دورة المؤشرنت للتحليل الفني
50 دينار كويتي
انا اقولك مثلا بعد 6 اشهر حطو اعلان بالجرايد انه الانابيب فازت بعقد قيمته 200مليون وحطو الاعلان رسمي بموقع البورصه.. تخيل ردة فعل المتداولين بالبورصه.. 100% بيرتفع السهم حد اعلى لمدة جم يوم وبيتم مرتفع
ومايخالف اصلح لك البورصه تتفاعل مع الاخبار المؤكده قبل الارقام وخصوصًا بورصتنا
خبر فوزها بالمناقصه راح يكون السبب الرئيسي واقوى سبب لارتفاع السهم اما الارباح فراح يعلنون عنها والسهم اولريدي صاعد (لانه طبيعي المتداول يتوقع ارباح قويه من شركه فازت بمناقصه قيمتها 200مليون)
انت اقترحت الانتظار لما يعلنون رسمي عن المناقصه
انا اقولك لما يعلنون رسمي عن المناقصه ما راح تلقى بياعين اصلا وهم قبل الاعلان بجم بيوم راح يكون السهم مرتفع لانه الهوامير عارفين قبل لا يعلنون عنه
انطر لما يعلنون رسمي عن المناقصه بتلقى السهم طاق بالعلالي وما راح تلقى بياعين
والاستثمار بمفهومه الاساسي واللي يفرق بينه وبين المضاربه انه المستثمر مايقول لا انا انطر واشتري بعدين احسن.. الوقت مو عامل مهم عند المستثمر.. المستثمر يقول اشتري الحين وما اتحسف حتى لو نزل السهم هالشهر ولا هالشهرين لانه متأكد انه بيرتفع ارتفاع طيب خلال فتره طويله
هذا رايي يمكن في ناس تخالفني فيه بس ارد واقول مره ثانيه كل واحد يشتري متى ما شاف الظروف جيده للشراء
المخازن فازت بستين ألف عقد وقيمهم بالمليارات و بدال حد اعلى صار حد ادنى:>
12:14:12 ِ.استقالة اعضاء مجلس ادارة الشركة الكويتية لصناعات الانابيب
يعلن سوق الكويت للأوراق المالية بأن مجلس ادارة الشركة الكويتية لصناعات
الانابيب والخدمات النفطية قد اجتمع يوم 21-12-2006 وتقرر تقديم استقالة جميع
اعضاء مجلس ا لادارة وتفويض رئيس المجلس باتخاذ الاجراءات اللازمة للدعوة
لجمعيةعامة لانتخاب مجلس ادارة جديد .
لو تم ترسية المشروع بشهر 2
كم شهر سوف يكون التصميم
متى يتم اصدار طلبات الشراء من قبل المقاول
اذا تمت الترسيه على الانابيب او السفن متى تسلم المواد للمقاول و متى تقبض قيمتها
انشاء الله تشوفون اثار المصفاة الجديده على الاسهم اخر سنة 2008
سنتين سنتين ما ورانا شي الودايع تنطر سنتين ويعطونك 12%
.. تسوى النطره سنه ولا سنتين ولا ثلاث ولا حتى اربع عشان تدبل فلوسك
مو يايه عالتصريحات الصحفيه معظم مؤتمراتهم الصحفيه عن وقت ارساء المناقصات كلام فاضي بالوقت الحالي
وعلى طاري التصريحات الصحفيه انا عندي ملف فيه كل التصريحات الصحفيه حق كل الجرايد المتعلقه بالمشروع من 2004 لي اليوم وهذيله نبذه ملفات مرفقه
شوف المقاله بجريدة القبس سنة 2005
"اطلاق المناقصات مع 10 الى 20% للمقاولين المحليين:
..... سيتم الاستعانه باكبر قدر ممكن من المقاولين المحليين، وذلك اتباعات لتوصية المجلس الاعلى للبترول ووزير الطاقة، وستقوم الشركة بالزام المقاولين العالميين باسناد ما يتراوح بين 10 و 20% من اعمال المشروع الى المقاولين المحليين....."
