دورة المؤشرنت للتحليل الفني
50 دينار كويتي
starbucks قال:يا جماعة الخير بالعقل .. الموضوع مو افتراض حسن نيه على ابو انه منتدى عام ..
الريال ما عنده ولا مشاركه قبل هذه لا سلام ولا كلام على طوووووووووووووول للخسرانين ؟!! .. وداش يوصي لا و صافهم على نقاط بعد .. وكلام مادري شلون قايل ما ينفهم منه شي !! شتبيني افهم بالضبط .. يعني اعتقد في ناس تشارك .. ومن اول مره والناس تاخذ منها وترد عليها ووتناقش معاها ليش ؟! لأن الكلام مفهوم ..أو عالاقل في مصدر معين يستند عليه .. يسبب النقاط اللي قالها ..
والاخ الكولونيل مو عاجبه كلامي .. آمين ان شاء الله يهديني ويهديك .. لكن لو انا اكتب من اول مشاركه نفس الاخ ما كتب .. بصراحه وبكل امانه ما الوم الشباب لو يعلقون علي لأن بدايتي مو واضحه وبكلمة وحده "شبهه" .. ولا شرايك !!
اقول .. لو يدش الحين واحد من اللي يقوولوون "يرحم والديكم شباب سهم ابيه يدوبل وبترزق الله من وراه" ومن الناس اللي يدش مره المنتدى كل 3 او 6 شهور إذا مو اول مره ويقرا مشاركة الاخ .. وياخذها .. ويكسر فيه السوق .. وإييينا هني في المنتدى يسفل باللي اكو واللي ماكو .. وانتو خونه .. وحزب بعث .. ونصابين .. !! شتبي تقوله ؟! انت عقلك براسك ..!! وانت سيد قرارك .. !! وينك عن التحاليل !!
اللي يكتب شي يتحمله .. القضية مو محاباه ولا مجاملات .. السوق ماكل هوا .. وكل واحد داش يبي يصرف الشغل اللي عنده على المساكين .. ويطلعلي جم واحد مثلك وشرواك يفترضون حسن النيه .. !! ياما شفنا في هالمنتدى وغيره نوعيات .. يكون يعني اول مشاركة .. ولا تكسرون مياديفه .. وآخر شي .. ينعرف بالمنتدى كله، مقزرها على الشباب. اللي بيكتب يا يكتب شي ينفهم احد يقدر يتناقش معاه فيه .. ولا يتحمل أي سؤال او تعليق .. مثل ما المكان عام ويبي يقول اللي يقوله .. انا يحق لي اني استفهم وارد واعلق على ما كتب .. وبنفس الطريقه اللي فهمتها فيه !
الله يهدينا وياكم
--- انتهى ---
الكولونيل قال:اخي الفاضل
انا لم اعارض على ردك على ماقاله الاخ دولارات او تعقيبك على توصياته لا والله فالرد على هذه التوصيات والنقاش فيها قد يفيدني ويفيد الاعضاء
ولكن اسلوبك في الرد عليه كان بطريقه استهزاء وكأنك تريد استخفاف دمك امام الاعضاء
اخي الكريم اتمنى ان تكون فهمت ماهو قصدي وان تعذرني وتسامحني ان كنت قد اخطأت في حقك فوالله لم اعقب على مشاركتك الا لحرصي على ان تكون جميع المشاركات هادفه ومفيده
اشكرك على سعة صدرك
اخوك الكولونيل
الشارخي قال:starbucks
أخي وعزيزي تكتب عن ابن عمر رضي الله عنهما لارضي الله عنه فقط الله يجزاك خير ، رد الرضى لأبيه عمر الفاروق رضي الله عنه وأرضاه قبل أن ترده لأبنه رضي الله عنهما ماتواتر ليل ونهار ....
stillhamad قال:شلونك اخوي ستاربكس عساك طيب . أعتقد أنك طيب .. لا أكيد أنت طيب
تدري شلون عرفت ..
لأنهم طلعوك غلطان وخلوك تعتذر علي الرغم من أنك لم تخرج عن حدود الأدب واللياقه ولم تقل شيء يصنف من ضمن الشتائم ...
يله كلوه بثوابوه
دولارات قال:يجماعه اتأسف للكل عما حدث وارجوالسموحه ان كان فيه لبس بالموضوع انا مومتابع للبورصه ولااعرف لها ورازقنى الله بواحد الحمدلله توصياته تجيب نتيجه تصيب فكل مره والحمدلله وهذا من فضل رب العباد اتابعكم من سنه وكل متجينى توصيه كل مابسجل عندكم وحطها اخاف لاسمح الله يصير مالانعلم به وقبل لاحط توصيه استفسرت اشحقه التوصيه على هذول الاسهم وقالى جيت حطيتها لكم تشوفونها واعذرونى ياجماعة الخير ان شفتوا غلط لاسمح الله
وتابعواسهم توصية صاحبى وعزالله انه واصل وييملك معلومه
واليوم كثر توصيته مخازن وسعر البيع 2200 هذا كلامه وقريب يقول مهى بعيده عند الشركه عقد كبير واهلها يلمونها ومن يبيع هو صندوق كبير يعمل بالسوق وهذا كلام صاحبى
وماهى توصيه تشترون وانا مااتحملمثل ماجانى قلتلكم
starbucks قال:جزاك الله ألف ألف ألف ألف خير على التذكره.
جزيت خيرا، وزوجت بكرا، وإن كنت متزوجا، فزادك الله زوجا على زوجك
الحين بيتغير التوقيع .. بارك الله فيك
دولارات قال:يجماعه اتأسف للكل عما حدث وارجوالسموحه ان كان فيه لبس بالموضوع انا مومتابع للبورصه ولااعرف لها ورازقنى الله بواحد الحمدلله توصياته تجيب نتيجه تصيب فكل مره والحمدلله وهذا من فضل رب العباد اتابعكم من سنه وكل متجينى توصيه كل مابسجل عندكم وحطها اخاف لاسمح الله يصير مالانعلم به وقبل لاحط توصيه استفسرت اشحقه التوصيه على هذول الاسهم وقالى جيت حطيتها لكم تشوفونها واعذرونى ياجماعة الخير ان شفتوا غلط لاسمح الله
وتابعواسهم توصية صاحبى وعزالله انه واصل وييملك معلومه
واليوم كثر توصيته مخازن وسعر البيع 2200 هذا كلامه وقريب يقول مهى بعيده عند الشركه عقد كبير واهلها يلمونها ومن يبيع هو صندوق كبير يعمل بالسوق وهذا كلام صاحبى
وماهى توصيه تشترون وانا مااتحملمثل ماجانى قلتلكم
دورة المؤشرنت للتحليل الفني
50 دينار كويتي