المجموعة الدولية للاسـتثمار ش .م.ك.م ( المجموعة د ) ... الجزء الخامس

[.osama]

السهم الحين صاير عليه حركه تصريف ولا شنو
لانه انا اللي شايفه انه قاعدين يقطون على الطلب مو قاعدين يلمونه من المعروض
اللي عنده اي تعليق يعطينه رايه بالموضوع
وشكرا

رش عليهم رش

ماخلى احد يرجع بيتهم وهو خاطره بالسهم

عطاهم كلبوهم

الستين

والخمسين

والي طالبين على الاربعين يمكن يخافون وينحاشون

حسبي الله عليه من سهم ​

 

[UNDER_0]

شلي صاير كمية التداول 12 مليون ونازل 20 فلس

 

[.osama]

شلي صاير كمية التداول 12 مليون ونازل 20 فلس

​

30 مو 20 فلس

ماييوزون من سوالفهم

اليوم بس تبين ليش مرفعينه من 540 إلى 580

علشان يصرف هالكميه اليوم ​

 

[بوراشد جروب]

رش عليهم رش

ماخلى احد يرجع بيتهم وهو خاطره بالسهم

عطاهم كلبوهم

الستين

والخمسين

والي طالبين على الاربعين يمكن يخافون وينحاشون

حسبي الله عليه من سهم ​

حسبنا الله ونعم الوكيل

إنا لله وإنا إليه راجعون

يارب إرفع لنا مجموعتنا فوق آخر إغلاق ...

 

[sarem]

​

30 مو 20 فلس

ماييوزون من سوالفهم

اليوم بس تبين ليش مرفعينه من 540 إلى 580

علشان يصرف هالكميه اليوم ​

بو طبيع ما يعدي عن طبعه(

 

[بديع الزمان]

حسبنا الله ونعم الوكيل

إنا لله وإنا إليه راجعون

يارب إرفع لنا مجموعتنا فوق آخر إغلاق ...

ما عليه يابوراشد بس تبي الصج الشرهه على أهل المجموعة خلوها على هالسعر فترة طويلة ومن ترتفع شوي يتركونها وما يدعمونها والناس يصرفون واحنا نطالع الله يعوض علينا خير .

 

[عكس التيار]

السهم صاعد صاعد

السهم نــازل نـــازل

ياليتنا نحرص بالا نكون سبب فى خسارة أي أخ من إخواننا
طبعا أنا بعت الأربعاء ب 580 ولم اشتر اليوم بسبب ....
ولم انصح بأن اشتر أو بيع لأن الكلمة مسئولية امام الله
فاتقوا الله فى خلق الله ( إلى البعض:اتمنى تفهمون هالكلام )

الزبدة
( من يتحكم فى السوق ليس لدية أخلاق ،
فاهرب يامسكين برأسمالك أو بعضه)

 

[المرزوق]

وهوت فرجينا
لاحول ولا قوة الا بالله

 

[بوضاري]

خبر بمليون دينار

ابي اعرف شي يا ويلاه
سامي البدر = المجموعة الدولية صح ولا مو
سامي البدر = بترو جلـــــــــــــف صح ولا مو
يعني بمعادلة صغيرة
المجموعة = بترو جلف طبعا بالارباح اكيد صح
يعني اذا ربحت بترو جلف ترتفع اسهم او تزيد ارباح المجموعة
طيب ارباح بترو جلف 700 الف دينار بواقع 2 فلس "" إلي بطفاية البدر ""
ثبت على الصورة تكفه
هذا مو معناه ان بترو جلف فقط عندهم اربع شركات بس حيرتني الارقام
مع صعود المجموعة بكميات كبيرة كبيرة جدا على 3 ارقام

1 - المتوسط الحسابي لسهم المجموعة 558 نقرب للاقرب 560

الصفقات التي تمت على كل من

السعر , الكمية , عدد الصفقات
540 | 2,400,000 | 48

550 | 3,195,550 | 92

560 | 2,880,000 | 25

570 | 4,490,000 | 47

580 | 2,900,000 | 43

يعني إلي شرى بال 40 وال50 وال 60 قطــــــــــــــــاهم بال70 وال80 وانا شايف السهم راح ينزل يوم السبت لي ال560 وراح تكون كميات العرض كبيرة وايد
ترا الارقام مو وايد مضبوطة يعني ممكن تتطلع اوكي
كميات 540 + كميات 550 + كميات 560 = كميات 570 + 680 بالتقريب الباجي عليك و إذا جان يبي يصعد وايد المثل يقول
{ محدٍ يعاف عشاه إلا فيه علةٍ في حشاه }(

