ماذا كنت تكتب على طاولتك أيام المدرسه؟؟؟؟؟؟؟؟

[ابو غانم]

ههههههههههههههههههههه

مصبنجي صغير



اضحك الله سنّك ابو غانم
والف شكر على المرور

حرام عليك انا مو مصبنجي أنا رومنسي

 

[MOHAMMED11]

شخبط شخابيط....لخبط لخابيط...الخ الخ الخ


الزعيـــــــــــــــــــــــــــــــــــــــم (احسن بيت شعر كتبته بايام الدراسة على ورقة الامتحان)

(ياواضع الصفر تمهل في وضعهه......فأن الصفر موضوعاً بنفسه) طبعا مادة الانجليزي كله صفر

حلو بيت الشعر ^_^
وواقعي احيان



الف شكر اخوي سعود على مرورك

انا كنت اكتب اسئله واجوبه على طاولتي علشان الامتحانات :\

شاطر ^_^

اسعدني مرورك
بارك الله فيك

الطاوله كنت استخدمها حصريا للبراشيم من جميع جوانبها يعني شويه براشيم تنكنتب على الطاوله ومرات داخل الدرج ومع تطور التكنلوجيا
كنت الصق البراشيم ابظهر الطاوله ............. وعيش حياتك يا مبرشم مع البراشيم ويا ويلك اذا قبض عليك

الجمله اللي كانت تنكتب وايد اب مدرستنا هي :

العلم نور والنور كهرباء... والكهرباء خطر .. فلماذا نتعلم !!

لووووووووول

الشباب اطلعوا كلهم ( مبرشمجية )

مشكور يالغالي على مرورك

الحمدلله انا كنت ما احب اكتب شي علي الطاوله لاني احبها تكون نظيفه

بس مرات اكتب اسمي وبعدين اتحسف وامسحه!!! هذا اذا كانت الطاوله اصلا ماعليها خرايط!!! بس احاول انظفها قدر المستطاع,,,

والكتب اكتب اسمي في مكان واحد بس مو بكل مكان جن الكتاب يملكه صف كامل من كثر الاسامي الي فيه لاني احب الكتاب يكون نظييييف

ياعيني على الشباب
هذا الشغل الحلو

شفت شلون احنا نحافظ على املاك الدولة
ودايم نحب الاتكيت ونتعب على النظافه والترتيب بكل شي


صج النسبه 2 بالميه بالنسبه للشباب
لاكن عندنا روح وطنية عاليه


اسعدني مرورك

حرام عليك انا مو مصبنجي أنا رومنسي

ههههههههههههههههههههههه

الله يغربل ابليسك ياابو غانم
فعلا وصفك ادق واقرب واجمل من وصفي

ولا يهمّك

رومانسي صغير

 

[برميت]

والله انا غير عنكم

كنت احط علي المسمار اللي بالدرج كوركتر ويصير لونه ابيض واكتب تحته

(( اضغط هنا تختفي الابله ))

​

 

[MOHAMMED11]

والله انا غير عنكم

كنت احط علي المسمار اللي بالدرج كوركتر ويصير لونه ابيض واكتب تحته

(( اضغط هنا تختفي الابله ))

​

حلوه الطريقة والاختراع عجيب



الف شكر على المرور

 

[دلال البورصه73]

انا ماكنت اغش الحمدالله .......لان شطوره
بس الدرج كله اشكال مربعات دوائر
وقلب وسهم وحرف ابله احبها وايد وحرفي

 

[q82007]

والله ذكريات حلوه
انا غير عنكم ياشباب موهبتي الفنيه كانت تسبق سني كنت فنان تشكيلي اقوم بالنحت على الطاوله والعده كانت موس البرايه والله يسامحنا على ما اتلفنا

 

[MOHAMMED11]

انا ماكنت اغش الحمدالله .......لان شطوره
بس الدرج كله اشكال مربعات دوائر
وقلب وسهم وحرف ابله احبها وايد وحرفي

البنات دايم يتعلقون في ابلاتهم ماادري ليش
عندي بنت اختي صغيره توها وتحب ابلتها حيل
تقولها تعالي درسيني في البيت وابوي يعطيج فلوس
راهيه البنت حدها

شكرا لج اخت دلال ( الشطوره ) على المرور

والله ذكريات حلوه
انا غير عنكم ياشباب موهبتي الفنيه كانت تسبق سني كنت فنان تشكيلي اقوم بالنحت على الطاوله والعده كانت موس البرايه والله يسامحنا على ما اتلفنا

ياهلا فيك اخوي كويتي
عاد ان شاء الله طورت هالموهبه وصرت نحّات
ترا شغله فيها ابداع للي عنده هالموهبه
وحالها حل فن الخط والرسم وغيره


الف شكر اخوي على المرور

 

[sanad2007]

