رؤية لبعض الأسهم المرشحه للصعود .. 2

[Master-Leo]

مااااااااااااااستر عديلي بالمستقبل انشالله

ليش ماتحط شارت بعدين كلامك الي ينقط عسل

عشان القارئ يستمتع اكثر

ويعطيك الف عافيه

احب احط الشارت حق التوصيات الكبيره مثل ماسويت بالصناعات المتحده

أو الصفاة ....... اما باقي التوصيات المضاربيه الصغيره فالأفضل والأسرع

للقارئ ان ياخذ الزبده من المؤشرات اذا كانت سلبيه أو ايجابيه أو اذا فيها

ايحاء بالصعود أو النزول ولا شرايك وبالمره عشان الرد يكون مختصر ومفيد

والقارئ العادي يستفيد من غير ما أعور راسه بذكر تفاصيل عن كل مؤشر

وهو قد لايعرف دلالة المؤشر

 

[ميكانيكي]

كفو عليك

 

[NBK]

صديقي العزيز شنو وضع المنتجعات
طال عمرك

 

[nadeen]

الاخ العزيز ماستر ما رأيك بسهم انجازات وما تحليلاتك له

 

[Master-Leo]

صديقي العزيز شنو وضع المنتجعات
طال عمرك

الاخ العزيز ماستر ما رأيك بسهم انجازات وما تحليلاتك له

تامرون ان شاءالله تكون التحاليل عندكم اليوم العصر

 

[nadeen]

شكرا اخ ماستر ورح ازيدها عليك شوية المركز المالي وشكرا

 

[NBK]

ليوووووووووووو صديقي
هل اسهم البحر اعطت اشارة خروووووووووووج

 

[السور]

اللى خبرك بعتها ومشكور وايد !!

بس يتنى توصية على كويت انفست وشريت ابى رايك ترى يهمنى وايد!!

 

[AL.MOUSAWI]

مساك الله بالخير ماستر ،، شنو معطياتك وتحليلك لسهم ( الدولي ) ياتني معلومه انه بينفجر ،، مع خالص تحياتي لك وللأخوه الأعضاء ولك جزيل الشكر وعظيم الإمتنان ،،، .

 

[Master-Leo]

السلام عليكم

ياجماعه أبعتذر منكم أنا عندي مشكله من الظهر ليما الحين لا موقع البورصه

راضي يفتح ولا موقع المركز الشرقي مادري اذا يفتحون معاكم ولا بس عندي مو شغالين .

الحين ماني قادر اشوف شارتات أو أي مؤشرات ولا حتى قدرت اتابع اسعار

الأسهم واقفالاتها مادري اذا المشكله من شركة كوالتي نت أو في

الكمبيوتر عندي لأن كله يطلع لي page error لما افتح المواقع !؟

قاعد أحاول اسوي تنظيفات بجهازي ممكن يكون منه واذا فتح الموقع

ان شاءالله احط لكم قراءة المؤشرات للأسهم المطلوبه

 

[vartona]

يشتغل ماستر الموقعين انا اول امس الساحل عطاني رابط للبورصة بحطة لك يعني افضل من الموجود http://www.kuwaitse.com/PORTAL/A/ انشاللة يفيدك على فكرة اليوم الجدول كانت فية الاقفالات لاخر بيعة لسهم (مثال) السفن على الجدول الاسعار الفورية 620 لكن اخر بيعة كانت 610 وفي بعد كم سهم نفس الشي

 

[ميكانيكي]

http://www.asmainfo.com/

وعن العياره

 

[jeme_E]

ليو نفس المشكله عندي

دش المركز من هل رابط
مايشتغل عندي غيره

http://www.asmainfo.com/Charts/Ar/CustomChart.aspx

وبالمره شوف موشراتي اللى مختارهم شرايك فيهم وفي احسن منهم

وقدرت ادخل البورصه من هل رابط توني الحين
http://www.kuwaitse.com

 

[Master-Leo]

عملت قبل شوي بعض التنظيفات والصيانات اللازمه واشوفهم اشتغلوا

الحين بس اللي اشتغل وياي www.kuwaitse.com والمركز الشرقي لكن

www.kse.com.kw متنح مو راضي يفتح بس المهم انهم اشتغلوا و تشكرات لمن ساعد

 

[jeme_E]

يا حلو صورة الاسد بس الاسد القديم احلا

مبرووووووووووك اشتغل معاك شي وعقبال الباقي

 

[Master-Leo]

منتجعات : دعم 214 وبعده 206 وهذا الأهم لايكسره أما المقاومه فهي 226

ومؤشرات السهم سلبية فممكن تتأسس مابين أسعار الدعم والمقاومه

خصوصا ان كمية اليوم تعتبر قليلة وشمعة التداول سيئة .

