حصري موضوع كامل عن جهاز E-go مشاكله وحلوله .

[mxxy]

الحين بالنسبة للي اشتراكهم edge اذا استعملت الهواوي اسرع ولا السوني اير كارد ياريت اجابه حلوه من واحد حلو يريحنا

السلام عليكم :-

أخوي في نوعين من السوني أريكسون :- في واحد يعطيك سرعة 34 كيلو بايت بالثانية كأقصى حد وفي واحد ثاني يعطيك 60 كيلو بايت بالثانية كأقصى حد .

الهواوي :- سرعته بالثانية 45 كيلو بايت بالثانية أو بعض المرات 47 كيلو بايت بالثانية يعني الهواوي يكون وسط مابينهم والهواوي تقريبا نفس سرعة موبايل n95

ملاحظة : الارقام الي احطها مهيه وهميه او مسرعة من قبل برامج تحميل أو برامج أخرى لأ هي أرقام طبيعية لها

ملاحظة : هذي كتجربة شخصية ,, لو حبيت تشتري الهواوي أو السوني أريكسون أشتره مستعمل لا تشتري يديد ,,, السوني اريكسون يباع بالغانم فلا تشتريه من الغانم !! لأن سعره 70 دينار !!؟ وينباع مستعمل بره تقريبا 16 أو 15 أو 19 دينار وتقدر تحصل على هالشغلات من حولي شارع بن خلدون ,, لا تستغرب من الغانم نمه تبيع شي سرعته بالثانية 34 ب 70 دينار لأن علما يغيرون الاسعار يبيلهم 6 شهور وانه الحين ما دري غيرو الاسعار وله لأ

لو حصلته مستعمل أخذه ويذا لأ أنصحك لا تاخذ أبدا

 

[mxxy]

أخوي أنا عندي Bandrich و سرعته 7.2 أم بي بس أقصى سرعة أوصلها بمشرف على ال USB 2.0

180 Kbps

و اشتراكي بو 16 منذ الأزل

أخوي :- روح أشبك من جهازك في أي مكان غير مشرف وليكن حولي مثلا او أشبك يم الدوار الي مال الجمعية لأن أقصى سرعة تحصلها هناك وقولي شنو يصير معاك خلني أعرف المشكلة من الجهاز وله من شنو بالضبط

 

[mxxy]

عساك ع القوة أخوي مكسي​

الله يقويك وشكرا لمتابعتك لنا ومساعتك لي فيك الخير​

 

[mxxy]

السلام عليكم

اخوي مكسي انا عندي ايقو مطورة واشتراك 27 دينار وولد عمي عنده ايقو مطورة واشتراك 16 دينار وانا معاه قاعدين بنفس المكان وجربة سرعة التنزيل من نفس الموقع بجهازي وجهازه اكثر من مرة وكان الفرق بيني وبينه وايد


انت ليش ما تتصل على 107 وتقولهم ابي اكلم المسئول وسأله وشوف شنو راح يرد عليك !

وقولنا

السلام عليكم -

أخذ الحجي مني ما أقدر أعطيك رد على سؤالك لأن في أكثر من احتمال واحتمال ,, وهذا طبيعي لكن الي بقولك أياه أن آنه رحت حولي بنفسي بحول أشتراكي إلى 27 دينار الموظف الموظف الموظف أهوه بنفسه قالي ما يصير تحوله لأن شلون احوله لك !!!!!!؟؟؟؟؟ خله مثل ما اهوه بس سوله ابغريد لنفرض أن هذا ما يفهم !! أو موظف ماله خلق يسويلي المعامله ؟؟
لكن تعال لنا أحنه آنه واحد من الناس أقولك أياها ,, أن آنه رحت حولي وشبكت على 3.6 وسرعة كانت توصل 2 ميجا كالعادة وعلى حسب البرنامج مال الايجو يظهرلي أن 2 ميجا يوم سويت 7.2 بالنفس الوقت صار 2.2 قلنه أوكي يمكن هذا الابغريد يعدل السرعة او ما شابه يوم ييت الفيحاء ثاني يوم صارت السرعة توصل 4.5 ميجا شنو تفسر هذا انت ورحت رديت حولي بمكان يم الاشارة عند دخلة الروضه صار 3.2 ميجا ,, وعلى فكرة مسؤل الدعم الفني قالياها مره روح سو ابغريد وبس لكن انه ما صدقت

