شركة مجموعة خدمات الحج والعمرة ( مشاعر )

[***بومحمد***]

اخوي الكويت غاليه الجدول واضح انت اول خانهB تحط اسم الشركه والخانه الثانيه Cكمية الاسهم اللي تمتلكها بالشركه والثالثهD سعر تكلفة السهم عليك والرابعه Eسعر السهم اليوم طبعا سعر السهم كل يوم يتغير والخانه الخامسهF البرنامج اهو بروحه قاعد يعطيك سعر التكلفه اللي طالع عليك السهم وبهالخانه لا تحط ارقام والخانه لسادسهG هي تعطيك قيمة اسهمك الحاليه وراح يبين معاك انت خسران ولا ربحان .

اما بقية الجدول واللي يبدأ باللون الاخضر هو لتعرف سعر سهمك بعد التفسيخ وطبعا بعد ماتضع كم وزعت الشركه ارباح نقديه ومنحه

يعني حط بالخانه J كم وزعت الشركه ارباح نقديه و K اسهم منحه وراح تشوف

الخانات التاليه لحالها تعطيك كم لك منحه نقديه واسهم منحه.

ان شاء الله وضحت لك شرح البرنامج ويمكن بومحمد يحب يضيف شيئ

او يصلح لي ان اخطأت .

ماشاءالله عليك أخوي شرحك طلع احسن من شرحي لو اني كنت شارح....
والله يرزق الجميع ويوفقنا لخدمة وإفادة الجميع.....

 

[***بومحمد***]

باسلكو مو مذكور زيادة راس المال!!

يبا إحسبها لي 10000 سهم ب 1660 وألف شكر مقدماً

أخوي العزيز.....
تقدر تسويها على حسبتين الاولى / خاصه بالاسهم الاصليه مع المنحه والنقدي فقط دون زيادة راس المال .
والثانيه/ تكون لحسبة الزايد المخصصه لك من حيث الكميه والتكلفه....من ثم تقوم بجمع القيمتين الحاليتين للحسبه الاولى والثانيه وتقسمها على الكميه النهائيه الموجوده لديك ......

والله يرزق الجميع ويوفقنا لفايدة بعضن البعض

 

[baselko]

بومحمد انا شرحي احسن من شرحك ما شاء الله عليك خلصت المسأله

بأربع اسطر وانا كاتب جريده ( يعجبني تواضعك )

 

[الكويت غاليه]

ماني فاهم حسبة زيادة راس المال بس خلاص جزاكم الله خير وكافي شرح معقد:-(

 

[ALSALEM]

يا جماعة كل واحد يحب راس الثاني وانا اخذ راس المال - بس عطونا تحليلكم للسبت بارك الله فيكم

 

[ابووحمد]

شباب منو فيكم يعرف متى توزيع الارباح و المنحه ومتى اخر موعد زيادة راس المال لشركة مشاعر

وفلوس المنحه وين بتنزل !!

 

[ALSALEM]

هل نتفائل ان مشاعر توصل 1.300 خلال 4 الى 6 شهور - وهذا الكلام لاني كل ما سألت احد قال السهم يبيله صبر

 

[السميسمي]

السلام عليكم . طال عمرك ينتظرون اعلانات أرباح النصف الأول من 2007

والصبر مفتاح الفرج ،جمع والله يرزق الجميع .

 

[rahaly]

متى اخر موعد لزيادة رأس المال ؟

 

[***بومحمد***]

مجرد راي

هل نتفائل ان مشاعر توصل 1.300 خلال 4 الى 6 شهور - وهذا الكلام لاني كل ما سألت احد قال السهم يبيله صبر

ان شاء الله بيوصل قبل المده المحددها بس قو قلبك شوي وهيء نفسك انه بيلامس الدينار عند استدعاء الزياده.......
وبعدها يرد ويقضب الخط.....
وفي رايي الشخصي ان الشركة وملاكها ثقه وجديرين بأن الواحد يحط فلوسه معاهم ...... والله اعلم

 

[q80mofa]

متى اخر موعد لزيادة رأس المال ؟

كل مرة أسأل هالسؤال ولكن !!!!!!؟
​

 