انجازات : دعم 295 ومقاومه 320 والمؤشرات سلبية وفي حال كسر

الدعم للأسفل فقد يتجه الى 280 وفي حال اختراق 320 للأعلى فالهدف الأول 330

مركز مالي : هذا السهم يصلح ليكون مقياس لمؤشر السوق فغالبا نلاحظه

يصعد مع صعود السوق وينزل بنزوله وحاليا الدعم 400 ومقاومه 420 و 440

ومؤشرات السهم سلبيه لكن بدت بالتماسك فنتأمل خيرا ان يكسر 420 مع صعود السوق ويتجه الى 440

موفقين Nbk و Nadeen

 

[Master-Leo]

السلام عليكم
الأخ ليو العزيز ماتقولي لو سمحت شنو اللي قاعد يصير بالرابطة!!!!!!!!
ارجوك مع تحليل شارتي ان امكن لأن في اسهم شارتها سارية وعلم وفي اسهم اتسوي كوب وعروة وأعتقد ان شارت سهم الرابطة امسوي درام زبالة ومخمة اكرمكم الله0

وشكرا

يا بوخماط شقولك على هالسهم المريض ... انا طالعته اليوم وقاعد اتحسر

الرابطه جذي يصير فيها فمابال اللي عنده السهم وشاريه بالعالي الله يكون

في عونه وما ألومه مهما يقول عن السهم وملاكه !

الدعم التاريخي القادم للسهم على 640-650 والى الآن لاتوجد اشارة

توحي بوجود ارتداد للاعلى الا في حال وجود صعود مع تداول قوي على السهم

اللى خبرك بعتها ومشكور وايد !!

بس يتنى توصية على كويت انفست وشريت ابى رايك ترى يهمنى وايد!!

مبروك والعفو وتستاهل كل خير بعد ودوم تربح ان شاءالله

كويت انفست : دعم 480 ومقاومه 520 ومؤشراته سلبيه ومقتربه

من اعطاء اشارات خروج فأرجو الحذر منها ومراقبتها باجر في حال سكرت

بالنازل انصح بوقف الخساره لأن ممكن ترجع الى دعم 460 واهي طبعا

من مجموعة البحر فأيضا مكن يصير في يوم واحد أن يقلب لك المؤشرات

وتكون ايجابيه مره أخرى لكن خلك على حذر وبالتوفيق

مساك الله بالخير ماستر ،، شنو معطياتك وتحليلك لسهم ( الدولي ) ياتني معلومه انه بينفجر ،، مع خالص تحياتي لك وللأخوه الأعضاء ولك جزيل الشكر وعظيم الإمتنان ،،، .

ياهلا بالسيد الموسوي تفضل الدولي : دعم 240 ومقاومه 248 و 255

ومؤشراته سلبيه لكن فيها نوع من التماسك نظرا لأن السهم اليوم اغلق

على نفس سعر اليوم السابق لكن مافي اشارة فعليه على وجود انفجار

قادم اللهم الا على الخبر اللي ذكرته لكم بأن متوقع السهم يكون له

أرباح جيده من جراء تخارج من محفظة الباب واذا وصلني خبر عن تصفيه

المحفظة أقولكم في وقتها ان شاءالله حسب ورود المعلومه من المصدر

اما اذا في اخبار ثانيه على السهم فماعندي فكره صراحه واللي اعرفه ارباحها للنصف الأول

عاديه وماتشفع له بالانفجار للأعلى وبالتوفيق ودعواتك لنا يا الموسوي

 

[adelsaqer]

اخوي ليو مساك الله بالخير حبيت استفسر منك عن سهم صكوك شريته اليوم بالحد الاعلي شنو تنصحني فيه وممكن يعدي 250 ؟

 

[MODREN_ACADIMY]

الله يعطيك العافيه أخوي ليو ممكن الأمان بعد تداول اليوم

 

[Master-Leo]

الشارت لك اخونا بوخماط بخصوص الرابطه ولاحظ بالدائره حاط لك الدعم

القادم المتوقع ( بين 640-650 ) في حال النزول أكثر لا سمح الله