سؤال التحدي ... تفضل شارك

[asrar12345]

وترى جوابي عن ألمانيا ما خذته من موقع قال بصراحة
أن الحكم بالمانيا دولة إتحادية ديموقراطية وبرلمانية

 

[Director]

وين السؤال شنو اهو

 

[Director]

بقرة حمراء مقدسة

 

[MOHAMMED11]

سؤالج صعب
بس بشيّر
البقره اللي ذكرت بالقرآن واللي احيا فيها عيسى الميت

ادري انها غلط

 

[Director]

يكون احمر فاقع بعد

 

[Director]

مالج شغل بالمواقع انا ماخذها من كتاب

جمهوري اتحادي تبين رقم الصفحة بالكتاب

 

[Director]

واذا انا مو غلطان هذي بقرة اليهود

 

[Director]

ها اسرار جوابي صح والا غلط

 

[MOHAMMED11]

يامن شراله من حلاله علّه

 

[Director]

يامن شراله من حلاله علّه

شفييييييييييييييك عسى ماشر

 

[MOHAMMED11]

شفييييييييييييييك عسى ماشر

ماكو شي ،، لاتفتّح علينا ابواب



عمّتي اسرار وينج

 

[MOHAMMED11]

شكلها حطّت السؤال وراح ادوّر الاجابه مثلنا

 

[Director]

زين انا استأذن عندي اجتماع مجلس ادارة


نبي نقر ارباح الربع الثالث

ارباح شركتي ابشروا بخير ..

 

[Director]

شكلها حطّت السؤال وراح ادوّر الاجابه مثلنا

اذا ماخاب ظني بقرة حمراء حق اليهود حق هيكلهم المزعوم

 

[MOHAMMED11]

أها اكيد ماتت قهر لاني حليت السؤال



اكيد تقرقع بالفريج

ترى صغيرة لا تقص عليك تسوي حالها كبيرة

واليوم تعرف الحصيلة الاكبر لقرقيعان

تهقى لابسه بخنق وحاطه الجيس على جنب ،، ولاّ بدله عاديه

 

[asrar12345]

كل إجاباتكم غلط

 

[Director]

ماشاء الله كلهم غلط


زين بروح الاجتماع وبالاجتماع ابي اسأل المحاسب السؤال
واذا ما حله بشوحه برا الشركة الجمعية العمومية الياية

 

[asrar12345]

لا تشوفون اللمبه الخضرة طافيه على بالكم
مو قاعدة اتابع
لا أنا أتابعكم بس ما يبين إني متصله

مضارب شكلك تحسفت أنك فوزتني
ودايركتر صراحة قول لي إنت راضي أني فزت ؟

بالنسبة للسؤال لا تدورون في قوقل دورت قبل ما أحطه
ومحد بيعرفة صدقوني
أنا ناطرة أفوز من زماأأأأأن عشان أحطه ( :
ما تحلونه ولا بعد 10 أيام

 

[Director]

لا انا راضي اني فوزتج وانشالله بحل السؤال
بس نبي تلميح يوضح

يعني هالبقرة مثلا من قصص التراث الكويتي والا الصيني والا الهندي


تدرين شلون المحاسب يحلها غصبن عنه

 

[MOHAMMED11]

البقره اللي استنسخوها

او اول بقره طلع فيها مرض الجنون

لقيتها بكتاب التشيير ،،لمؤلفه ،، النابغه المشيّراتي

عاد ردّي بسرعه