شركــة الاتصالات الثالثه ( ش.م.ك )

[على طريق المال]

يدور في هذة الأيام حرب طاحنة بين المجلس والحكومة على إقرار

الشركة الثالثة للإتصالات

المجلس يقول أنها ذات فائدة كبيرة ومربحة والحكومة تقول أن السوق متشبع وكافي الشركتان الموجودتان والصحف تقول أن مقترحي
القانون بينهم وبين الشركتين عداوة ويريدون خسارتهما واليوم كأن
الحكومة لانت وليس عندها مانع من انشائها ولكن بشروطها
فما رأيكم أيها الأخوة الأعزاء

هل الشركة الثالثة لها مستقبل ؟
هل صحيح أنها مفيدة للمواطنين ؟
هل السوق فعلا متشبع ؟
هل النواب المقترحين يريدون رأس (المتنقلةوالوطنية)فقط؟
هل الحكومة على حق ؟
هل ستتضرر الشركتين من القانون ؟

شارك رايك يهمنا ​

 

[bo_walid]

والله انا اقول المواطن اكيد راح يستفيد لانه راح يزداد التنافس بين الشركات لكسب العميل ونها يامعود جود تقل المكالمات

 

[روبية]

مسألة الشركة الثالثة للاتصالات واقعية وراح تقر عاجلا ام اجلا .. بس مجرد وقت لا أكثر ..

ليش تخسر الشركات الموجودة ؟ بالعكس التنافس مطلوب ويصب في النهاية لمصلحة المستخدمين سواء من جودة الخدمة او الاسعار ..

ومثال على كسر الاحتكار في مجال تزويد خدمات الانترنت بعد ان كانت فقط شركة كيمز .. والحين عندنا مو أقل من 4 شركات بهالمجال كلهم ربحانين والمستخدم اهو الكاسب الاكبر..

* علما بان الاسلام ضد مبدأ الاحتكار ..

 

[حمووودي]

انا من المؤيدين لانشاء شركة ثالثه للاتصالات بالكويت .... المنافسه راح تزيد بين الشركات الموجوده والعميل اهو المستفيد راح تقل الاسعار

على سبيل المثال قبل كان كرت ايزي ينباع ب 45 دينار .... لمن انفتحت شركة الوطنية خطوط اكسبرس للدفع المسبع قامو يبيعون كرت ايزي ب 7 دنانير ومرات يطلع لك هدية ويه بيتزا

وفعلآ قبل كان بالكويت مجرد شركة وحده للانترنت اسمها شركة كيمز

حاليآ فيه كوالتي نت وكيمز ووفاست تلكوو والكثير من الشركات شوفو كلهم ربحانيين والمستفيد العميل قبل كان اشتراك كيمز اتذكره كنت اشترك فيه على 50 دينار ؟؟؟؟؟؟؟؟؟؟؟ الحين اشتراك شهري ب 5 دنانير شوفو الفرق ؟؟؟؟

الحين بخمسين تشترك dsl او واير لس


الشركه الثالثه للاتصالات فيها فايده كبيره للدولة او للعميل بس المشكله باعضاءنا ترى مو في الحكومه

شلون انا افهمكم شلون
الاعضاء يبون 40% يجبرون مؤسسة التامينات تساهم للمتقاعدين والحكومه قالت هذي فلوس المتقاعدين ما نقدر نجبر مؤسسة مستقبلة او نفرض عليها قوانيين تشارك او تساهم فيها والاعضاء مصمميين ليش ياربي مادري ؟؟

المفروض يقرون القانون كشركه عامه مساهمه اللي بيساهم يساهم

يعني مثلآ يطرحون 80% من راس مال الشركه للاكتتاب العام للمواطنيين

و10 % للتامينات
و 10 % لهيئة الاستثمار


هذا شي صحيح امية بالامية


بس انه الاعضاء يبون يجبرون التامينات يشاركون بنسبة 40 % ليش ؟؟؟ فيه ناس وايد متقاعدين ما يحبون يساهمون ويعتبرون بعض الشركات مثل الاتصالات محرمه او ما شابهه ؟؟؟



لكن مشروع الشركه الثالثه للاتصالات مجرد وقت واهو قادم باذن الله

 

[القطب الجنوبي]

