المجموعة الدولية للاسـتثمار ش .م.ك.م ( المجموعة د ) ... الجزء الثالث

[ابوناصر2]

عندي إحساس بأن غدا يوم المجموعه الدوليه .

 

[zancop]

السلام عليكم
بو تسنيم هاردلك الكأس إيطالي و انشاء الله يا فارس
انشوف المجموعة بطلة البورصه 2006
(تنتف ريش الديك و صار ... )
​

 

[عادل94]

راحت فرنسا

ديكي ضاع من ضيعه ( تريزي غيه)

 

[MH For Ever]

مبروووووووووووووووووووووك لإيطاليا

ها بو تسنيم وبو راشد ان شاء الله عجبتكم البيتزا بالديك الرومي


هاردلك لجميع الديوك

 

[بوراشد جروب]

خرفان ها ماشي ان ماخلينا حارسكم هالضفدع ينقد العارضه آل ديوك آل

عيل شرايك بتوقيعي بعد التعديل انا ماراح اتحجى

MH ماعليج من بوراشد وبو تسنيم ترى وايد شادين حيلهم على بالهم كل طير بيتاكل لحمه

بوتسنيم سلملي على ابو الزيد وقوله دا بعدك


سامحنا ياسعادة المشرف الكريم تعرف متحمسين اليوم نهائي طوف جنك ماشفت شي اليوم وبس اخره مره

الا صج شخباري المجموعي ماله حس

والله لك وحشه يالمجموعي صج انك تقرق وايد ماشالله عليك بس منك فايده ( ترى اتغشمر معاك )


وبالتوفيق للجميع​

مبروك الكولونيل و MH Fore Ever تستاهلون الفوز بجدارة ...

بوتسنيم ما عليه خيرها بغيرها ...

الفريق إنهار نفسياً بخروج زيدان ...

أهم شي النفسية ياجماعة حافظوا عليها ولا تفرطوا فيها ...

تصبحون على خير ...

 

[المناور]

من أسوأ الصفحات صفحة المجوعه كأنها غرف دردشه

وللأسف الإداره لاهيه

 

[بو راس يابس]

من أسوأ الصفحات صفحة المجوعه كأنها غرف دردشه

وللأسف الإداره لاهيه

الله يهداك يا المناور لا تزعل عليهم هذيل ربعنا وحبايبنا ،، ووقت الجد جد ما تشوف الا شارتات وتحليلات (افضل من باجي الصفحات اللي محتكرها واحد ويقول حق الناس اشتروا على 220 وبيعوا على 250 ولا صرفوا كمياتكم بدون تحليل ولاهم يحزنون تقول خرفان مو مساهمين )

عالأقل اهني تحس ناس فاهمة ونقاش موضوعي وكل واحد مسئول عن اسهمه ومحد قاعد يوصي ... بعدين لا تنسى اليوم نهائي وعلى قولة نوال عديها هالمرة وهذي اخر مرة ،،،،،،،،،،،،،،،، سلملم

 

[zancop]

من أسوأ الصفحات صفحة المجوعه كأنها غرف دردشه

وللأسف الإداره لاهيه

لا تعليق

و بعدين يا خوي شنو ماخذين من الصيحه و عوار الراس على الاقل الواحد
يوسع صدره و يستانس بين ربعه و اخوانه ليش إنكد على اعمارنه.
و خل صدرك و سيع و بالك طويل و لاتزعل مني على كلامي لك
و شكراً​

 

[الكونكورد]

من أسوأ الصفحات صفحة المجوعه كأنها غرف دردشه

وللأسف الإداره لاهيه

محد طقك على ايدك وقالك غصب طيب اقرا صفحه المجموعة ..

من تشوف هالصفحه طوفها ولا تعور راسك بكلامنا الفاضي ..

