رؤية لبعض الأسهم المرشحه للصعود

[((بن حسين))]

مجموعة البدر

استثمارات

آلافكو

والله أعلم​

 

[Master-Leo]

السلام عليكم
الاخ كنج ودي اخمط خمط فاشرايك بحركة السفن هذا الاسبوع
وشكرا
بوخماط

هلا اخوي بخماط فيك خمطه شرايك تخمط بالنازل؟

الدعم الحالي 370 - 360 والمقاومه 385 ومؤشرات السهم

ايجابيتها في تناقص كمؤشر الماكد مقترب من التقاطع سلبيا

مع متوسطه فنصيحتي أخذ الحذر قبل الشراء واحتمال السهم

يرجع الى مستويات 350-360 فأنا عندي هالأسعار مطمئنه نوعا

ما من السعر الحالي والله أعلم والقرار لك بالتوفيق

مرحبا يالحبيب

ها في اي تغيير على الخليجي يا كنج ؟

او فوق البيعة ولا عليك امر ابي اسمنت الشارقة

هلا MaLoOoK ليما لحين مصر على الخليجي ها ؟

الدعم 250 -248 ان شاءالله ماينزل عنهم ومقاومه على 255-260

مؤشر الستوكاستك بدأ بإرتداد بسيط للأعلى ومؤشر الماكد لازال سلبي

تحت خط الصفر ولم يعطي اشارة دخول حتى الآن

اسمنت الشارقة : دعم 280 - 275 - 270 ومقاومه 295

مؤشر الستوكاستك يدعو للحذر لأن مقترب من التقاطع للأسفل

وهو في منطقه جني أرباح فاحتمال السهم يريح شوي للتأسيس

بالتوفيق انشاء الله

 

[Master-Leo]

الاخ العزيز كنك ليو
الرجاء لو تكرمت
اش تقول شارتات بيت التمويل الكويتي
وبيت التمويل الخليجي
عسى عمرك طويل
وربحك جزيل

تفضل اخوي فؤاد

بيتك : دعم حالي 2660 اذا كسره ممكن يتوجه الى 2560 -2500

ومقاومه حالية 2720 وعندك مؤشر القوة النسبيه مظهر تماسك

من خلال تداول اليومين الماضيين فممكن يكون فيه تجميع على

2660-2720 ومؤشر الماكد لازال ايجابي فوق خط الصفر ومؤشر

الستوكاستك سلبي يدل على موجة جني أرباح والله أعلم

بيت التمويل الخليجي : الماكد سلبي يتداول فوق خط الصفر

ومؤشر القوة النسبيه متماسك احتمال يكون فيه تجميع على

الأسعار الحاليه والدعم حاليا 560 ومقاومه 580 بعدها 600 - 620

الشركة اعتقد لها خبر ان ادراجها في بورصة لندن على وشك يتم

فتحر عن دقة هذا الخبر. موفق ان شاءالله

 

[B52]

الاسهم الصاعده

بأذن الله 1-الافكو 2-الصناعات 3-مجموعه سامي البدر

 

[Master-Leo]

الخليجي
الدار

انجيليتي (المخازن)

عارف

الله يوفق الجميع ​

الدار ممكن اوافقك فيها وعارف اخالفك فيها لأن يعل القلب

انجيليتي ............. انجيت للحق ماسمعت بهالشركه

انت وقاروه ترى أكثر اثنين بالمنتدى عندهم اخطاء لغويه وبدليات فشلتونا

شكلك مدمن ام بي سي اكشن انجل

انت زاهب طبعا للشماته حاضر بأي وقت ههههه مو تنسي باجر ابي

اطلب منك تحليل فيلا مودا وسوليدير من الصبح

 

[Mariner9k]

سلام ليو .... شخبارك وشلون صحتك انشاءالله تمام ..... ليو شعندك باجر .... اقصد شحاط عينك عليه باجر ..... التفاح وخلصنا منه شكو بعدة ؟ .... مادرى يقولون ابراج ... مركز المالى ..... مدار .... الدار ..... المخازن ... مابى الدعم والمقاومة بس اقول شرايك حق باجر وله فى شى انا موشايفه ..... نبهنا طال عمرك

 

[zizo]

الاسهم المتوقع صعودها يوم السبت 2 -6-2007

الافكو
المعادن
الهواتف
الورقية

 

[المؤشراتي2]

يا جماعه لاحظت خروج احد الملاك في شركة المعادن . رجاء الحذر والحرص

 

[MaLoOoK]

هلا MaLoOoK ليما لحين مصر على الخليجي ها ؟



الله يعطيك العافية يالحبيب

 

[Master-Leo]

سلام ليو .... شخبارك وشلون صحتك انشاءالله تمام ..... ليو شعندك باجر .... اقصد شحاط عينك عليه باجر ..... التفاح وخلصنا منه شكو بعدة ؟ .... مادرى يقولون ابراج ... مركز المالى ..... مدار .... الدار ..... المخازن ... مابى الدعم والمقاومة بس اقول شرايك حق باجر وله فى شى انا موشايفه ..... نبهنا طال عمرك

يا هلا بالحبيب

مدار + المال + المدينه + المجموعه د + مركز سلطان

هذول أسهمي للمتابعه هالاسبوع ان شاءالله

 

[jeme_E]

المجموعه د + مركز سلطان

 

[_عبدالعزيز_]