معظم هال10 الى 20% راح تكون من نصيب الانابيب والسفن.. في شركات ثانيه صغيرونه راح تستفيد بس نصيب الاسد راح يكون للانابيب والسفن
ونفس الكلام بس باسلوب ثاني موجود بالوطن
اخوي1 هيت تصريح الجيماز هذا كله كلام فاضي.. حتى رئيس مجلس الاداره سامي الرشيد صرح قبل فتره بكلام فاضي ويوم كلمت المصدر عن هالمؤتمر الصحفي ضحك وقالي انا كنت هناك ويقولي ماعليك من هالكلام الفاضي المشكله سياسيه لا اكثر ولا اقل والمسؤولين مايقدرون يصرحون بهالشي.. قاعدين يماطلون ويطولون القصه والموضوع منتهي وخالصين منه صارلهم اكثر من شهر وللعلم ترى الشركات الاجنبيه مقدمه اوراقها من آخر شهر 8 اللي طاف
3/6/2004 7:33:14 الصناعات الهندسية الثقيلة وبناء السفن (توقيع عقد بقيمة 6350000 د.ك)
1/31/2005 8:31:57 السفن توقع عقدا مع وزارة الأشغال بقيمة 7,2 مليون د.ك لانجاز مدارس
2/14/2005 10:54:54 ترسية مناقصة خاصة بشركة البترول على السفن بمبلغ 34 ألف د.ك لمدة 15 يوم4/17/2005 10:49:27 شركة مملوكة للسفن توقع عقدا بقيمة 2,8 مليون د.ك مع جمعية الخالدية
6/11/2005 8:33:44 السفن حازت أقل الأسعار في مناقصة تابعة للبترول الوطنية بقيمة10,9مليون د.ك
7/10/2005 8:36:48 ترسيةمناقصةبقيمة10,8مليون د.ك على السفن أعلن عن حيازتهاأقل الأسعارفيهاسابقا
8/3/2005 13:58:33 شركة مملوكة للسفن توقع عقدا بقيمة 5 مليون د.ك مع الوسيلة للمشاريع4/22/2006 8:48:49 السفن حازت أقل الأسعار بمناقصة تابعة لوزارة الطاقة قيمتها 37 مليون د.ك10/3/2006 9:49:43 ِ.ترسية مناقصة بقيمة 5,9 مليون د.ك تابعة لوزارة الطاقة على السفن
10/7/2006 916 السفن توقع عقدا مع شركة اسبانية بقيمة 32 مليون دولار أمريكي11/12/2006 13:39:43 ترسية مناقصة بقيمة115مليون د.ك على تحالف تساهم فيه شركة مملوكة للسفن ب38%
اذا ماني غلطان هذي كل مناقصات السفن من 2004
6.3+7.2+2.8+10.9+5.0+37+5.9+(32*0.3)+(115*0.38)
المجموع = 128.4مليون خلال 3سنوات وليس 300مليون
متوسط قيمة العقود كل سنه = 12.8÷3= 42.8مليون دينار بالسنه
انا قاعد اتكلم عن ارقام اكبر من 42.8مليون وعلى عقودها بتيي دفعات
feem77
انا وياك بس شتسوي هذي كويتنا وهذي حكومتنا :|
المهند75
"إلي اعرفه في حالة إرساء عقد لشركة أجنبية يجب ان يكون 10% من إجمالي العقد لمقاول كويتي ( مو10% مربح )"
انا اقولك شنو كنت اقصد بال10%.. الحين خنقول انه الشركه الاجنبيه محتاجه بايبات خنقول تكلفتها 50مليون .. هل هذا يعني انه شركة الانابيب لو قالت انا اسوي لكم بايباتكم ب150مليون راح يعطونها اياه غصب لانه مافي شركه كويتيه ثانيه غيرها؟؟ لا يبا مايصير.. فشتسوي الحكومه عشان الشركه الكويتيه ما تطمع بالارباح وايد علما بانها اهي اللي بتاخذ المناقصه لانه مافي شركه غيرها؟؟ يقوم القانون الكويتي ويقول حق الشركه الاجنبيه انتي ملزووومه بانج تعطين العقد حق اي شركه كويتيه طالما نسبة تكلفة المشروع مايزيد عن 10% من تكلفة المشروع الشركات الاجنبيه الثانيه المتقدمه حق مشروع البايبات
مثلا الشركه الاجنبيه قالت ابي بايبات قيمتهم التقديريه 50مليون.. يت لها هالاوراق:
1) الانابيب قالت اسوي لكم اياه ب100 مليون
2) شركه كوريه قالت اسويه لكم ب70مليون
تقسم 100مليون على 70مليون 42% وهالنسبه اكبر من 10%.. اذن العقد راح يرسي على الشركه الكوريه لانه الشركه الكويتيه طمعت وايد
نفس المثال بس يت لها هالاوراق:
1) الانابيب قالت اسوي لكم اياه ب75مليون
2) الكوريه قالت اسويه ب70مليون
تقسم 75 على 70 يطلع لك 7% وهالنسبه اقل من 10%.. اذن العقد راح يرسي على شركة الانابيب لانها قدمت ارقام معقوله (مع العلم بانها اعلى من الشركه الكوريه)
يعني اذا الشركه الكوريه كانت ناويه تربح 15مليون من هالمشروع شركة الانابيب راح تربح 20مليون وزياده.. انا عشان جذيه قاعد اقول انه ربحها قوي.. لانه مافي منافس كويتي حق هالشركتين.. وراح يربحون زياده 10% من القيمه الاجماليه