 

[بو راس يابس]

لا تعليق

و بعدين يا خوي شنو ماخذين من الصيحه و عوار الراس على الاقل الواحد
يوسع صدره و يستانس بين ربعه و اخوانه ليش إنكد على اعمارنه.
و خل صدرك و سيع و بالك طويل و لاتزعل مني على كلامي لك
و شكراً​

صح لسانك يا زنكوب ،، طيعني اترك عنك فريجكم فريج العتاوية وتعال عندنا الدائري الثاني ،، الجو أحلى

‘‘‘ على فكرة ترقبوا تداول المجموعة د الضخم غدا ،، واللي ما ياكل يتفرج
للأمام يا المجموعةد

 

[zancop]

اخوي بو راس يابس

ما اقدر اهد الفريج إلي ماله اول ماله تالي
و بعدين الجيران الصراحه زينين ( عتيج المسيان و حجي زيدان و تراشي )ِِ

والله انشاء الله يكون تداول المجموعة قوي و ابخطى ثابته و واضحه
و يستمر الفرس والفارس في التقدم للنصر انشاء الله بالاسعار الديناريه. ​

 

[الكولونيل]

السلام عليكم مبروك للازوري وبالذات المشجعه الازوريه MH وهاردك للديوك وبالذات ابو تسنيم وبوراشد وقولو حق زيدان خل يظط حاله ها لا اهد عليه الفارس يطشر المضاربين بويهه



المجموعه د للمتابعة الجاده غدا​

 

[بو راس يابس]

المجموعه د للمتابعة الجاده غدا​

موفقين يا ملاك المجموعة
وعاشوا الفرسان وعاش بو بدر

 

[بو راس يابس]

اخوي بو راس يابس

ما اقدر اهد الفريج إلي ماله اول ماله تالي
و بعدين الجيران الصراحه زينين ( عتيج المسيان و حجي زيدان و تراشي )ِِ

والله انشاء الله يكون تداول المجموعة قوي و ابخطى ثابته و واضحه
و يستمر الفرس والفارس في التقدم للنصر انشاء الله بالاسعار الديناريه. ​

اي والله اللي ماله اول ماله تالي عيل دام جذي خلك على فريجك ،، تقول دينارية ؟؟ الا دينارية ونارية بعد ،،،،،،،، بس لازم انعرف الهدف بالضبط انا اعتقد انه بين 660 و 680 الي يمثل سعر دينار ما قبل التوزيع ،، ويا ليت اللي عنده راي ينورنا

 

[طير شلوة]

زيدان الديك انقلب تيس قام يناطح اخر شي

 

[bo-3boud]

طبعا الشارت منقول من منتدي اخر

المجموعه.د هي التى سوف تقود السوق بس للأسف طلع بالشارت بالدائره الصفره نجمة دوجى وطبعا نجمة دوجى لما تتكون على ترند صاعد يكون فيه نزول بس انشاء الله باجر اذا كان فيه تداول قوي راح يكون فيه نزول بسيط بعدين تنطلق وتمسك الدرب المقير طبعا الهدف 660 -680 والله اعلم .
اذا فيه احد من الاخوان يحب يعلق على الشارت

[/url][/IMG]






مسئوليه البيع والشراء مسئوليه شخصيه

 

[sporty72]

أي ساعة تقصد هذي ....

اليوم إحتمال ما أكون معاكم ، سلم لي على الشباب وإذا شفت حبيبنا بوتسنيم قوله كلمه السر (زيدان) راح يبيضها اليوم إن شاء الله وراح إنشوف الطليان مثل الخرفان يمشون بالملعب اليوم إن ما قصوهم قصه الديج ....

شرايك بزيدان ؟؟؟ الا طينها

 

[المجموعي]

نفس ما ذكرنا في المشاركة # 202

ان شاء الله باجر ما ينزل عن 600

ونقدر نقول ان شاء الله الهدف 670

وبعد كسر 690 قالهدف 860 .
بالسلامه

المارد صبحك الله بالخير

انت متاكد من هالرقم ال860 ولا لأ

أووووووووووووووووووول الحئيئه

 

[المضاربه فن]

المارد صبحك الله بالخير

انت متاكد من هالرقم ال860 ولا لأ

أووووووووووووووووووول الحئيئه

نور المنتدي يالمجموعي
وطلتك هذي ان شاء الله تدل علي خير جاي بالطريج
لك وحشه والله

 

[المجموعي]

