المجموعة الدولية للاسـتثمار ش .م.ك.م ( المجموعة د ) ... الجزء الرابع

[بوراشد جروب]

هلا وغلا بوراشد ,, قول حق البدر يخفف الضغط شوي على السهم ,,اول امر نزل الصبح مليونين على 550شسالفة

تم طال عمرك ، صار معلوم ... باجر لنا لقاء إن شاءالله ... سلم على بوتسنيم اليوم ما شفته إهني ...

 

[ابو عليا]

واضح جدا السهم مظغوط والتجميع 530 و540
ونفس الشخص اللي يعرض هو اللي يشتري
عموما هناك اقاويل عن ارباح المجموعة د بالربع الثالث
تقريبا 86 فلس وهي تعادل ارباح النصف الاول باكملة
اذا صح الخبر راح نشوف اسعار المجموعة فوق 700

بالتوفيق

 

[Bo Tasneem]

تم طال عمرك ، صار معلوم ... باجر لنا لقاء إن شاءالله ... سلم على بوتسنيم اليوم ما شفته إهني ...

أووووووب موجود يبا .. بس قاعد اليوم بصالة التشريفات .. خليت المقصوره شوي ..


بوتسنيم​

 

[بوراشد جروب]

يا جماعة عندنا ناس صاروا الآن في عداد المفقودين وأرجوا أن تجدوهم وتضعونهم تحت الإقامة الجبرية بعد التحقيق معاهم عن سبب الغياب الطويل في صفحة المجموعة د. ...

وفما يلي ذكر للأسمائهم :

1) RBG
2) المارد
3) M H For Ever
4) Black
5) المجموعي
6) طارق النشط
7) rahaly عضونا المحترف

وشكراً.

 

[نصوح]

أووووووب موجود يبا .. بس قاعد اليوم بصالة التشريفات .. خليت المقصوره شوي ..


بوتسنيم​

هلا والله بالحبيب بوتسنيم

ها شرايك بسعر المجموعة في الوقت الحالي ، وفرح الربع بآخر الأخبــار اللي عندك​

 

[rahaly]

يا جماعة عندنا ناس صاروا الآن في عداد المفقودين وأرجوا أن تجدوهم وتضعونهم تحت الإقامة الجبرية بعد التحقيق معاهم عن سبب الغياب الطويل في صفحة المجموعة د. ...

وفما يلي ذكر للأسمائهم :

1) RBG
2) المارد
3) M H For Ever
4) Black
5) المجموعي
6) طارق النشط
7) rahaly عضونا المحترف

وشكراً.

موجووووووووووووووود يا بو راشد ..... شكرا على السؤال

بس كل شوي اطل على المشاركات بدون مشاركة


ملينا من الحكي يا بو راشد يا الحبيب

نبي فلووووووس ... حكي ببلاش ما يترس المخبة

 

[Bo Tasneem]

يا جماعة عندنا ناس صاروا الآن في عداد المفقودين وأرجوا أن تجدوهم وتضعونهم تحت الإقامة الجبرية بعد التحقيق معاهم عن سبب الغياب الطويل في صفحة المجموعة د. ...

وفما يلي ذكر للأسمائهم :

1) RBG
2) المارد
3) M H For Ever
4) Black
5) المجموعي
6) طارق النشط
7) rahaly عضونا المحترف

وشكراً.

عندي أخبار عن 2 فقط .. المجموعي بإجازة في استراليا .. و MH هدّت السوق وتمر على المنتدى مجرّد مرور .. طيّب سلمي على الاخوان شدعوه !!

أين البقية !!


بوتسنيم​

 

[الراقي]

الشركة السعر طلبات الشراء الكمية طلبات البيع الكمية
المجموعة د 590 34 1,240,000
المجموعة د 580 42 1,095,000
المجموعة د 570 44 1,840,000
المجموعة د 560 87 2,705,000
المجموعة د 550 88 3,510,000
المجموعة د 540 28 795,000
المجموعة د 530 96 2,275,000
المجموعة د 520 30 2,655,000
المجموعة د 510 8 240,000
المجموعة د 500 2 30,000
المجموعة د 495 2 110,000
5,310,000 11,185,000
تعرفون منو 88 الي عارضين على 550 فلس هذا انا وربعي الغشمه الي دبسنا امس بس انا سلمت وبعت بخسارة وبع يبون راس مالهم

 

[الدينار]

طال عمرك زيادة العرض من نفس الشخص اللي قاعد يلم..
واضح إن تجميع الفترة اللي طافت ما ترس راسه للحين..
لو تلاحظ إن اللي عارض بالـ 550 اهو نفسه اللي عارض بالـ 560
وبحسبة عليمية لو نقسم المعروض بالـ 550 على عدد اللي عارضين تتضح كمية كل واحد تقريباً 40000 سهم..
وبما إن نفس الشخص اهو نفسه عارض على 560 فإذا أصبحت كمية كل بائع 80000
يا ترى منو
بس خل يقول صعود تأكد ماراح تشوف هالكميات موجودة بالبيع..
مو قلنا يبي يزهق اللي ما يزهق
مجرد نظرة وتحليل مبتدأ




