شركة مركز سلطان للمواد الغذائية ش.م.ك.م ( م سلطان ) .... 2

[بو معاذ 2006]

اذا البنك قاعد يبيع منو الي قاعد يشتري؟؟

 

[white soul]

اذا البنك قاعد يبيع منو الي قاعد يشتري؟؟

الايام الي طافت صغار المستثمرين كانو يشترون ::verymad::::verymad::

اليوم اعتقد محافظ او دعم من الملاك​

 

[مضارب_عنيف]

انا بايعه 2001 98ف وكان دعمه ذاك الوقت 102 تتوقعون يرجع لدعم

 

[برق الشرق]

متى ينشف جليب هالبنك!!!
عجزنا وهو يزعب منه!! خلّص!!

 

[ربحت]

شباب والي شاري السهم ب 1.640 شيسوي ..!!!!!!

 

[kakpal]

أخوي صحح معلومتك

الي قاعد يبيع بسهم مركز سلطان واجيليتي هو بنك Hsbc

نسبته قلت عن ال 5% بس تبقي شي قليل

واعتقد ماراح يرتد سلطان الا لما ينشف البنك من بيع اسهمه بالكامل​

ــــــــــــــــــــــــــــــــــــــــــــــــــ

يعطيكم العافيه سبق وذكرتلكم أمس ان مركز سلطان فيه أنحدار لي سعر 385 فلس ومنها الارتداد ...

وبخصوص البنك ... HSBC <<< البنك خرج من ملكيته في مركز سلطان واللي كانت تتعدا ال 5,303% ومن كان بأسعار 510 فلس

البنك مو موجود حاليا ولا يملك في مركز سلطان من الاسبوع اللي طاف

ولاكن أرد واقولكم ألسهم عنده لي سعر 385 فلس وشوفو كلامي وحاسبوني عليه

..............................

الاسبوع القادم يوم الأحد القادم بالضبط راح تشوفون السوق يتدرج بالصعود القوي ودخول المحافظ على السوق بقوه ونهاية التصحيح يعتبر من يوم الخميس 29/11/2007

وأنشالله تبدئون بفرز الاسهم وملكياتكم بالسوق وتدخلون عالأسهم الربحانه وتطلعون من الاسهم الغير جيده والخامله ... بالتوفيج للجميع..

 

[Master-Leo]

السلام عليكم ويعطيكم العافيه والله يصبركم ان شاءالله على هالسهم وتعوضون خسايركم فيه بأذن الله

عندي توقع ممكن يكون صحيح أو خطأ بس حبيت أطرحه وهو ان البنك اللي باع نسبة ال 5 %

واضح طبعا خروجه بالاسبوع الماضي بعد ماكان يملك مايقارب 26 مليون سهم وأعتقد كمل تقليل

نسبته وخروجه تماما هالاسبوع أو خلال الأيام القادمه هذي معلومات ممكن الكل يكون عارفها

طيب منو الطرف اللي يشتري باليوم فوق 6 ملايين أو 10 ملايين سهم ويتحمل تكلفه شرائهم؟

ممكن كبار الملاك أو ممكن محافظ تابعه لهم هي من قامت بالشراء ولتقليل متوسط تكلفة

السهم عليهم يقومون بالضغط عليه زيادة بالعروض الكبيره من أجل تفسيخ عقود الآجل وشراء

السهم بالنازل قدر الامكان فتقل تكلفة السهم وبالمره يطلعون صغار المستثمرين والمضاربين من

السهم وتالي تصير صعدة السهم بالنسبه لهم سهلة . مجرد رأي وفكره في بالي حبيت

تشاركوني فيها قد تكون صحيحه أو خاطئة أو فيها نسبه من الصحه .

فنيا السهم واصل لمراحل مبالغ فيها جدا من البيع وقد يرتد من أسعار 410-415 أما اذا نزل

تحتهم فأعتقد السهم مايتطوف للاستثمار والله أعلم وأسمحولي بالإطالة .

 

[المعوشرجي79]

والله السعر كارثي انصدمت اقصاها رئيس مجلس الادارة يحس ويلحق بس عمك اصمخ

 

[kwt.to.kwt]

هل يعقل أن البنك الأجنبي يبيع بخسارة !!!

 

[SMoOoKY]

انا طالب على 400 بدبل الكميه الاولى ويا انا يا سليطين..... لانه نظرتي مطابقه للأخ ماستر ليو...
دام الصغار طاحسين فيه وصغار المتداولين متخوفين منه لانه يشوفون شيصير بربعهم منو الي قاعد يلم وخاصه اخر جم يوم الكمية خياليه@@!!!!

 

[بوسعود66666]

اتوقعون سلطان راح يطلع من الغيبوبه ؟

 

[SMoOoKY]

ان شاءالله

 

[الوافي ابو محمد]

لملاك سلطان التبريد علي الأسهم مهم للربح أو تعويض الخسارة

 

[بوسعود66666]

لملاك سلطان التبريد علي الأسهم مهم للربح أو تعويض الخسارة

اخاف ابرد على السهم وينزل تحت

 

[Abdullah Alhajeri]

اليوم قاعد ويا الربع بالبورصه

الله وكيلكم ماصدقو سلطان حد ادني راحو شالو يمكن 300 ألف

يقولون هالسعر ما يتطوف جنك شاري ارض

اقولهم خلكم من السوق هالوقت ما يسمعون

لكن انا اتوقع سلطان راح ينزل عن 400

والفرص دائماً موجوده

يمكن اكون على خطأ فليعذروني على الكلام

 

[الوافي ابو محمد]

اللة يوفق الجميع وأتوقع للسهم صعدة مثل بترو غولف لما نزل 4 أيام وأرتد بقوة توقعي لسهم سلطان بيطول علي ميصعد فوق 500

 

[ابو هاجر**]

ممكن يرتد من 420 كسرها الارتداد المتوقع من 400

 

[الفال الطيب]

سليطين اليوم حيرنا وطير النوم علينا - صرنا سهارى الليلة ..
وشكلة الخميس ما يشجع ويمكن بخورها بعد اذا ما تعدلت الام المخازن , وذلك لان الوضع ما يساعد للصعود -- لأربع نقاط --
1- الخوف الشديد من صغار المستثمرين اللي متمسكين بالسهم وخشية النزول اكثر فأكثر , بالتالي احتمال كبير يقطون بكرة .
2- الشركة الام وضعها ما يشجع وما يساعد الى الان فيها غموض , واللي زادها سوء كسرها للدعم المهم 1340 , ووصولها لأسعار 1260 , ثم الاغلاق 1300 .
3- الخميس اهو اخر الاسبوع , البيع فيه يكثر .
4- التصحيح الى الان شكله ما انتهي .
5- الآجل وهو المصيبة , واعتقد هو السبب الرئيسي للنزيف الحاد لسلطان .
ملاحظة : وجهة نظر شخصية - فقط للانتباه , وانا ذكرت هالكلام لسلطان لان هالسهم شكله ما قام ينفع معاه التحليل .. والله اعلم.

 

[قاروه]

كسر ال 390 خروج والله اعلم

 

[شرياص العديلية]

شباب والي شاري السهم ب 1.640 شيسوي ..!!!!!!

عندك 50 دينار ؟




بس .. أعتقد فهمتني ..













تصدق ب 50 دك

والله سبحانه اللي خلق سلطان هو اللي يعوضك​

وين راحوا الشباب ؟؟
وعلى نياتكم ترزقون
وين الله يوفقنا ..