هوجمت من قبل الكثير من الاخوان بسبب اني اخذت احدى المعطيات الموجوده من تداول يوم الاربعاء وهي المتوسط الحسابي للسهم كان 560 او اقل .
يا جماعة هنالك الكثير من المشاركين يعتمدون على المنتدى بالتحاليل والاخبار لكن هنالك الكثير من قيادين المحافظ يستطيعون عمل تمثيلية بسيطة بخدع فيها المحلل لأنه يعرف ماذا سيفسرها المحلل وبناء على هذا التفسير يسير السهم بعكس ما فسر من قبل الناس والمحللين بالإضافة إلى أن هناك الكثير من المستثمرين يدافعون وبشدة متناهيية عن اعضاء مجلس الشركة ----------------------------------------------- هذي بعض الردود علي

( الارقم ) ادعوا بالتوفيق لملاك السهم بدل الكلام الفاضي والتحاليل الخرابيط الي لا تودي ولا تجيب ؟؟؟ بالله هذا كلام ينقال ( راجع مشاركتك)

( المعوشرجي79 ) اخوي باختصار ان كنت تجهل سامي البدر فالبدر ليس بجاسم البحر والعبرة دائما تكون في النهاية الله يرزقك ويرزقنا بالحلال قول آمين ؟؟؟ تذكر تاريخة وانت اخبر !؟ .... ( راجع مشاركتك )

( ويلاه ) لكن سألت نفسي سؤال اشوي ذكي
اللي يبي يصرف يقط عالمطلوب وما ياخذ من المعروض والا غفلت عن هالنقطة ؟؟! تأكد اني سويتها وابيك تسويها ...... ( راجع مشاركتك )

( sarem ) انا عن نفسي ما أظن اللي قاعد يجمع بالسهم من فترة على 540 وجمد فلوسه هالمدة يقنع بربح 30 فلس والله يرضى على فلس وماعندة مشكلة . ( راجع مشاركتك )

( مستثمر1 ) تداول اليووم جدا ممتاز وتم كسر مقاومه مهمه وين المقاومه ؟؟؟ ............ ( راجع مشاركتك )


يا بوضاري يا تكتب شي وايد زين عن المجموعة ولا اكرمنا بسكوتك ؟؟(( سبحان الله ))

ياجماعة الخبر يقتل التحليل وين الخبر ؟؟؟!!! ماكو خبر صح ؟!؟ طيب ليش ينزل (((( الشمس ماتتغطى بمنخل )))

ابي من الاخوان لا يزعلون انا سويت كوبي وبيست من مشاركاتهم

وابي من بقيت الاخوة المستثمرين ياخذون بالمعطيات البسيطة وليس المعقد وسوف تتضح لكم الرؤية

على فكرة انا املك بالسهم
ويقول المثل لايغركم شراعة ترا هو سماري

 

[منشول]

صراحه اخوي يا بوضاري كفيت ووفيت


ووصراحه يعطيك الف الف عافيه

وومثل ما يقول لك كلام الصج يعور القلب


وو صراحه هالسهم على اكثر من مشاركه تعرفت عليه انه اهو سهم مضاربا وليش استثماري يعني اهو قاعد يحسبها يقول اجمع وو اخر اليوم ارفع وو تالي اليوم الثاني انزل السهم وويطلع كل اسبوع يمر عليه اب 10 او 20 او 30 فلس يعني احسبوها معاي
قعد يجمع بالسهم على 550 ووبعدين صعده الى 570 ووبالتالي قعد يجمع على 550 ووبالتالي يصعده على 570 وواخر مره نزل السهم على 540 و 530 ووبعدين قطه علينا على سعر 570 و 580 وونزله الي السعر اليوم 550
طبعا بعد هالكلام اتردون واتقولون لي انه هالسهم غير سياسته بالمظاربه ووراح على الاستثمار
حدث العاقل بما هو يعقل



وشكرا

ودمتم سالمين




ملاحظه : هذا الكلام من تحليل الشخصي

 

[SpeciaL 1]

الأخ/ بوضاري

كلامي واضح عن نفس تداول الجلسة..
شلون صرف واهو ماخذ بـ 570 و 580 ؟؟؟
حاول تحلل هالنقطة..



