رؤية لبعض الأسهم المرشحه للصعود

[نجدي2]

التوصيه الخرافيه موجوده بس وين الي يصبر

 

[BO-MUBARAK]

ليوو بارك الله فيك وجعلك عون لاخوانك وربعك شنو تحليلك حق المدينة

لا خلا ولا عدم

 

[Mariner9k]

ليو قواك الله صرفنا النظر عن فيلامودا التعليمية بحط دربيل على الثمار والانابيب .......... مشكور ليو ..... بس خدمة اخيرة ليو ممكن تسال بوعلى اذا مر عليك شمعنات (آجيييييل) ههههههههههه سلام

 

[Mariner9k]

ليو قواك الله صرفنا النظر عن فيلامودا والتعليمية بحط دربيل على الثمار والانابيب .......... مشكور ليو ..... بس خدمة اخيرة ليو ممكن تسال بوعلى اذا مر عليك شمعنات (آجيييييل) ههههههههههه سلام

 

[atoz]

الصراح يا أخ ليو أنا بس ناطر ابيع مجموعة الفقر وهي المجموعة الدولية و تابع توصياتك و اهدي كل احترامي لك يا أخ ليو كنج وكل تقدير والله يعطيك العافية وانشالله اتشوف عملك ابدنيتك و الآخر قوووووول آمين .

 

[قاروه]

بارك الله فيك ليو باشا جهد يستحق الثناء وبكل جدارة

مشكور ياخوي

 

[Master-Leo]

ليوو بارك الله فيك وجعلك عون لاخوانك وربعك شنو تحليلك حق المدينة

لا خلا ولا عدم

هلا فيك اخوي سيرش مؤشرات المدينه تشير الى احتمال وجود

موجة جني أرباح قادمه فمؤشر الستوكاستك تقاطع سلبيا للأسفل

ومؤشر القوة النسبيه اعطى اتجاه نزول وعندك مؤشر الماكد ايجابي

لكن بدرجة أقل من السابق فاحتمال التأسيس على اسعار الدعم

385-390 ومقاومة على 400 -405 وهالسهم محترم عودنا دائما

يأسس فتره وثم ينطلق فأعتقد اللي فيه صبر راح ينال الكثير من الخير

فيه ان شاءالله هالسنه . موفق اخوي

ليو قواك الله صرفنا النظر عن فيلامودا التعليمية بحط دربيل على الثمار والانابيب .......... مشكور ليو ..... بس خدمة اخيرة ليو ممكن تسال بوعلى اذا مر عليك شمعنات (آجيييييل) ههههههههههه سلام

فيلا مود لاتفكر فيها من الأساس الا اذا شفت بوعلي دش عليها

التعليميه انا قلت ممكن فيها فرصه لصعود قريب يعني اذا بتشتريها

حاليا راح تنساها شوي عشان تحصل منها ربح و الله أعلم

الثمار والأنابيب خلهم خيارك الحالي بس اطلبهم بالنازل عشان تراقب

السوق من البدايه اذا كان أخضر أو احمر وبالنسبه لي اذا كان احمر

راح افضل الثمار بسعر الدعم 132 والأنابيب 430-435

اما اذا أخضر فأنت وحظك يمكن يقطون عليك بالنازل تصير مرات

 

[Master-Leo]

الصراح يا أخ ليو أنا بس ناطر ابيع مجموعة الفقر وهي المجموعة الدولية و تابع توصياتك و اهدي كل احترامي لك يا أخ ليو كنج وكل تقدير والله يعطيك العافية وانشالله اتشوف عملك ابدنيتك و الآخر قوووووول آمين .

هلا فيك اخوي بارك الله فيك على هالدعوه الحلوه والله يبعد عنك وعن

مساهمين المجموعة الدولية الخساير وتبتدون تربحون فيها وفي غيرها

بارك الله فيك ليو باشا جهد يستحق الثناء وبكل جدارة

مشكور ياخوي

حبيب ياخوي قاروه شكرا لمرورك والجماعه يستاهلون نخدمهم كثر

مانقدر عليه

 

[faisal25]

الوطنيه العقاريه شرايك فيها بالوقت الحالي

 

[Master-Leo]

الوطنيه العقاريه شرايك فيها بالوقت الحالي

هلا اخوي فيصل الوطنيه العقاريه

السهم مؤشراته الفنيه جيده و على وشك ان تعطي

اشارة دخول تماما مثل أجيليتي فخلك مراقبهم مراقبه لصيقه

الدعم 700-690 والمقاومه 720-730 بالتوفيق ان شاءالله

 

[TAKE 2]

انجازات

يا جماعة الخير ويا اصحاب الخبرة

متى تتوقعون يقوم سهم الانجازات انا صار لي عشرة ايام من شريته 255 فلس ومتوقهك فيه

عطونا النصيحة لو تكرمتم

 

[عرهان]

الدولية للاجارة وعارف

السلام عليكم شرايك بالدولية للاجارة وعارف مع التحليل الفني ولا عليك امر , ولك جزيل الشكر .

