شركة مركز سلطان للمواد الغذائية ش.م.ك.م ( م سلطان ) .... 2

[بوزييز]

جم التوزيعة؟

النقدي 25 %
المنحه 15 %​

 

[2go]

يا سلام

بوعزوز ..

ماقصرت على المراوح (البنكات)

الله يبرك على قلبك ..

 

[bo_ahamad]

حبيبي زمان اقتصادي ان شاء الله هالتوزيعه تساعد في ارتفاع السهم من يوم السبت وافرح ياخوي 2go على التوزيعه
وعلى المراوح ​

بالعكس التوزيعة راح تأثر على السهم لأن الناس كلهم بفقطون أسهم المنحة

 

[jeme_E]

اعتقد والله اعلم ان الرفعه كان الهدف منها استقبال المنح
حتى لايروح السهم قوعه حيل ويكر رقم جديد

ولكن سوقنا ماله صاحب
يمكن باجر حد اعلى
واتوقع ان اقوى حاجز هو 700
لو تقط قبله احسن
وكل واحد حر بحلاله

 

[بوزييز]

بالعكس التوزيعة راح تأثر على السهم لأن الناس كلهم بفقطون أسهم المنحة

موشرط حبيبي السعر ينزل . في كذا شركه ارتفعت بعد توزيع الارباح واحنا ان شاء الله دوم من المتفائلين
والله يكتب الي فيه الخير​

 

[bo_ahamad]

موشرط حبيبي السعر ينزل في كذا شركه ارتفعت بعد توزيع الارباح واحنا ان شاء الله دوم من المتفائلين
والله يكتب الي فيه الخير​

الله يسمع منك مع العلم أني ماخذها أمس آجل 670 وطلعت علي 683 والله يعوضنا أنشاءالله

 

[بوزييز]

الله يسمع منك مع العلم أني ماخذها أمس آجل 670 وطلعت علي 683 والله يعوضنا أنشاءالله

الله يعوض عليك وعلينا ان شاء الله وهم انا هم خذيته 690 فلس وحده وحده ​

 

[wazer]

عيل احنا شنسوي اللى ماخذينه 1.340 ومدبسين فيه

 

[النــاقــد]

عيل احنا شنسوي اللى ماخذينه 1.340 ومدبسين فيه

الله يعينك اخوي و يعوض صبرك خير ان شاء الله.

بس ليش ما صدته يوم كان سعره 530 ؟

لو طاق لك فيه كمية جان بردت على خسارتك.

 

[wazer]

الله يعينك اخوي و يعوض صبرك خير ان شاء الله.

بس ليش ما صدته يوم كان سعره 530 ؟

لو طاق لك فيه كمية جان بردت على خسارتك.

قال انفخ يا شريم قال ما من برطم يالحبيب
بيزات نادراي

 

[بوزييز]

عيل احنا شنسوي اللى ماخذينه 1.340 ومدبسين فيه

الله يعينك حبيبي بس على فكره انا ماخذ من الوالد على 540 فلس والوالد ماخذه على 1.430 والله المستعان ويعوض عليكم ان شاء الله ​

 

[wazer]

احنا ما نقول إلا الحمدلله الذي لا يحمد على مكروه سواه

والله يعوضنا انشاالله

 

[2go]

انشاء الله ينطلق سلطان حد اعلى اليوم

قول اميييين


امييييين رب العالمين

 

[2go]

اشرايكم ...


نبيع اليوم


ونشوف السعر بعد التوزيعات (الاسهم) والا راح ينطلق يوم السبت وماراح يهمه اسهم المنحة؟؟؟

رايكم يا اخوان الصفا... وخلان الوفا

 

[adelsaqer]

انا بعت السهم بخسارة والحمدالله علي كل حال مايندري عن السهم بعد توزيع المنحة خننطر ونشوف ان نزل خذيته مرة ثانية لان السهم اكيد راح يصعد بعد فترة والا شنو فايدة العقود المليارية

 

[بوزييز]

انا عن نفسي بشوف لغاية يوم السبت اذا السعر متذبذب راح ابيع واذا السهم ماسك سعره لاوالله بخليه لغاية نصف الاسبوع القادم والله يكتب الي فيه الخير وموفقين ان شاء الله ​

 

[خبره بالسوق]

انا عن نفسي بشوف لغاية يوم السبت اذا السعر متذبذب راح ابيع واذا السهم ماسك سعره لاوالله بخليه لغاية نصف الاسبوع القادم والله يكتب الي فيه الخير وموفقين ان شاء الله ​

شلون تبيهم نحشونكم ؟

جذيه يذبذبون بالسعر علشان ينحشونا

ان شاء الله بالوقت الحالي مع تفاعل العقد ,,,, ما في خوف بإذن الله

والله كريم

 

[بوزييز]

شلون تبيهم نحشونكم ؟

جذيه يذبذبون بالسعر علشان ينحشونا

ان شاء الله بالوقت الحالي مع تفاعل العقد ,,,, ما في خوف بإذن الله

والله كريم

والله ياخبرة السوق نتمنى ذلك والسهم يكون متماسك كما تماسك في بداية الاسبوع الماضي بارتفاع تدريجي والله يكتب الي فيه الخير ​

 

[خبره بالسوق]

والله ياخبرة السوق نتمنى ذلك والسهم يكون متماسك كما تماسك في بداية الاسبوع الماضي بارتفاع تدريجي والله يكتب الي فيه الخير ​

ماعليك يا الطيب ... اهم شي خل مراوحك شغاله

والباجي اتركه على الله

 

[بوزييز]

ماعليك يا الطيب ... اهم شي خل مراوحك شغاله

والباجي اتركه على الله

والله ياخوي خبرة السوق محد مبرد علي بهالسوق غير هالمراوح الي شريتهم من البنغالي قبل مايسافر بنغلادش ​