاركة ازعاج لأي شخص

لا عادي اخذ راحت انا خذيت بالحد الادنى والدلال ما قصر باعها لي بال 440 فلس الحمدالله يعني استفدت مشكور وما قصرت

 

[الهــاوى]

السهم يا جماعة قاعد يتعرض لضغط كبير من محافظ متملكة عدد كبير من الاسهم بواسطة سوق الجت والآن قاعدين يضغطون السهم لأقصى الحدود وبنفس الطريقة اللي مارسوها على بنك بوبيان السهم ذهبي ولناس موراضية تبيع بالسعر اللي هم يبونه والدليل انه وصل لغاية 485 ومحد كان راضي يبيع والكميات اللي كانت معروضة لم تتجاوز المليونين في تلك الفترة فالعملية واضحة جدا حتى للاعمى الناس ما رضت تبيع او حتى تعرض على 485 تروح تبيع على سعر 460 و435 المسألة واضحة وطريقة اللعبة مكشوفة لكن ليت الناس ما تخاف وتنجر مع اللعبة مثل الاسهم السابقة وانا واثق كل الثقة ان السهم رايح يوصل خلال فترة قادمة لل800 وال 900 فلس وما نستغرب حتى الدينار فهذه الشركة ايراداتها تشغيلية واعمالها ضخمة ومساهماتها في شركات لها وزنها والمستقبل رايح يثبت للجميع

وبالتوفيق

كلام جميل .. بارك الله فيك , لكن الارتفاع الى الدينار يبيله وقت !! .. واغلب ملاك السهم يتأثرون بتغير السوق ! .. الى يصبر بيرتفع والمثل بوبيان .

 

[كويتي صعب]

انا سمعت انهم بوصلونها 200 فلس والله اعلم​

(شنو إلي بيوصلونه ال200 المراوح او السهم )

 

[Sniper Stock]

اخوي علي مشكور على نصحك يابو حسين..المشكلة انك قاعد تنفخ بجربه مشقوقه..ويردون عليك انت مطبل..اقولهم تيس يقولون احلبه!!!!!

المشاريع تكلم فيها رئيس الجمعيه العموميه والاعضاء المحترمين انهم مقبلين على استثمارات فوق الــ3 مليار دولار خلال الفترة القادمه..يعني هذه اللقمة كفيلة تخلي المحافظ تدش وبكل قوة على السهم.

وبعدين لو تجمع اسهم الاعضاء اللي بالمنتدى كلهم مايوصل 1% من الكميه المصدره..بس احنا نقول للأخوان ونحاولنقنعهم وخاصة اللي مو محتاجه الفلوس حاليا ان السهم هذا استثماري على المدى المتوسط..اما اللي محتاج للفلوس بيع وانت ربحان من سهم شاريه 100 فلس..


ودمت اخوي على بكل ود

 

[بو سعود2003]

لا تخافون بو سعود راح يوافيكم بما هو جديد


معه تحيات اخوكم بو سعود الفارس المخضرم

 

[jamalll]

السهم يا جماعة قاعد يتعرض لضغط كبير من محافظ متملكة عدد كبير من الاسهم بواسطة سوق الجت والآن قاعدين يضغطون السهم لأقصى الحدود وبنفس الطريقة اللي مارسوها على بنك بوبيان السهم ذهبي ولناس موراضية تبيع بالسعر اللي هم يبونه والدليل انه وصل لغاية 485 ومحد كان راضي يبيع والكميات اللي كانت معروضة لم تتجاوز المليونين في تلك الفترة فالعملية واضحة جدا حتى للاعمى الناس ما رضت تبيع او حتى تعرض على 485 تروح تبيع على سعر 460 و435 المسألة واضحة وطريقة اللعبة مكشوفة لكن ليت الناس ما تخاف وتنجر مع اللعبة مثل الاسهم السابقة وانا واثق كل الثقة ان السهم رايح يوصل خلال فترة قادمة لل800 وال 900 فلس وما نستغرب حتى الدينار فهذه الشركة ايراداتها تشغيلية واعمالها ضخمة ومساهماتها في شركات لها وزنها والمستقبل رايح يثبت للجميع

وبالتوفيق

كلامك عين العقل وصحيح 100% بس هالشغلة معظم الناس ما تعرف، ياليت لو كل الناس تقرأ كلامك

 

[Nagooshy]

(شنو إلي بيوصلونه ال200 المراوح او السهم )

الله يعين الي شاريها بسوق الجت

 

[jamalll]

(شنو إلي بيوصلونه ال200 المراوح او السهم )

اعتقد اهو كان يقصد سعر المروحة راح يوصل 200 )

 

[maktob]

(شنو إلي بيوصلونه ال200 المراوح او السهم )

ههههههههههههه حلوه حسبي الله عضلات بطني يقول 200 ركب الموجه الاخ ماقلنا عقب 200 شيصير خخخخ والله مدري يمكن القرين مزرعه بالعبدلي ومافيها جليب

 

[waleedy 2000]

لا بتروح دينار

عاشوا المطبلجية .......

السؤال اللي يطرح نفسه​

ماهو الهدف من وجود المنتدى؟؟؟؟؟؟؟؟؟


1- المجاكر............أو...............تبادل الأراء...........؟؟؟


2-الشماته............أو...............الأستفاده...........؟؟؟


3- الأخوه..............أو..............العداوه...............؟؟؟


للأخوه المشرفين مايصير جذيه ناس شغلتها الضحك والشماته وماشفنا أي إستفاده من مشاركتهم الا ذبلت الجبدالرجاء نطلب أن يكون هناك موقف.

وخير دليل الأخ صاحب المشاركه المقتبسه ما شفنا مشاركاته الا بعد الحد الأدنى؟؟؟؟؟؟؟؟؟​

 

[بس999]

انا بعت لكن سأشتري من السبت

الشركة شغالة على سنقة عشرة
وقاعدة تبيع بالهبل منتوجات من مصنعها واللي موظف بشركة نفط الكويت قريب يمه المصنع يقدر يشوف مصنعها ويشوف الشغل معدات عندهم احسن من معدات شركة نفط الكويت وتستطيع التجول بالمصنع وتشوف العجب العجاب وكذاب اللي يقولك ارباحها الآن مو تشغيلية
المصنع مو طبيعي اللي يعرف عنه اكثر وصديقي يقول راح اصوره لك مشهد فيديو عشان تقتنع
وانا راح اوعدكم عند تصويره سأنقله لكم