شركة القرين لصناعة الكيماويات البترولية (القرين)

[محمد2000]

لحد يبيع باقل من 500 فلس
القرين المارد الكبير للبتروكيماويات
اللي يبيع اليوم او غداً بسعر اقل من 500 راح يتحسف بعد شهر .
لانة بتوقعي راح يكون فوق 600 فلس
صراع كبير علي سعن القرين والدليل بطاقات الدعوة اللي وصل سعرها 40 دينار .
والدليل الثاني ما تشاهدونة اليوم طلب كبير مئات الملاين ولا يوجد بيع .
مبروك للي ماسك السهم .

 

[jamalll]

Sweet_Laila

هذا الاثبات على كلامي ان خلال سنتين راح يصك فوق فوق فوق تفضل اقرأ

العصفور: القرين للبتروكيماويات تسعى لتنفيذ 6 مشاريع بـ 10 بلايين دولار



كتب- شريف حمدي:
كشف المدير العام لشركة القرين للبتروكيماويات وليد العصفور عن أن الشركة تعتزم الدخول في 6 مشاريع بتروكيماوية خلال العامين الحالي والمقبل, لافتا الى ان حجم الاستثمارات في هذه المشاريع تقدر ب¯ 10 بلايين دولار.

 

[asm78]

المفروض على الاقل اول يوم ادراج يكون الحد الاعلى مفتوح
(يعطون الواحد امل )

 

[jamalll]

شباب لحد يبيع اقل من دينار خلال هالسنة وبعد سنتين لحد يبيع اقل من دينارين وشكرا

 

[Sniper Stock]

كلامك صح 100%
بس شوف الكميه اللي راحت انا عن نفسي ما بعت ولا راح ابيع بها السعر حرام والله بس الناس تقط الاسهم مادري شفيها؟؟؟؟؟؟؟؟؟؟؟؟؟

السعر سعر شراااااااااااااااااء للأستثمار..

التجار يراهنون على صبرنا...

على بالهم ان الكويتيين مايتعلمون من غلطاتهم.. واللي قاعد يشتري ناس عاديين والحمدالله قاعد اشتري بالسعر الاعلى..


يعني بالعربي اللي قاعد يشتري مو التجار....وعشان جذيه اقول راحت عليهم واكلووها ياااااا اهل النحاسه

 

[ashahri]

لازم يخلون اليوم الاول مافية حد اعلي نفس السوق السعودي اللي صار اليوم شي مؤسف وظلم للناس بس الحمد لله الناس صاحية حتي كمية التداول موذاك الزود

 

[سيدة اعمااال]

المفروض على الاقل اول يوم ادراج يكون الحد الاعلى مفتوح
(يعطون الواحد امل )

عين العقل


والحمد لله مابعت

 

[محمد2000]

فرصة كبيرة للاخوان اللي طافهم الاكتتاب يشترون السهم الحين بهالسعر الرخيص .

 

[Sniper Stock]

عين العقل


والحمد لله مابعت

ليش مابعتي

مو قلت لج قبل بردي عليج اشتري ولااتبيعين وكنتي مصره على كلامج

الحمدالله طلع ظني صحيح اشتر يوم الادراج ولا تبيع

واعيد نصيحتي اشترووووووووووووووو السعر مو سعر السهم

 

[STocK^IndeX]

السعر كان على أول صفقة

 

[*أبوعثمان2007*]

أنا كنت في البورصة اليوم الصبح وكل الناس متذمرة من السعر ويقولون مو سعره ويقولون انباع أمس بسوق الجت ب400 ويتوقعون إنه نسبه اليوم وبكرة وبعد بكرة.. والله أعلم .