المجلس يقول أنها ذات فائدة كبيرة ومربحة والحكومة تقول أن السوق متشبع وكافي الشركتان

السوق مشبع .. صحيح .
قالإتصالات لها 60% من السوق بينما الوطنية تستأثر بـ 40 % الباقية .
وجود شركة ثالثة سوف يجعلها تأخذ حصة من السوق على حساب الشركات الأخرى ، وهذا سوف يصب في خدمة المستهلك كما قال الزملاء الأعزاء ، وسوف يدفع التنافس إلى تحسين الخدمات وتخفيض الأسعار .
من يملكون الشركات الحالية " يستذبحون " حتى لا تقوم شركة ثالثة وتشاركهم حصتهم في السوق اللى " مكوشين " عليها بالكامل .
في حال قيام شركة ثالثة فإن الإتصالات والوطنية لن يخسرا ولكن ستقل نسبة أرباحهم بالطبع .
لكن هاتان الشركتان ( وخصوصاً ) الإتصالات لا يشكل السوق الكويتي أكثر من 20 % من مجال عملهم وأرباحهم ، والباقي كله في الخارج .
ولكن مصالحهم تدفعهم إلى القيام بحرب شرسة للحيلولة دون قيام شركة ثالثة .
وليس هناك مشكلة في أنهم يستخدمون كل الوسائل للحفاظ على مصالحهم ، ولكن تلك الوسائل يجب أن تكون مشروعة وأخلاقية .
وهذا ماسوف نعرفه بالأيام القادمة .

 

[Moshaks_777]

شكلها بتصير احسن شركه بالكويت

 

[vactory]

الحكومه تدري ان انشاء شركه ثالثه من صالح المواطنين والحين تماطل فيها وبعدين راح تقرها بس شنووووو عواقبها ؟ قبل يوم ارفعو البانزين تكلمو وصارت ضجه وبعدها فكروو مستقبلا علشان يفتكون حنا خلصنا من البانزين وخصصوه وباقي بس اخير 40 محطه وشوفوو بعدها شنو راح يصير . الله يستر وبعد قبل يمكن 5 او 6 سنين تكلموو عن تغيير النظام الحالي للهاتف الثابت من اشتراك سنوي الي شهري وبعد رسوم يمكن علي مده المكالمه يعني نفس النقال الي يتصل يحسب عليه .راح يسون الشي هذا عاجلا او اجلا راح تشوفون وفكره الشركه الثالثه راح تخليهم يطرحون الشي هذا بس انا اقول ان موضوع الثابت صاير صاير وطرح الشركه الثالثه لازم انه يصير لان العوض ولا القطيعه ودمتم

 

[fahad100]

بسم الله
انا اعتقد و على يقيين ان السوق يستوعب اربع شركات من هالنوع
وهذا سوق نامي . في كل يوم يستمر الطلب علي الخطوط
هناك جيل يكبر يوم بعد يوم و تزيد الطلبات على الخطوط
بمعنى سوق مستمر في النمو للاعلى
كذلك اصبح الخطوط مطلوبه لكل المستويات . حتى خدامتنا عندها موبايل

انظر من زياده الارباح اصبحوا يتوسعوا في بلدان اخري
اي ان ارباحهم خياليه ( اذا لم لا نفتح شركه اخرى و يستفيد الشعب
سواء في التوظيف او الاستثمار في الاسهم)
شركه الاتصالات توزع على موظفين من بلدان معروفه مبلغ فوق 2000 دينار
كل مده معينه بحجه هؤلاء الموظفين قدامه
بالاضافه موبايلات تتوزع عليهم كل مده
بالاضافه بوفيه مفتوح طوال شهر رمضان من كل سنه الذي يكلف المبلغ الخيالي
عموما السوق يستوعب اربع شركات على الراحه
فهي فرصه توظيف و استثمار

انا ااؤيد بقوه


تحياتي

 

[Solid_investor]

تأسيس شركة اتصالات ثالثة ليس امرا سهلا حتى لو عاد بالنفع للمواطنين على المدى القصير من خلال الاكتتاب.....السوق مايتحمل أكثر والاسعار مناسبة جدا ومستوى الخدمة ممتاز من الشركتين ... فممكن تصير حرب اسعار مع الشركة الثالثة تقل معها الجودة والكل يخسر

