رؤية لبعض الأسهم المرشحه للصعود

[BO-MUBARAK]

انا بغيتها بس لين الحين متعلق بالمدينه

 

[Master-Leo]

السلام عليكم ورحمة الله وبركاته بخوى كنـــــــــــــج حبيت اسلم عليك فقط بشرني عن احوالك واتمنا متابعت الااولى وقووووود باجر اتوقع مجرد توقعي منى اتوقع فيها صعده باجر حلوه اليوم صار عليها تداول حلو وممتاز باجر اتوقع ارتفاع فيها الختام الله يجزاك خير على هالخدمه لخوانك الااعظاء الله يرزقك ويوفقك ويوفق الجميع امين

توقعك بمحله اخوي عبد العزيز اليوم السهم حرك بنزينه بالتوفيق لك

ولباقي ملاكه

 

[atoz]

اسشارة مهمه

السلام أخ ليو
لوسمحت ابي استشارة لي مهمه جدا في ناس يبون ايمولوني 10000 دك ويبون عائد 1200 في السنه او 100 دك في الشهر هل يسوى ان اغامر ولا لأ .

 

[بورصة نت]

لو سمحت

اخوي كينج ليو استفسار عن التحليل الفني هل من المتعارف عليه بالتحليل ان السهم لابد له من ملامست الدعم سواء الاول او الثاني من ثم يبدا بالارتداد مثالي عالصفوه كان الدعم 116 ومن ثم 112 والاخير 108 واليوم اخر السوق لمس 108 ولله الحمد عطوني سؤالي هل سيبدا السهم بالارتداد او انه ارتد لان الاقفال 112 وشكرا

 

[_عبدالعزيز_]

هلا بالحبيب كنج مهما تصدق توقعاتي ماستغنا عنك وعسى الله يوفق الجميع امين وللعلم والعلم عند الله باقي فيها صعده توها بعد هذي الااولى وقووود هذي شركة استثماريه صح على صح وباجر ان شاء الله فيها صعده بعد مجرد توقع الله يوفق الجميع امين ويوفقك ويرزقك اخوى كنج

 

[melenia]

الأخ ليو العزيز .. ممكن تحليلك حق المتحدة .. مناطق الدعم والمقاومة واهداف السهم ليه وين رايح .. مع جزيل الشكر .

 

[عجب]

عارف شنو وضعه

 

[ksr911]

والله اخونا ليو لو تشوف لنا المشتركه شقصتها نزول في نزول ....

جزاك الله خير

 

[Master-Leo]

السلام أخ ليو
لوسمحت ابي استشارة لي مهمه جدا في ناس يبون ايمولوني 10000 دك ويبون عائد 1200 في السنه او 100 دك في الشهر هل يسوى ان اغامر ولا لأ .

هلا فيك اخوي اذا تبي عائد ثابت ومضمون ليش ماتحطهم

وديعه في بيت التمويل أضمن لك من السوق المتقلب وبلا عوار راس

لأن ماكو شي مضمون بالسوق هذا بعلم الغيب وأنا مجرد قارىء للمؤشرات

الفنيه والشارت يعني ممكن أساعد باتخاذ القرار المناسب للمضارب وليس

المستثمر بالتوفيق ان شاءالله وسامحني على القصور

 

[Master-Leo]

الأخ ليو العزيز .. ممكن تحليلك حق المتحدة .. مناطق الدعم والمقاومة واهداف السهم ليه وين رايح .. مع جزيل الشكر .

يا هلا ويا مرحبا فيك

المتحده : الدعم 180 والمقاومه 194

- الماكد ايجابي الحركه بكمية تداول ممتازة

- الستوكاستك ومؤشر القوة النسبيه الى الآن وضعهم جيد فممكن

نشهد جولة أخرى من الصعود في حالة تخطي المقاومه وأعتقد

هناك مقاومه نفسيه مهمه على سعر 200 فلس

أهداف السهم المستقبليه صعب تحديدها نظرا لما هو متوقع

لهذه الشركه من مشاريع ضخمه كالمستودعات الجمركية

أعتقد اذا حصلوا على هالمشروع ..... السهم بينطلق كالسهم

الملتهب لايقف في طريقه شي ووقته صج خل يدور اللي يصيده

من جذي قاعد اقول في بالي دائما مازادو رأس المال ونزلوا السهم

عبث الا يبون يمللون الناس من هالسهم ويزيدون كمياتهم ومن يحصلون

الكميه اللي يبونها راح يعرفون شلون يطلعون اخبار ايجابيه حق السهم

وقتها بالتوفيق

 

[Mariner9k]

سلام ليو .... اليوم ماشاء الله ماكل وايد تفاح ... الله يزيدك ودوم اشوفك تصرخ ودلل على صناديق التفاح ..... بس طعمها حلو والله تستاهل وكل الاخوان الى شروا ...... انا ماحالفنى الحظ ماكان عندى سيوله وبوعلى ماسلفنى ..... المهم .... على تداول اليوم .... المتحدة شعندك لها والدولية م ا وبنك التجارى .... بس الوالدة تسلم وتقول سحارة تفاح ماعليك امر

 

[Mariner9k]

ليو شفت تحليلك على متحدة الثمار وين رايح اقصد صندوق التفاح ....