السنه اللي فاتت كنا مجموعة مدرسين نلصق ارقام الجلوس على الطاولات قبل الامتحانات النهائيه وبعد ماخلصنا قعدنا نسولف في احد الصفوف اللي مكيفهم بارد

وانا ادووج بين هالطاولات واقرا شنو مكتوووب

والله مت من الضحك

واحد كاتب دااااااااااااجين

سووووووووووووووريا

ركووود ركووود ابو حمد موجود

واشعار وخرابيط : ليش ماتحس فينا

هههههههههههههههههههههههههههههههههههههه

بس مره دخلت صف ولقيت كاتبين رقم تلفون واسم وحده جنبه بلغت المشرف 5 دقايق والا جايني بصبغ وفرشاه ههههههه متعود

الله يصلح شبابنا

 

[nestla]

ارسم قلب الحب وسهم ودم
بقلدهم حالي حال البنات الي معاي يعني عايشين جو واشوفهم حاطين احرف اتوهق احط الحرف الاول الثاني من اسمي عشان اصير مثلهم

 

[coooool2]

كنت ارسم شوارب مدرس الرياضيات اللي كل يوم يشيل شواربه بموس ..!!

 

[قلم حر]

كنت ارسم شوارب مدرس الرياضيات اللي كل يوم يشيل شواربه بموس ..!!

المفروض ترسم الموس لان ماعنده شوارب

 

[coooool2]

المفروض ترسم الموس لان ماعنده شوارب

اي شفيك عيل ليش انا رسمت قاعد اتخيله شلون مع الشوارب و تراني بالرسمه طولت شواربه عشان بالحصه اضحك عليه بدال شرحه الممل اللي ما يدش بالامتحان ..!!

 

[TAHOE]

كنت ارسم طراد وبحر واكتب تحته

الحب بلى والعشق سم قاتل

شنو العلاقه بينهم ؟ ,, ما ادري لا تسألوني

 

[coooool2]

كنت ارسم طراد وبحر واكتب تحته

الحب بلى والعشق سم قاتل

شنو العلاقه بينهم ؟ ,, ما ادري لا تسألوني

قصدك الحريم نسره مالهم امان

 

[KuWaiT DriFT]

برااااشيم و تواقيع

 

[ابو ريتاج]

بصراحه كانت مخصصه للبراشيم فقط لاغير .. ماعندى وقت حق الاشعار والرسومات كان همى الاول والخير نظافه الطاوله عشان اذا حددنا موعد الاختبارات بلاشنا شغل فى البراشيم واذا خلصت الاختبار مسحت البراشيم على طوووووول...استعدادا للاختبار الثانى وهكذا.....واذا ماكفت الطاوله على الكرسى الى قدامى ..طبع بعد ماستأذن من صاحب الكرسى ..شوفوا شلون الادب:d ....واذا ماكفى الكرسى عالطاوله اللى جنبى ..طبعا انا جنب الطوفه على طول الى اخر السنه​

 

[man.vip]

بصراحه كانت مخصصه للبراشيم فقط لاغير .. ماعندى وقت حق الاشعار والرسومات كان همى الاول والخير نظافه الطاوله عشان اذا حددنا موعد الاختبارات بلاشنا شغل فى البراشيم واذا خلصت الاختبار مسحت البراشيم على طوووووول...استعدادا للاختبار الثانى وهكذا.....واذا ماكفت الطاوله على الكرسى الى قدامى ..طبع بعد ماستأذن من صاحب الكرسى ..شوفوا شلون الادب:d. واذا ماكفى الكرسى عالطاوله اللى جنبى ..طبعا انا جنب الطوفه على طول الى اخر السنه​

بس لايكون تضيع وتكتب علي قميص الي قاعد جدامك ​

 

[ابو ريتاج]

بس لايكون تضيع وتكتب علي قميص الي قاعد جدامك ​

لووووووووول...
..ليش لا..اذا مافيه مجال حق البراشيم اشلى يمنع....التعاون زين ...على فكره صاحب الكرسى كان ياخذ على ظريبه براشيم ...يقول غششنى وانا اخليك تكتب على كرسى ..استغلال حتى على البراشيم

 

[kuwaitey]

اوووووووووووووو وحياتك خرايط وبس تنترس الطاوله اغيرها من اى واحد بصف

مسويها لوحة اعلانات والله على حسب المزاج مرات ارقام سيارات ومرات ارسم عليها رسوم

وشخابيط ومرات ابيات شعر وكنت ارسم شعار السيارات اللى احبهم ومرات اخترع تواقيع

عندى احساس من ونا صغير انى بصير مهم وشايل هم التوقيع هههههههههههههه

تصدقنى اذا اقول لك حتى الكرسى اللى جدامى اشخبط على ظهره


( تسلم حبيبى قلبى عن الموضوع والله ذكرتنى فى ايام قبل )

 

[MOHAMMED11]

شكرا على المرور واثراء الموضوع
اسعد الله قلوبكم بكل خير