مجرد رأي

 

[Nasser pwc]

البقاء للأفضل​

 

[العنزي_1980]

مؤيد لأن راح يكون تنافس على تقديم الافضل بما اني مستهلك

 

[ابومانع]

الشركه الثالثه راح تكون مفيده بس بشرط يكونون اصحابها مونفس اصحاب الشركتين الاوليتين

وانتم عارفين منو صاحب الوطنيه ومنو صاحب الاتصالات

 

[بن تركي]

مفيدة مليون بالمية وفوائدة ملخصة بالنقاط التالية من وجهة نظري ؟

1- راح نكتتب فيها وراح يدرج السهم وراح يكون بالنسبة لنا كأستثمار طويل على مدى خمس سنوات على الأقل.
2- راح تنافس الوطنية والهواتف وتجبرهم على تقديم خدمات وعروض قوية لمشتركينهم من أجل الحفاظ على عملائهم اللي هم نحن.
3- راح تخلق فرص عمل جديدة للشباب البطالية.
4- راح يرخصون أسعار المكالمات ويبتكرون أفكار جديدة لجذب الناس.
5- راح تقل الأرباح السنوية للهواتف والوطنية وذلك بسبب إنخفاض عدد عملائهم مما سيؤدي إلي نزول أسعارهم بالبورصة للأسعار مناسبة للإستثمار فيهم على المدى البعيد.

بالنسبة لقطاع الإتصالات هو أقوى قطاع إقتصادي ممكن الواحد يستثمر فيه.

 

[على طريق المال]

أشكر الأخوة الكرام على الردود الجميلة
وتفعييييل الموضوع

وأنا أتفق معاكم إنا نحن المواطنين الفقارى أكثر المستفيدين من الشركة
من خلال الأكتتاب والأستثمار البعيد وكثرة المنافسين وغيرها

لكن
هل نضمن المنافسة الشريفة بين الشركات الثلات أم ستكون حرب
هل نضمن الجودة أم تكون الأمور أستهلاكية للتعويض الربح المفقود
هل ستكون مفيدة في البداية ومشاكل في المنظور البعيد(للمواطن)
هل نضمن عدم خسارة المواطنين المكتتبين في الشركتين القديمتين
هل نضمن أن القانون ليس تصفية حسابات بين ناس متنفذين (كبااار )

ختاما : أتمني أن يقر القانون وأكتتب وأستفيد000 لأني فقيييير

تحياتي ،،،،،، ​

 

[hayawi13]

they will accpet the new company because there is someone multi-bil support this company as i know from someone for long time ago

 

[hindkwt]

الناس الي مايبون شركة اتصال ثالثة لأنهم مساهمين حاليين بالشركات الحالية ومرتاحين من مستوى السهم والأرباح لهشركات ومايبون تطلع شركة يديده تأثر على هالشي

لكن الي لازم يفهمونه انه حتى لو تطلع شركة يديده راح يكون لهم حق الأكتتاب فيها والأرباح حالهم حال غيرهم

بس تدرون شنو المشكلة

اكو ناس تحب الخير بس حق نفسها وماتبي احد غيرها يربح ويعيش حتى لو كان هذا الشي مايأثر عليهم بالعكس يزيد من ثرواتهم يحبون يحسون انهم اكثر من غيرهم ومتميزين عنهم حتى لو كان هالشي يضرهم

هذا سبب معارضة البعض فكرة انشاء شركة ثالثه الموضوع ماله اي صلة بسالفه انه السوق مايستوعب حتى لو السوق مايستوعب انتوا شكوا؟ خاسرين شي من عندكم لما السوق مايستوعب؟ لايستوعب وبعدين شراح يصير فيكم؟ انا ادري شصير .... تخسرون ولا طز بالسوق استوعب ولا ماستوعب

هاذي السالفه الصجية الي تدور بنفسية بعض الناس وخايفين يبينونها

 

[mash3el]