أخوك/ ويلاه

أنا معاك 100%

 

[Kuwait]

السلام

انشاالله المجموعة متجهة إلى 600 فلس قريبا جداً ولي مش عايز يشتري يتفرج

ملاحظة : ليس دعوة للشراء ولكن رأي شخصي

 

[Kuwait]

قولوا انشا الله

بعد إدراج الثلاث شركات التابعة للمجموعة الدولية ما تعقدون إنها راح توصل دينار مثل أيام زمان ولا هذا الشي مستحيل على البدر

 

[rahaly]

بعد إدراج الثلاث شركات التابعة للمجموعة الدولية ما تعقدون إنها راح توصل دينار مثل أيام زمان ولا هذا الشي مستحيل على البدر

(( قالوا ما أكثر كلامكم يا عرب .... قالوا من كثرة تراديدة ))

 

[Kuwait]

هههههههههههههههههههههه

(( قالوا ما أكثر كلامكم يا عرب .... قالوا من كثرة تراديدة ))

ضحجتني والله يارحالي شقصدك

 

[نصوح]

تداول فوق الرائع للمجموعة

170,000 سهم 530 فلس
2,425,000 سهم 540 فلس شراء من المعروض
955,000 سهم 540 فلس بيع نهاية السوق للضغط
5.065,000 سهم 550 فلس الشراء بكميات قوية ( تجميع )


مبروووووووكين مقدما وتستاهلون​

أخوي الغالي esmail78 بوراشد

من اللي شرا الصفقات القوية على 550 فلس ، وشنو تحليلك للسهــم .​

 

[rahaly]

ضحجتني والله يارحالي شقصدك

ياخوي الناصر ... يعني شبعنا من الادراجات والدينار والدينارين



عمي نبي فلوووووووووووووس مو كلام

الله وكيلك بايع الوطنية 540 وداش على المجموعة ... الوطنية وصل 710 والمجموعة ... ادراج ودينار وبيطير ...

شبعنا حكي شبعنااااااااااااا

نبي 650 ..... ونعم الله

 

[بوراشد جروب]

أخوي الغالي esmail78 بوراشد

من اللي شرا الصفقات القوية على 550 فلس ، وشنو تحليلك للسهــم .​

بإعتقادي محفظة من المحافظ ... (باجر راح تشوف الخبر)...

وتحليلي للسهم ..... باجر نشوفه سوياً من خلال حركته الوقت متأخر الحين... تصبحون على خير ...

 

[ebjad]

ما دام السهم على دعمه الحالي 530 فلس وعليه محاولات دفع الى أعلى سواء من ملاكه الكبار أو من زخم طلبات التجميع فيه والتي تفشل في كل مره فأن السهم يستحق أن نتمسك به في وضعه الحالي

 

[Black]

السلام عليكم جميعا
كيف الحال و الأحوال بو راشد ان شاء الله اتكون طيب يا الطيب
مشكورين على السؤال و ان شاء الله الجميع بخير و بأفضل الأحوال
انا موجود بالوجود و تقريبا ادش يوميا على صفحة المجموعة أطالع و أطلع و اشوف حركتها اللي بالنسبة لي وضع المجموعة الحين حسب اعتقادي انه مطمئن حيل و ان شاء الله راح يكون في السهم خير كبير بس شوي يبيله صبر و اتوقع انه راح ينطلق الى حدود مقبولة اتكون بدايتها في بحر الـ 600 و بالنسبة للوقت هذا بيكون بيد أصحاب القرار ان تم الاكتفاء من التجميع خصوصا بعد المنحة اللي شوي مثقلة على تحرك السهم انا متوقع ان السهم راح يوصل الى مستواه السابق اللي يكون بين 750 و 850 خلال فترة متوسطة و اللي بتكون قبل نهاية السنة و طبعا حال السوق يلعب بشكل كبير بزيادة هذا المستوى او انخفاضه
و الله يعين
سلام

 

[بوراشد جروب]

اللهم ما اصبح بي من نعمة أو بأحد من خلقك فمنك وحدك لا شريك لك ، فلك الحمد ولك الشكر.

دعــــاء دخــــــول الـــــســـــوق

" لا إله إلا الله وحده لا شريك له، له الملك وله الحمد يحيي ويميت وهو حي لا يموت بيده الخير وهو على كل شئ قدير "​

 

[بوراشد جروب]

ما دام السهم على دعمه الحالي 530 فلس وعليه محاولات دفع الى أعلى سواء من ملاكه الكبار أو من زخم طلبات التجميع فيه والتي تفشل في كل مره فأن السهم يستحق أن نتمسك به في وضعه الحالي

صبحك الله بالخير دكتور صوت ، يعطيك العافية ، أعجبتني جداً إستخدامك لكلمة (زخم الطلبات) لأن اللغة التي تتحدث بها فعلا لغه دكتور في التحليل الفني ، وعندي شهود عيان بالبالتوك يشهدون لك بأنك دكتور حقيقي وليس وهمي ... ( إكشف أوراقك وعرفنا عليك أكثر ... )