رؤية لبعض الأسهم المرشحه للصعود .. 2

[vartona]

العزيز ماستر ليو مصرية قابضة قابضة على قلبي وفلوسي وبنك برقان اللي ياني خبر انه رايح فيها ابي افادة لايوقف قلبي الله يخليك

 

[Master-Leo]

لوسمحت الاولى للاستثمار شنو مؤشراتها !! (الدعم والمقاومه والاهداف)

هلا اخوي بورصه اشوفك ليما الحين متمسك بالأولى عندك الظاهر توصيه طيبه عليها الله يوفقك فيها

بإختراق السهم لسعر 620 بكميات تداول عاليه ان شاءلله يكون دعم جديد

وفي دعم على 600-590 ومقاومه واضحه على 640 .

مؤشرات السهم ايجابيه وبعضها متماسك نتيجه لثبات بآخر يوم تداول سابق

الهدف الأول بعد اختراق المقاومه ان شاءالله 660-670 موفق ان شاءالله

 

[Master-Leo]

العزيز ماستر ليو مصرية قابضة قابضة على قلبي وفلوسي وبنك برقان اللي ياني خبر انه رايح فيها ابي افادة لايوقف قلبي الله يخليك

ياهلا اخوي تفضل

مصريه قابضه : دعم 610 - 570 ومقاومه 640- 660

مؤشراته سلبيه ولم يعط اشارة ارتداد للأعلى بعد وقد يتراوح مابين أسعار الدعم والمقاومه .

برقان : كثر الحديث عنه وعن أرباحه وأخباره وتوصيات كثرت عليه ايضا

دعم 1040 - 1000 - 980 ومقاومه حديديه لازالت على 1100

مؤشرات السهم سلبية الآن ولكن مقتربه من أسعار الشراء واعتقد

اشارة الدخول باتت وشيكه هذا من وجهة نظري

هناك تداول عالي على السهم واللي بين عندنا من خلال تغيير الملكيات ان

شركة المشاريع زادت نسبتها بالبنك فشنو السبب .... اعتقد في شي ايجابي بالطريق ان شاءالله

 

[smartbrainy]

مساء الخير

ممكن لو سمحت تحليل ساحل شنو دعمه ومقاومته حسب تداول اخر يومين الثلاثاء والأربعاء

 

[Master-Leo]

ياهلا اخوي سمارت

الساحل دعم 415 - 400 ومقاومه 440- 450

مؤشراته سلبية والسهم اعتقد اخذ حاصله بالصعود ونزوله هو نتيجة

حتمية لنزول السوق وسهم الهواتف على وجه الخصوص ومؤشر ADX

حاليا واقف عند نقطة مفصلية ونحتاج ليوم آخر لتحديد الاتجاه نزولا او صعودا

مؤشر الستوكاستك بدأ بالتماسك والماكد سلبي ومؤشر القوة النسبيه سلبي .

بخصوص الشارت ممكن يشكل مثلث هابط ( نموذج سلبي ) في حال ان

السهم وصل الى 400 فلس ولم يرتد منه للأعلى فمن وجهة نظري اذا

كسر 400 هذي اشارة خروج من السهم وان شاءالله مانشوفها

وبالمقابل اذا السهم وصل مره ثانيه الى 445 فنموذج المثلث الهابط السلبي

يعتبر ملغي . موفق ان شاءالله

ممكن لو سمحت تحليل ساحل شنو دعمه ومقاومته حسب تداول اخر يومين الثلاثاء والأربعاء

هلا سمارت ها طحت عليك سألت نفس السؤال مرتين خلال يومين

ماتغير شي لأن التحليل اللي حطيته لك قبل يومين هو نفسه لآخر وضع للسهم بالتوفيق

 

[Sniper Stock]

اخوي ليوو سهم الدانه 320 سعر دخول

انا جاتني توصيه عليه فمادري

 

[Master-Leo]

