يا إخوان غريب أمر بعض الناس فيه واحد قلت له إستثمر فى تمويل الخليج
ثلاث سنوات وراح تشوف إن شاء الله نتيجه تسرك قال لى : الله ثلاث
سنوات طويله حيل نفس الشخص هذا يقولى أبى أستثمر فى القرين
يقولون وراها فايده ، قلت له : من صجك إنت تدرى إذا تبى تجنى عوائد
إستثمارك من القرين وتكون قريبه من عوائد تمويل الخليج يبيلك مو أقل من
عشر سنوات لا تنسى القرين اول ما تشتغل ما راح
توزع ارباح لانه كله يروح
تسديد قروض للمليارات اللى بنوا فيها المشروع يمكن خمس سنوات او اوكثر
بعدها يبدأ النمو التدريجى ، بعض الناس عبالهم أول ما تشتغل العطريات
بتهل عليهم الارباح .
أنا بقول كلمه ,انا مقتنع فيها بشكل كبير كل اللى يطبلون حق السهم
ويقولون خلوه استثمار ولا تبيعون ترى سعره بيوصل كذا وكذا
(واحد الله يعطيه الصحه والعافيه يقول بيصير مثل سعر الهواتف ) كلهم
مو مقتنعين فيه كاستثمار ولكن لو الناس كلها باعت فى اول يوم راح يقوع
السهم فيبون الناس تمسك السهم عشان هم يبيعون أول شئ .
أدرى كلامى ماراح يعجب البعض ولكن المنتدى يكفل حرية الاراء وهذا رأيى
الشخصى يمكن يكون صح ويمكن خطأ والبيع والشراء مسؤوليه شخصيه .