توصيه على بنك بوبيان

[صقرالبحر]

المصادر موجوده طال عمرك لكن وين القلب الشجاع اللي

يحب المخاطره

بوبيان اعتقد ان يستحق الشراء لأن بنك مافيه

مجازفه كبيره وسعر الشراء اهو سعر الدعم حاليا

والله يوفقنا ويوفق الجميع ان صابت ادعولي وان لم تصب لاتدعون علي

لأني كنت وياكم بمنتهى الصراحه بالنسبه لهذه للتوصيه واذا صار فيه

ضرر راح اكون أنا اول واحد فيكم يتضرر .

شكرا عالتوصيه
بس انته بعدك ماشريته شلون توصي وماتشتري ؟

السهم وايد عليه عروض بيع فوق 10 مليون
اتوقع اللي يبيه ب 510 ممكن ياخذه لاتستعجلون

550 هدف

تحياتي

 

[Master-Leo]

شكرا عالتوصيه
بس انته بعدك ماشريته شلون توصي وماتشتري ؟

السهم وايد عليه عروض بيع فوق 10 مليون
اتوقع اللي يبيه ب 510 ممكن ياخذه لاتستعجلون

550 هدف

تحياتي

هلا بالصقر ياخوي انا صريح كتبت التوصيه وذكرت الشراء

بسعر 510 افضل طبعا من 520 وانا قلت اني حطيت طلبي

510 وطبعا ماعطوني أمس واليوم الصبح حطيت الطلب

اذا لي نصيب فيه اشتريه ان شاءالله وهم مو شرط

اشتري السهم وأوصي عليه لايقولون عني مطبلجي بعد

مثلك عارف ألسنة الناس ماترحم هالأيام

الله يوفقنا جميعا ويتحقق الهدف تقبل تحياتي

 

[النــاقــد]

شنو اللي قاعد يصير يا جماعة !

شنو كل هالطلبات للشراء (بالملايين) و كذلك شنو هالكميات اللي تنقط على 510 ( ايضا بالملايين ) ؟!

انا مو متطمن بصراحة.

ساعات احس انه تجميع و ساعات شكله يصير تصريف

يعني كل ما لموا كل الاسهم اللي على سعر 510 (( فجأت )) تنزل طلبات على 510 و بالملايين.

 

[Master-Leo]

وجهة نظري قد يكون استغلال لظروف نزول السوق

لأن اللي بجمع من مصلحته ينزل السهم حاليا

ولاتنسى السوق نازل حاليا 50 نقطه تقريبا فشي أكيد

أسهم كثيره تتأثر بهذا النزول .

بالنسبه للمضاربين أرجو التقيد بوقف الخساره

في حالة كسر الدعم وأتمنى مايكسره يارب

 

[النــاقــد]

وجهة نظري قد يكون استغلال لظروف نزول السوق

لأن اللي بجمع من مصلحته ينزل السهم حاليا

ولاتنسى السوق نازل حاليا 50 نقطه تقريبا فشي أكيد

أسهم كثيره تتأثر بهذا النزول .

بالنسبه للمضاربين أرجو التقيد بوقف الخساره

في حالة كسر الدعم وأتمنى مايكسره يارب

ما في اخبار يا ليو ؟

للحين في امل يصعد السهم والا شكله نازل ؟ خصوصا بعد ما كسر ال 510 امس (ولو بكمية بسيطة).

 

[Master-Leo]

هلا اخوي الناقد اسمحلي بالتأخير ماجابلت التداول مبجر اليوم

بالنسبه لبوبيان الحمدلله السهم متماسك ليما الحين

رغم نزول السوق هذا الاسبوع .... كتحليل فني اقولها

بخبرتي البسيطه ان السهم في مفترق طرق خصوصا مؤشر الماكد .

وكلمت قبل شوي المصدر صاحب التوصيه يقول الشركه

الاستثماريه وقفت شراء بسبب وضع السوق ونزوله

( طبعا شي واضح ماقال شي جديد من عنده واضح من التداول )

لكن الدعم للسهم واضح أيضا من طلبات الشراء على 500 و 495 بس

السوق اللي مو راضي يتعدل عشان نقول ممكن تتحقق التوصيه .