اخوي ليوو سهم الدانه 320 سعر دخول

انا جاتني توصيه عليه فمادري

من غير توصيات اخوي سوالف من فتره وصيت على السهم ولازلت

أوصي وأقول السهم قاعد يستوي مثل ما استوى الصناعات المتحده

ان شاءالله هذه اسعار شراء وليست بيع 315-325 ومن قبل فتره السهم

وصل من مستوى 320 الى مقاومه 355 ورد نزل وحاليا السهم بنفس

المستوى والدعم جيد على 315 ومقاومات على 330-355-380

متى ماتبي تبيع بيع قبل أي مقاومه منهم بس خل يكسر 330 وأتابع وياكم اذا تحبون بقية المؤشرات

ايقاف الخسارة عند كسر 315 -310 بكميات عالية وان شاءالله مانشوفكم الا ربحانين منها وبالتوفيق للجميع

 

[Sniper Stock]

قواك الله يالماستر

 

[almaymoni2007]

ليو يعطيك العافيه
اجلتي
الوطنيه العقاريه
مع الشكر

 

[فؤاد]

أود اسجل شكري واعتزازي بمعرفتك اخوى ليو وابارك لنفسي واباركلك على ارتفاع الااولى وقود وبأذن الله فيها صعده حلوه اليوم ماشاء الله تمت صفقه 400000 الف من شفت هالصفقه وانا ادري بطير واتوقع فيها صعده فوق ال 500 عن قريب حقيقه السهم نشف عدل الشهور الثلاثه اللى طافت وحان قطف الحصاد والصعود وباجر اتوقعها مجرد توقع انها بتعلق والعلم عند الله والف شكر على كلامك واخلاقك الراقيه الله يوفقك ويوفقنا

الاخ ليو العزيز
اشكر جهودك الطيبة على خدمة اخوانك.........فجزاك الله خيرا
الاخ عبدالعزيز...
سمعت من مدير محفظة ....ان م.ح هو من يجمع وهدفه ....البيع
فإذا كان توقعه صحيح..
فالحذر واجب ...من ان يتدبس الاخوان بالسهم ....لذا كن متابع وليكن لك هامش حركة يسمح لك بالخروج اذا شفت كميات بيع كبيرة....
والله اعلم.
.

 

[Nagooshy]

السلام عليكم

ارجو من الاخوة الاعضاء وضع الاسهم المرشحة للصعود

لان لوحظة في الاونة الاخيرة ان بعض الاعضاء يضعون الاسهم التي يملكونها فقط..

لو سمحتوا نبي المصداقية بالاختيار

ولكم جزيل الشكر​

 

[almaymoni2007]

اخي نقوشي اذا تتابع الصفحات فإن اخونا ليو يذكر لنا بعض الاسهم المتوقع صعودها مع التحليل ونحن نسأله عن اسهمنا بالدعم والمقاومه وما اعتقد فيها شي ونشكر ليو لخدمته لاخوانه والله لا يحرمه الاجر

 

[saad44]

أريد توضيح من الأخوه

معنا توزيع ارباح 30\ نقدي 20\ منحه علاوهاصدار 80

 

[Master-Leo]

ليو يعطيك العافيه
اجلتي
الوطنيه العقاريه
مع الشكر

الله يعافيك تفضل

الوطنيه : أسعار دعم 650 - 600 - 570 ومقاومه 670 - 740 - 780

مؤشراته لازالت سلبيه واحتمال وارد في حال نزل عن 650 أن يصل الى

مستوى 600 ( السهم مشكل فجوه مابين 600 الى 640 )

أجيليتي : دعم 1860 - 1700 وفي حال كسر 1700 للأسفل فهناك

فجوات اخرى مابين 1620-1640 و 1540 - 1600 ومؤشرات السهم

أيضا سلبيه وأعتقد راح يرجع السهم لأسعار الدعم مع نزول المنحه لأن

شي طبيعي اذا الناس ربحانه بالمنحه راح تبيع وبالتالي السهم يصير عليه

جني أرباح ونزول وهذا مجرد توقعي الشخصي لأن اصحاب هالجروب

حركاتهم صارت قرعه يلمون من الناس بالنازل ويردون يطلعون اخبار ايجابيه

ويبيعون على الناس بالعالي . بالتوفيق

 

[Master-Leo]

الاخ ليو العزيز
اشكر جهودك الطيبة على خدمة اخوانك.........فجزاك الله خيرا
الاخ عبدالعزيز...
سمعت من مدير محفظة ....ان م.ح هو من يجمع وهدفه ....البيع
فإذا كان توقعه صحيح..
فالحذر واجب ...من ان يتدبس الاخوان بالسهم ....لذا كن متابع وليكن لك هامش حركة يسمح لك بالخروج اذا شفت كميات بيع كبيرة....
والله اعلم.
.

