الحين من صجكم هالخبصة اللي مسوينها ؟
يعني حتى لو الواحد ما يفهم بالقانون و لا هو محامي بس عنده عقل يفكر فيه و شوية منطق يسأل نفسه السؤال الصح بدل ما يسأل ستين سؤال غلط و اللي ما عنده سالفة غير السب و الشتيمة في الناس و يتهمهم بالحرمنه تقول بايقين منه فلوس، سمعو السؤال و الكلام اللي بقوله و لكم الحكم :
الحكم لصالح الأولى انها تحصل مبلغ و قدره 10 مليون دينار من الخليجية للمال، الفلوس هذي عباره عن شنو بالضبط؟ أتعاب محاماة و قضاء؟؟ و لا قيمة تعويض ؟؟
اللي واضح من القضية ان الموضوع عبارة عن مطالبة من قبل الأولى ضد الخليجية للمال بتسديد مبلغ عبارة عن قيمة صفقة شراء اسهم، يعني بكل بساطة الخليجية للمال هي العميل و الأولى هي الوسيط اللي شرى الأسهم من المالك (الأمانة العامة للأوقاف) و لما بغت الأولى تحصل مبلغ شراء الأسهم من الخليجية ، الخليجية ما دفعوا، و هني بدت القضية
طبعا الأولى حزتها ما كان لها الا القضاء اللي ممكن يرد لها فلوسها من الخليجية لأن المجموعة الدولية (السهم) موقوف عن التداول، فحكم المحكمه الأولي كان بصالح الأولى بما معناه ان الخليجية للمال لازم تدفع قيمة الأسهم اللي الأولى شرتها لهم
حكم الاستئناف كان بتاريخ ادراج السهم تقريبا 29-12-2004 و هم رفض الطعن مال الخليجية للمال و قال لازم الخليجية تدفع للأولى ال 10 مليون
طيب ظل الموضوع واقف على حكم التمييز، بس مشكلة الأولى انها ما نطرت تحصل على الحكم النهائي النافذ، لأ بالمقابل باعت كل الأسهم اللي عندها أول أيام الإدارج شهر 1-2005 ، مما يعني ان الأولى حصلت على مبلغ المديونية بالكامل من أثر بيع الأسهم بالسوق ، يعني منطقيا، ما يبون شي من الخليجية للمال (فك الفك)
بس المشكلة ان القضية ما زالت ماشية و منظورة لدى القضاء بسبب الطعن اللي مقدمينه الخليجية للمال ، و اليوم تم اصدار الحكم النهائي بمحكمة التمييز، يعني الحين الحكم هذا يلزم الخليجية تدفع 10 مليون مقابل شنو بالضبط؟؟؟
سئلو نفسكم هالسؤال ، اذا دفعت الخليجية للمال 10 مليون للأولى، بالمقابل الأولى شنو لازم تعطي الخليجية للمال ؟؟؟
بعد ما يصير الأولى تاخذ الأسهم و تبيعهم بالسوق و تاخذ فلوسهم و هم تاخذ فلوس الأسهم من الخليجية للمال يعني كنها باعت الأسهم مرتين و حصلت فلوسهم مرتين و هذا كلام ما يمشي الا على الجهلاء و المغفلين
بعد مو تقولون مو واضحه الصورة