 

[holding]

أسكان محط أنظار الجميع ومحد شايف أن فيها صعود ثم صعود ثم صعود

 

[Abdullah Alhajeri]

ليو !!

عندي فجيرةأ والتجارية خسران فيهم !

ابرد عليهم على 280 !

ولا ادش على الدار اب 1,120 !!

 

[Master-Leo]

يا جماعة الخير ويا اصحاب الخبرة

متى تتوقعون يقوم سهم الانجازات انا صار لي عشرة ايام من شريته 255 فلس ومتوقهك فيه

عطونا النصيحة لو تكرمتم

انجازات : الدعم 250 ومن بعده 246 ومقاومته 260 والأقوى 270

مؤشراته الفنيه لاتشير الى صعود ملحوظ عن قريب أما كاستثمار

انا اشوفه جيد لأن ارباحه متناميه كل سنه بالتوفيق

 

[Master-Leo]

السلام عليكم شرايك بالدولية للاجارة وعارف مع التحليل الفني ولا عليك امر , ولك جزيل الشكر .

عارف مظلوم مؤشراته الفنيه جيده جدا وأنا أول مره اشوف

تداول عليه بهالطريقه صراحه والله يهني ملاكه و أعتقد له جولة

أخرى من الصعود لكن اخذ الحذر واعرف متى تطلع منه اذا كنت

مضارب لأن السهم بالأول كان نادرا مايصير عليه تداول اللهم

اذا محافظ أو صناديق ناوين يرفعون سعره لأن فعلا سهم مظلوم

قياسا لأرباحه وتوزيعه كل سنه والدعم الحالي 500 وبعده 485

ومقاومته شفناها اليوم

الدوليه للاجارة : هم مظلوم مثل اخوه عارف وعلى مؤشراته الجيده

هم لازم يكون له جوله أخرى من الصعود احتمال يوصل 580 وحاليا

المقاومه 530 والدعم 500

وانا اتوقع هالسهمين هذول ويا سهم أعيان للاستثمار راح يكون لهم شأن

بالمستقبل يعني خلال سنه أو سنتين ان شاءالله احتمال يصير فيهم مثل

ماصار مع الدار للاستثمار لاتنسى يملكون في شركه منشآت وهذي

شركة قوية وأرباحها ممتازة وهي حاليا غير مدرجه لكن سيتم ادراجها

بالتوفيق ان شاءالله

 

[Master-Leo]

أسكان محط أنظار الجميع ومحد شايف أن فيها صعود ثم صعود ثم صعود

انت كلامك صح اسكان فيه صعود بعد ان شاءالله وقبل اسبوع كنت

اقول حق مشرفنا ستوك اسكان يبيله توصيه لكني هونت ليش مادري

لاتسألني الله مو كاتب لنا نصيب فيه لكن شركة شغاله صح وأرباحهم

هالسنه في الربع الأول تضاعفت 4 مرات عن العام الماضي ماشاءالله

وربحية السهم 4فلس بدل ماكانت 1فلس و مؤشرات السهم حاليا جيده

لكن واقف عند مقاومه 196 وبعدها 200 والدعم 186 وشكرا لتنبيهنا على السهم بالتوفيق

 

[عجب]

ليو

مشكور على الجهود الواضحة والله يبارك لك برزقك



يا ليت تشوف لنا م سطان
جمعيتهم يوم الاربعا

 

[Master-Leo]

ليو !!

عندي فجيرةأ والتجارية خسران فيهم !

ابرد عليهم على 280 !

ولا ادش على الدار اب 1,120 !!

رسام !!!!!!! أول شي مبروك على ارتفاع الأمان وعارف وان شاءالله

بديت تربح فيهم وثاني شي فجيره أ والتجاريه يعلون القلب على

مايصعدون لا ومتواعدين عليك اهم الأثنين واقفين عند الدعم وعند

نفس السعر 280 والدعم اللي بعده للتجاريه 270 وللفجيره 275

اتمنى مايكسرونهم لكن هذه الأسهم يبيلها صبر مو مال مضاربه بيومين

وثالثا الدار اذا بتدش عليها سعرك 1120 زين ولو تحصله 1100 بعد افضل

بالتوفيق يا رسامنا

 

[Master-Leo]

ليو

مشكور على الجهود الواضحة والله يبارك لك برزقك



يا ليت تشوف لنا م سطان
جمعيتهم يوم الاربعا

هلا فيك اخوي العبدلي

سلطان : مؤشراته الفنيه لاتعطي انطباع بوجود صعود سريع

الا اذا حبوا يشتغلون عليه قبل الجمعيه العمومية لكن لغاية الآن

مافي اشارة انعكاس للأعلى ، الدعم 610 وبعده 600 والمقاومه

630 وبعده 640 . تداول باجر مهم جدا ممكن يبين لنا اذا ممكن

يصير فيه انعكاس خاصه مع احتمال تقاطع متوسط التداول للأيام

الخمسه والعشره فتفائل خيرا لباجر والله كريم بالتوفيق