رؤية لبعض الأسهم المرشحه للصعود .. 2

[vartona]

عزيزنا رايك ممكن الدخول على جيزان الحين والا تشوف ان الخول مو مأمون مع جزيل الشكر

 

[alhilo]

السلا م عليكم
عزيزى ماستر ليو اذا ممكن رايك ببترو غلف مع العلم انى شاريها 480

 

[السور]

مساك الله بالخير طال عمرك

برقان ماعليك امر !!

 

[tareq74]

أخ ليو المجموعة الدولية لو سمحت

 

[امبركو]

السلام عليكم ،،
لوسمحت محللنا القدير ،،
الصفاة للاستثمار ...

ودمتم ،،،

 

[AL.MOUSAWI]

ماستر ليو........ مساك الله بالخير والعافية حبيت اسلم فقط لاغير ،، أخاف تقول شافني وماسلم !!!!

 

[بوسعود66666]

بليز ياشباب ممكن احد يفيدنا عن سهم سلطان اللى يعرف يخبرنا لانى شاريه640هل ابيعه ولا انطر عليه اشوى

 

[Master-Leo]

master-Leo : ماسترنا فقدناااااك هاليومييين عسى مااااااااااااااشر

موجود ان شاءالله بس شوية أشغال بهالدنيا تخلي الواحد يلهى عن أصحابه

ليو عزيزي

سهم الكويتيه العقاريه القابضه

علما باني داش عليه ( 172 )

هلا اخوي سيف

عقاريه : السهم احتمال يكون شكل دعم على 168 لكن الدعم الفعلي 164

ومقاومه 176 ومؤشرات السهم بعضها ايجابي والآخر سلبي فإحتمال

التذبذب مابين أسعار الدعم والمقاومه هو الوارد في هالحاله خصوصا في

حال استمرار تذبذب أو نزول لمؤشر السوق والله أعلم . موفق

عزيزنا رايك ممكن الدخول على جيزان الحين والا تشوف ان الخول مو مأمون مع جزيل الشكر

التوصيات كثيره على أسهم البحر وليما الحين مافي اشارات خروج صريحه
للجروب ككل لكن أي هم يفتح جلسته بصعود للحد الأعلى

فغالبا مايكون الدخول عليه مخطور وخصوصا سهم جيزان الوحيد في أسهم البحر اللي ماريح ولا صار عليه تداول بكميات عاليه

فإذا مالج نية مجازفه انتظري السهم يأسس على أسعار معينه ثم اتخذي القرار بالدخول من عدمه وبالتوفيق ان شاءالله

 

[Master-Leo]

السلا م عليكم
عزيزى ماستر ليو اذا ممكن رايك ببترو غلف مع العلم انى شاريها 480

عليكم السلام
بتروغلف : دعم 430 ومقاومه 465 وبالنسبه لمؤشرات السهم أعتقد
من الأفضل ان نرى تداول يوم السبت لنحدد توجه مؤشراته الفنية

فإذا صعد السهم وبتداول قوي فإن شاءلله بكون مرشح لتخطي المقاومة
والعكس صحيح في حال النزول لاسمح الله

مساك الله بالخير طال عمرك

برقان ماعليك امر !!

دعم 1020 ومقاومة قوية على 1100 ومؤشرات السهم سلبية
فإحتمال يظل السهم على سعر الدعم الى حين

وجود مؤشرات توحي بالارتداد القريب والله أعلم . بالتوفيق

أخ ليو المجموعة الدولية لو سمحت

المجموعه الدولية دعم 400 ومقاومه 425 ومؤشراته سلبية لكن
متماسكه فأتوقع متى ماتعدل وضع السوق أو سمعنا

خبر ايجابي عن جروب المجموعه الدولية فممكن السهم يعاود الارتفاع الى سعر المقاومه لمحاولة كسرها بأذن الله

 

[_عبدالعزيز_]

هلا وغلا بزعييييييييييم المحللين هلا بالحبيب ليوووو ليو ليو ابي استشيرك عندي سهم الااولى وقود وعندي سهم القرين للبتروكماويات ابي رايك باجر لازم ابيع واحد منهم اشرايك شنو ابيع وشنو اخلي لازم واحد منهم ينباااااااااع برايك منو فيهم ودمت بصحه وعافيه

 

[Master-Leo]

السلام عليكم ،،
لوسمحت محللنا القدير ،،
الصفاة للاستثمار ...

ودمتم ،،،

عليكم السلام ياهلا

الصفاة دعم على 560 و 530 ومقاومه 590

بعد تداول الاسبوع الماضي المؤشرات بدأت بالسلبية بعد ماكانت على
وشك ان تكون ايجابيه مع بداية الاسبوع

الحذر مطلوب في حال كسر 560 فإحتمال يلامس دعم 530 فهذا تنبيه للمضاربين بصفه عامه والله أعلم .

ماستر ليو........ مساك الله بالخير والعافية حبيت اسلم فقط لاغير ،، أخاف تقول شافني وماسلم !!!!

