المجموعة الدولية للاسـتثمار ش .م.ك.م ( المجموعة د ) .... 9

[العكش]

أرجو من الأخوه الأعضاء المساهمين في المجموعة الدولية الوقوف يدا بيد و مواجهة مجلس الإدارة في الجمعية العمومية و محاسبــــــتهم والمطالبة بالتعويض فهذا هو الأمل الأخير من هذا السهم التعبان

أضم صوتى الى صوتك وهذا الحل اللى راح يصدم سامى
وانا راح اسوى عملية شغب بيكون معاى ماى صحه اذا ماعجبتنى فلسفته الزايده راح ارشقه بالماى وبركز على عقاله يمكن يحس بيوم من الايام (

اترك عنك سالفة الماي بعدين يعرف انك إنت بوفلسين اللي اميننه بالمنتدى ويحترك فيلمك هههههههههه

 

[أبو فلسين]

افا عليك يا العكش انا بقوله بصوت العالى معاك ابو فلسين رفيج العكش وصكه بالماى وأضحى بنفسي عشان اجعل لكم مخرج ان شاء الله انا ماتهمنى نفسي انتم اهم عندى من نفسي

 

[Zero]

كثر ما تسبون فيه كثر ما بيخسف فيكم...

انا اعتقد انه يدش المنتدي ويشوف مشاركاتكم ويقول انا اعلمهم شلون الشغل هذيله :d

بعدين يا جماعه مو كل مره يطيح فيها سهم تبع البدر طحتو فيه سب هذا سوق مرا بالعالي و مره بالواطي و الله يبعدكم عن الواطي و يرزقكم

 

[taroof]

ياجماعه هذا خبر سري مني لكم البدر اخذ دورة عند المحاميد حتى يصير اسهم المجموعة كل شي 100فلس

 

[atoz]

الله كرييييم .......الله كرييييم

 

[العكش]

افا عليك يا العكش انا بقوله بصوت العالى معاك ابو فلسين رفيج العكش وصكه بالماى وأضحى بنفسي عشان اجعل لكم مخرج ان شاء الله انا ماتهمنى نفسي انتم اهم عندى من نفسي

كفو والله يا خوي بوفلسين بس من غير صكة الماي لازم يعرف أن المساهمين اللي موجودين على قد حالهم وليس بالهسذاجة اللي كل يوم طايحلي بمشاريع وعقود يصرحلي فيها عباله يقدر يخدرنا بالهمواضيع والخزعبلات اللي ما توكل خبز ، ونعرف حنا هالسوالف عدل ومثل ما يقولونها بالمصري " دافنينو سوى "
وأقول لأخوي متداول ليبرالي العيار اللي ما يصيب يدوش !!!!

 

[BMW2007]

زهب العجره ياولد وانا عندي مشعاااب

 

[كويتي من ذهب]

انا صراحه لم احظر اي اجتماع جمعية من قبل يعني صراحه مادري شنو الوضع اهناك ؟؟ لكن اللي ودي اعرفه اوكي لو رحنه وقعدنه وتناقشنا وتكلمنا هل في شي يجبر البدر على انه ينفذ ماطالبنا !!!! خو يسمع من اهنيه ويطلع من اهنيه واللي براسه بيسويه واللي مو عاجبه يبيع او يروح يشتكي وهذا سوق وهذه مضاربه ,,, لو كان هذا رده ابي اعرف شنو ممكن نسويله بالشكل القانوني ؟؟ هل تقدر تسوي شي ؟؟ ولا على قولة بوفلسين راس مالها صكه ببطل ماي وتقول انا رفيج العشكل علشان تعم عليه وياك يا بوفلسين وما تتودر بروحك

 

[atoz]

توني ياني خبر انه باجر بترو جلف راح تشتغل على حسب الراوي من منتدى ثاني ويقول الخبر اكييد
بس ما يندرى على المجموعةوالله اعلم

 

[jeme_E]

السلام عليكم
وقام البدر بتحقيق ما اراد وطشر المضاربين
وحول الخسرانين مجبرين الى مستثمرين معاه

وحسبنا الله ونعم الوكيل

 

[A-M]

صبحكم الله بالخير

 

[غازى]

