رؤية لبعض الأسهم المرشحه للصعود

[حفار قبور]

أخوي

King-Leo

وضع العربية العقارية تفضلا وليس امرا ؟ مستقبلها المنظور ؟

تحياتي

 

[المطرود]

السلام عليكم
الأخ النوخذة كنج ليو شكرا ونقدر الرد السريع على موضوع السفن وأعتقد انه حان الاوان لتصريف السفن وبعد ذلك راح أأأأأأأأأأأخمط خمط بالصفوة
وشكرا

السلام عليكم

اخوي بو خماط لو تكرمت تقولي شنو عندك خبر على الصفوة وهل زينه للإستثمار حتى آخر السنة وأتمنى الكنج يشارك علشان آخذ القرار الصحيح

لك مني جزيل الشكر والإمتنان

اخوك بو محمد

 

[Master-Leo]

King-Leo


ما تقولي انت شمسوي

في وحده اسمها الاسد


منزله اعلان باكثر من منتدى منهم النوادي وتوصيه

تقول انها مالها اي علاقه بKing-Leo لا من قريب ولا من بعيد

وترجو عدم ربطها بالمدعو King-Leo ​

شكرا لك اخوي على التنبيه ماقصرت رايتك بيضه وتم عمل اللازم على هالرابط

http://www.alnwady.com/stock/showthread.php?p=719783#post719783

وهذا مجرد تشابه اسماء تصير بأحسن العائلات

المثل يقول اتييك التهايم وانت نايم حصل خير وموفق يا الحبيب

 

[Master-Leo]

ليو شرايك بسهم بورتلاند مع الشكر

ياهلا اخوي تفضل سهمك اللي كان موصينا عليه اخونا العزيز شيمبر

بورتلاند : صعود السهم بالفتره الماضيه سبب وجود فجوات سعريه

الشي اللي قد اعتبره مطمئن نوعا ما ان التداول اليوم عالي بالنسبه

للسهم قد يكون محاوله لتثبيت سعره على 1580 ليكون دعم للسهم

لكن في حال كسر 1560 قد يرجع السهم نزولا لتسكير الفجوات

مابين 1480 - 1560 أو 1380-1420 والمقاومه حاليا 1640 .

مؤشر الماكد حاليا ايجابي لكن مؤشر الستوكاستك والقوة النسبيه يشيران

الى احتمال نزول وشيك وتداول الغد يبين الصورة لنا اكثر ان شاءالله وموفق ياحلو

 

[Master-Leo]

أخوي

King-Leo

وضع العربية العقارية تفضلا وليس امرا ؟ مستقبلها المنظور ؟

تحياتي

تفضل اخوي

الدعم الحالي 168-166 وبعدهم 162 ومقاومه على 174

- مؤشر الماكد ايجابي ومقترب من تجاوز خط الصفر

- مؤشر القوة النسبيه ثابت ومتماسك قد يدل على التجميع ان شاءالله

- مؤشر الستوكاستك سلبي حاليا

العين على البنك العقاري اعتقد متى ما ارتفع راح نشهد ارتفاع

للعربيه العقاريه موفق يا UNDERTAKER

 

[Q8 Stock]

الحين الاسد طلع مؤنث ..!!

ليو لو سمحت بطاقتك المدنيه

 

[Master-Leo]

الحين الاسد طلع مؤنث ..!!

ليو لو سمحت بطاقتك المدنيه

اصفط على اليمين وعطني الاجازة والدفتر لو سمحت

( عاد بروحه مخالفيني أول أمس ممنوع الوقوف صوب سوق المباركية يا ولد الحجيه )

 

[BRoKaReYa]

يا الاسد اشرايك اب سهم كفيك ؟؟

احس فيييه من وراه خييييييير

 

[Master-Leo]

يا الاسد اشرايك اب سهم كفيك ؟؟

احس فيييه من وراه خييييييير

ياهلا اختي تفضلي

كفيك سهم هذول ملاكه شتتوقعين مستقبله؟

النسبة المرهونة / طريقة المساهمة كبار المساهمين / النسبة
غير مباشرة / --- المؤسسة العامة للتأمينات الاجتماعية / 8.46%‏
مباشرة وغير مباشرة /--- فؤاد محمد الغانم ( واخرين ) / 19.934%‏
مباشرة وغير مباشرة /--- يعقوب يوسف الحميضى ( واخرين ) / 16.9‏ %‏
مباشرة / - - شركة عبد الله الحمد الصقر واخوانه / 13.6%‏

نسبة كبار الملاك بحدود 60% يعني أكثر من نصف أسهم الشركة في ايدهم هذا اذا مازادت النسبه واحنا ماندري

وغير ان نشاط الشركة في ازدياد ملحوظ من حيث تمويل الافراد والشركات

وأيضا بالوساطه يعني كأنه بنك مصغر الله يزيد ويبارك فمستقبله زين


تحليليا : الدعم 475 وبعده 460 ومقاومه حالية 485 -490

مؤشرات السهم سلبيه مثل الستوكاستك والقوة النسبيه

مؤشر الماكد حاليا ايجابي لكن مقترب من السلبيه والله أعلم بالتوفيق

 

[بوحسين11]

ليو كينج

بارك الله فيك جهد مميز تستحق الشكر


صوره الاسد مسويه مشاكل الظاهر هههههههه


الله يوفقك يارب

 

[Master-Leo]