[ريفالدو]

في راي احد المتابعين لسهم مشاعر ذكر التالي وهذا الكلام لا ادري مدى مطابقته للواقع
لكن يلاحظ تذبذب سعر السهم وانخفاضه في الفترة التي كانت قبل اجتماع الجمعية العمومية وما بعدها ان مشكلة السهم ان الملاك الذين حازوا على السهم بالقيمة الاسمية يبيعون فيه لانه من ناحية محاسبية حققوا ربح وفير فيه القيمة الاسمية 100فلس ووصل الي حد 1500 واكثر اضافة الي ان زيادة راس المال والاستحواذ على شركة المسعى يبدو ستعمل على زيادة انخفاض السعر مع ملاحظة ان الشركة حققت ارباح وفيرة تعزز موقفها المالي

وهذه ليست دعوة للبيع او الشراء

 

[ابووحمد]

كل مرة أسأل هالسؤال ولكن !!!!!!؟
​

أخوى انا كنت اليوم فى شركة المقاصه فى برج

احمد اللى صوب المستشفى الاميرى ..

وسألتهم متى توزيع الارباح وتوزيع المنح وأستدعاء

زيادة راس المال قالو لى اذا بنوزع او نستدعى زيادة

رأس المال بنحط اعلان فى الجريده

ونحدد التاريخ ...................................

 

[baselko]

مشاعر

اتوقع السهم يلامس 1040 -1060 ثم يصعد مره اخرى

بس اذا نزل تحت ال1040 الله يستر وهذا توقعى ليس الا والله اعلم

 

[q80mofa]

أخوى انا كنت اليوم فى شركة المقاصه فى برج

احمد اللى صوب المستشفى الاميرى ..

وسألتهم متى توزيع الارباح وتوزيع المنح وأستدعاء

زيادة راس المال قالو لى اذا بنوزع او نستدعى زيادة

رأس المال بنحط اعلان فى الجريده

ونحدد التاريخ ...................................

مشكور طال عمرك ( وإذا أي واحد شاف الإعلان بالجريدة إذكرنا )
لأني ما أقرا الجريدة كل يوم



تحياتي ,,,,,,,,

 

[baselko]

شباب ان شاء الله راح يوزعون الشهادات بحد اقصى اسبوعين واللي عنده

حساب بالبورصه راح تنزل اسهمه دايركت بحسابه طبعا هذا الكلام لملاك

المسعى اللي حولوا اسهمهم لمشاعر والله اعلم

شباب والله توه جايني خبر من الشركه ان سهم مشاعر راح يتحرك لي

1300 خلال اسبوعين وهذا الكلام على ذمة المصدر ورحم الله والديكم

لحد يقطها براسي انا فقط انقل لكم ماوصل لي والبيع والشراء مسئوليتكم

والله يوفقكم

 

[ALSALEM]

شباب ان شاء الله راح يوزعون الشهادات بحد اقصى اسبوعين واللي عنده

حساب بالبورصه راح تنزل اسهمه دايركت بحسابه طبعا هذا الكلام لملاك

المسعى اللي حولوا اسهمهم لمشاعر والله اعلم

شباب والله توه جايني خبر من الشركه ان سهم مشاعر راح يتحرك لي

1300 خلال اسبوعين وهذا الكلام على ذمة المصدر ورحم الله والديكم

لحد يقطها براسي انا فقط انقل لكم ماوصل لي والبيع والشراء مسئوليتكم

والله يوفقكم

يمعود الله يسمع منك انا من قريت مداخلتك امس وانا اقول الله يستر رحنا شفي

 

[SADOO]

اللهم لاشماته ، بس هذا حال الدنيا

 

[ابو محمد123]

السلام عليكم ورحمة الله وبركاته:
تفاألوا بالخير تجدوه
ابشروا بالخير ياجماعة

 

[malek]

السهم بيمر في فترة تصحيح والعلم عند الله ، واليوم انضم السهم الى قائمة الشرف بالنزول ، والأيام سوف تبين لنا عن ماهي قيمة السهم الحقيقية .