 

[سيدة اعمااال]

ليش مابعتي

مو قلت لج قبل بردي عليج اشتري ولااتبيعين وكنتي مصره على كلامج

الحمدالله طلع ظني صحيح اشتر يوم الادراج ولا تبيع

واعيد نصيحتي اشترووووووووووووووو السعر مو سعر السهم

عفوااا اخوي انا قلت ابيه للاستثمار بس مايمنع اني ابيع بالعالي وارد اشتري بالنازل بس اللي صار اليوم خفس من قيمة السهم
والواحد عنده عقل يقدر يميز فيه الصالح
ومشكوووووور عالنصيحه

 

[jamalll]

السهم يحتاج صبر يا شباب

 

[كويتي صعب]

يا شباب العمليه واضحه مثل وضوح الشمس (كانوا ناويين يظغطون السهم من البدايه على 335 والى 360 لاكن دخول مجموعة الخرافي على السهم خلاهم يتوهقون ويعلق السهم لاكن قولو إن شاءالله تولع بينهم ل600 فلس وان مستغرب من إلي يبيع والسهم مطلوب بالاعلى120 مليوووون سهم) والمثل يقول <كل تأخيره فيها خيره>

 

[Sniper Stock]

رسالة من ملاك القرين الى التجار..واعوانهم ادارة السوق

خبز خبزتيه يالرفلة قومي اكليه​

ياشباب الكويت فعلا انتم قادة السوق وانتم رجال الكويت الشجعان

ورسالة منا لكم يا ادارة السوق ويالتجار اسهمنا ومقفلين عليها واللي قاعد يلم رجال بكل ماتعنيه من كلمة رجل

 

[kwt.to.kwt]

صارلي ساعة حاط امر بالكسور والرسمي ومو قادر اشتري
لأزيد الكمية
لأنه مو سعره وبكره حد أعلى

 

[سهم استثماري]

عاشوا المطبلجية عاشوا المطبلجية ........:d

وين النزول مواقل من 1000 ومواقل من 900 فلس ومواقل من 800فلس ليش كلكم تفتوون عيب عليكم تطبلون على العالم انا قايل قبل النزول من 300 الى 350 يعني قمب الخشبة موحرام تضحكون على العالم بالتطبيل ...


لا بعد لاعت جبدهم قالوا بينزل موا اقل من 500 هههههههههه

أولا عيب تتشمت بالعالم
وثانيا شنو معنى ( قمب الخشبة ) ؟ أنت تتكلم لاودني
لاودي بس يعرفها بدبوب

وبعدين الحمد لله السهم معلق ومطلوب بكميات ضخمه وبتشوف الـ 500

 

[S500]

ياليت ربعك يثبتون اسبوع واحد بس

 

[الفال الطيب]

والله ما ابيع بهالسعر اليوم , لو يموتون الهوامير اللي تعمدوا بضغطة اليوم , والحمدلله شريت معاهم اليوم.. لانني تعلمت منهم , من كثر ما سطرونا بالمخازن وغيرها.
لكن يا اخواني نصيحة ذهبية للشراء بالقرين .. هذي احدى طرق الهوامير اللي تعلمناها منهم ...
( وهي اشتروا بالقرين على دفعات من اليوم وصاعدا , لا تشتري بكل فلوسك اليوم بالاعلي , لانه يمكن الايام القادمة يضغطون السهم لتنزيله اكثر , بالتالي اذا نزل يكون عندك دفعة تشتري وتبرد على السهم.)
وبعدين اللي اشوفه اليوم ان الناس متمسكة بالقرين مو راضية تبيع , والدليل مطلوب بكمية ضخمة , والبيع بالقطارة.
عاشوا الناس اللي ماسكة السهم , خلو التجار يتصافقون الايام الجاية بين بعضهم , لانهم شكلهم متفقين اليوم ونزلوها بهالسعر , على بالهم الناس راح تبيع , واللي شفته بعيني اليوم والله العظيم , وانا معهم , من شفنا الادراج 360 , علي طول تراجعنا والطوابير اللي عند الدلال تراجعت وخفت , وواحد قدامي قام يصيح والله ما ابيع بهالسعر , ويقول يبه بسوق الجت قبل سنه واصلة 300 وصابر وحالتي حالة وابيع , والله ما ابيع بهالسعر.

 

[kwt.to.kwt]

كفو شباب الكويت
خلوهم يشربون من البحر
لن نرضي إلا بالدينار