 

[Master-Leo]

اخوي كينج ليو استفسار عن التحليل الفني هل من المتعارف عليه بالتحليل ان السهم لابد له من ملامست الدعم سواء الاول او الثاني من ثم يبدا بالارتداد مثالي عالصفوه كان الدعم 116 ومن ثم 112 والاخير 108 واليوم اخر السوق لمس 108 ولله الحمد عطوني سؤالي هل سيبدا السهم بالارتداد او انه ارتد لان الاقفال 112 وشكرا

يا هلا فيك اخوي جوابي راح يكون من خبره وليس من دراسه

فاذا تبي جواب انسان دارس هالموضوع ماقدر أفيدك أما من خبرتي

أقولك يعتمد على صانع السوق مرات مايحب السهم ينزل عن سعر

معين عشان ماتكون عنده خساره ومرات اهو يتعمد ينزله للدعم التالي

بغرض التجميع لأن من يجمع الكميه المطلوبه ويطلع خبر ايجابي للسهم

كل المقاومات ممكن تتكسر ويرتفع بالحد الأعلى نظرا لزياده الطلب عليه

 

[Master-Leo]

عارف شنو وضعه

يا هلا فيك اخوي العبدلي

عارف : رجعت ريمه لعادتها القديمه

عاد عارف السهم اللي نعرفه.... تداول ممل وبكميات قليله

وبصعود بطيء وحاليا الدعم 500 - 495 والمقاومه 520

الله يكون بعونك ويصبر قلبك عليه فهو سهم استثماري

وماغلطت لما قلت سهم مظلوم أرباحه حلوه لكن اصحابه مايصعدونه

الا بالقطاره ! اتمنى لك التوفيق فيه

والله اخونا ليو لو تشوف لنا المشتركه شقصتها نزول في نزول ....

جزاك الله خير

هلا فيك اخوي

المشتركه : مؤشراته الثلاث سلبيه الماكد والستوكاستك والقوه النسبيه

لكن هناك نوع من التشبع بالبيع والسهم خفيف الحركه نظرا لقله عدد

أسهمه في السوق لأن الملاك الرئيسيين لهم مايقارب 60% أما الباقي

موزع بالسوق وتقريبا عددهم يصل الى 26 مليون سهم فالسهم خفيف

الحركه ممكن بسهوله يصعد وينزل لكن الأهم التماسك وحاليا الدعم

على 1460 ومن بعده 1400 وتوقعي ماراح ينزل عن هالأسعار ان شاءالله

الا في حالة تعمد الملاك الرئيسيين بيع حصصهم بالسوق وموفق يارب

 

[Master-Leo]

ليو شفت تحليلك على متحدة الثمار وين رايح اقصد صندوق التفاح ....

هلا بالطيب الغالي

السهم اليوم وصل للحد الأعلى 144 ورد نزل لاتنسى الشركة

رأس مالها 100 مليون دينار يعني 1 مليار سهم انا اصلا تعجبت

لما علقت اليوم لأن هالسهم مايعلق بسهوله كل مقاومه يجب

ان يجتازها بكميات ضخمه مو بس كبيره تمام مثل سهم الصفوه

اذا تجاوز 144 راح نشوفه بين 148-150 المقاومه القادمه واذا تجاوز

150 بكميات تبرد القلب وقتها راح نشوف باقي الأهداف اللي تسرك

ولكل حادث حديث والله أعلم بالتوفيق

 

[نجدي2]

ليو يعطيك العافيه استثمارات وطنيه شنو اهدافها وشلون وضعها

 

[Master-Leo]

ليو يعطيك العافيه استثمارات وطنيه شنو اهدافها وشلون وضعها

هلا بالنجدي

الدعم 840 والسهم اليوم نزل الى 830 فقد يكون شكل دعم

عليه أيضا لكن تداول يوم واحد ليس بدليل على ان تشكل عنده دعم

اما المقاومه الحاليه هي 900 وننتظر للغد لنتأكد منها أيضا افضل

مؤشر الماكد ايجابي بكميات تداول عاليه وباقي المؤشرات

تشير الى الحذر من موجة جني أرباح أخرى فخلك حذر

ووضعها مثل ما انت شايف صارت تتحرك مع مجموعة الخرافي يافوق

يا تحت والشاطر اللي يبيع فوق ويشتري تحت عند الدعم

موفق ان شاءالله

 

[navy_q8]

جزاك الله خير

​

عساك على القوة​

 

[Mariner9k]

سلام ليو .... على ما اعتقد قريت هذا الخبر عن الثمار الر يقولون فيه تعديل الربحية السهم من 18 الى 25.14 فلس .... تعتقد على هذى الارباح السهم مولازم يكون وايد اعلى من سعرة هذا 144 فلس

 

[atoz]

يعطيك العافية ورحم الله والديك.....
الصراحة انت لأهل المنتدى بمثابت الأخ الأكبر عساك على القوة .