رؤية لبعض الأسهم المرشحه للصعود .. 2

[السور]

ليو الله يخليك برقان بعد تداول هاليومين

 

[ميكانيكي]

ماتشوف شر ان شاءالله يا بوعلي يبيلك راحه ويبيلك كفيك تكفيك أو يبيلك البحر

ميكانيكييييييي شرايك ماراح اطالع الشارت بعتمد عليك هالمره وباخذ على

كلامك ان المقاومه القادمه 234 وخل نشوف وين بيوصل مد البحر هالمره

انا عن نفسي ماني بايع بجروب البحر الا وانا ربحان ان شاءالله خلال هالشهر

اي هين ماراح تشوف الشارت لوووووووووووووول

انشالله كلامي يطلع صح

عدا تبي الصراحه سامع خبر قوي عليها من زمان من يوم كانت 132 فلس ان بتروح 200 بس قلت قويه خل احلبهه شوي شوي بالتحليل احسنلي

ومصدري يقول لين 300 والله اعلم ان كنت بحلم يا حبيبي .. مع تحيات ( فضل شاكر )

 

[ميكانيكي]

بس شوف شارت الصفاة

باجر بتنفجر وقول ماقلت

 

[Master-Leo]

ليو الله يخليك برقان بعد تداول هاليومين

ياهلا اول قولي صوغتك شنو سويت معاها؟

تفضل برقان : اسعار الدعم : 1040 - 1000 - 980 والمقاومة الحديديه : 1100

مؤشر الماكد سلبي والقوة النسبية سلبي والستوكاستك ايجابي

مافي سيولة جديده داخله على السهم .

نحتاج نشوف تداول هاليومين عشان نتأكد من قوة الترند الصاعد ونشوف

اذا فيه دخول وشيك على السهم .

الشارت مال برقان على شكل مثلث ايجابي متصاعد ان شاءالله يشير الى التجميع موفق

 

[Master-Leo]

بس شوف شارت الصفاة

باجر بتنفجر وقول ماقلت

ياااه الصفاة سهمي المدلل وقايل من يوصل 700 فلس بأذن الله راح اطلب

من المشرفين يغيرون اللقب من متميز الى السير سوني اريكسون ليو

مدرب مانشستر فيرغسون معطينه لقب سير مو احسن مني ولا شرايك

الصفاة وراها مقاومه 560 و 590 والدعم 530

في دخول بسيط صار على السهم اليوم بس مو هذا الدخول اللي نطمح

له واللي يخلينا نقول ان بيكسر 560 بقوة ويوصل 590 بس بتابع وياك

باجر وخل نشوف كل شي جائز في زمن العجائز

 

[sayer]

حبيبي ليو أبي المباني الدعم والمقاومات وباقي المؤشرات لو سمحت ، وشنو سالفة البحر اشوفك توصي عليهم

 

[Mariner9k]

سلام يا الحبيب ............ ممكن فيلامودا

اكون شاكر لك

ولك جزيل الشكر ولامتنان .....................

 

[السور]

عسى الله لا يحرمنا منك ومن صوغاتك ومشكور جزرا ومدا

 

[NBK]

هلا صديقي العزيز ليووووووو
وبعدين ويا اعيان العقاريه
شكلها مريحه شوي
شوفه عندك شخبارها
بارك الله فيك

 

[shorok]

و اللي يعافيكم ابي شوركم بالصفاة القابضه

هل يعتبر سعرها الحالي جيد للدخول 148 مع العلم انها قريبه على الدعم 146 و كل المؤشرات الفنيه جيده

 

[Master-Leo]

حبيبي ليو أبي المباني الدعم والمقاومات وباقي المؤشرات لو سمحت ، وشنو سالفة البحر اشوفك توصي عليهم

ياهلا فيك اخوي ساير

مباني كسرت حاجز 1260 بقوة وان شاءالله بكون دعم جديد لها أما الدعم الثاني فهو 1180

ومقاومه 1360 ومؤشرات السهم ايجابيه وداخله ضمن مناطق جني الأرباح فممكن ينزل

لتأكيد سعر الدعم الجديد لكن ليس بالضرورة طبعا طالما فيه سيوله قويه داخله على السهم .