أخوك/ ويلاه

 

[Believer]

الأخ/ بوضاري

كلامي واضح عن نفس تداول الجلسة..
شلون صرف واهو ماخذ بـ 570 و 580 ؟؟؟
حاول تحلل هالنقطة..



أخوك/ ويلاه

أخوي ويلاه ....
أنا من زمان ما شاركت بموضوع المجموعه د .. من شهرين بعت على 550 وأخذت بنصيحة المجموعي وبوتسنيم ... ودخلت على شركة المدينة والحمدلله رجعت لي خساير كبيره (حوالي 20%)، وإلى اليوم المجموعة على حالها والكلام نفسه يتكرر ...
أما بالنسبة للتصريف على العالي رغم إن الشراء بسعر أعلى فمسأله سهله ... خلي نفسك محفظه وانا محفظه ... والسهم اليوم على 540 ... واتفقنا نبيع السهم على 560 !!! تقولي يا أخي بو عبدالله نبي نتربح شوي شلون ؟؟ أقولك هينة ... السهم عليه اشاعات كثيره والكل منتظر إن يكسر المقاومه عشان يدش عليه والمقاومه على 560... أنا واياك ندخل مع بعض نشتري بهدوء على 540 ، 3 ملايين 7 ملايين اللي يكون، ونعرض على سعر فوق المقاوم تكه و تكتين ... يعني 570 580 ... حتى نشوف إن الكمية الي معانا كبيرة وملحوظه عند المراقبين للسهم وبدأ غيرنا يدش بقلب قوي ... ساعتها ندش بقوه ونرفعه 550 560 ... منو يدخل عند المقاومة ؟؟ ما احد غيرنا، منو يبيع والشراء بكميات كبيره بالملايين والسهم عند الكثيرين تصور إنه حينفجر لفوق بأي لحظة ؟ القليلين ... منو عارض من أول على 570 و580 ؟ الأكثر أنا وإنت ... منو يشتري الحين على 570 و580 ؟ أنا وإنت واللي يظن إن السهم كسر المقاوم وناطر هذي اللحظة (أنا وإنت مو خسرانين شي، قاعدين نشتري من بعض والسهم واقف علينا بين 540 و550) ... منو يطلب على 560 ؟ أكثر المراقبين والصغار لإنهم يقولون نقطة المقاومة صارت دعم الحين، واللي باع على بين 540و ال560 تندم ورد طلب على 560 و570 ... والطلبات تحت متعززه بالملايين مني ومنك ... الحين نقدر نبيع على 570 و 560 بسهوله وبربح لا يقل عن 20 فلس بكميات كبيره .... بس لا تنسى تبعت مجموعة مطبلين من عندك وأنا ابعت كم واحد من عندي على المنتديات وبين الناس بالبورصه لزوم التسهيلات لا أكثر ...


مع تحياتي ...

 

[الارقم]

لوع جبدنا هلسهم

انا باجر ببيعه ب 560 او 550 وبسترده 540 او 530

وبلعب عليه جذي
انا طالع علي 580 وكل ما يقرب يم سعري يرد ويبط مره ثانية

علي الاقل نخفض من تكلفته 10 او 20 فلس وايد ابرك مما يصعد وينزل علينا وحنا قاعدين نتطمش

لان بصراحه الي قاعد يدير محافظ سامي البدر غبي ومكشوفه حركاته فخلونا نستغل غباءه
انا ادري ان هو راح يقرا الي انا كاتبه لان هو يحرص دائما علي قراءه ما يدور بالمنتديات

 

[Q8 Stock]

السلام عليكم

مع احترامي لباقي المحللين
منو يقول انه المقاومه تم كسرها ؟؟

 

[ebjad]

