رؤية لبعض الأسهم المرشحه للصعود

[بو سليمان]

اوافق اخووي بو سليمان الراي لكل مجتهد نصيب

وانت اجتهدت
ولاتنساني بعد مو بس بوسليمان

اخوي المستثمر الدولي
صج انك نحيس يوم انا طلبت التوصية
انت جاي تنافسني ​

 

[Master-Leo]

اخوي اقفال السهم 890 فلس هل تحقق التصور ؟

بأذن الله تحقق وأمامنا مقاومه أخيره على 910

ان طافها نقدر نقول بدال مبروك.. ألف مبروك للملاك لأن السهم بكون

محقق أسعار قياسيه جديده تقارب الدينار بأذن الله ان لم تتعداه أيضا

واللي شراه بعد كتابتي قبل يومين كان سعره بين 860-870 فيقدر يجني

ارباحه أما اذا بيطمع ..... شي راجع له وأنا متفائل بالسهم من بعد ماشفت

مؤشراته وحاليا الماكد على وشك التقاطع الايجابي للأعلى . بالتوفيق

المهم اليوم رحت ما جيت مع العلم ان من اسبوعين ما اخلي فلوسي لنهاية التداول
الا حبيبي و صديقي الدائم بيت الاستثمار الخليجي و الحمد لله رغم ذلك خسارتي به بسيطة و من كثر ما شريت بعت بهالسهم تصدق ما اني عرف كم تكلفة بس اعتقد اني خسران او فكك الفك

ان شاءالله يرتفع السبت وتقطه بربح اذا منت مأمن فيه ان يرتفع

بعد التفسيخ مع العلم يا بوسليمان ان الثمار تملك في المشاريع

وشكل المشاريع اليوم دقت سلف مره ثانيه فإن شاءالله تتفاعل مع

صعود المشاريع مو مثل ص متحده اللي فشلتنا مع الأسف

 

[Abdullah Alhajeri]

كنق ليو

توصياتك في محلها

ومو شرط كل توصية تتحقق

للسوق ظروف

وصدقني انت من اشد الناس الى تعجبني توصياتهم !

ومايهزك ريح يا أسد :>

 

[Master-Leo]

يسلم راسك اخوي رسام وان شاءالله التعويض بالأفضل عن قريب

بأذن الله

و اخوي المستثمر الدولي ابشر بالخير بالتوصيات ولك مني أعطيك سهم على اسمك

تدخل عليه انت وبوسليمان وقبل لايشلع السهم ان شاءالله

 

[متداول_1]

حبيب الشعب king-leo

لو تكرم شنو رايك بالاستثمارات الوطنيه

 

[بوحمد2]

يسلم راسك اخوي رسام وان شاءالله التعويض بالأفضل عن قريب

بأذن الله

و اخوي المستثمر الدولي ابشر بالخير بالتوصيات ولك مني أعطيك سهم على اسمك

تدخل عليه انت وبوسليمان وقبل لايشلع السهم ان شاءالله

سمعت يابوسليمان يقول على اسمي

يعني رجاء لاتزاحمنا(

 

[Sniper Stock]

اخووي الجبير ليووو بصراحه انا من زمان واشووف توصياتك وتحاليلك للسهم وبصراحه احب اعطيك 95 % صحيحه وشهادتي فيك مجرووحه بس لو تكرمت لو بعد تحليلك للسهم تحط لك توقيعين اذا كان تحليلك للسهم فووووووق يكون لونه اخضر واذا كنت مو متأكد يكون اللون احمر والله يبعد عنا الاحمر ورااح تكون مميز فيها ولك كل الشكر والله يعطيك العافيه على مجهوودك وتعبك معانا

 

[بو سليمان]

سمعت يابوسليمان يقول على اسمي

يعني رجاء لاتزاحمنا(

و الله كلامه صحيح انا قاعد اقولب بالشارت حتي المستثمر احسن الشارتات الموجودة مع ان ما ما مريت علي معظم الشارتات

 

[starter]

السلام عليكم جميعا
اخوي king-leo
اول شي حبيت اسلم عليك واشكر فيك روحك الطيبة وحبك لمساعدت الشباب
ثاني شي انا حبيت ابدي اعجابي في اعتذارك عن التوصية مع العلم انك غير مخطىء وغير ملوووم عليها وهذا يدل على طيب اصلك اخوي
وتحياتي لك

 

[Mariner9k]

والله اول ما شفت الصورة مت من الضحك ..... كنت متوقع يطلع لى هذا بوالعباية جان يطلع لى اسد ............ والله عليك حركات حلوه ....... حبيب ليو ........ خنشوف بوعلى يشيل الدب ماله وشيحط لنا والله انت حركات ........ (كل هذا بس حبيت اقول اسلام ليو )

 

[ابو الملايين]

يسلم راسك اخوي رسام وان شاءالله التعويض بالأفضل عن قريب

بأذن الله

و اخوي المستثمر الدولي ابشر بالخير بالتوصيات ولك مني أعطيك سهم على اسمك

تدخل عليه انت وبوسليمان وقبل لايشلع السهم ان شاءالله

السلام عليكم

أخوي العزيز لا تنسانى الله يرحم والديك بالتوصيات وضيفيني مع المستثمر الدولي وبو سليمان وما أنساك بالدعاء الصالح انشاء الله

 

[Master-Leo]

