رؤية لبعض الأسهم المرشحه للصعود

[k^d^d]

مشكور والله يعطيك العافيه 000ياكنج

 

[Mariner9k]

سلام ليو ومساك الله بالخير يالحبيب ....... اسمع اخبار انك تاركنا .... للراحة ..... انشاءالله المانع خير ..... اكيد راحة وستجمام

بصراحة راح نفتقدك ..... ومبروك على كسر 11500 ..... اليوم ماتابعة السوق والسبه الدوام ...... اليوم السمج مثلج ماكان فيه تازه بس بيى يوم العتاوية بيفترون على بيوتنا والكيلو بدينار وهم محنا بايعين ....

على كل حال اشوفك باجر الصبح

سلام

 

[Master-Leo]

اخوي كنق ليو

شلون على الاسماك ههههههه

وبعد ابي ص متحدة

والدار

واذا ماثقلت عليك النقل وعارف :/

تسألني عن الأسماك؟

خلك متعلق مثلي أنا أقول والله بيفرجها قريبا لاتحاتي والسهم حاليا

سعره مابين 315-320 يعتبر مثالي لأن بالقاع لكن مثل ماقلت لك

يبيله بعد جم يوم عشان يعدل للأعلى وماتدري يمكن فيه

خبر ايجابي يخليه يتعدل بأي لحظة ان شاءالله لكن في حالة كسر

الدعم 315 فهذا خروج للمضاربين فخلك منتبه أيضا فنحن قوم نعشق

المضاربه ولانعشق الأسهم حبا فيها

ص متحده : الدعم 340 ومقاومة 350 السهم اغلق فوقها لكن

نظرا لقلة كمية التداول اليوم فنحتاج لتداول الغد لتأكيد الكسر

أما المؤشرات فهي ايجابيه والماكد على وشك التقاطع الايجابي أيضا .

الدار : الدعم 1100-1120 ومقاومه حاليه 1140 الماكد قطع سلبيا

خط الصفر وكذلك مؤشر الستوكاستك حاليا سلبي .

عارف : الدعم 495 ومقاومه 510-520 ومؤشراته الماكد والستوكاستك

والقوة النسبيه جميعها ايجابيه حاليا لكن فيه عيب بالسهم .. تداوله

قليل يعني ب 100 ألف سهم ممكن باجر يخرب صعود اليوم والله اعلم

النقل : الدعم 990 ومقاومه 1040 وحاليا مؤشرات السهم ايجابيه

لكن أيضا قلة التداول عليه يخليه عرضه للعب بسهوله اما للأعلى أو الأسفل

موفق ان شاءالله يارسامنا وكلما أكلت سمك بألف عافيه تذكر زميلك بالسهم

 

[Master-Leo]

كنج ليوو مساك الله بالخير

شنو وضع بنك بوبيان :ماشاء اللة طار اليوم))

وبنك العقاري


وكم اشتريهم وليس للمضاربه اليوميه بل مضاربه اسبوعيه

واللة يعطيك العافيه

هلا بالأحرش ماشاءالله على سهم بوبيان الله يهني ملاكه

فعلا طار بسبب دخول أطراف عليه لكن احتمال في مقاومه

على 680 هذا سعره أول مانزل البورصه أذا ماخانتني الذاكره

وعموما السهم مايخوف مثل ماقلت استثماري وواعد وبنشوفه

أعلى من هالأسعار ان شاءالله واحتمال السهم شكل دعم على 650

لكن لانستعجل ننتظر تداول الغد لنتأكد فإذا مانزل عن 650 توكل على

الله واطلبه خلال الاسبوع القادم على هالسعر وحاليا مؤشراته فوق

المطفحه فماتدري متى ما اكتفت الأطراف اللي داخله على السهم

راح تبتدي تشوف جني الأرباح عليه .

البنك العقاري : دعم 590-580 ومقاومه 620 مؤشرات السهم حاليا

تعتبر " لوئـطه " بالمصري

- الماكد على وشك التقاطع الايجابي للأعلى

- الستوكاستك تقاطع ايجابيا للأعلى

- مؤشر القوة النسبيه كذلك ايجابي

- السهم من يكسر 620 بقوه ان شاءالله بنشوفه 660 على الأقل

 

[Master-Leo]

مشكور والله يعطيك العافيه 000ياكنج

العفو وبالخدمه اخوي كي دي دي الاختيار الأمثل للعائله

سلام ليو ومساك الله بالخير يالحبيب ....... اسمع اخبار انك تاركنا .... للراحة ..... انشاءالله المانع خير ..... اكيد راحة وستجمام

بصراحة راح نفتقدك ..... ومبروك على كسر 11500 ..... اليوم ماتابعة السوق والسبه الدوام ...... اليوم السمج مثلج ماكان فيه تازه بس بيى يوم العتاوية بيفترون على بيوتنا والكيلو بدينار وهم محنا بايعين ....

