هههههههههههههههههههههههههههههههه
اخوي البالتوك بس سوالف يعني يعطيك تحليل بالسوالف
وين ادوات التحليل ؟؟؟؟؟
وين الشارت ؟؟؟؟
مع احترامي الشديد للاخوان اللي يحللون في البالتوك
بأستثناء الدكتور سيك اللي يكتب في المنتديات يرفق الشارت مع التحليل
لكن البقيه اشلون الناس تثق بهم بدون شارت ؟؟
صبحك الله بالخير بو عبدالله
ترا احنا مجتمع وين ما تروح نفس التفاصيل تلقاها
منهم المطبل ومنهم حسن النيه ينقل المعلومه ومنهم المجتهد اللي يلاحظ ويكون دقيق.
نفس اشخاص الديوانيه بنفس النماذج تلقاهم في صالة البورصه وفي المنتديات وفي الدوام وفي روم البورصه.
وما روم البورصه الا نموذج منهم، يعني فيها المجتهد وفيها المطبل وفيها حسن النيه وفيها اللي يحلل، ما ننكر ان يدخلون ناس ويقطون جم سهم ويمشون وهذا حال المنتديات والدواوين وحتى صالة البورصه، طبعا قرار الشراء والبيع قرار شخصي للي يتبعه ولازم يعرف من يسمع كلامه،
وكلامي ان الروم عباره عن ديوانيه القائمين عليها مجتهدين
لا تسمع كلام أي واحد الا من عقب تجربه ، يعني تسمع كلامه وتشوف الاسهم اللي تكلم عنها مره ومرتين وثلاث وعشر مرات وتتأكد مدى صحة كلام الشخص ان كان صادق او مطبل او مجتهد او باحث عن الشهره، لغة المايك لغة سهله أي متحدث لبق يمكن إنه يجذبك بكلامه ويشتريلك ويبيعلك وانت منوم مغناطيسيا وهذي تصير بكل مكان، والسؤال اللي أسأله الاشخاص شلون شريت السهم وعقبها ادور اجابه اذا السهم زين او لا ليش ما سألت قبل الشراء.
الله يذكره بالخير غضنفري كان حاط شعار وعاجبني
الذكي اللي يطلع نفسه من المشكله والحكيم اللي ما يقط نفسه بمشكله
من خلال تجربتي في البالتوك وفي الديوانيه والدوام والبورصه أغلب الناس تتعلم من عقب الخساره، تدري ان اهم شئ واهم نقطه انك تتعلم بروحك شلون تصيد السهم للشراء وتصيد مكان البيع وعلى ما توصل هالمرحله او قبلها تصيد الشخص اللي تثق فيه وتاخذ منه معلومات والمعلومات اهنيه نوعين ان كنت تبي ترتاح ادور الشخص اللي يدلك على السهم اللي تشتريه وساعات تنطره يقولك وين تبيعه والا راح ينزل عليك، اما الاهم ادور الشخص اللي يعلمك شلون اهو تعلم شلون يصيد الاسهم ويصيد اشارات الدخول والخروج من السهم هذا اللي يكون يفيدك صح، لأنك راح تعتمد على نفسك مو على شخص يمكن يكون موجود او يمكن ما يكون موجود وقت الخروج، ومن اهنيه نسمع الشباب اللي يقولك تكه وتكتين واطلع يعني خبير اسهم.
عموما، نصيحتي لحد يعتمد على احد وياريت كلنا نتثقف ونبحث ونتعلم ونكون نعرف ونتناقش فيما بينا علشان تزيد المعرفه والفايده، اخوانا في المنتديات ما قصروا كل البرامج والدروس والكتب موجوده بس يبيلها واحد يتعب وتعلم.
أخوكم
sick_dr_1
روم بورصة الكويت