السلام عليكم

شكر لكل الأخوه الأفاضل لكلامهم الطيب وان شاءالله أوعدكم بالمزيد

من التوصيات اللي تكون أقرب للصحه والثقه بأذن الله وأعتذر عن التأخير

بالكتابه لأن كمبيوتري حاشه عقر بقر من أمس بليل مو راضي يشبك

واليوم سويت له فورمات وان شاءالله موعدنا غدا مع التحاليل والتوصيات

 

[Mariner9k]

كلامك حلو وطيب وانت عزيز وطلعنا من وراك ربح حلو وحتى لو نخسر بتوصية او توصيتين من 10 توصيات..... بس فى نهاية الشهر انكون راحين 8 توصيات وهذا المهم انت بس خل البلورى مالتك شغاله ............ ياالحبيت ابى اسأل هذا الاسد افريقى وشفي كافخه الهوى .... الحبيب اكيد قاعد يتأمل على جبل .... ويامعود عدل كمبيوترك ترى انا ناطر يوم الجمعة انطارة لايخترب احسن له من يوم الاربعاء وانا افكر فيك واذا تبى تعال لى البيت وعطيك كمبيوترى اذا تحب + صينيتن كنافة ومطارة جاى اخضر

 

[Mariner9k]

ليو فى توصيتك يوم الثلاثة بالليل للمشاريع بصراحة يبتها صح وانا شريت على 870 فلس ..... بس ماقلت لنا شنو الاهداف..... لاتقول دينار انا راضى ب 990 فلس ...... ماعليك امر لى وللشباب ..... البلورة مالتك شتقول على بنك برقان و المشاريع وخليج متحد ماعليك امر اذا فى مجال الاهداف بعد ...... الاسد من وين ماخذة ؟ شكلة افريقى اصلى ..... للبيع ؟

 

[الاحرش]

ليو ولا عليك امر

بنك بوبيان ومركز سلطان

بيوم السبت 9/6

 

[Master-Leo]

ليو فى توصيتك يوم الثلاثة بالليل للمشاريع بصراحة يبتها صح وانا شريت على 870 فلس ..... بس ماقلت لنا شنو الاهداف..... لاتقول دينار انا راضى ب 990 فلس ...... ماعليك امر لى وللشباب ..... البلورة مالتك شتقول على بنك برقان و المشاريع وخليج متحد ماعليك امر اذا فى مجال الاهداف بعد ...... الاسد من وين ماخذة ؟ شكلة افريقى اصلى ..... للبيع ؟

يا هلا بوزيد عساك تكون بخير وبسك من الكنافه تراهي موووب زينه لاتكثر

بالنسبه للمشاريع هدفها الأولى 910 ان شاءلله وفي حالة كسره

مابي أبالغ وأقولك ان ممكن يوصل فوق الدينار مع ان احتمال وارد

لكن خل يكون كلامنا مضاربيا أكثر ونقول بين 930-950 والقرار لك

متى ماتحب تجني أرباحك أما اذا تحب تنتظر لمزيد من الربح فأقولك

السهم أساسا واصل مستويات قياسيه لكن اذا فيه أخبار ايجابيه

قادمه بالنسبه له فإذن الله بنشوفه سهم ديناري هذا العام و الله أعلم

 

[Master-Leo]

ليو ولا عليك امر

بنك بوبيان ومركز سلطان

بيوم السبت 9/6

هلا اخوي الاحرش تفضل

بنك بوبيان : الدعم لازال 590-600 والمقاومه 620

ولاتغيير بالنسبه لمؤشر الماكد لازال ايجابي ومؤشر

القوه متماسك منذ أن صعد السهم من 550 فهذا

قد يشير الى تجميع حالي على السهم والله أعلم .

مركز سلطان لازال ايضا الدعم 550-560 والمقاومه 580

لكن مؤشرات السهم حاليا سلبيه كالستوكاستك والقوة

ماعدا مؤشر الماكد ايجابي ولكن التداول ضعيف نسبيا

على السهم لكن نتفائل خير خصوصا بعد الجمعيه العمومية

للوطنيه العقاريه وأجيليتي ( يوم 12-6) فأفضل سعر للمضاربه

حاليا 550 والبيع قبل 580 والله أعلم . موفق ان شاءالله

 

[sporty72]

يعطيك العافية اخوي - ممكن تشوفلنا سهم ( الاسماك ) شنو وضعه بالايام القادمة ؟

 

[Master-Leo]

يعطيك العافية اخوي - ممكن تشوفلنا سهم ( الاسماك ) شنو وضعه بالايام القادمة ؟

الله يعافيك اخوي تفضل

الأسماك : الدعم الحالي 330 وبعده 320 ومقاومه حاليه على 340

الماكد سلبي الاتجاه والستوكاستك كذلك سلبي تحت خط 20 فيعتبر

فرصه لمحبي الاستثمار قصير المدى للشراء مابين 320-325 لأن

الستوكاستك بهذا الشكل قد يعطي ارتداد بأي لحظة للسهم وكذلك

مؤشر القوة النسبيه هابط وواصل الى نقطه 37 بمعنى ان مقترب

من منطقة التشبع بالبيع والله أعلم . بالتوفيق ان شاءالله

 

[MaLoOoK]

صباح الخير ليو...................

كيف حالك طال عمرك

حبيبنا حبيت اعرف رايك بعقارات الكويت بعد التداول الطيب الي
صار عليها الاسبوع الماضي

مشكور مقدما