هم حياك الله ودام الحوار راقي آنا تحت امرك

ملاحظتك كون السهم صعد بعد التفصيخه ولم يكن محمل في الأرباح كلامك صحيح وآنا غلطان ...لكن نزولها قبل التفصيخه رغم كونها محملة بالأرباح بسبب آنا ذكرته لك كون غن السهم لم يكن عليه صانع سوق نهائياااااااا أي متروك لزوير وعوير ..
صعودها بعد تفصيخ السهم ومحمل بالأرباح تم بناء على إستلام صانع سوق على السهم قبل الجمعيه العموميه بيوم واحد فقط ..وهو الذي إستقبل كل كميات السوق التي تم البيع عليه قبل الجمعيه كون إن المضارب لايود ان يحكر فلوسه في منحه وتوزيعة كاش ..وتوقع بان بالإمكان شراء السهم بعد التفصيخه لكن ..كان لضانع السوق دور بتعليقة السهم 3 أيام تقريبا ولغاية ماقبل حاجز ال500 فلس وكون المضارب وتفكيره بانه لايدخل على السهم أبعده عن السهم في هذه المنطقه السعريه .
وكان الهدف من صانع السوق خروج المضاربين من السهم بطلبات قويه وتم ذلك خلا فترة أربع أسابيع ...

نعم صعود المجموعه من قبل صانع السوق لانه يعلم ماهي أرباح الربع الثاني للمجموعه والسعر المستحق في حال الإعلان ..كون إنه الناس ماتدري ..فهذا شي آخر ..لكن بما إنه يقوم بدور صانع السوق ويعلم خفايا كثيره نحن لانعلمها فبالتالي هو من يقرر السعر العادل للسهم ..

صعود بتروقلف رغم خسارتها ...طبعا يحق لك ان تقتنع ولو شكليا بان الخساره هذا ال7 فلوس يجب على السهم ان ينزل الى هذه الأسعار ..لكن هناك أمور وقلت لك بان سهم لايوجد عليه صانع سوق شنو ممكن يكون مصيره !! خسارة بتروقلف من إستثماراتها في أسهم باجي القروب ..أي من محافظها التي في السوق ومصاريفها لإعادة هيكلة شركة في مصر مختصه في القطاع النفطي ..
صعودها تم بعد بناء على عودة صانع سوق على السهم ومعلومة تجديد عقد بتروقلف والعائد المتوقع من هذا العقد .. والقادم أكبر وأقوى للبتروقلف وراح تقول سعرها الحالي عادل ..حجب المعلومه عن السوق هذا امر يرجع للملاك ..
صعودها ليس مفتعل لكن مثل ماقلت لك عدم وجود صانع سوق على السهم هو من دهور الأسعار ..صعودها لتطفئة خسائر غير محققه وتحقيق أرباح إضافيه راح تشاهدها في نتائجهم الماليه خلال الربع الثاني .
شركة بوبيان للبتروكيماويات كانت أرباحها قبل سنتين 1 فلس لاغير وسعرها كان 1160 تقريبا ...ماشوف احد إعترض والا شركات عيال لخرافي حلال شركات سامي البدر حرام ..( هذي غشمره مني ) لكنها حقيقه

لو تركت المجموعه من غير صانع سوق ..الجواب بسيط ..
أي سهم من غير صانع سوق راح يضيع أي كانت متانته ..
تبي دليل ..


سهم واحد لا غير راح أضربلك مثال فيه
السهم العملاق

المخااااااااااااااااااااااااااااااااااااااااااازن

لك كل تحياتي وتقديري ويسعدني الرد عليك

الله يوفقك يارب ويحميك

أخوك
بوفواز

صبحك الله بالخير يابوفواز

الصراحه حجي مفيد ومهم اللي قاعد تقوله ومفيد للاخوان
والله يكثر من امثالك
لكن عند اخوك الصغير جم نقطه ودي تفيدني فيها لو سمحت
واكون شاكر لك...

صانع السوق على سهم المجموعه الدوليه اهما اهل المجموعه نفسهم..حلو
طبعا محافظ المجموعه حالها حال اي مستثمر تبي تحقق ربح وهذا حق من حقوقها
تعتقد متى بتحقق وتجني الارباح
والى متى واهما بس يدعمون السهم ويشترون وبس؟؟؟
خصوصا ان اهما السي سيدعلى السهم
يعني العمليه مافيها تدوير بالمره الا بين محافظ المجموعه وتوابعها...وانت فاهم ش قصد طبعا...