ليو كينج

بارك الله فيك جهد مميز تستحق الشكر


صوره الاسد مسويه مشاكل الظاهر هههههههه


الله يوفقك يارب

تسلم يابوحسين حبيب ماقصرت وفعلا مسببه شوية مشاكل بسيطه

ان شاءالله وماحصل الا الخير كلنا اخوان وحبايب ونخدمكم طال عمرك

 

[Q8 Stock]

تسلم يابوحسين حبيب ماقصرت وفعلا مسببه شوية مشاكل بسيطه

ان شاءالله وماحصل الا الخير كلنا اخوان وحبايب ونخدمكم طال عمرك

​

 

[Master-Leo]

​

ماتيوز من التحرش والنغزات أشوف حلل لنا اسهم سوليدير قبل

لايسحبونهم قريت ذاك اليوم خبر بالجريده انهم يفكرون يسحبونهم من

السوق نظرا لعدم تحقيق الأهداف المرجوة من الادراج

متابعة لسهم الصفاة للاستثمار :

- الماكد حاليا مقترب من التقاطع الايجابي مع متوسطه

- مؤشر القوة النسبية ايجابي

- مؤشر الستوكاستك مقترب من خط (80) وقد يتجاوزه في حالة الصعود القوي

سعر الشراء للمضارب اليومي بين 490 - 500 والبيع 500-520

حاليا الدعم 490-495 والمقاومه 520 وهدف كسر المقاومه بأذن

الله 560 وبعدها نتحدث بأهداف المستقبل700-750 في حال اذا

مشى سوقنا بالطريق الصحيح موفقين ان شاءالله

 

[Sniper Stock]

كنق ليووووو نبي رايك في سهم البنك العقاري...نفس التحليل او فيه تغير..شنو تقول على تداول اسهمه اليوم..وشنو تتوقع



وفديتك

 

[Master-Leo]

هلا اخوي سوالف

البنك العقاري اليوم رغم عروض على 620 الا ان حافظ على

هالسعر كدعم جديد للسهم بعد اختراقه له لما كان يعتبر مقاومه

- الماكد حاليا جدا ايجابي بعد اختراقه لخط الصفر صعودا وكذلك

- مؤشر القوة النسبيه بدأ بالتماسك نظرا لثبات سعر السهم اليوم

- مؤشر الستوكاستك ايجابي

- متوسط الحركه للأيام ال 5 و 10 في بداية تقاطع ايجابي

بأعتقادي السهم ممكن يوصل لسعر المقاومه خلال الأيام

القادمه ومن نشوف صفقات بكميات كبيره على سعر 630

اعتقد راح تكون اشارة واضحه لوجود نية لكسر حاجز 640 بأذن الله

 

[Sniper Stock]

لاا خلااا ولاااا عدم ليوووووو

 

[Master-Leo]

صادوه ​

هذا سهم يديد اسمه صادوه وانا قاعد اتابع تحاليل لبعض الاسهم

قلت اشوف هالسهم فإذا بمؤشراته جيده جدا حاليا وقلت انشرها لتعم الفائدة لملاكه ولمن يحب الدخول عليه

سهم الصناعات المتحده مؤشراته بدأت بعمل التقاطعات الايجابيه ايذانا بإحتمال ببدء موجة صعود قادمه بأذن الله

- الماكد حاليا بدأ بتقاطع ايجابي بسيط وفي نطاق تحت خط الصفر

- الستوكاستك ارتفع للأعلى ايجابيا

- مؤشر القوة النسبيه كان مرتفع ايجابيا وحاليا هو ثابت مع ثبات سعر

السهم لهذا اليوم .

- متوسط حركة التداول للأيام ال 10 و 5 بدأوا بالاقتراب شيئا فشيئا

- حدود خطوط البولينجر ضاقت أكثر من الأول

- الدعم الحالي 340-345 والمقاومه 360 -365

- هدفنا الأول : 380 و هدفنا الثاني 395-405

- لاننسى السهم أرباحه للربع الأول فاقت 80 فلس ومع الربع الثاني

احتمال تزيد أكثر ان شاءالله

- آخر ملاحظة : الرجاء مراقبة وضع السوق ومؤشره بصفة عامه قبل

الأخذ بالتوصيه وبمعنى آخر اذا السوق بدأ بعملية تصحيح الرجاء عدم

الأخذ بهذه التوصية

- كالعاده اللي يبي يشتري يشتري واللي مايبي يشتري يتفرج وبيعك

ومشتراك يا الحبيب مسئوليتك الشخصيه والله الموفق لنا ولكم

 

[BO-MUBARAK]

كنج ليو
شلونك طيب باذن الله

جراند نفس الشي مافي تقدم والا في روح هالايام الجاية

 

[Master-Leo]

كنج ليو
شلونك طيب باذن الله

جراند نفس الشي مافي تقدم والا في روح هالايام الجاية

هلا اخوي سيرش أنا بخير عساك دوم تكون بخير

وضع المؤشرات لسهم جراند غير مشجع للأمانه حاليا

مؤشر الماكد مقترب من اعطاء اشارة سلبية

ومؤشر الستوكاستك سلبي

ومؤشر القوة النسبية الوحيد المتماسك حاليا

الدعم والمقاومه لم يتغير شي فيهم

مثل ماسبق وذكرت احتمال اذا فيه ارتفاع راح يحصل

قبل نهاية شهر يونيو وذلك للإقفالات النصف سنوية والله أعلم

وأتمنى جروب البدر يستفيد من القرض اللي سمعنا انهم راح يحصلون عليه .

موفق ان شاءالله

 

[aas023]

ممكن لو سمحت سهم بورتلاند ووين رايح وتحليل للسهم

وشكرا