شركة بيان للإستثمار ( بيان )

[adel8877]

مبين بس انا بروحي املك بالسهم .
ما فيه اي تعليقات كل القروب يرتفع وهو مكانك راوح !!!!!!!!!!

 

[وايلي]

تقديم بلاغ شبهة وقوع جريمة في تداولات سهم "بيان للاستثمار"

 

[Cigar_70]

بيان يبا

يبا خلصنا اسهم ربعك طارت فوق وانت للحين بين حانه ومانه

مثيلاتك طاروا ... وانت للحين
الساحل استثمار نفس الشي بشي بشي زمن اغبر

طحنت جبودنا من اكل الچاول نبي زفره

اجيليتي عقودج طلعيهم يلا امصخت

ادري عندكم عقود ... ورجاء لا اتقولون الاثر المالي رجاء لان كلامكم مو مقنع ابدا

سليطين اتغير اسامي تاخذ مناقصات وماندري عنك لايبا ربحونا ترى بواحمد مل واهو يسوي لنا مرقة هوا

 

[Cigar_70]

الي المعنييين في شركة بيان

خلووووووا السهم يتنفس ويصعد تراكم اذيتوناااا مع مديونياتكم الداثره

خل يصعد لا تلعبون بالسهم واحد يطلب كميات ويصرف على فلس ولا فلسين شنو الاستفاده .....


تراكم ذبحتوا السهم بتداولات عقيمه ... بيع ما راح نبيع بهذي الاسعار غسلوا ايدكم

سالفه اتصلحون حق بعض الطريقه مكشوفه وصارت قديمه ،،،، تطوروا اشوي ...

يعني عنده دعم ومقاومه يعني صايدين الحركة

الناس تفتحت خلاص

محد راح يبيع بهذي الاسعار لعبوا ابراحتكم ... انا اتكلم ع المصادقيه بالتداولات فقط لاغير

اي هزه للسوق السهم بال 25 فلس رايح لا اتقولون دعم

 

[Cigar_70]

شباب جنا في تغييير عدل ولا انا غلطان

انا هاليومين دايما غلطان

لا التلفون مافي شحن

 

[Cigar_70]

اتوقع اطلعوا منكم البنوك

يلا عاد صعدوا من الباقي ،،، العموم طافنا شالسالفه ؟

ولا ناطرين خبر الغزال

 

[Cigar_70]

مو قلت قبل ايام رفعوا السهم علشان اي طارئ خارجي ما يخسر اللي شاري ٣٥ لي ٣٦،٥ ف بسكم خساير

بس يا شركة بما انهم اخرجوا او قللوا نسبتهم في الشركة وين الاعلان نبي شفافيه ،،.. من ادارة الشركة
وهيئة اسواق المال بعد ما يصير بنوك تطلع من السهم والعموم رافع ايده


اسهم مجموعة الاستثمارات ... بال 50 وفالكم الصعود اكثر فوق ٢٠٠ ف ان شاءالله

ومجموعه اجيليتي قاعده تلعب بنفس العنوان السابق كله مطبات هوائية

 

[Cigar_70]

اللي طالب 4 مليون سهم

قاعد يركض بالحوش حافي سهم لاتطلب وايد وعلشان ياخذون فوق منك

يدزك الجمعيه حافي اقشر اللي حذف

 

[بدجت]

اليوم فيه حركة صعود 1.5 فلس , وأجيليتي بعد قاعد يلامس ال 500 , أعتقد قربت الحركة الطيبة بإذن الله تعالى بالتوفيق يا شباب

 

[Cigar_70]

يعني راح يصعد ٣ فلوس

الناس راحت فوق فوق والحبيب توه ٣٥ ف وباجر تشتريه 33 عادي

لا وبالحسره صج قحطه

 

[Cigar_70]

بيان بيان ما اترد علي بيانوووو

انت تملك في صفوان النسبة الاكبر وماخذين ممارسة ب377 مليون دولار لانتاج الغاز .... وليش مافي اعلان
او تلميح هاااااا

بسكم تخشش بسكم ... كل هذا علشان ما يرتفع السهم خايفين من الحسد مثلا

377 مليون دولار علينا بالعافيه .. شكووووو

 

[رابح رابح]

في كلام قوي عن بيان
شكل السهم بيدش بجولة مضاربية ماراثونية
كل اللي بالسوق يتكلمون عنها

اجليليتي يقولون عندها عقد في السعودية

 

[Cigar_70]

بس خلاص المفروض كل الاسهم اتعدل وتدخل ع القيمة الاسميه 100فلس ... الازمه انتهت وعطوكم امتيازات ما اتحلمون فيها ...