السلام عليكم

مع احترامي لباقي المحللين
منو يقول انه المقاومه تم كسرها ؟؟

أحسنت بارك الله فيك أخوى Q8 Stock على توضيح ذلك فحاجز المقاومه عند 580 جدا مهمه ، فقد أصطدم بها السهم وتراجع ولم يتعزز دفعه لكسرها بسبب تراجع السوق وما ينتاب ملاك السهم الصغار من خوف مشوب بطمع جعلهم يتهافتون على البيع في أول بيعه عند المقاومه أو تحتها فأنسحب ذلك على الباقين مما جعل أسهمهم لقمة سائغة في حلق الحوت أو ما يسمى بالهامور الكبير فهو يجمع في السهم بدءا من 530 فلس حتى نقاط المقاومه القريبة تجاوزا ويضع أعتبارا لمتوسط تكلفة السهم عليه فلتكن 540 فلس .
سبق ونبهنا بأن السهم لديه دعم جدا محترم عند 530 فلس فهذه هي منطقة الشراء ومن أراد البيع ينتبه لنقاط المقاومه ويستفيد من الفارق السعرى البسيط لربحه ولا يمسك السهم ثم يتولول ويسقط أخفاقاته على الاخرين فكل يبحث عن رزقه .
سألني أحد الاصدقاء يوم الاربعاء الماضي ، متى يبيع سهم المجموعة د فنصحته بأن يقط السهم عند 580 فلس طالما أنه ربحان فيه وأخذ بتلك النصيحه واليوم يشكرني على ذلك فقلت له : لو كان السهم أرتفع اليوم هل ستقبل النتيجه ؟ قال: الحمدالله ، أخذت نصيبي منه وسأسترده من تحت أن كان لي فيه نصيب .
هكذا السوق لا يوجه فيه اللؤم لاحد ، فقد تكون أنت السبب في خسارة أخوك أو أحد أصدقائك بالبيع عليه أو الشراء منه من غير ما تعرف . تداولات تحدث في السوق لا يعرف فيها من البائع أو المشترى فقط يكون التركيز والمتابعة على لوحة الاسعار وأتجاه حركة المؤشر ، اللهم بعض أسماء صناع السوق اصحاب الاسماء اللامعة والذين تتم متابعتهم ومعرفتهم من قبل القلة وليس أنا أو أنت نعرف ذلك . أنني أوصيكم أخواني ثم أوصي نفسي بعدم أسقاط فشلنا على أحد كل يتحمل نتيجة قراره ويستفيد من أخطائه أن كان هناك خطأ ما حدث ثم نسعى الى تصويبه في المرات القادمه ، فكن أنت ولا تكن غيرك وأسمع لعقلك وفهمك ولا تسمع لغيرك الا ما أتفق مع ما تعتقده وتؤمن بصحته . ​

 

[بورش]

انا ماشوف الا اسنان السوق الحمره .. لاأشِوف اسنان صفره ولا هم يحزنون
المجموعه بتسكر اليوم 530 .. كالعاده
الفلم الهندي: المضاربة الأسبوعية
بطولة: سامي البدر
منطقة المضاربة: 530-580-630
إخراج: بورش

ماني قايل اني فهلوة زماني
بس هالمشاركة كانت بتاريخ 26-07-2006, 11:54 AM

ونفس السيناريو من شهر 7 إلى الآن,
راح يكون هناك كسر لل580 .. لكن متى؟؟ الله أعلم
الي ضارب بهذي الأسعار من شهر 7 .. يشتري ب 540 ويقط مثلا 560 كل مره .. الله يرزقه زيادة وزيادة

لكن تحليلك يا Q8Stock عين العقل .. وصحيح
حبيت أنوركم مره ثانيه على هذي الأسعار

المقاومة 580
الدعم 530

هذي مو دعوه للشرى أو للبيع
وجهت نظري ومدعومه بتحليل فني

الله يرزقنا ويرزقكم

 

[abbass]

رغم النزول لا يزال الافضل والانشط

انا مستثمر حديث نسبيا بالمجموعة منذ تاريخ الجمعية العمومية الماضية دخلت عليه بسعر 640فلس ومتوسط سعره عندى الان 470فلس وحاطط ببطنى بطيخة صيفى طبعا التذبذب الحاد للسهم يغرى بالمضاربة فيه لكنى للان لم افعل انا فقط اجمع كلما واتتنى فرصة ولست بنادم على عدم البيع ب580 لان ثقتى عالية باداء لمجموعة ككل ان شاء الله