ما شاء الله الخير بالطريق

طبعا اؤيد آنشاء شركة ثالثة

وما راح ازيد على كلام اخواني اللي ردوا على الموضوع

كفوو ووفوا

بس عندي سؤال يدربح نفسه


على اي رقم من الارقام راح تبدأ فيه الشركة ؟

نعرف ان رقم واحد 1 للخدمات

مثل الساعه 113 << يا كثر ما اتصل على الرقم هذا

لووووووووووووووووووول

ورقم 2 مستخدم

وهم رقم 3 مستخدم

واربعه هم مستخدم <<< من قبل فطاير الرابية

وخمسه هع هم مستخدم

وسته لشركة الوطنية

وسبعه مشترك للاتصالات والوطنية

وثمانية للبنوك والخدمات

وتسعه لشركة الاتصالات

وصفر رمز دولي ولفتح خط خارجي


اممممم يكون انها راح تبدأ بنجمه مربع

لوووووووووووووووول

هنياله من كانت من نصيبه هذي الرقم

####### <<<<
او

******* <<<<

من الحين شراي للارقام اللي تبدأ بنجمه او مربع




احتراماتي​

 

[Nasser pwc]

ما شاء الله الخير بالطريق

طبعا اؤيد آنشاء شركة ثالثة

وما راح ازيد على كلام اخواني اللي ردوا على الموضوع

كفوو ووفوا

بس عندي سؤال يدربح نفسه


على اي رقم من الارقام راح تبدأ فيه الشركة ؟

نعرف ان رقم واحد 1 للخدمات

مثل الساعه 113 << يا كثر ما اتصل على الرقم هذا

لووووووووووووووووووول

ورقم 2 مستخدم

وهم رقم 3 مستخدم

واربعه هم مستخدم <<< من قبل فطاير الرابية

وخمسه هع هم مستخدم

وسته لشركة الوطنية

وسبعه مشترك للاتصالات والوطنية

وثمانية للبنوك والخدمات

وتسعه لشركة الاتصالات

وصفر رمز دولي ولفتح خط خارجي


اممممم يكون انها راح تبدأ بنجمه مربع

لوووووووووووووووول

هنياله من كانت من نصيبه هذي الرقم

####### <<<<
او

******* <<<<

من الحين شراي للارقام اللي تبدأ بنجمه او مربع




احتراماتي​

هلاا اخوي الظاهر نسيت راح يطبقون نظام الكود(0)(1) للأرقام الارضيه

(0) (5) للهواتف النقاله​

يعني الي عنده رقم ذرب مايبي يبيعه بالفتره هذي يسلم عليه راح يروح سعره الا اذا كان رقم الكود نفس رقمه

ماعليكم الحجي هذا سمعناه من سنه وقالو اول 2006 راح يطبقونه وللحين ماشفنا شي​

 

[fahad100]

البراك يقول
السوق الكويتي تشبع
كيف هذا يا دكتور

ألم تعلم ان هذا سوق نامي طالما زاد عدد السكان
ألم تعلم ان هنا جيل يكبر يوم بعد يوم
ألم تعلم مدى الحاجه للهواتف للجميع حتى الطبقه الدنيا تحتاج له
ألم تعلم ان الخدامات و السواق يملكون هواتف

خاف ربك و دع الشعب يستفيد بالاستثمار و التوظيف
فليكن سعر السهم الشركه الجديده 500 فلس
تعني ان جزء كبير استفاد
و قد توظف لا يقل عن 250 كويتي
ماذا تعني ان السوق تشبع؟ هل يعني ان لا طلب على الخطوط

انا لا اصدقك

 

[hindkwt]

البراك يقول
السوق الكويتي تشبع
كيف هذا يا دكتور

ألم تعلم ان هذا سوق نامي طالما زاد عدد السكان
ألم تعلم ان هنا جيل يكبر يوم بعد يوم
ألم تعلم مدى الحاجه للهواتف للجميع حتى الطبقه الدنيا تحتاج له
ألم تعلم ان الخدامات و السواق يملكون هواتف

خاف ربك و دع الشعب يستفيد بالاستثمار و التوظيف
فليكن سعر السهم الشركه الجديده 500 فلس
تعني ان جزء كبير استفاد
و قد توظف لا يقل عن 250 كويتي
ماذا تعني ان السوق تشبع؟ هل يعني ان لا طلب على الخطوط

انا لا اصدقك

انت مصدق! بعد شتبي يسوي يرقع حق شركته