الزبده لو انا عندي السهم وربحان فيه اطلع لأني ماحب اشوف مؤشرات ايجابيه مطفحه وأبدله بسهم ثاني

لكن هذا أنا وتفكيري ووجهة نظري فقط اما انت فصاحب القرار الأخير موفق

 

[Master-Leo]

سلام يا الحبيب ............ ممكن فيلامودا

اكون شاكر لك

ولك جزيل الشكر ولامتنان .....................

عليكم السلام ... فيلا مودا ها ؟ دعم 128 شحاطه ومقاومه 140 تنورة وهدف 200 سكربيل

بس اقول ذكرني ان شفتك باخذ بطاقـتك المدنيه.... وهذا ويهي ان شفت وحده

غيرها قال يبي تحليل فيلا مودا قال

عسى الله لا يحرمنا منك ومن صوغاتك ومشكور جزرا ومدا

العفو حبيبنا موفق ان شاءالله

 

[sayer]

مشكور عزيزي ليو على التحليل ودزاك الله خير

 

[Master-Leo]

هلا صديقي العزيز ليووووووو
وبعدين ويا اعيان العقاريه
شكلها مريحه شوي
شوفه عندك شخبارها
بارك الله فيك

هلا بصديقي وقت الضيقي تفضل أعيان ع

دعم (1) 310 دعم(2) 290

مقاومه 330-335

مؤشرات السهم لازالت سلبيه فإحتمال استمرار التذبذب وارد وعلى فكره

سمعت من الجماعه بالمنتدى ان شركة اعيان الأم قاعده تزيد نسبتها

بأعيان العقاريه شنو السبب الله اعلم موفق صديقي وقت الضيقي

 

[Master-Leo]

و اللي يعافيكم ابي شوركم بالصفاة القابضه

هل يعتبر سعرها الحالي جيد للدخول 148 مع العلم انها قريبه على الدعم 146 و كل المؤشرات الفنيه جيده

السهم مغري للشراء لكن شنو اللي يضمنا ان مايستمر لفتره طويله على

هذه الأسعار خصوصا ان معدل التداول اليومي على السهم قليل ولاننسى

ان متفسخ نظرا لزياده رأس المال فمانعرف ولانقدر نتوقع شنو وضع ارباح

الشركة وتأثير زيادة رأس المال .

اذا الدخول للمضاربه البسيطه والسريعه فالبيع قبل مقاومه 156

أفضل اما اذا للاستثمار هذا موضوع ثاني أما اذا عليه توصيه له فهذا موضوع ثالث بالتوفيق

 

[Master-Leo]

انا نسيت أبارك لأخونا عبد العزيز مبروك على ارتفاع الاولى للوقود

مثل ماتوقعت صيدة كانت 405 والحين ماشاءلله 430 حقق هدفنا وقت توصية الشراء

وفيه مقاومه 440-450 والمقاومه الحديديه 465 ان شاءالله نشوف السهم يرتفع

ويحقق طموحك وطموح المكتتبين اللي انا واحد منهم

 

[BMW2007]

يسعد مساك مستر ليووو
(اتذكر يوم توصي علا الدوليه للاجااره)

كان ودي اخذهاااا وهونت ورحت علا المجموعه الدوليه وصادني علا ال15

شوفها الحين ماشالله حلوه للمضاارب
وتقبل مروري وتحياتي

 

[Master-Leo]

يسعد مساك مستر ليووو
(اتذكر يوم توصي علا الدوليه للاجااره)

كان ودي اخذهاااا وهونت ورحت علا المجموعه الدوليه وصادني علا ال15

شوفها الحين ماشالله حلوه للمضاارب
وتقبل مروري وتحياتي

ياهلا مسائك وصباحك وظهرك كله خير وبركه

اسهم كثيره حلوه للمضاربه والواحد يدوخ ومايدري شنو يشتري لأن

الفرص كثيره كل يوم بس اهم نقطه حاول كثر ماتقدر تاخذ الأسهم

بأسعار الدعم والتوفيق من الله والمجموعه الدوليه سعرها الحالي

قريب من سعرك وان شاءالله يأتي يومها قريبا حالها حال باقي الجروبات اللي صعدت موفق

 

[rkk]

مساك الله بالخير أخوي ليو ... بس ماعليك أمر تحليل الأولى للأستثمار ... مع نقاط الدعم والمقاومة ... واذا عندك اي خبر عنها ... وجزاك الله ألف خير

 

[المستشار2007]

شرايكم بالاسماك