والله ما فيه سهم بالبورصة يرضى رغبا ت المضاربين والمستثمرين كهذا السهم وما الهجوم عليه الا دليل نشاطه

اضم صوتى للاخوة الداعين للبعد عن تجريح الاشخاص اتباعا لتعاليم ديننا وارتقاء بمنتدانا والله يهدى الجميع وشكرا لكل من يشير على الناس بنصيحة مخلصة واولهم حكيم المجموعة ابو فواز لا حرمنا الله منه
(وفى السماء رزقككم وما توعدون)
صدق الله العظيم

 

[SpeciaL 1]

أخوي/ Believer
لاحظ إني تكلمت فقط عن نفس جلسة التداول اللي ذكرها الأخ/ بوضاري
وما تطرقت إلى يوم ثاني لأنه ذكر إن كمية البيع تقارب كمية الشراء وعلى أساسها ذكر المتوسط الحسابي وتقدر تراجع اللي ذكره واللي آنا جاوبت عليه..

بالنسبة للأخوان..
أتمنى عدم المساس بأي شخص كان وأن نرتقي ونترفع عن الأساليب اللي ماهي من صفاتنا..
فمثلآً "البحر"
مع كل اللي يسويه والناس تحترمه وما تغلط عليه..
وغيره وايد محد تعرض لهم..
كلامي ماهو دفاع عن البدر وذكرتها لأكثر من شخص مقرب إنه ما يهمني مع إني أحب هالسهم..
هالسهم يربح اللي يعرف له وحتى اللي ما يعرف له تلاقيه ربح منه..
واحنا شنو يهمنا غير الربح ؟؟
سهم مضاربي والا استثماري.. شنو المهم ؟؟
ما تبون الربح ؟؟ هذا سهم يتحرك على مزاجكم واستغلوا حركته..
أما اللي يبيع بخسارة لمجرد أي نزول فهذا ذنبه على جنبه..
عن نفسي وصل هالسهم معاي لي سعر التفصخ وما بعته ورجع وعوضني كل شي والحمدلله..
ليش نتهم غيرنا وكأنهم هم اللي اشتروا السهم لنا..
الجيماز وغيره وصوا عالسهم..
وين المشكلة ؟؟
ما ارتفع السهم ؟؟ ما وصل لأسعار حلوه ؟؟
نزل..
شي طبيعي..
عطوني سهم ما ينزل

أخواني..
اتقوا الله في نفسكم


أخوكم/ ويلاه

 

[يقولون]

يا جماعة الخير تكفون شفيكم السوق انهار اليوم وصانع السوق داعم السهم وانطق بالسبعين والستين والخمسين انا شايف مليون انحذف عليه شتبونه يسوي يلم اللي بالسوق كله وترى هذا سهم الكل شاري فيه وكميته كبيره يعني ما يقدر يحط طلب قوي ويعاكس السوق خصوصا شفتوا السوق جم كان نازل . والله امركم عجيب يا يصعد السهم يا انهجم على السهم وملاكه يا اخي طلعوا من السهم وروحوا عوضوا بمكان ثاني اذا انتوا عارفين السهم واهله انهم مو تكانه وكاشفينهم على كلامكم خلاص وخروا وفكونه طايحين تخرع بالعالم ولحد يقولي احنا قاعدين ننصح لا انتوا قاعدين اتشككون بالعالم وبأي شخص مقتنع بالسهم

 

[Q8 Stock]

السلام عليكم

اتمنى الكتابه ماهو مفيد..!!

لن اقوم بحذف المشاركه فقط
سوف يتم الايقاف فترة 5 ايام ..!!

اترك عنك الامور الجانبيه
واهتم بامور السهم
فلان قال وعلنتان قال
مايفيد بشي ولا يفيد الاخوان بشي..!!

اتمنى عدم الرد على مشاركتي
فقط بالاخبار والتحاليل والاستفسارات عن الشركه يسمح بها


والسموحه