قلت ان هدف صانع السوق خروج المضاربين عند نقطة ال500 وحدث ذلك خلال اربع اسابيع...
تعتقد عقب الحركه الاخيره للمجموعه الدوليه من ال680 الى ال530 والغربله اللي صارت على السهم
ماحصل دخووووووووووووووووووول قوي للمضاربين على السهم ووضح هالشي من حركة تداول السهم بعد المشكله اللي صارت؟؟؟
دخول المضاربين القوي تشوف انه من صالح السهم؟؟؟

تشوف ان سلوووك صانع السوق بوضع طلبات ضخمه باول التداول وصلت بعض الاحيان لل27 مليون وال36 مليون وال58 مليون
كان هذا الشي صحي لاي سهم بالسوق؟؟؟؟

تتوقع يقدر صانع السوق يستقبل المنحه على هالاسعاااار؟؟؟

ذكرت ان البتروجلف خسارته بالربع الاول من استثمارات باسهم باقي الجروب!!!
فهل يصح هالشي لشركه نفطيه؟؟؟تعتمد على ربحيته بشراء الاسهم
وييييييييين العقوووود السنويه اللي كانت تقدر ب12 مليون دولار سنويا حسب كلام ادارة الشركه طبعا...
اللي تعتبر دخل ثابت للبتروجلف!!!

بوفواز عقد البتروجلف السابق كان 30 الف دولار بالسنه(صااااافي للشركه)
العقد الحالي اللي بقيمة ال105 الاف يوميا
شاااااااااااااااااااااااااااااااااااامل الصاينه الدوريه وقطع الغيار
يعني الدخل الصافي يقدر ب55الف 60 الف دولار باليوم
لييييييييييييييييييييييييييييييييييييييييييييييييييييييييش
التلاعب بالالفاظ من جمال النفيسي(صاحب ال150 فلس ارباح 2005)
وقدر الارباح طول مدة العقد على اساس ال105 الاف دولار؟؟؟؟
ليش ماذكر التفاصيل كامله للعقد...عقدك كان 30 الف خليته60 صافي اش حقه الحجي الزايد اللي ماله معنى...

عدل كلامي ولا انا غلطان ياخوي بوفواز...


ماتظن ان صعود البتروجلف لتطفئة خساير الغير محققه للمجموعه وجراند؟؟
ماتظن ان البتروجلف استخدمت ك كااااش للدفاع عن المجموعه الدوليه قبل لا يتفصخ سهم المجموعه الدوليه؟؟؟
تعتقد ال20 فلس وال22 فلس اللي بتحققهم البتروجلف بالنص الاول راح تقدر تدافع عن السهم بعد الاعلااااان؟؟؟اللي اغلبها غيييييير وحقق ومو من نشاط الشركه الاصلي...

اخير
في شركه بالكويت كلها عضو مجلس ادارتها مصري.... اللي اهو ممدوح الشربيني(ماني ضده عشان جنسيته بالعكس ضده على طريقة حصوله على المنصب)..
جيب لي واحد بس يابوفواز ولاااااااااااا اتمنى ان هالواحد خذاها بالحق وليس بلي الذراع وفرض الراي والتهديد والوعيد يااخذ عضو يا!!!!!!!(فاهمني يالجيماز صح)...
بعديت تكفى اذا شفته سلم عليييييييييييه كثير السلام
وقوله ش سويت على اكتتاب الخليجيه للمال؟؟؟ وشنو الاخطاء اللي طحت فيها؟؟؟
والخليجيه للمال وييييييييييين موضوعها الحين عند منو بالضبط بالبحرين؟؟؟ومتى يتوقع لها تدرج؟؟؟ ؟؟؟


حبيبي بوفواز انت خو كبير واتمنى يتسع صدرك وتفيدنا باللي عندك
لان ندري ان انت فيك الخير لاخوانك وماراح تبخل علينا باي شي...

وبالاخير
صدقني كل نقطه مذكور بالكلام تدوووووووورر براس كل واحد يدش هالصفحه
واتمنى الكل يستفيد من ردك
وشاكر لك اخوي الجيماز...



وفقنا الله لما يحب ويرضى