شركة القرين لصناعة الكيماويات البترولية (القرين)

[ابوعايض]

حنا الحين نخوض حرب بينا يا صغار المستثمرين وبين التجار
وموقع المعركه البورصه وانا قائد سرييه كبيره جدا من اخواني وربعي وجماعتي والي يعز علي وماسكهم من البيع وينطرون مني اشارة البيع
والهدف عندي بعيد جدا واتمنا كل واحد من اعضاء المنتدى يسوي نفسي

 

[Sniper Stock]

الشكر وكل الشكر للأخ سوالف بورصويه لشن حمله من البدايه على السعر المتدني لسعر نزول السهم والأراء والمشاركات التى طرحت وعت ونورت ناس كثيرين...............


قلت حق واحد من الربع يوم الثلاثاء تبيع أسهمك على حد أعلى باجر 435 وكان مقتنع 400 قبل نزول الشركه قالي لأ 600 ومتأكد لو أقوله الحين موافق بيقولي 700........


فكل الشكر للأخ سوالف مره ثانيه وجميع الأخوه المشاركين في توعية جميع الأخوان والى الأعلى إنشاءالله

الشكر لله يااطويل العمر..ثم للأخوان امثال ابو الفوز وغيره..هذيلا لولاهم ماصار صمود..للمحافظه على السهم..


ويا ااخوان السهم استثماري تعرف شنو استثماري والخبر الاكيد انهم بيزيدون راس المال..واللي سمعته من خبر فرررررش بيوزعون منح عشان عندهم مشاريع عالميه برى.

والسهم اذا نزل او صعد بكل الحالتين انتم ياملاكه من الربحانيين..واللي محتاج معذور.




ودمتم

 

[yousef al-otaib]

إلي مايبي الربا

إلي يهما مسألة الأسهم الربويه وأن مايتعامل معاها يكلم الدكتور نايف الحجاج دكتور بكلية الشريعه.. بخصوص القرين

 

[waleedy 2000]

الشكر موصوووووووووووول

الشكر لله يااطويل العمر..ثم للأخوان امثال ابو الفوز وغيره..هذيلا لولاهم ماصار صمود..للمحافظه على السهم..


ويا ااخوان السهم استثماري تعرف شنو استثماري والخبر الاكيد انهم بيزيدون راس المال..واللي سمعته من خبر فرررررش بيوزعون منح عشان عندهم مشاريع عالميه برى.

والسهم اذا نزل او صعد بكل الحالتين انتم ياملاكه من الربحانيين..واللي محتاج معذور.

ودمتم

الشكر موصول لجميع الأخوه الصامدين والأخ بوفواز- جمال - فيتو -كبر والجميع الجميع وماننسى مشرفنا صاحب الصدر الوسيع قاروه ومشكوريييييييييييين....

من لايشكر الناس لايشكر الله
​

 

[العوضى]

إلي يهما مسألة الأسهم الربويه وأن مايتعامل معاها يكلم الدكتور نايف الحجاج دكتور بكلية الشريعه.. بخصوص القرين

اخى العزيز , كلنا اخذنا القرين و وقتها كانت شرعيه , وحتى لو افترضنا الوضع تغيير , تقدر تبيع على السعر اللى تستفيد منه وتطلع , هذا بافتراض ان كلام الشيخ صحيح , يعنى ما فيه مشكله ان شاء الله , والله اعلم

 

[ندور العيشه]

ذبح اسلامي

إلي يهما مسألة الأسهم الربويه وأن مايتعامل معاها يكلم الدكتور نايف الحجاج دكتور بكلية الشريعه.. بخصوص القرين

أخ يوسف شرايك تدخل تداول التمويل وتشوفها بالليسته.
شرعيه وراح تذبح بعض الناس ذبح اسلامي.
اتقوا الله بأرزاق الناس

 

[روبية]

عاش المساهمون الابطال هذا يومكم الذي كنتم له منتظرون ..
الحقيقة كلام مشجع من الاخوان والكل على قلب واحد وانشالله الخير يعم الجميع .
هذي رزقة انتظرناها سنين وحرام تفويتها بسهولة واكبر دليل قدرة صغار الملاك على ردع هوامير البورصة وايصال رسالة واضحة :
نحن موجودون وهذه كلمتنا ولا للبيع بسعر زهيد اقل من 700 فلس وان غدا لناظره لقريب ..

 

[بوزييز]

ياجماعه ابي رايكم واحد عارض علي 20 الف سهم القرين على 500 فلس شرايكم آخذهم منه ​

 

[روبية]

ياجماعه ابي رايكم واحد عارض علي 20 الف سهم القرين على 500 فلس شرايكم آخذهم منه ​

خذهم دون تردد والسهم انشالله وراه خير طيب بس يبيله شوية صبر

 

[ksr911]

ياجماعه ابي رايكم واحد عارض علي 20 الف سهم القرين على 500 فلس شرايكم آخذهم منه ​

أنا شراي منك بسعر 505 فلس..... شتقول؟

 

[*بو عبدالله*]

شباب خلونا نعرف كل واحد شنو اهو السعر الي يعتقد انه مغري بالنسبة له ان يبيع الاسهم؟؟؟؟

 

[waleedy 2000]

ياجماعه ابي رايكم واحد عارض علي 20 الف سهم القرين على 500 فلس شرايكم آخذهم منه ​

طوفت 100الف 400 بطوف 20الف بعد اخذ إن شاءالله عقب باجر 520

 