 

[mxxy]

اخواني أنا الحين صار لي يومين مشترك بالاشتراك بو 27 ومطور القطعة


وقايلكم البرج يبعد عن بيتي 20 متر لكن للحين السرعة نفسها ماتغيرت

ياليت أعرف شنو السبب

أخوي آنه بسألك :-

أنت اول كانت السرعة عندك توصل 400 كيلو بايت ؟؟؟ يعني بالثانية حوالي 44 كيلو ؟؟ لو كان السالفة جذي حتى لو سويت الابغريد 7.2 هم ماراح تاخذ السرعة لأن أصلا في خلل من الشبكة عندك حتى لو كانت قريبه يمك . هذي معلوممه مو أكثر

لو كنت مستعيل قدم شكوه وشوف شنو الموضوع ,,, ونصيحتي لك أصبر لي يوم الاحد الساعة 6 كأقصى حد لو ماصارت السرعة السريعة معاك فهذا معناة أن في شي فلازم ادق على 107

 

[mxxy]

وفيت وكفيت ياخوي الله يعطيك ألف عافيه تستاهل لقب المستشار

الله يعافيك ,, وشكرا على ذوقك الرفيع ​

 

[mxxy]

30 جيجا

السلام عليكم :-

الي عندهم جهاز الإيجو ,, لو تعده عندك حجم الملفات المحمله إلى 30 جيجا بالشهر سواء متقطعة أو متواصلة سيتم تقليل سرعة الأنترنت لديك إلى حد معين ومناسب إلى أنت تنتهي المهله وهي شهر .

يعني لو مثلا انه اليوم بديت احمل ملفات أو وصل التحميل 30 جيجا راح يقومون ويقللون السرعة عني لي مدة شهر ومن بعدها راح اترد السرعة طبيعية وهذا طبعا علشان مايكون في ضغط وعلشان ياحفظون على الشبكة ​

 

[elkhalde]

والله أحس اني تسرعت

 

[UNIX]

أنا الحين بمشرف و سويت سبيد تست من الموقع هذا: www.speedtest.net و أخترت دولة قطر أسوي البنش مارك منه.. طلعلي السرعة : 890 KBPS الداونلود و 100 kbps الأبلود.. و مبين من الجهاز ان اللينك مالي 7.2 mbps.. يعني سرعتي أقل من ال 1 mbps :/

شنو الخطوة الثانية اللي المفروض أتبعها؟

 

[mxxy]

أنا الحين بمشرف و سويت سبيد تست من الموقع هذا: www.speedtest.net و أخترت دولة قطر أسوي البنش مارك منه.. طلعلي السرعة : 890 KBPS الداونلود و 100 kbps الأبلود.. و مبين من الجهاز ان اللينك مالي 7.2 mbps.. يعني سرعتي أقل من ال 1 mbps :/

شنو الخطوة الثانية اللي المفروض أتبعها؟

السلام عليكم :-

أخوي اللنك الي فحصت منه مو دقيق وما ينفع آنه توني فحصت منه قالي أن سرعتي 1300 KBPS يعني خرطي فالواقع سرعتي توصل 5400 KBPS
فأنه دائما أنصح بأستخدام رابط مباشر لتحميل منه وشوف جم المعدل الي قاعد يعطيك أياه بالثانية ,,,

