المجموعة الدولية للاسـتثمار ش .م.ك.م ( المجموعة د )

[.osama]

الطلب لي حد الحين الساعه 8,55 دقيقه مايبشر ولايطمن

الله يستر​

 

[Bo Tasneem]

يامال الفقر .. وين الفزعة .. وين الوقفة !!

وين الدعم .. سهمك يناديك


بوتسنيم​

 

[.osama]

المجموعه د في مهب الريح

الظاهر ان صانع السوق عليها لي الحين ماداوم:d​

 

[Bo Tasneem]

بسرعة حطوا أوامر شراء بالأدنى خلونا احنا ندعم سهمنا !! (بوتسنيم استريح )

شكل اليوم السهم فيه حركة بطولية .. وكمين قوي الحرب خدعة


بوتسنيم​

 

[.osama]

ياجماعه من خلال الطلب على الحد الادني جنه يقول لاتحاتون
ترى ماراح اخليها تنعرض بالحد الادنى​

 

[Bo Tasneem]

ياجماعه من خلال الطلب على الحد الادني جنه يقول لاتحاتون
ترى ماراح اخليها تنعرض بالحد الادنى​

اشدعوة أسامه .. محنا تارسين العين يعني !!

هذا آنا بو5مليون داعم السهم لكم .. مشرفنا عادي .. زهّب الموضوع الجديد للمجموعة


بوتسنيم​

 

[.osama]

كفو والله يابوتسنيم
والله يرع

زيدهم بعد مليون علشان بوراشد:d​

 

[السهم التجاري]

بوتسنيم السلام عليكم ،،

عندي سؤال : جم أبيع المجموعة الدولية ومتى؟
والسلام

 

[Bo Tasneem]

أمام عين الجميع من تحت قبّة البورصة .. هذي أكبر نظرة للجميع وشكلها متعمّدة حتى يورّي الكل بأن أسهم شركاتي إذا حمّرت احمر السوق .. وراح تشوفون إذا خضّرت شيصير بالسوق

حركـــــــــــــــــــــــــــات !!


بوتسنيم​

 

[السهم التجاري]

بوتسنيم أبي جوابك !
جم أبيع المجموعة الدولية ؟ ومتى ؟؟

بس أنا اشوف انه ماكو أي أهية لكثرة الطلبات في المجموعة او بتروجلف او جراند ! لانها طلبات وهمية !! بثواني تشوفها تتكنسل ويطيحون السهم على صخر !!

وأمس المجموعة كانت مطلوبة عشر ملايين سهم بسعر 590

وين الطلبات مادري؟

 

[Abo Muhammed]

السلام عليكم
بوتسنيم شكله فارس لين الحين ما قعد من النوم
وين الملايين؟؟ وين الدعم الحديدي؟؟

 

[بو بندر 2000]

صبحكم الله بالخير

يعنى بو تسنيم افهم من كلامك انة هذا سوق البدر مو سوق الكويت للاوراق المالية اللى شخص واحد شايل السوق كفوا والله ريال صج

 

[nomas1]

كفو خل السوق يعتبر شوي ويحمر احب اللون الاحمر

 

[nomas1]

والله منك اتعلم بو تسنيم

 

[Bo Tasneem]

والله منك اتعلم بو تسنيم

اشدعوة لاتقول جذي يبا .. الكل فيه الخير ونتعلّم من بعض أفا عليك ..

السهم التجاري .. لاتظن أحد راح يجاوبك على سؤالك .. ودنا نفيد ونستفيد أخوي بس في البيع والشراء مافيها .. هذا حلال يبا !!


بوتسنيم​

 

[السهم التجاري]

اشدعوة لاتقول جذي يبا .. الكل فيه الخير ونتعلّم من بعض أفا عليك ..

السهم التجاري .. لاتظن أحد راح يجاوبك على سؤالك .. ودنا نفيد ونستفيد أخوي بس في البيع والشراء مافيها .. هذا حلال يبا !!


بوتسنيم​

لا تهتم ،، أنا اتحمل

انزين على الأقل تتوقع ان الحين تجميع؟ او تصريف؟ عشان نعرف شنو نسوي؟

او بعبارة أخرى
انا عندي جم سهم بالمجموعة أخليهم ؟ والا أتخلص منهم ؟
مع خالص الشكر

 

[AHMAD_7337]

صبـــاح الخيــــــر
يـاجماعـــه فيـــه (خبــر او اشاعـــــه ) يخــرع بخصــــوص المجموعـــه د
تقــــول ان عنـدها خســـارة بالربـــــــع الثانــــي
ارجـــــو مـن الاخــوان التأكــد مـن هــذي الاقـاويــــل

مـــع العلــــم انـي اتمنـي ان تكـــون اشاعـــه
والســـلام ختـــــــــــــــــام​

 

[صخي الديج]

يعطيكم الف عافية والله يوفكم دوم انشاللة وعندي سؤال اذا تقدرون تفيدوني
اخذت اسهم في شركات التالية:
- مشاريع القابضة
- غلف انفست
-بيان للاستثمار
واكتشفت بعدين انها شركات غير شرعية (اسلامية) فسالت احد المشايخ وقالي بما انك ماكنت تعلم
بيع الاسهم براس مالها وبالنسبة للارباح شيل نسبة المعاملات الغير شرعية لكل شركة او نسبة فائدة البنوك والمعلومات تكون موجودة بالميزانية العمومية لشركة
بس للاسف ماعرفت اطلعها
اتمنى منكم الافادة

 

[Believer]

صار شي غريب وياي !!! أنا كنت طالب 10000 سهم على 570 وتنفذ منها 5000 الساعة 9:34:46 وصارت صفقة ثانية على 570 الساعة 9:50:28 بس ما تنفذت لي !!! أحد يعرف شلون صارت ؟ مو المفروض دوري ؟

ما عليكم أمر أحد يقط 5000 على 570 لإن السهم ما فيه خير

 

[Bo Tasneem]

يا جماعة الخير ..

حسبة بسيطة .. وسهله .. بس ردّة فعلها موسهلة .. اشلون !!

المعروض قرابة الـ 15 مليون سهم .. خل نضرب هالكمية بالآفريج وهو نقول 600فلس .. شصير !!

15,000,000 * 600فلس = 9,000,000د.ك

9مليون دينار لاختراق هالمقاومات !!

شلمهن .. شلمهن .. !! أشوف بأن السالفة يبيلها صبر وحسبة صح عند صانع السوق .. وهذا غير إللي راح ينهال عليه وقت الاختراق !!

يعني المسألة يبيلها اعداد العتاد (فلوس) .. ويشارك في هالوليمة أصدقاء صانع السوق في الدعم وفي الاختراق أيضاً .. والله كريم


بوتسنيم​