[بوزييز]

خذهم دون تردد والسهم انشالله وراه خير طيب بس يبيله شوية صبر

أنا شراي منك بسعر 505 فلس..... شتقول؟

انتوا من صجكم والله وله اتغشمرون ​

 

[q8ii]

فوق الدينار

انا واحد راح اصبر حتى لو لي آخر السنه المهم اني استفيد من هالسهم والفرصة تجي مره بالعمر لا لبيع القرين اقل من دينار ونص

 

[Sniper Stock]

قاروه

 

[InUrEyEs]

ولكن لكي تستطيع هذه الشركه تسجيل الأسهم بإسمها يجب أن تكون البيعه عن طريق السوق الرسمي.....يعني لازم يعرضون الأسهم اللي عندهم بالسوق الرسمي ويشترونها.
ومنو اللي راح يسوي هالحركه ومعدلات الطلب ما زالت بالملايين.
اللي راح يسوي هالحركه فقط المستثمر اللي ما يهمه مجلس الاداره.
يعني مستثمر لم طوال السنتين اللي طافوا ووصل السعر اللي يبيه وراح يبيع.
بس لما يعرض الكميه شوف الطق من اللي يبون مجلس الاداره.
ببساطه صغار المستثمرين بكلا الحالتين رابحين.
وارقد آمن

فعلا كلام سليم المستفيد هو المستثمر التجار شكلهم كلوو هووى

موفقين

 

[yousef al-otaib]

إلي يددور التقوه

أخ يوسف شرايك تدخل تداول التمويل وتشوفها بالليسته.
شرعيه وراح تذبح بعض الناس ذبح اسلامي.
اتقوا الله بأرزاق الناس

حبيبى إذا ادور التقوه هذا إسم الدكتور عندك وبأي كليه يدرس تقدر تكلمه وتزيد تقوى
أما مسألت الذبح فمحنا قددك خليناها لك.

 

[سهم استثماري]

مساكم الله بالخير

شلونكم مع هالرحله

إن شاء الله مرتاحين الكابتن يسلم عليكم ويقول يوم الإثنين راح نتعرض لبعض المطبات ولكن اربطوا الأحزمه والكل يمتسك بكرسيه

سهم القرين راح يكون من أسهم الأساطير اللي راح نسولفها للجيل القادم

 

[فيتو كوراليون]

ما يهزك ريح يا كابتن طيارتنا ما يهزك ريح




لا للبيع اقل من 10 دنانيير

والي ما يشتري يالمحافظ ويالتجار يتفرج

وحرة على قلوبكم وقفتنا مع بعض



يا سهم استثماري قول للكابتن دوس يا كابتن للموت معاك

سلم عليه وقولة ضابط كتيبة الإعدام شغال لقتل المرتدين ولردعهم من صفوفنا
وقولة صامدين نحن لن ننسحب ننتصر او نموت

لا للبيع

 

[abo faleh]

للاخوان نبي خبر وافاده هل المقصود هو مشروع القرين او هو مشروع اخر هذا الخبر من جريده الشرق القطريه بتاريخ 9\7 \2007قبل اربع ايام الجزائر - رويترز :
قالت صحيفة المجاهد الجزائرية الحكومية امس ان شركة سوناطراك وقعت عقدا بقيمة 2.88 مليار دولار مع شركة كيه.بي.ار الامريكية لبناء مصنع للغاز الطبيعي المسال في ميناء سكيكدة الشرقي.
وقالت الصحيفة ان المصنع ستبلغ طاقته السنوية 5ر4 مليون طن من الغاز الطبيعي المسال اضافة الى 164700 طن من الايثان و207600 طن من البروبين و171400 طن من البوتان و108700 طن من البنزين و163 مليون متر مكعب من الغاز الغني بالهيليوم.
وقالت الصحيفة في تقرير عن مراسم توقيع العقد في الجزائر العاصمة يوم السبت انه من المقرر ان يبدأ المصنع العمل في نوفمبر 2011. وسيشيد المجمع الجديد في موقع شهد انفجارا في عام 2004 قتل فيه 23 شخصا وتسبب في تدمير عدة ابراج للغاز في مجمع سكيكدة للطاقة الذي يضم مصفاة للنفط وميناء. وسيشمل المجمع الجديد منشآت تخزين للغاز الطبيعي المسال بسعة 150 الف متر مكعب ولتخزين 66 الف متر مكعب من غاز البوتان و66 الف متر مكعب من البروبين. وتنتج سوناطراك نحو 62 مليار متر مكعب من الغاز سنويا في صورة غاز طبيعي مسال وغاز طبيعي. ويتوقع ان تصل بانتاج الغاز الى نحو 85 مليار متر مكعب بحلول عام 2010

مشكور اخوي على نقل الخبر

قطعت الشركة شوط كبير في مشروع الجزائر " سنوتراك " وقد قامت الحكومة الجزائرية بتأجيل الاتفاق لعدة مرات ولكن يتوقع ان يكون 3 يوليو المقبل هو الموعد النهائي لأعلان الموافقة ونأمل ان تكون لصالحنا .

وان شاء الله يعلنون العقد رسمي ويستفيدون اخوانا المستثمرين

وان شاء الله تكون في ميزان حسناتك