اذا تبي نصيحه حاليا انتظر وراقب بحذر في حال اذا كنت مضارب

ولا تنسى بعد اليوم الاربعاء معروف الشراء يقل فيه

وانا متابع السهم أول بأول والله يوفقنا فيه

 

[ahmed6]

متى راح تكون الجمعيه العموميه حق بنك بوبيان؟

 

[النــاقــد]

هلا اخوي الناقد اسمحلي بالتأخير ماجابلت التداول مبجر اليوم

بالنسبه لبوبيان الحمدلله السهم متماسك ليما الحين

رغم نزول السوق هذا الاسبوع .... كتحليل فني اقولها

بخبرتي البسيطه ان السهم في مفترق طرق خصوصا مؤشر الماكد .

وكلمت قبل شوي المصدر صاحب التوصيه يقول الشركه

الاستثماريه وقفت شراء بسبب وضع السوق ونزوله

( طبعا شي واضح ماقال شي جديد من عنده واضح من التداول )

لكن الدعم للسهم واضح أيضا من طلبات الشراء على 500 و 495 بس

السوق اللي مو راضي يتعدل عشان نقول ممكن تتحقق التوصيه .

اذا تبي نصيحه حاليا انتظر وراقب بحذر في حال اذا كنت مضارب

ولا تنسى بعد اليوم الاربعاء معروف الشراء يقل فيه

وانا متابع السهم أول بأول والله يوفقنا فيه

مشكور يا ليو على الرد السريع.

انا بصراحة بمسك السهم كنت ببيعه بخسارة لكن سمعت اخبار طيبة عنه واتمنى تصدق و حتى لو مصدقت الاخبار فعلى قولتك هذا بنك ما يخوف و له مستقبل ان شاء الله.

موفقين جميعا.

 

[الهاجـري]

الله يعطيكم العافية يا شباب
ما فيه اي اخبار او تحليــــل عن السهــــــم ​

 

[Master-Leo]

السلام عليكم : أرفق شارت للسهم وتعليق على

بعض مؤشراته حسب خبرتي البسيطه وياريت مشاركة

للمحللين الكبار لتصحيح أي خطأ في حالة وجوده .

اخوي الهاجري مؤشر الماكد يتداول فوق خط الصفر

لكن متقاطع مع خط الاشاره وهذا مؤشر سلبي

وعندك مؤشر الستوكاستك خط ال K تقاطع مع خط D

وهذا مؤشر سلبي لكن وارد جدا عودة تقاطعهم للأعلى وهذا ايجابي طبعا .

وبالنسبه لخطوط بولينجر سعر السهم حاليا قريب من خط بولينجر السفلي

فاشارة الارتداد والشراء تكاد تكون قريبه جدا .

سعر الدعم على 490 فلس ومقاومه ضعيفه على 510 وقوية على 520 .

الوضع العام غامض للسهم حاليا لكن قد يرتد بأي لحظة خصوصا

من أسعار الدعم . موفقين أجمعين وسامحوني على القصور و إني ماقدرت

اتابع معاكم التداول الأيام الماضيه لظروف حالة الوفاة لأحد افراد العائلة .

 

[الهاجـري]

اولا
عظم اللــــه اجرك
وثانيا
جزاك اللــــه خيـــــر على التحليل
وثالثا
لا تطول الغيبات مرة ثانية ترى تعودنا على التحاليل والنصايح الطيبــــــة ​

 

[المطرود]

عظم الله أجرك أخوي الكنج والله يرحم المتوفي ويدخله فسيح جناته والله يجعلها خاتمة الأحزان ، ومشكور على الجهد الواضح لمعرفة مسيرة السهم

اخوك المطرود

 

[Master-Leo]

بعد تداول السهم اليوم ورغم ثباته السعري الا أن

مؤشر الماكد نزل عن خط الاشاره وهذا مؤشر سلبي طبعا للمضاربين .

