رؤية لبعض الأسهم المرشحه للصعود

[Jareer]

مساك الله بالخير اخوي ليو
ممكن لو سمحت تحللنا سهم بورتلاند واسمنت الخليج بارك الله فيك

 

[Mariner9k]

سلام ليو شخبارك ..... اليوم الظاهر مشغول بالدوام .... ماعليك امر شرايك بفيلامودا وشنو توقعاتك لها بالمستقبل القريب والبعيد

 

[ebety]

التجاريه العقاريه

لو سمحت

 

[STocK^IndeX]

king-leo : ولا عليك أمر ...ولو تسمح ....شركة الخليج للتعمير؟؟

 

[almaymoni2007]

السلام عليكم ورحمة الله وبركاته
king leo
هذي أول مشاركة لي وبسالك عن سهمين عقارات متحدة وبترو جلف نقاط دعمهم والمقاومة وما رأيك فيهم ؟؟​

 

[Master-Leo]

مساك الله بالخير اخوي ليو
ممكن لو سمحت تحللنا سهم بورتلاند واسمنت الخليج بارك الله فيك

مساك الله بالخيرات اخوي تفضل

بورتلاند الدعم الحالي 1320 - 1300 وبعده 1260 ومقاومه حاليا

على 1360 وبعده 1400 ومؤشرات السهم حاليا سلبيه عندك

الماكد يتداول فوق خط الصفر لكن في بداية تقاطع سلبي للأسفل

والستوكاسك كذلك تقاطعه سلبي ومؤشر القوة النسبيه في ارتداد

للأسفل فتقدر تقول السهم حاليا راح يريح من موجة الصعود والله أعلم .

اسمنت الخليج : السهم عنده دعم على 430 ارتد منه اليوم ومقاومه

445 ومؤشراته سلبيه أيضا لكن وارد ارتداده من هذه الأسعار لأن

مؤشر الستوكاستك تحت خط ال 20 لكن مشكلة السهم حاليا التداول

عليه صار قليل مو مثل قبل وهذا حال أسهم الخليجيات تحركه يكون

في فترات وبعدين تهدىء فمتى مادخلت سيولة جديده ان شاءالله بنشوفه

يبتدي يصعد مره ثانيه وبالتوفيق ان شاءالله لك .

 

[Master-Leo]

سلام ليو شخبارك ..... اليوم الظاهر مشغول بالدوام .... ماعليك امر شرايك بفيلامودا وشنو توقعاتك لها بالمستقبل القريب والبعيد

فيلا مودا بتشوفه 170 بنهاية السنه وبخليك انت ومشرفنا ستوك

تتحسفون انكم ماشريتوه بهالأسعار الحاليه

 

[Master-Leo]

التجاريه العقاريه

لو سمحت

تفضل التجاريه العقاريه : الدعم 280 وبعده 270 ومقاومه 290 وبعدها 300

والسهم لازال يأسس على هذه الأسعار وحاليا مؤشر الماكد ايجابي بدرجه

طفيفه ويتداول تحت خط الصفر لكن مؤشر الستوكاستك والقوة النسبيه

سلبيان الى الآن وهذه الأسعار الحاليه مناسبه للمستثمر قصير ومتوسط الأمد

موفق ان شاءالله

king-leo : ولا عليك أمر ...ولو تسمح ....شركة الخليج للتعمير؟؟

تفضل الخليج للتعمير : الدعم الحالي 260 والمقاومه 270

مؤشرات السهم سلبيه الى الآن لاتشير بقرب الصعود فمؤشر الماكد

سلبي وكذلك الستوكاسك لكن مؤشر القوة النسبيه يشير الى وجود

تماسك في سعر السهم حاليا فقد يكون تجميع لكن في حال كسر

الدعم فقد يرجع السهم للتأسيس على 250-255 والله أعلم بالتوفيق .

 

[الاحرش]

اول طلب لي واتمني مايكون ثقيل عليك وماتردني فيه


بنك بوبيان و مركزسلطان

 

[Master-Leo]

السلام عليكم ورحمة الله وبركاته
king leo
هذي أول مشاركة لي وبسالك عن سهمين عقارات متحدة وبترو جلف نقاط دعمهم والمقاومة وما رأيك فيهم ؟؟​

يا هلا فيك نتشرف طال عمرك بمشاركاتك واهلا فيك بين اخوانك

وان شاءالله تستفيد وتفيد أيضا تفضل

عقارات متحده : السهم عند مقاومه قوية على 200 وعنده دعم على

196 -194 والدعم اللي بعده 190 ومؤشراته حاليا تشير الى امكانية

الحذر من جني الأرباح والتهدئة على السهم والتأسيس على هذه الأسعار

بتروجلف : الدعم الحالي 440 فإذا كسره ممكن نشوف 430 وهذا

سعر الاغلاق في يوم التفسيخ من الارباح والمقاومه 455 وبعدها 475

حاليا مؤشر القوة يدل على التماسك والماكد الى الآن سلبي اما

الستوكاستك فهو ايجابي نوعا ما لكن قد نجد فرصه ضعيفه في استمرارية

الاداء الايجابي وطبعا يعتمد على صانع السوق .