صبحك الله بالخير اخوى كنج عطني رايك وتحليلك بالحبيبه الااولى وقووووووود

 

[Master-Leo]

هلا اخوي عبد العزيز

الماكد ايجابي الحركه حاليا ويتداول تحت خط الصفر

وكذلك مؤشر الستوكاستك في صعود لكن عندنا

مؤشر القوة النسبيه حاليا اتجاهه نازل بس اعتقد

ان يبون السهم ينشف شوي من السوق وتالي ينطلق بأذن الله

دعم 415 ومقاومه 425-430 وبالتوفيق يا الحبيب

 

[_عبدالعزيز_]

كنج امير المحللين كنج امير الؤشرنت كنج اللى مايستشيرك خسران كنج سجل اعجابي فيك كنج الله يوفقك وابشرك ان السهم الااسبوع الجاى بالكثير راح يكون مو اقل من 510 بأذن الله ماعندي لا توصيه ولا اعرف احلل مجرد احساس يمكن يورطنا الااحساس

 

[Master-Leo]

كنج امير المحللين كنج امير الؤشرنت كنج اللى مايستشيرك خسران كنج سجل اعجابي فيك كنج الله يوفقك وابشرك ان السهم الااسبوع الجاى بالكثير راح يكون مو اقل من 510 بأذن الله ماعندي لا توصيه ولا اعرف احلل مجرد احساس يمكن يورطنا الااحساس

الله يسمع منك ويكون احساسك صح ويوصل هالسعر أنا عندي أسهم

الاكتتاب مابعتهم ليما الحين اذا وصل 500 فلس احتمال ابيعهم

اليوم كل الأسهم اللي بتابعها كانت بحرف الميم صعدت صعود حلو

مجموعه د ومركز سلطان و المال والمدار ماعدا المدينه فشلتنا

ولازلت اقول المال ان شاءالله بتكون أفضلهم موفقين ان شاءالله

 

[مسلم نت]

الله يسمع منك ويكون احساسك صح ويوصل هالسعر أنا عندي أسهم

الاكتتاب مابعتهم ليما الحين اذا وصل 500 فلس احتمال ابيعهم

اليوم كل الأسهم اللي بتابعها كانت بحرف الميم صعدت صعود حلو

مجموعه د ومركز سلطان و المال والمدار ماعدا المدينه فشلتنا

ولازلت اقول المال ان شاءالله بتكون أفضلهم موفقين ان شاءالله

ليتك قايل معادن
عموما هم باجر حرف الميم ان شاء الله

 

[Master-Leo]

السلام عليكم

هالسهمين اللي بوصي عليهم مخصوص بس حق Mariner9k لحد يشتري

فيه غيره لأن هذا بناء على طلبه الخاص في موضوع المتابعه اليومية

التجاريه العقاريه​

الامتيازات الخليجيه ​

شوف اللي تبي من هالأثنين بس ترى هالأثنين يبيلهم وقت مثل ماذكرت

لك بين اسبوع الى شهر اذا مستعد تتحمل توكل على الله والقرار راجع

لك ويحبذ تشتري التجاريه 280-285 وامتيازات 214-216 بس اذا شلعوا

من باجر لاتقول ماوصيتني أخذهم من المعروض هذا انا قلت لك

بالتوفيق ان شاءالله يا حلو

 

[Abdullah Alhajeri]

كبير ياكنق

من ملاك التجارية وطالع علي السهم 295

 

[Master-Leo]

كبير ياكنق

من ملاك التجارية وطالع علي السهم 295

هانت ان شاءالله الله يعوض صبرك خير والسهم

قاعد يأسس صح قبل الانطلاق الموعود بأذن الله

بس لاتطمع وايد لأن صعوده مايكون كبير وسريع لأن

مو سهم للمضاربه بل هو استثماري كما سبق ونبهت عليه

بمعنى اتييله فتره ينام نوم عميق وفجأه ... الحق لو ماتلحق

تشتري فأنت كل يوم اعرضه للبيع بربح وان شاءالله راح ايي هذا

اليوم اللي تربح فيه أتمنى يكون قريبا والدعم الحالي280 والمقاومه 290

وبعدها 300 - 305 موفق ان شاءالله ياخوي رسام

 

[Master-Leo]

الصناعات المتحده ​

الماكد على وشك التقاطع الايجابي فأعتقد متى مادخلت سيوله

على السهم في وقت مبكر من التداول في أي يوم ان شاءالله

راح تكون اشارة دخول واضحه ومؤشر الستوكاستك قاطع ايجابيا

للأعلى خط 20 ومؤشر القوة النسبيه كان متماسك بالاسبوع

الماضي وفي صعود بسيط حاليا فإحتمال كبير صار فيه تجميع

على السهم بالفتره اللي مضت وأيضا متوسطات الحركه لل 5 و 10

أيام على وشك التقاطع الايجابي .

الدعم 360 بسيط وبعده دعم أقوى على 350 ومقاومة 370 -375

اللي بيطمع بكون عندنا هدف 380 ومن بعده 400 بأذن الله

معلومات يجب ذكرها أيضا عن السهم : ربحية السهم للربع الاول 82 فلس

وهو تابع لجروب المشاريع فأيضا العين على المشاريع احتمال متى مابدت

تتحرك فراح تكون اشارة أخرى للدخول على سهم الصناعات المتحده والعلم عند الله

البيع والشراء مسؤولية شخصيه والتوفيق من الله