ماكنت احب غروب المجموعة من قبل ولكن اسعارهم بعد ما صارت مغرية ومحملة بالأرباح وارباح الربع الاول ممتازة توقعت انها فرصة وسيلت اسهمي بالشركات الثانية وركزتها باسهم البدر ...طار السوق وحنا نطالع ونتحسر على الاسهم اللي بدلناها بأسهم الفقر وتذكرت المثل :

بدل غزلانه بقرود

العروض على المجموعة اليوم قليلة جدا فهل سيتحرك السهم ام هو طعم لمن سلم من السهم ؟؟؟

الجناعات (السلطان والبدر )تتشابه حالة شركاتهم ,,محملة بالرباح ومو قادرين يحركونهم واعتقد يعانون من نقص السيولة

 

[jeme_E]

ماكنت احب غروب المجموعة من قبل ولكن اسعارهم بعد ما صارت مغرية ومحملة بالأرباح وارباح الربع الاول ممتازة توقعت انها فرصة وسيلت اسهمي بالشركات الثانية وركزتها باسهم البدر ...طار السوق وحنا نطالع ونتحسر على الاسهم اللي بدلناها بأسهم الفقر وتذكرت المثل :

بدل غزلانه بقرود



العروض على المجموعة اليوم قليلة جدا فهل سيتحرك السهم ام هو طعم لمن سلم من السهم ؟؟؟

الجناعات (السلطان والبدر )تتشابه حالة شركاتهم ,,محملة بالرباح ومو قادرين يحركونهم واعتقد يعانون من نقص السيولة

انا اعتقد ان عندهم سيوله ولكن ما يبون يحركونهم يبون يطفشون المضاربين من اسهمهم
ويخلونها استثماريه
ولكن نسو ان الكويتيين ما يتعلمون ومن يتحرك وهل شي لابد منه راح يرجع السهم مغري للمضاربين وكثر ما ينزل يكون مغري اكثر

الظاهر كلنا بدلنا غزلان بشواذي
انا بدلت بنك بوبيان بالمجموعه

 

[الصـــــالح]

هذا الحين بيسافر بالصيف اسبانيـــــا يفسفس افلووسكم اهناك وانتو اهني تتحسرون وتلطمون على حلالكم إلي ضاع....اصلا على اي اساس يرفع اسهمه ويضخ سيوله مالها هدف...والمستثمرين مالهم إلا الله يشتكونه ومايقدرون يجبرونه على شئ.....والبورصه مثل القمار وللاسف احنا مااضربت معانه هالمره

 

[العكش]

رفع اليوم بطعم النزول !!!! " والسهم شناّ قاعد يرتفع على استحياء !!!! وإن شاء الله المد الأزرق جايلك يالبدر مو الإزيرك المنتخب !!!! هالمرة المساهمين الأشاوس ، بس خلك قدها وكون متواجد في الجمعية العمومية

تحياتي للجميع ،،،،

 

[قاروه]

السلام عليكم ...

الاخوان الكرام ...

برجاء الجديه في المشاركات وجعل المشاركات بنائه
ليست دعاوي وغيره ...



دمتم بود

 

[أبو فلسين]

الحين صار عندى يقين انه قروب البدر ما يتحرك الا مع قروب المخازن شنو العلاقه اللى بينهم الله وحده اعلم

 

[Mariner9k]

ابو فلسين ...... خل عندك صيبر وفطنه ...... مجموعة المخازن جناعات ..... سامى البدر جناعات ..... عدنان المسلم جناعات ..... واللبيب بالاشارة يفهمو ..... وشكرا

 

[المؤشراتي2]

ابو فلسين ...... خل عندك صيبر وفطنه ...... مجموعة المخازن جناعات ..... سامى البدر جناعات ..... عدنان المسلم جناعات ..... واللبيب بالاشارة يفهمو ..... وشكرا

للمعلومه ؛البدر والمسلم يمثلون تكتلات واسعه .السهم اللي يتحكم به القناعات هو سلطان المخازن المصالح العقاريه .الباقي يوجد حالفات

 

[صوت الأمه]

ماكل جناعي حناعي فيه واحد يحافط على اسمه واسم عائلته واحد ماتهمه الا وبل تتصل فيه الناس و.............................را.....................زز