واجلتوا القروض ودفعتوا بعض القروض اصل الدين بدون فوائد

واخذتوا المناقصات الحكوميه ...

وللحين السهم نازل

انا عندي سؤال منو يبيع في هذي الاسعار الدونيه اكيييد مو انتوا

مشاريع الدنيا عندكم الخليج كله ماخذين فيه ... قطر والامارات والسعوديه وعمان حتى لبنان ومصر .. وللحين السهم ٢٩ فلس و٣٤ فلس


مو نفس مجالس ادارات باقي الشركات الاستثماريه ولا شنو قصتكم مجموعه اجيليتي

طولت وانا صايم بس خلاص
استغفر الله .. والحمدلله

 

[اعلامي]

مساء الخير
افضل متابعة بعد تجاوز 34 فلس
وتجاوز 36 فلس ايجابي للسهم

في كلام قوي عن بيان
شكل السهم بيدش بجولة مضاربية ماراثونية
كل اللي بالسوق يتكلمون عنها

اجليليتي يقولون عندها عقد في السعودية

 

[رابح رابح]

مساء الخير
افضل متابعة بعد تجاوز 34 فلس
وتجاوز 36 فلس ايجابي للسهم

مساء النور اخوي اعلامي
سهم بيان مضاربي ..
- راس المال 39 مليون دينار
- القيمة الدفترية 91 فلس

- المطلوبات 41.5 مليون
تتضمن :
قرض 23 مليون دينار
مستحق في 20-6-2016

- اجمالي الموجودات 87 مليون
تتضمن :
عقار جزيرة الريم 71 مليون
يمثل 82% من الموجودات
تقدير كلفة المشروع 289 مليون دينار
واضح ان استثمار هذا العقار يعاني من عقبة يقال انها مرتبطة بالاقراض والله اعلم .

- خسائر مرحلة 23 مليون
- احتياطيات 21 مليون
= ( -2 مليون دينار )

- يتحرك في قناة ضيقة بمسار افقي منذ عدة شهور

- إيرادات الشركة انخفضت الى 2.05 مليون دينار في 2015 مقابل إيرادات بقيمة 8.7 مليون دينار في 2014

- معامل القيمة الدفترية 0.36
المفترض سعره 25 فلس بنا يتناسب مع متوسطات القيمة السعريه للسوق.

لست محلل وما ذكرته وجهة نظر شخصية متواضعة .

 

[رابح رابح]

عقار جزيرة الريم امام خيارين:

- الحصول على قرض ضخم وتنفيذ المشروع الذي يحتاج لمدة طويلة لتنفيذه نظرا لضخامته .

- التراجع عن تنفيذ المشروع والتخارج من الارض وتحقيق ارباح او خسائر حسب قيمة التخارج وتغطية المطلوبات.

 

[N73]

مشروع الريم 2018 خالص
تقريبا سنتين
ليس بالمده طويله
.العقار في دولة الامارات وليس بدولة الكويت

 

[fahad2000]

هيئة أسواق المال إذ تعلن عن نتائج الالتزام بتطبيق تعليماتها بشأن حوكمة الشركات فإنها تشيد بكافة الشركات الملتزمة بتقديم تقريرها المطلوب ضمن المهلة المحددة، وبصورة ٍ خاصة الشركات العشر الأولى منها والتي كانت الأسرع التزاماً من ناحية، واستوفت تقاريرها البيانات المطلوبة من ناحيةٍ أخرى والتي كانت كالتالي:

• شركة الصالحية العقارية.
• شركة كامكو للاستثمار.
• شركة الوطني للاستثمار.
• شركة المزايا القابضة.
• شركة القرين لصناعة الكيماويات البترولية.
• شركة مدينة الأعمال الكويتية العقارية.
• شركة الوطني للوساطة المالية.
• شركة مشاريع الكويت القابضة.
• شركة الصناعات الهندسية الثقيلة وبناء السفن.
• شركة بيان للاستثمار.

 

[fahad2000]

‏سهم بيان للاستثمار كمية التداول يوم الخميس 10 مليون و233 الف سهم هي اعلى كمية تداول له منذ اكثر من 14 شهر

 

[adel1968]

السلام عليكم محتاجين انعرف وين اهداف السهم واذا في مجال تحليل طيب من اخوانا المحللين وشكرا