أنتبه : لو قدرت أشبك في بيتكم وجرب السرعة وشبك يم الدوار الي بمشرف الي يم الجمعية ويذا قدرت ويذا قدرت تروح منطقة ثانية وتجرب فيها السرعة وجرب هناك جم المعدل الي عندك لو لقيته ثابت فمعناة ان مسويلك تقليل سرعة !! لأنك معدي 30 جيجا بالشهر وهذا طبعا مو أكيد لأن يمكن أنت ما تعديت حتى 10 جيجا والله اعلم فأكثر من شغله ممكن تكون ,, أذكر مره قتلي ان وصل معاك 2 ميجا ؟؟ أبيك تعطيني كل التفاصيل ونشالله لازم تاخذ السرعة الي تبيها

 

[mxxy]

والله أحس اني تسرعت

والله يخووك تسرعت آنه كنت بلحق أقولك لا تاخذ ال 27 لكن ما قدرت لأن قاعد اداوم كل يوم لكن ما عليه هم بعد الزين فالموضوع انك انت الحين لك مساحة كبيرة 30 جيجا بالشهر تقدر تحمل منهم ويذا على سرعة الايجو لا تحاتي بتاخذها نشالله لكن الموضوع مافيه ان لحد الان مو كل الاماكن صارت متاحه فيها السرعة غالبا ان العاصمه متاحة فيها السرعة وكانت في بعض القطع السرعة ما تزيد 400 كيلو بايت فعدلو الاخطاء يعني شوي شوي ويصلون لك لحد ما تضبط عندك ال 7.2 انه بالفيحاء علما وصلت السرعة اليديدة عندي تقريبا 14 يوم وبعدين وصلي

 

[elkhalde]

والله يخووك تسرعت آنه كنت بلحق أقولك لا تاخذ ال 27 لكن ما قدرت لأن قاعد اداوم كل يوم لكن ما عليه هم بعد الزين فالموضوع انك انت الحين لك مساحة كبيرة 30 جيجا بالشهر تقدر تحمل منهم ويذا على سرعة الايجو لا تحاتي بتاخذها نشالله لكن الموضوع مافيه ان لحد الان مو كل الاماكن صارت متاحه فيها السرعة غالبا ان العاصمه متاحة فيها السرعة وكانت في بعض القطع السرعة ما تزيد 400 كيلو بايت فعدلو الاخطاء يعني شوي شوي ويصلون لك لحد ما تضبط عندك ال 7.2 انه بالفيحاء علما وصلت السرعة اليديدة عندي تقريبا 14 يوم وبعدين وصلي

الله يعين


بس والله لأعلمك فيهم

 

[sa3aad]

اخوي مكسي انت جم وصلت اكثر مره معاك السرعه بالكيلوبايت ؟

 

[mxxy]

اخوي مكسي انت جم وصلت اكثر مره معاك السرعه بالكيلوبايت ؟

الصراحه وصل معاي مره بالثانية 732 وكان هذا بمشرف يم الجمعية يعني بل كيلو بايت 5600 ,,

لكن الحين قاعد يوصل معاي 4500 كأفتراضي يعني بكل بساطه يوصل 4500 ,, يعني لو حملت ملف يوصل 560 أو 450 كيلو بايت بالثانية وبكل بساطه من غير ما أحط برامج تسريع او أشي شي​

 

[mxxy]

سرعة الإيجو

السلام عليكم :-


هذا آخر فحص للإيجو وهذي آخر سرعة كما هو موضح بالصورة

السرعة كالاتي :-

4800 كيلو بايت , يعني , 600 كيلو بايت بالثانية


​

 

[mxxy]

?????

​

 

[((بن حسين))]

​

ما شاء الله

تبارك الرحمن​

 

[mxxy]

ما شاء الله

تبارك الرحمن​

توه الحين وصل 5200 كما هو موضح بالصورة

​

 

[CENTRALBANK]

في فرق بين الاشتراكين ؟

 

[ابوعثمان]

السلام عليكم

عندي اشتراك 16 دينار .

شرايكم ابدله ب13 او27 وشنوا الفرق بيهم من ناحية السرعة

والتحميل ....الخ و هل في فرق شاسع يسوى .

وشنوا اللي اسويه اذا بغير اشتراكي.

والله يجزاكم كل خير .