على كل حال اشوفك باجر الصبح

سلام

هلا بوزيد ماتفقد غالي خلك من السمج ان شاءالله الوعد الى الاسبوع

الياي أنا معاكم واللي الله كاتب فيه الخير بصير

وعلى الترك أتمنى مايصير تعودت على المنتدى وعلى الزملاء اللي فيه

لكن لكل حادث حديث

 

[نجدي2]

ليو قواك الله شلون م الاوراق بعد تداول اليوم ؟ وبارك الله فيك

 

[amr-mohammad]

السلام عليكم ورحمة الله وبركاته ...
فهذه أول مشاركاتى وأتمنى للجميع التوفيق ...
لو تكرمت سهم " الصفوة " ...
علماً بأنني جديد على السوق وقليل الخبرة
مع جزيل الشكر.

 

[Master-Leo]

هلا بالنجدي

م الأوراق : الدعم الجديد ان شاءالله بكون 350 لكن خل نتأكد من تداول

باجر أما الدعم اللي بعده فهو 325 والمقاومه حاليا 370-375

- الماكد على وشك التقاطع الايجابي للأعلى

- الستوكاستك ايجابي أيضا

- مؤشر القوة النسبيه ايجابي مقترب من خط ( 70 ) منطقه الحذر من

جني الأرباح أو الاصطدام بسعر المقاومه .

الشي الغريب ان السهم صعد بقوة دون صعود البنك التجاري قد يكون

السر بأن فيه أرباح ايجابيه للربع الثاني ولاننسى السهم أرباحه للربع

الأول كانت ممتازة وسعره حاليا يعتبر رخيص مقارنه بأرباح الربع الأول

موفق ان شاءالله

 

[Master-Leo]

السلام عليكم ورحمة الله وبركاته ...
فهذه أول مشاركاتى وأتمنى للجميع التوفيق ...
لو تكرمت سهم " الصفوة " ...
علماً بأنني جديد على السوق وقليل الخبرة
مع جزيل الشكر.

وعليكم السلام حياك الله اخوي

الصفوه تحليليا : دعم 108-110 ومقاومه بسيطه على 112 وأقوى

على 116-118 والسهم حاليا متماسك ومؤشراته تقترب من الايجابيه

الصفوة كتوصيه واصلتني ان فيه صعود 30 فلس على الأقل

الزمان : ألله أعلم لكن أرجو عدم اعتبارها دعوه للشراء فهذا قرار شخصي

 

[amr-mohammad]

السلام عليكم ورحمة الله وبركاته
أخوي King-Leo
لم أكن أتوقع هذا الرد السريع ... وخصوصاً أن هذه أول مشاركة لى
أشكرك شكراً جزيلاً ، والله يطمنك زى ما طمنتي ...
أنا بصراحه شارى " الصفوة " على 110 وكنت خايف تنزل عن كده وخصوصاً بعد ماشفت البيع على 108 ، ربنا يكرمنا بالكام فلس اللى قلت عليهم ... وبشرك الله بالخير...
أشكرك مرة أخرى

 

[Master-Leo]

السلام عليكم ورحمة الله وبركاته
أخوي King-Leo
لم أكن أتوقع هذا الرد السريع ...

العفو أخوي بالخدمه

شرايكم نسوي خدمه رسائل نصيه حق المنتدى ندز فيها التحاليل والتوقعات والتوصيات مقابل قيمة الرساله ههههه

خوش فكره خل أعرضها على المشرفين ها شرايكم ( غشمره )

دعوات الأعضاء لنا بالخير والرزق والصحه والعافيه كافيه بحد ذاتها والله يوفق

الجميع ويرزقهم الرزق الطيب الحلال و يلبسهم ثوب العافيه

 

[بوجاسم2]

السلام عليكم

الله يعطيك العافية ويقويك يا الغالي، مو مقصر والله ويا الشباب

وحاب اني اسألك ...

لو كنت تبي تطلب باجر احدى الاسهم التالية، وعلى هالاسعار، فأي سهم بتطلبه؟ :

- الوطنية العقارية على 580

- نور على 420

- المدينة على 485

-----------------------------

وإذا عندك شي شايفه افضل منهم بعد (غير بوبيان) فكتبه لي واكتب سعره بعد

مشكور مقدما على التجاوب

تحياتي

 

[الاحرش]

هلا بالأحرش ماشاءالله على سهم بوبيان الله يهني ملاكه

فعلا طار بسبب دخول أطراف عليه لكن احتمال في مقاومه

على 680 هذا سعره أول مانزل البورصه أذا ماخانتني الذاكره

وعموما السهم مايخوف مثل ماقلت استثماري وواعد وبنشوفه

أعلى من هالأسعار ان شاءالله واحتمال السهم شكل دعم على 650

لكن لانستعجل ننتظر تداول الغد لنتأكد فإذا مانزل عن 650 توكل على

الله واطلبه خلال الاسبوع القادم على هالسعر وحاليا مؤشراته فوق

المطفحه فماتدري متى ما اكتفت الأطراف اللي داخله على السهم

راح تبتدي تشوف جني الأرباح عليه .