 

[Master-Leo]

اول طلب لي واتمني مايكون ثقيل عليك وماتردني فيه
بنك بوبيان و مركزسلطان

ياهلا اخوي تفضل وماعاش من يردك ولا اللي يقول انك ضيف ثقيل

بنك بوبيان : دعم السهم 600-590 ومقاومه على 620 حاليا والسهم

طبعا أخذ فترة تهدئة بعد التداول والارتفاع القوي بالفتره الماضيه فمؤشراته

تشير الى احتمال استمرارية التداول الهادىء على السهم وعندنا مؤشر

الماكد حاليا ايجابي لكن ايجابيته متناقصه فوارد جدا تأسيس السهم على

الأسعار الحالية بين الدعم والمقاومه والله أعلم .

مركز سلطان : السهم توه متفسخ بعد توزيع الأرباح وعنده دعم على

550-560 ومقاومه على 580 ومؤشراته الحالية سلبيه بسبب التفسيخ

فلا أعتقد سيكون لها دلائل مفيده حاليا لكن الأسعار الحالية تعتبر استثمار

ممتاز بأذن الله وخاصة في حال التداول الايجابي لشركات أجيليتي عامه

بالتوفيق ان شاءالله

 

[ميشو2007]

اخونا كينج ليو

السلام عليكم
ليه سهم هواتف نازل لمدة يومين ؟ و هل توقع نزل اكثر ؟
نسالك النصيحة

 

[almaymoni2007]

الف شكر ليو

 

[الاحرش]

يعطيك الف عافيه


كينج ليو

 

[yoyo1983]

اخوي كنج ليو
ممكن اتشوفلي كامكو واكون شاكرتلك

 

[Master-Leo]

اخونا كينج ليو

السلام عليكم
ليه سهم هواتف نازل لمدة يومين ؟ و هل توقع نزل اكثر ؟
نسالك النصيحة

مؤشرات السهم حاليا سلبيه بسبب النزول المتواصل من أعلى سعر 4680

الدعم القادمه بحدود 4380 وبعده 4280-4300 فوارد الارتداد لكن

في حال تعمد صانع السوق عرض كميات كبيره للبيع على هذه

الأسعار فقد نرى السهم مابين 4180- 4240 لتسكير فجوة (1)

واذا كسر 4180 بقوه قد نراه مابين 4080 - 4100 لتسكير فجوة(2)

والله أعلم وبالتوفيق لك بأذن الله

 

[Master-Leo]

اخوي كنج ليو
ممكن اتشوفلي كامكو واكون شاكرتلك

هلا اختي تفضلي

كامكو : الدعم 740-750 ومقاومه 760 وبعدها مقاومه جدا قوية 780

مؤشر الستوكاستك معطي اشارة ارتداد للأعلى فإحتمال

يكون فيه صعود قريب للسهم خصوصا مع قلة التداول حاليا عليه ،

مؤشر الماكد سلبي ومؤشر القوة النسبيه متماسك من مدة

فقد يدل على وجود تجميع بهذه الأسعار ( تبا لهم )

شارت السهم احتمال قاعد يشكل نموذج مثلث متصاعد فإذا

كسر 780 قد نشهد انفجار للأعلى وأعتقد هالشي ممكن يصير

في حالة بداية التداول القوي والايجابي لسهم المشاريع والله أعلم

بالتوفيق ان شاءالله وأرجو مراقبة المشاريع وكامكو أيضا بالفتره القادمه

 

[Master-Leo]

دعوه لمراقبة المشاريع ​

يا تن تن لي فوق صاعد اذا كسر 880 يا تن تن لي تحت نازل اذا كسر 840 والله أعلم

أتمنى أن يكون تن تن صاعد قريبا بأذن الله

الشكل عندنا نموذج مثلث محايد الدعم الحالي 840-850 والمقاومه 870-880

الماكد سلبي حاليا والستوكاستك متقاطع للاعلى وكذلك مؤشر القوة مرتد للاعلى

مايحتاج اذكر البيع والشراء مسئولية شخصيه والله الموفق

 

[almaymoni2007]

ليو ابي ترشيحك لسهم بكره ادش عليه اخوك غشيم وخسران وهم يدلل عليك

 

[الاحرش]

ليو ابي ترشيحك لسهم بكره ادش عليه اخوك غشيم وخسران وهم يدلل عليك

واللة اني نفسك خسران

عسي اللة يعوضني ويعوضك ان شاء اللة