baselko
عضو نشط
- التسجيل
- 10 يوليو 2005
- المشاركات
- 1,469
saif قال:حبيت بس احط نقط على حروف بعض الاعضاء اللي ظلموا اسهم المجموعة و ابعث رسائل لوم و تأنيب لهم
الى بو تسنيم و MH-forever قولكم :
أفضل سهم استثماري في السوق هو سهم المجموعة و اللي استثمر سنة فيه حقق ربح خيالي أصلا! انتوا اول شي حددوا شنو قصدكم بالاستثمار بعدين ناقشوا المسألة مو بس كلام و السلام
استثمار يا اخوان هو انك تشتري السهم و تتركه من غير ما تتابع حركته اليومية و الاسبوعية و تقبض ارباحه نهاية العام
بو تسنيم تقول استثمرت بالسهم سنه و خسران ؟؟ قولي قبل سنه كم كان سعر السهم بالتحديد منتصف شهر يوليو 2005 ؟؟؟![]()
كان بال 350 فلس تقريبا!!! و كم سعره اليوم ؟؟؟ 600 فلس غير 45% منحة و 30% نقدي
تقدر تحسبلنا ارباحك كم من السهم ؟؟؟؟؟![]()
انا الكلام هذا نبهني عليه واحد من الجماعة له باع بالسوق و قالي بالحرف الواحد أفضل سهم أداء بالسوق خلال سنه هو سهم المجموعة الدولية
نفس اللي شرى جراند أول ما اندرج و اللي شرى بتروجلف أول ما اندرج الحين ارباحه خيالية
تقولون سهم مضاربي لأنه يصعد و ينزل؟؟ أحسن من السهم اللي بس ينزل من غير ما يصعد من طقة مجموعة المخازن و غيرها وايد أو الاسهم اللي تشب جراقي و تطيح قوازي اذا صار عليها شويه تداول !!! يكفي سهم عليه تداول تلقى شراي و تلقى بياع !!!![]()
رسالة للأخ اعلامي:
اخوي انا ملاحظ من مشاركاتك انك دايما تنغز على الاسهم هذي و دايما تهاجم الجيماز و الحين من منطلق قول الحقيقة قاعد تفشي اسرار الناس !!! شنو هالمنطق الغريب ؟؟؟ اذا بينك و بين صانع السوق أو الجيماز مسائل شخصية عيب عليك تهاجمهم و تتكلم عن خصوصياتهم بالمنتدى على العام خاصة ان هويات الناس هذي معروفه لكن انت بالمقابل انسان مجهول الهوية
و بعدين تعال انت تقول ناس متعلقة بسهم بتروجلف بالعالي ؟؟ ليش بكم شارينه ؟؟؟ و كم سعره اليوم ؟؟؟ اللي استثمر ببتروجلف اليوم قاعد يحسب ارباحه !! و ترى اغلب أسهم السوق شافوا ايام سوده مغبره فترة النزول و عقود آجل بميات الملايين تفسخت ليش مهاجمة المجموعة الدولية بالذات ؟؟؟ و ليش تحطون بذممكم و تظنون السوء بأخوانكم ؟؟؟
يعني طاح السوق و طاح السهم حاله حال السوق و الشركة صار فيها مشاكل بالمحافظ و غيروا مدير المحفظة و تعدل وضع السهم !! مسألة انك بعت بخسارة و ما رديت شريت السهم بحجة انك كرهته و حلفت ما تشتريه هذا ما يعني ان السهم ما عوض المستثمرين و اللي مسكوه بأسوأ الظروف و الحين انت ياي من الحرة تقطع على اخوانك و تكرههم بالسهم بسبب خسارتك منه أو بسبب كرهك للجيماز و ان ماخذ الامور بشكل شخصي !! و اعلم يا اخ اعلامي ان هذا سوق الشرى و البيع مفتوح لأي شخص عنده سيوله و أسهم و حساب بالسوق مسألة السهم نزل و صعد مو معناته ان الجيماز له علاقة أو صانع السوق سوى و فعل !! و اذا ما تعرف هالمعلومة ترى ما تعرف اساسيات السوق ! فلا تاخذك العاطفة و تهاجم الناس بشخصانية لأن اللي عهدناه عنك انك شخص واعي و صاحب فكرة مو مثل الأهوج شحيح الاهلية مرجوج العقل اللي يسمي نفسه السر وينه فهذا مثل اللي يسمونه ذو غفله ما ينشره عليه (راعي كرت أحمر)
ما اعرف احد منكم و لا انشد سوى الخير و كلام الحق لازم ينقال من غير تجريح و لا كشف اسرار و لا بهتان
بسم الله الرحمن الرحيم
"یا ایها الذین آمنوا اجتنبوا کثیرا من الظن ان بعض الظن اثم ولا تجسسوا ولا یغتب بعضکم بعضا ایحب احدکم ان یاکل لحم اخیه میتا فکرهتموه واتقوا الله ان الله تواب رحیم" الحجرات
و السلام ختام
كلام جدا جميل ومنطقي 100%
يعطيك العافيه