الشركة الاستثماريه قد تدخل في أي وقت وتشيل الكميه

اللي تبيها لكن لا أعلم ان كان لديها هذي النية خلال الأيام القادمه

ليست دعوه للبيع طبعا لكن من واجبي بما اني صاحب التوصيه

اني اتابع التداول وأفيد اخواني المضاربين .

 

[abbass]

عظم الله اجرك ومشكور على الاهتمام

بعد تداول السهم اليوم ورغم ثباته السعري الا أن

مؤشر الماكد نزل عن خط الاشاره وهذا مؤشر سلبي طبعا للمضاربين .

الشركة الاستثماريه قد تدخل في أي وقت وتشيل الكميه

اللي تبيها لكن لا أعلم ان كان لديها هذي النية خلال الأيام القادمه

ليست دعوه للبيع طبعا لكن من واجبي بما اني صاحب التوصيه

اني اتابع التداول وأفيد اخواني المضاربين .

عظم الله اجرك ومشكور على الاهتمام

كم تتوقع هدف اعلى للسهم وهل ممكن نشوف فيه ال600فلس ثانية؟
المره اللى تداول فيها على ها السعر كانت ايام الادراج فقط ولم تكرر

 

[ابو الملايين]

عظم الله أجرك أخوي ليو وأحسن الله عزاك (لله ما أعطى ولله ما أخذ

أخوي ليو أنا مراقب السهم في الأسبوعين الأخيريين وكان يتم الشراء عليه بكميات كبيره غلى سعر 510 و 520 ولكن للأسف يسكر السهم على 500 وبكميات قليله كأن فيه تاجر يبي السهم نازل أو الفقراء اللي مثلي مايصبرون ويبيع على أي سعر .

المهم السهم انشاء الله في صعود من قبل المحافظ اللى تدعمه والشي الثاني ان الجمعيه العموميه قادمه الأمر الذي يؤدي الى التنافس على رئاسة مجلس الاداره , بس لو اخواني الفقارا يصبرون شوي وراح يستبشرون خير انشاء الله

وأسال الله العظيم رب العرش العظيم أن يرزق ملاك السهم ويرزقنا أجمعين

 

[Master-Leo]

احسنتم جميعا اجرنا واجركم ماقصرتوا .

بالنسبه للسهم اعذروني لعدم تمكني من تحديد أهداف مستقبلية خصوصا

البعيده هذي يبيلها محلل بخبره أطول من خبرتي المتواضعه بالتحليل لكن

نصيحتي اذا كنت مضارب بيع على530 لأن اذا بيصعد السهم حاليا فقط

لدخول أطراف لأجل عضوية مجلس الادارة لا لتوزيع المنحه البسيطه للسهم

و باقي 7 أيام تداول فقط الى تاريخ الجمعيه العمومية في 24-3-2007

الله يسهلها على الجميع والكل يستفيد ان شاءالله وانا متفائل بالثلاث

أيام الأخيره قبل الجمعيه ترى صعدة السهم حد أعلى بيوم واحد سهله

بالنسبه للمحافظ أو الأطراف المتنافسه لدخول مجلس الادارة .

 

[سوق التجار]

حسب خبر صفقة شراء الدار لأستون مارتن ... أن تمويل الصفقة سوف يكون عن طريق بنوك اسلامية ....

السؤال الآن... هل تتوقعون أن يكون بنك بوبيان أحد ممولي هذه الصفقة .. لكون الدار تملك حصه في بنك بوبيان؟

 

[kandaaa]

شباب في اشاعة عن اندماج بنك بوبيان وبيتك في احد سمعها ويقدر يأكدها.

 

[سوق التجار]

شباب في اشاعة عن اندماج بنك بوبيان وبيتك في احد سمعها ويقدر يأكدها.

ما أعتقد ... صعبه شوي.... لأن الغرض من أنشاء بنك بوبيان منافسة بيت التمويل وليس الاندماج معه.

 

[KUWAITI MAN]

اعتقد انها كذبة ابريل