الشطي..مجلس الوزراء يوافق على احالة مشروع بقانون يمنح المواطنين 200 دينار

[Director]

شباب توني شيكت علي احسابي مانزلت المنحه موصحيح !!

اخوي العزيز لا تعصب
حنا دولة قانون والمنحة ما تنقر رسمي الا بعد موافقة
مجلس الأمة(( طبعا اهم بإجازة الحين )) وبعدها
تمشي باجرائتها اللي يبيلها يعني اتوقع شهرين تقريبا لأن نظام
المنحة السابق يبي تعديلات مثلا الوفيات والمواليد
والمتجنسين الجدد
يعني اتوقع بأقرب وقت على شهر 10 او قبل رمضان تبي تنزل
وانشالله قبلها

 

[stillhamad]

اخوي العزيز لا تعصب
حنا دولة قانون والمنحة ما تنقر رسمي الا بعد موافقة
مجلس الأمة(( طبعا اهم بإجازة الحين )) وبعدها
تمشي باجرائتها اللي يبيلها يعني اتوقع شهرين تقريبا لأن نظام
المنحة السابق يبي تعديلات مثلا الوفيات والمواليد
والمتجنسين الجدد
يعني اتوقع بأقرب وقت على شهر 10 او قبل رمضان تبي تنزل
وانشالله قبلها

هذا الكلام السنع والمنطقي .. أذبحني علي المنطق .. أحرجني بالمنطق فعلا حنا دولة قانون بس نسيت الصاجات والدف ..

 

[المضاربه فن]

قبل لا توزع الحكومه المنحه
بيضاربون فيها بالسوق ويرفعون بعض الاسهم القياديه
وبعدين يصرفون علينا بالعالي
وتطلع 200 مليون قيمة المنحه بعد المضاربه400 مليون
ويصرفون 200 دينار المنحه وتصير طالعه عليهم بلاش
وبالحقيقه هي مأخوذه من جيبنا عن طريق المضاربه والتصريف علي صغار المستثمرين​

 

[Director]

هذا الكلام السنع والمنطقي .. أذبحني علي المنطق .. أحرجني بالمنطق فعلا حنا دولة قانون بس نسيت الصاجات والدف ..

مشكور اخوي بس موفاهم شتقصد بالصاجات والدف ؟؟؟؟؟؟؟؟؟

 

[ارسطو الدروازه]

الله يعينكم على المنحه .........

 

[بو حمد_1]

هههههههههههه

والله لو بالود كان سويت مظاهره عند مجلس الامه والشعب كله يرد ال 200

حق اللي وزعها ......... بس لاحول ولا قوة الا بالله

من حق المواطن المطالبه باسقاط القروض

ولا ابشركم حتى لو اسقطوها كامله عن المواطن ترى شي متوقع

ومحد له فضل على الشعب اصلا ! حقهم تراب وتحته نفط

وعلى فكره في ناس طايحين بالسالفه هذي

واللي ما عنده قرض شلون تساويه باللي عنده قرض ! ! ! ! ! ! !

والله اني استغرب

والله العظيم اني انا شخصيا ولله الحمد ما علي اي قرض

بس ودي يطيحون القروض

يا جماعه اخواني كلهم قروض وابوي اقساط الدنيا

وانا الحمد الله ما علي قرض بس والله ودي يطيحون القروض والله

لان حتى اللي ماعليه راح يطيحونها عن اخوه او عمه او خاله

الا اذا الناس الحسد فيهم حتى على اهلهم الله المستعان

 

[dcnaq]

اخوي نبيل شكلك نسيت مساعدة حق ديرة يديده راح تنضم لقائمة المستفيدين بما انهم حبايب امريكا (((( اسرائيل )))

لانهم تضرروا من الحرب مع حزب الله

ليش التطنز على 200 دينار اذا مو عاجبتكم المنحة يا جماعة في محتاجين في الكويت والله يستاهلون مساعداتكم ..ز
الي جنسيته بدون المادة الاولى

الي جنسيته بدون المادة الثانية
وهكذا...


في يتامى

في ..... وفي



وانا اقول الحمد الله على 200 دينار وراح اتبرع فيهم الى المؤسسة العامة للشباب والرياضة حتى يرفعون من مسوى الرياضة

مو يقولون العقل السليم في الجسم السليم

من يوم ما الطمباخية عندنا انهارت انهار كل شيء معاها حتى البورصة انهارت والتجارة الدولية انهارت
وبس

 

[بوعدول]

شفت ردود وايده بهالموضوع ونادر مالقيت احد يحمد الله
الكل يتحلطم
ياجماعه قولوا الحمدلله والشكر
حمدوا ربكم ياجماعه
غيرنا والله مولاقي لقمة ياكلها
غيرنا كل يوم له بيت وموحاس بالامان
اللهم لك الحمد والشكر يارب
اللهم لك الحمد والشكر يارب

 

[boali]

يا أخوان يا محترميين

ما تدرون متى راح تنزل المنحه

تفيد حق السفره

يقولون شهر 8 هل صحيح هذا الخبر
-------------------------------------------------------

للافاده

 

[boali]

شفت ردود وايده بهالموضوع ونادر مالقيت احد يحمد الله
الكل يتحلطم
ياجماعه قولوا الحمدلله والشكر
حمدوا ربكم ياجماعه
غيرنا والله مولاقي لقمة ياكلها
غيرنا كل يوم له بيت وموحاس بالامان
اللهم لك الحمد والشكر يارب
اللهم لك الحمد والشكر يارب

الحمدلله والشكر

------------------------------------

وان شكرتم لأزيدنكم

 

[boali]

مع اول مشاركة اقول الله يعز حكومتنا ويبارك فيهم والخير جااااي انشاء الله والسوق اخضر انشاء الله

انشالله يكون ويهك خير

 

[barbarian]

هناك خبر من مصدر غير موثوق به (اللي اهوا أنا)

يقول انه المنحه راح تنزل بالعيد كعيديه للمواطنين

 

[Director]

هناك خبر من مصدر غير موثوق به (اللي اهوا أنا)

يقول انه المنحه راح تنزل بالعيد كعيديه للمواطنين

نقلا عن جريدة الانباء
في اخبار انها تبي تنزل الصيف هذا يبون
يحاولون يستعجلون فيها

 

[Nagooshy]

عرضت قناة comedy central برنامجا يسمى The Daily Show وهو مخصص للسخرية من الاوضاع لراهنة في العالم على شكل قناة اخبارية ويقدمه المذيع الساخر جون ستيوارت


وقد علق على خبر المنحة وشبهها ببرنامج اوبرا عندما خصصت برنامجها لتوزيع السيارات على جمهورها بالاستديو قبل سنتين
مقطع الفيديو.


http://www.youtube.com/watch?v=e6D2Yyiwo90