البنك العقاري : دعم 590-580 ومقاومه 620 مؤشرات السهم حاليا

تعتبر " لوئـطه " بالمصري

- الماكد على وشك التقاطع الايجابي للأعلى

- الستوكاستك تقاطع ايجابيا للأعلى

- مؤشر القوة النسبيه كذلك ايجابي

- السهم من يكسر 620 بقوه ان شاءالله بنشوفه 660 على الأقل

الاخ: القدير ليووو



بيض اللة وجهك واللة يوفقك

دنيا واخره وعزاللة انك مومقصر معاي ولا معي الاعضاء الباقين


واللة يعينك على وعليهم


اخوك:الاحرش

 

[MaLoOoK]

ليو ليو ليو يا كنج

كيف حالك طال عمرك

حبيبنا استأنس برايك بخصوص عقارات الكويت و الخليجي بعد
تداولات اليوم

الله يعطيك العافية مقدما يا كنج

 

[فلس]

كنج مشكور على ردك السرع وتحليلك للمركز المالي ولاكن نبي انعرف وضع المركز المالي بعد تداول اليوم ....

 

[talal555]

إذا ممكن طال عمرك عقارات الكويت وأم القيوين

 

[ابن دبيان]

الله يعطيك العافيه كنج ليوو ابي رايك في جلوبل طالعه علي 800 فلس لها روحه فوق ولا اقطها والله يجزاك عنا كل خير

 

[بورصة نت]

حبيبي الكنج دوليه م ا

بعد تداول امس والاقفال 188 وين الدعم والمقاومه والاهداف وشكرا

 

[Master-Leo]

السلام عليكم

الله يعطيك العافية ويقويك يا الغالي، مو مقصر والله ويا الشباب

وحاب اني اسألك ...

لو كنت تبي تطلب باجر احدى الاسهم التالية، وعلى هالاسعار، فأي سهم بتطلبه؟ :

- الوطنية العقارية على 580

- نور على 420

- المدينة على 485

-----------------------------

وإذا عندك شي شايفه افضل منهم بعد (غير بوبيان) فكتبه لي واكتب سعره بعد

مشكور مقدما على التجاوب

تحياتي

هلا بالعزيز بوجاسم

الوطنيه العقاريه : دعم حالي 570-580 وبعدهم 550 ومقاومه 600-630

مؤشرات السهم سلبيه ولاتشجع للدخول حاليا خصوصا ان الترند النازل

بدأت تزيد قوته والله أعلم .

نور والمدينه : هالسهمين المحترمين أتوقع بكون لهم شأن

هالسنه بأذن الله في قطاع الاستثمار

نور الدعم الحالي : 410 ومقاومه 425-430 والماكد سلبي حاليا

والستوكاستك كذلك سلبي ومؤشر القوة النسبيه اعطى ارتداد للأعلى

فإذا طاف 430 أعتقد بنشهد جوله اخرى من الصعود لسهم نور الى 445

المدينه : ننتظر تداول اليوم لنعرف اذا صار فيه دعم على 465 أم لا

والدعم الحالي 445 وحاليا الترند الصاعد قوي ومؤشر الماكد جدا ايجابي

لكن باقي المؤشرات وصلت للقمه فقد نشهد بدأ عمليات جني الأرباح

والتهدئه على السهم بعد تداول اليوم والله أعلم بالتوفيق يا الحبيب

 

[Master-Leo]

كيف حالك طال عمرك

حبيبنا استأنس برايك بخصوص عقارات الكويت و الخليجي بعد
تداولات اليوم

الله يعطيك العافية مقدما يا كنج

ياهلا بالحبيب

أولا مبروك على الخليجي لأنك من عشاقه وملاكه

ثانيا الدعم الحالي 270 ومقاومه حاليه 280 -285

السهم في ترند صاعد ومؤشر الماكد قطع خط الصفر ايجابيا وبقوه

والستوكاستك ايجابي ومقترب من قمة تحذيريه ومؤشر القوة ايجابي حاليا أيضا

احتمال نشوفه 285 ويرجع يهدي الله العالم صانع السوق عليه انت اخبر في ثقل دمه

عقارات الكويت : مقاومه 200 ودعم 190 اذا نزل عن الدعم ممكن نشوفه

يسكر الفجوه مابين 186-190 لكن اعتقد السهم مرشح للمزيد من الارتفاع

والسهم ترنده الصاعد قوي حاليا وبتداول قوي وكذلك مؤشر الماكد ايجابي

جدا والستوكاستك واصل منطقه الحذر فالحذر واجب وخاصه من البحر