شركة دانة الصفاة الغذائية ( دانه ) .....2 أسماك سابقا

[1st choice]

حبيت امسى واسجل حضور...مايطاوعنى قلبى تكون الصفحة
مخشوشة...خلكم متفائلين وانشوف اسبوعنا الجديد اشراح يصير!!!

 

[zooz]

سامع إشاعة ان الشركة احتمال يكون فيها زيادة رأسمال ... يليت إذا في أحد عنده معلومة يفيدنا فيها عن هالموضوع

وإحتمال تحرك السهم خلال الربع الثالث من بعد تجميع الأرباح من سهم الصفوة (المالك للدانة)

والله أعلم

 

[حفار قبور]

للتذكير

وفي معرض تعليقه على النتائج المالية وانشطة الشركة، قال عادل يوسف الصقعبي رئيس مجلس الادارة ان المؤشرات المالية التي تم تحقيقها تأتي في سياق النمو الثابت والمستمر الذي يشهده اداء الشركة في مختلف انشطتها، مؤكدا استمرار سياسة التوسع في انشطة الشركة بما يحقق ريادة الشركة ويساهم في تقديم خدمة افضل للمستهلك، موضحا ان الهدف الرئيسي هو تحويل الشركة لكيان ضخم ومجموعة غذائية متكاملة تعمل وفق احكام الشريعة الاسلامية.


جريدة القبس
http://www.alqabas.com.kw/Final/NewspaperWebsite/NewspaperPublic/ArticlePage.aspx?ArticleID=302258

وكل شي جايز بالنسبة لزيادة رأس المال

وماني عارف ، هل الزيادة زينة للسهم لو يخفس فيه ؟ الله لا يقول

 

[kobr]

اهم توهم زايدين راس المال 50% ما اعتقد مره ثانيه على القوانين الجديده.وشكرا

 

[zooz]

اهم توهم زايدين راس المال 50% ما اعتقد مره ثانيه على القوانين الجديده.وشكرا

أعتقد انهم بزيدونا على مراحل علشان لا ينقرصون نفس القرصة في شركة الحاسبات وما يتم توقيف التداول بالسهم

بس الزبدة ان متى الزيادة وتحق لمن من المساهمين وعلى أي سعر؟؟؟

 

[ولد البورصه]

ان شاءالله الاحد بايع كل ماعندى من اسهم فى الدانه

 

[1st choice]

ان شاءالله الاحد بايع كل ماعندى من اسهم فى الدانه

افا ليش اخوى ...سامع شى نورنا...
ترى السهم واقف على دعم قوى وارباح النص الاول طيبة والصبر زين
والراى لك...

 

[c200]

افا ليش اخوى ...سامع شى نورنا...
ترى السهم واقف على دعم قوى وارباح النص الاول طيبة والصبر زين
والراى لك...

الضاهر ولد البورصه لقاله تجارة مربحه تدري وشنهي
يبي يشتري 15 ناقه القحه وتخبر السوق طايح طيح الله حضه يبي ياخذهن برخيص وياخذ علااااهم علف مدعوم وياخذ جاخور ولاا جت حزت الولااد صاار عندة 15 خلفه يعني 30
ويشرب من لبنهن وياكل من اعوالهن ويبيع الي يبيع ابربح ويستانس بربيع وياخذ المدام والاطفال يستانسون عند البعاارين صوب الشماال عند خباري العوازم والصقيهيه ارض حلوة وجو من اروع مايمكن حتي بصيف الارض رطبه كنها ممطورة وريحت الرمث ترد الروح وترجع فيك 500 سنه وتتذكر الماضي والحيااة الصعبه الي عاشوها الناس المسااكين في الماضي
ابذمتك موا حسن من البورصه والاسهم

 

[صحفي]

الرجاء ربط الاحزمه الدانه بطير

 

[1st choice]

الرجاء ربط الاحزمه الدانه بطير

شنهى الاخبار اللى عندك...نورنا والا بس توقعات

 

[حفار قبور]

حسب جريدة الراي هذا اليوم الأحد 12 / 08 / 2007

تعمدت إحدى الجهات الإستثمارية الضغط على سهم دانة الصفاة الغذائية كي لا يتفاعل مع نتائج النصف الأول التي تضمنت أرباحا تصل إلى 53 فلسا بهدف شراء أكبر قدر ممكن عند الأسعار الحالية

(

 

[القناص98]

السلام عليكم
فعلا كلام اخوي حفار وكان شئ
واضح للي كان يراقب السهم

 

[zooz]

اي بس حتى الطلبات ما عليها كميات وايده

 

[bo musaed]

السعر الحالي سعر مناسب للشراء مره ثانيه
وانتوا احرار​

 

[zooz]

السعر الحالي سعر مناسب للشراء مره ثانيه
وانتوا احرار​

صح كلامك والسعر مناسب ، بس المشكلة بالتوقيت ما ودنا إنتعلق مده بالسهم. أنا رأيي ان الشراء ما يكون قبل 20/8

 

[kobr]

السهم بصراحه يغري يغري يغري عندي وودي ازيد الكميه نفكر لي نهاية الاسبوع.

 

[zooz]

مكينتها مخنسة هالدانة.... متى تدق سلف وتنطلق؟؟ معبينها بانزين لين ما طفحت

 

[حفار قبور]

هذول ربع الصفوة الظاهر بيسوون الدانة مثل شركة الصفوة ، بالأشهر على سعر نازل ليما الناس تزهق وتبيع بخسارة ، جان زين آنه بايع يوم إرتفع شوي قبل حوالي شهر ، والمشكلة مافي صندوق ينافس على السهم بقوة علشان يتحرك ، هالجهة اللي تكلمت عنها جريدة الراي متوحدة بالسهم ولاعبة فينا لعب ، والطيور طارت بأرزاقها ومالنا غير الصبر ليما نشوف آخرتها معاهم

 

[ولد البورصه]

والله الزبيدى غالى
والربيان محظور
والنقارير زينه
والبالول عليه طلب
بس الدانه محد يبيها الا اللى يحبها
يمكن ريحه الزفرة منحشه الناس عنها واللى يدشها مايطول على طول يطلع

 

[حفار قبور]