مدام تشتري بالدعم وتبيع قبل المقاومه انت الربحان والسهم من دعم 405 وصل الى مقاومة 450

حمدلله ربح حلو خلال اسبوع واهم شي قناعتك بالربح وعدم الطمع بالتوفيق لملاك الوقود

 

[Master-Leo]

معنا توزيع ارباح 30\ نقدي 20\ منحه علاوهاصدار 80

هذي شنو أي شركة اللي بتوزع جذي

- 30% نقدي يعني توزيع عن كل 10 آلاف سهم يعطونك 300 دينار

- 20% منحه يعني كل 10 آلاف سهم يعطون منحه 2000 سهم زيادة

- علاوة اصدار 80 يعني لك حق تشارك بالاكتتاب بقيمة اسميه قدرها

100 فلس + 80 فلس علاوة اصدار يعني يطلع عليك السهم 180 فلس

شسالفه الحين هذا وين فيه هالتوزيع أي شركة اتمنى وضحت لك

 

[Master-Leo]

اخوي Nagooshy نادر ماتلقى ناس توصي في ناس مايبون عوار الراس

مايذكرون توصيات لأنهم غير مستعدين لتحمل عواقب عدم نجاحها شي

طبيعي هذا مو كل الناس لها قدرة تحمل للنقد .

انا أحب أحط تشكيلة من الأسهم المرشحه كل اسبوع وحمدلله كل

اسبوع تقريبا 80% من الأسهم اللي اذكرها يصير فيها صعود ويصير فيها

فرص مضاربيه تشتري بالنازل وتبيع بالصاعد وتسكر بنهاية الاسبوع صاعده

أو ثابته أو على الأقل نزول بسيط فيعني مجال المخاطره قليل جدا اذا

الواحد التزم بالأسعار اللي اذكرها لأن غالبا أذكر اسعار الدعم للشراء

 

[NBK]

ها ليو صديقي العزيز
قول آمين ان شاء الله اشوفك مشرف

ما في هالاسبوع اسهم نحاول انطقطق فيها

 

[Sniper Stock]

اخوي Nagooshy نادر ماتلقى ناس توصي في ناس مايبون عوار الراس

مايذكرون توصيات لأنهم غير مستعدين لتحمل عواقب عدم نجاحها شي

طبيعي هذا مو كل الناس لها قدرة تحمل للنقد .

انا أحب أحط تشكيلة من الأسهم المرشحه كل اسبوع وحمدلله كل

اسبوع تقريبا 80% من الأسهم اللي اذكرها يصير فيها صعود ويصير فيها

فرص مضاربيه تشتري بالنازل وتبيع بالصاعد وتسكر بنهاية الاسبوع صاعده

أو ثابته أو على الأقل نزول بسيط فيعني مجال المخاطره قليل جدا اذا

الواحد التزم بالأسعار اللي اذكرها لأن غالبا أذكر اسعار الدعم للشراء

حقيقه وتنقال..والله لو اخسر نص راس المال من توصياتك على قلبي عسل..ياعسل.

فضلك على جبير ومن قدك ناس تحط تواقيعها باسمك ويحبونك في الله

تستاهل كل خير

 

[BMW2007]

يسعد مساك ماستر ليو
شرايك تفتح صفحه لك قبل السوق وتذكر الاسهم المرشحه للصعوود للاسبوع هذا

(وتخلي الصفحه هذي لاسألة الشبااااب عن اسهمهم)
وتخلي صفحتك الجديده من غير مشاركاات الشبااب بس لك تبين الاسهم وهذا اقتراااح وانت بكيفك ماستر ليو لاني اشووف تذكر الاسهم وتضيع بين الصفحاات
وتقبل مروري ماستر ليو