بنك بوبيان ش.م.ك ( بنك بوبيان ) الجزء الثاني

[فهيم زمانه]

شكرا بوبدر على مجهودك الطيب

 

[kuwait77]

طيب يا اخوان وين افرع البنك اللى ماشفنا ولا عميل يدوج داخلة هذا عكس بنك البلاد اللى ماشالله كل مكان تلقاله فرع حتى بالخفجي والحفر

 

[al7km]

شنو توقعكم للبنك يوم السبت؟؟؟

 

[خوش خبر]

بوبيان

السهم يبيله صبر وخوش بنك بس مو الحين عطوه شويه وقت وهذا رايى الشخصى ولكم الخيار

 

[المطرود]

للرفع

 

[النــاقــد]

بعد ما خوفتوني بعت السهم على 530 و اليوم وصل ل 560 فلس و بتداولات كبيرة

صج ليقالوا ... السوق يبيله ناس قوية قلب مو من كلمة و تهويشة يبيعون مثلي

 

[المرشد1]

بالتوفيق يارب بس البنك يا جماعة من نظرة شخصية بحتة قاعد يمشي
بصورة للاعلي ولكن ببطء وهذا دليل النجاح
واليوم ماشاء الله شفتوا السهم وصل 560 وانا اتوقع راح يرجع ويثبت علي ال 500 بعد الانتخابات وهذا شي طبيعي لبنك جديد
وعملائه قليل جدا واستثماراته لا زالت ببداياتها
يعني بالاصح لا تقارونه بالتمويل نهائيا الا بعد 10 سنين
وانا سمعت والله اعلم انه خرج من تحت عباءة بيت التمويل

مجرد وجهة نظر شخصية قاصرة

 

[bobader77]

يا ريتك شايف الصفحه اللي قبل هذي وشايف الرسمه

بعد ما خوفتوني بعت السهم على 530 و اليوم وصل ل 560 فلس و بتداولات كبيرة

صج ليقالوا ... السوق يبيله ناس قوية قلب مو من كلمة و تهويشة يبيعون مثلي

شوف مشاركتي في تاريخ 24/10/2006
الصوره تغني عن ألف كلمة

 

[bobader77]

سهم بوبيان اليوم

السهم في قناة تجميع الايام اللي طافت
صار تداول كبير عليه اليوم تقريبا 15 مليون سهم
لامس لاول مره من خلال صعوده الاخير 560 وكان يجربها
ونقدر انقول انها استعداد لكسرها خلال الايام اليايه القريبه ان شاء الله
كما ان التجميع لتقويه الدعم على 530 ونلاحظ هذا من قوة الطلبات اللي صارت عليه اليوم تقريبا وصلت 4 مليون سهم مع خطف ال 540 والدخول على 550 وملامسه ال 560 والاغلاق على 540 استعداد لجولة كسر ال 560 بإذن الله
للملاحظه خط الترند ما زال صمام الامان لصعود السهم كما هو موضح بالرسم

 

[كويتى وبس]

بعد ما خوفتوني بعت السهم على 530 و اليوم وصل ل 560 فلس و بتداولات كبيرة

صج ليقالوا ... السوق يبيله ناس قوية قلب مو من كلمة و تهويشة يبيعون مثلي

تحية طيبة للأخ الناقد تذكر دائما ومن واقع خبرة ( لاتطمع بالربح ولا تزعل على الخسارة )

 

[bobader77]

سهم بوبيان يتعرض للضغط

كل يوم يزيد الضغط على السهم والذي راقب السهم اليوم شاف الضغط الموجود على السهم في العروض من خلال الملايين المعروضه، هل السهم يكسر حاجز 560 قريبا ، هذا المتوقع خلال الايام التاليه ، والله اعلم
نرى ان السهم في صعود مستمر لقاع التداول اليومي مما كون ترند بدأ الصعود عليه كما قارب من ملامسه الترند العلوي فهل بدأت عنق الزجاجه بالانفراج ، هذه ملاحظتي ونترقب اليومين القادميين ماذا سيحل بسهم بنك بوبيان ،،،، للمتابعه





sick_dr_1
روم بورصة الكويت

 

[حمد العازمي]

السلام عليكم

شباب انا بايع بايع بس فيدونى متى احسن تاريخ للبيع خلال هسنه وشكرا​

 

[سعود222]

الله يعطيك العافيه استاذنا الكبير sick_dr_1
بوبدر والله وكلامك مصدر ثقه وخبره كبيره

وانا اثق فيك 100%

ابو عمر

 

[pe4]

السهم عنده مقاومه 550 الله اعلم

 

[شرياص العديلية]

وينك يالنااااااسجت

ياجماعة ..

عندي استفسار الله لا يهينكم ...

بس برجعكم سنتين ... 2004 يوم كل واحد اكتتب وخلص ...

طلع من البنك ومعاه الورقة الوردية أو البرتقالية والله مادري بالظبط .

وبعد فترة كل واحد أخذ البون ....


السؤال ...

اللي ما أخذ البون ... كان مسافر مثلا

وكل اللي عنده الورقة الورديه الخفيفة ( وصل نموذج الاكتتاب )



شنو الشقا والمشاوير أو الاجراءات المفروض يسويها ..؟

لكي يقدر يبيييييع الاسهم ؟

الرجاء شرح الخطوات بالترتيب ...

وكلكم طيبين وآنا احبكم ...

مشكورين











المرقاب لنا قبل لا يسمونها المرقااااااب يبه

 

[ابو محمد123]

السلام عليكم:
منو يقدر يشرح لي ليش نزول سهم بوبيان ؟؟؟
وهل هو في هبوط مستمر او لا؟
يعطيكم العافية

 

[أرزاق]

سهاله

الاخ الفاضل شرياص العديليه
الامر سهل جدا جدا ولا فيه شقا ولا عنوه ولا مشاوير
اخي العزيز تروح البورصه عند اي مكتب وتعطيه رقم بطاقتك المدنيه ويقولك جم خصصولك
واذا تبي تبيع عنده عطه رقم التداول
وسلامتك
سهاله صح

 

[جاد جدا]

انا ودي ابيع نهاية السنة بس مو كل الاسهم يمكن نصهم

 

[ebety]

السلام عليكم

ياذوا الخبره نبي تحليلكم للسهم تكففففففففففففففففووووووووووننننن



"""""""""""""""""""""""""""""""""""""""""""""""""""""""""""""ط

 

[المطرود]

للرفع

أخوتي المحللين الفنيين لا تقصرون ترانا بحاجة لكم في هالوقت وبارك الله فيكم وجزاكم الله خير .