اما بالنسبه حق ال10% اللي انت تقصدها فهذا رقم تقديري قدرته شركة البترول وهو من 10% الى 20% والمقاول مو ملزوم بانه يحول 10% من مشروعه حق شركه كويتيه لانه متطلبات المشروع كبيره (معدات وموارد ومهندسين والخ) ومو كل شركه كويتيه عندها القدره انها تحقق المتطلبات.. ولو الشركات الكويتيه تقدر على هالمشروع جان شفت الكويت أسست شركه وسمتها المصفاة الرابعه وخلتها تسوي المشروع وينتهي الموضوع.. بس ماعندنا قدرات نسوي هالمصفاة.. فالحكومه تقول حق الاجنبيه العملاقه اذا في شي سهل وبسيط وفي شركه كويتيه تقدر تسويه عطوه حق الكويتيه على طول (بحيث انه مناقصة الكويتيه مايزيد عن 10% من الشركه الاجنبيه الصغيره الثانيه المتقدمه)
وبالنسبه لتوزيعات الارباح.. ارتفاع سعر السهم اهو المطلوب هني مو التوزيعات ولا التوزيعات ما توكل خبز
المصفاة الرابعه احد اكبر المشاريع بالعالم حاليا وشركتين سعر سهمهم 350فلس وهو يعتبر رخيص جدًا اذا قارنته بالسنين اللي طافت وخصوصًا الانابيب.. وفوق هذا هالشركتين لهم نصيب الاسد بهالمشروع العملاق.. اخالفك الراي اخوي .. مافي احسن من هالفرصه.. ومو كل سنه الكويت تسوي مشروع ب2مليار دينار
اخوي1 هيت تصريح الجيماز هذا كله كلام فاضي.. حتى رئيس مجلس الاداره سامي الرشيد صرح قبل فتره بكلام فاضي ويوم كلمت المصدر عن هالمؤتمر الصحفي ضحك وقالي انا كنت هناك ويقولي ماعليك من هالكلام الفاضي المشكله سياسيه لا اكثر ولا اقل والمسؤولين مايقدرون يصرحون بهالشي.. قاعدين يماطلون ويطولون القصه والموضوع منتهي وخالصين منه صارلهم اكثر من شهر وللعلم ترى الشركات الاجنبيه مقدمه اوراقها من آخر شهر 8 اللي طاف
اذا كان مدير المشروع ورئيس مجلس الادارة كلامهم فاضي فلا تقول ان كلامك انت صح. الا اذا منصبك اعلى منهم وهذا ما لا اعتقده
الكلام الذي تم التصريح به من قبل مدير المشروع صحيح وسوف يتم اعادة طرح المناقصه او الغائها بالكامل بعد اجتماع مجلس الأعلى للبترول
حبيبي انت ليش زعلان اول شي؟؟ انت الظاهر ماقريت الكلام اللي كتبته كله كامل.. خنفهمك شغله انا لا عندي منصب ولاني موظف بالبترول اصلا.. والكلام هذا مو كلامي هذا كلام قاعد انقله عن "مصدر" عضو بمجلس ادارة شركة البترول وكان موجود بالمؤتمر الصحفي..
الكلام اللي صرح فيه رئيس مجلس الاداره غير حقيقي واهم قاعدين يلفون ويدورون وكل شوي يطلعون عذر لانهم مو قادرين يقولون السالفه الصجيه.. هذي اوامر يايتهم من (اللي اعلى منهم).. يمكن صج يعيدون طرح المناقصه بس مو للاسباب اللي ذكرها سامي الرشيد اذا بيعيدونها بيكون السبب الوحيد اهي المشكله السياسيه مع السعوديه لا اكثر ولا اقل.. واعتقد انه وايد شباب اتفقو معاي انه بالفعل في مشكله *سياسيه* معطله المشروع
ياخي حطها بعقلك يعني اصلا كلامه مايدش العقل.. معقوله 9 شركات عالميه عملاقه من كوريا واليابان ومادري منينن كلهم قدمو اوراقهم وكللللللهم طلعو اسعارهم مبالغ فيها؟؟؟؟؟؟ خنقوووول انه صحيح كلامهم
زيين يووووم انه اسعارهم مبالغ فيها ليش ما ذكرو هالكلام قبل جم شهر بما انهم مقدمين صارلهم 4اشهر.. ليش توهم يتحجون مع العلم بانهم اولريدي متأخرين عن السكيجول!!؟
باختصار اخوي السالفه الحين مو بايد سامي الرشيد ولا الجيماز ولا المصدر اللي قاعد اييب منه الاخبار .. السالفه الحين في شيوخ شغالين عليها والكل متكتم ومحد يدري عن تطوراتها غيرهم .. بس اللي اعرفه انه "لازم تنحل" والمصفاة لازم تنبني
ياخي حطها بعقلك يعني اصلا كلامه مايدش العقل.. معقوله 9 شركات عالميه عملاقه من كوريا واليابان ومادري منينن كلهم قدمو اوراقهم وكللللللهم طلعو اسعارهم مبالغ فيها؟؟؟؟؟؟ خنقوووول انه صحيح كلامهم
زيين يووووم انه اسعارهم مبالغ فيها ليش ما ذكرو هالكلام قبل جم شهر بما انهم مقدمين صارلهم 4اشهر.. ليش توهم يتحجون مع العلم بانهم اولريدي متأخرين عن السكيجول!!؟
دورة المؤشرنت للتحليل الفني
50 دينار كويتي