حياك الله بأي وقت وشكرا على مرورك والله يعطيك العافيه سيدنا الموسوي

بليز ياشباب ممكن احد يفيدنا عن سهم سلطان اللى يعرف يخبرنا لانى شاريه640هل ابيعه ولا انطر عليه اشوى

الدعم 610 والمقاومه 670 فسعرك بينهم ومؤشرات السهم بعضها
سلبي والآخر ايجابي فيعتمد اذا انت مضارب فحاول تبيع بربح

قبل سعر المقاومه 670 أما اذا مستثمر فهذا موضوع آخر موفق

 

[Master-Leo]

هلا وغلا بزعييييييييييم المحللين هلا بالحبيب ليوووو ليو ليو ابي استشيرك عندي سهم الااولى وقود وعندي سهم القرين للبتروكماويات ابي رايك باجر لازم ابيع واحد منهم اشرايك شنو ابيع وشنو اخلي لازم واحد منهم ينباااااااااع برايك منو فيهم ودمت بصحه وعافيه

هلا بوسعود عساك بخير

الأولى حسبتك بعته بربح لما وصل 450-460 مادري ليش مابعت ورديت
شريته بالنازل

مشكلة الوقود يسكت يسكت وبيوم واحد تلقى التداول صار قوي عليه
ويرتفع و حاليا الدعم 425 ومقاومه 440 و 450

ودي اقولك خله خل نشوف ارباحه للربع الثاني ان شاءالله مايكون فيها
سواد وجه هالمره لكن القرار قرارك طبعا

القرين ماقدر أفيدك فيه صراحه لكن واضح ان السهم فيه نوع من الدعم
مابين 415-430 أتمنى ماينزل أكثر من جذي

بالتوفيق حبيبنا

 

[_عبدالعزيز_]

ياااااااااليوووووووو انا اعتبر الااسهم اللى عندي تحت تصرفك وثق تمام اني باجر ببيع الاولى وقوووووووود وابشرك بعتها 455 ورديت شريت بصراحه تااااامه البابطين اهو السبب اللى يخليني ابيعها والقرين بخليها كل تصااريح البابطين ضدها ياليو توجه لسووور للوقود القرين ماتتعوض وطبعن كل شي بعلم اللـــــــــه جل في علاه ودمت بصحه وعافيه والله يرزقك ويرزق الجميع

 

[khalid99]

يعطيك العافية ليو شنو توقعك لسهم صكوك في الايام الجاية هل فيه صعده والا نزول ؟ وماهي نقطة المقاومه القادمة ؟
ولك جزيل الشكر

 

[Q8 Stock]

ليوو

البنوك

وطني
تجاري
بنك بوبيان


الاستثمار

استثمارات
مشاريع
أ صناعيه
د للتمويل
المجموعه د
الاولى
الخليجي
كفيك
كامكو
كيوت انفست
الديرة

العقار

متحدة
ع عقاريه
الانماء
التجارية
مزايا
ادنك
تجارة

الصناعه

معادن
خرسانه

خدمات

أسواق
هواتف
تعليمية
اتصالات


الاعذيه

مواشي
دانه

 

[Master-Leo]

يعطيك العافية ليو شنو توقعك لسهم صكوك في الايام الجاية هل فيه صعده والا نزول ؟ وماهي نقطة المقاومه القادمة ؟
ولك جزيل الشكر

الله يعافيك اخوي

صكوك طبعا لاننسى عندهم زيادة رأس مال وتم اعلان ان الشركة راح
تشتري حصه في شركة منشآت وأعتقد هذي خطوه ممتازة

فشركة ناجحه مثل منشآت وهي على وشك الادراج في البورصه فأعتقد راح يكون لها تأثير ايجابي على السعر السوقي لسهم صكوك .

حاليا الدعم لصكوك هو 230 ومقاومة بسيطه على 236 وبعدها مقاومة
وحاجز نفسي كذلك عند 248-250 .

وكوجهة نظر اعتقد يستحق السهم الصعود لأكثر من السعر الحالي لكن الأهم ايضا نراقب الوضع العام للسوق والمؤشر .

بالتوفيق

 

[Master-Leo]

Q8Stock

هذول شنو اللي كاتبهم !؟

بتسويلي امتحان تحريري لنهاية العام بالتحاليل والمؤشرات ولا شنو بالضبط ؟

افصح ماذا لديك يامشرفنا وماهو المقصود من ذكر كل تلك الشركات لايكون في توصيات عليهم

 

[Q8 Stock]

Q8Stock

هذول شنو اللي كاتبهم !؟

بتسويلي امتحان تحريري لنهاية العام بالتحاليل والمؤشرات ولا شنو بالضبط ؟

افصح ماذا لديك يامشرفنا وماهو المقصود من ذكر كل تلك الشركات لايكون في توصيات عليهم

جاوب عليهم




نسيت اكتب انه الاسهم متوقع لها ان تنشط هذا الاسبوع..!!

 

[Believer]

جاوب عليهم




نسيت اكتب انه الاسهم متوقع لها ان تنشط هذا الاسبوع..!!

أنا بشتري بشركه من هذي الشركات بكره السبت وأشوفهم لآخر الأسبوع ... إذا اربحت بقدملك تحياتي وإذا خسرت بطالبك بالخساره

 

[OVER-THE-TOP]

يعطيكم العافية
هذي اول مشاركة لي بهالصفحة بس كل يوم الصبح اول ما ادش الدوام اشبك عليها واشوف سوالف واستفيد منها

شرايكم بسهم المباني وشنو الدعم و المقاومة و انا خذيته اليوم على 1400 شرايكم بهالسعر؟

اليوم الصفقة الوحيده انا شرايكم فيني بايعها؟