المجموعة الدولية للاسـتثمار ش .م.ك.م ( المجموعة د )

[بوراشد جروب]

خنشوف شنو يقول التحليل الفني اليوم

نفس كلام الرسم السابق ولكن مازال تقاطع خط 10 أيام بعيد عن خط 20 يوم ...

 

[سعود222]

اخي اسماعيل بوراشد
توقعك للمجموعه غدا نزول بعد او صعود

 

[Bo Tasneem]

اخي اسماعيل بوراشد
توقعك للمجموعه غدا نزول بعد او صعود

بوراشد لاتسئله .. كله عنده صعود حد الدعسه !!

شخبارك سعود .. وحبيب يابوراشد


بوتسنيم​

 

[MH For Ever]

اليوم ودعت اسهم البدر جراند والمجموعة بخسارة ولله الحمد

بعد ما كسر سهم المجموعة دعم 580 وبعد ما شفنا بعيونا عدم تفاعل جراند بخبر العقد وقد طبقت جراند اليوم المقولة اشتري على الاشاعة وبيع على الخبر

الحمد لله رب العالمين والله يعوضني ويعوض كل اللي مثلي

 

[سهم خسران]

مو خوووووووووووش سالفه ومو خوووووووووش خساره لا خلاص مالي قعده بالسوق هذا اروح سوق الحراج ولا سوق الغنم وتاجر هناك وايد احسن من مقابل سوق سامي البدر والبحر وربعهم (

 

[almared]

اليوم ودعت اسهم البدر جراند والمجموعة بخسارة ولله الحمد

بعد ما كسر سهم المجموعة دعم 580 وبعد ما شفنا بعيونا عدم تفاعل جراند بخبر العقد وقد طبقت جراند اليوم المقولة اشتري على الاشاعة وبيع على الخبر

الحمد لله رب العالمين والله يعوضني ويعوض كل اللي مثلي

الله يعوضك خير إن شاء الله ...

أنا بعد اليوم بعت بخسارة بعض كمياتي بجراند وبترو والمجموعه وخليت بعض الكميات في جراند للطواريء ..

علي العموم تداول فشل صانع السوق هو السبب بخروجنا ببعض الكميات للتسييل والمضاربة في المجموعه الدولية وخواتها ...

اليوم السايق الهندي وهو عندي كان يضحك قلت له ليش تضحك يا شريات قال : بابا هذا شنو يسوي شغل خربوطه ما يعرف شلون شغل تداول ... طبعا تعوود علي الشاشه والعرض والطلب من كثر ما كان يصب القهوه عندي الصبح ... تصدقون لو يشتغل سايقي بمحافظ المجموعه راح يكون أفضل من اللي ماسك الحين ... علي الأقل ما يكشف الحساب ويخلي المجموعه مديونه برقم .

يقول المثل : رحم الله أمرء عرف قدر نفسه .

هذا المثل لصانع السوق ...

وعن نفسي أتمني تكمل في المحافظ لأني خلاص وفرت السيوله من البورصة وخارجها وجاهز لك أسلوبك بالتداول يغري علي المضاربة .

 

[Bo Tasneem]

ماعليه اخواني ..

هناك أسباب لهذا النزول وخصوصاً بعد خروج القادة القدامى .. ومسك القادة الجدد للدفّة .. ويارب يارب تكون على نفس النهج .. ومانبي صعود والله مانبي إلاّ مع الأخبار الحلوة .. إللي نبي ثبات على الأقل !!

المضارب لاعب لعب والله .. ويليت صانع السوق الحالي أن يفكنا منّه باسلوبه الخاص (لكل من يمسك الدفّة اسلوبه) .. فنبي اسلوبك الله يرضى عليك .. وجعل المستثمر يرجع من جديد .. ونرجّع المسباح معاه !!

(بوتسنيم ذبحتنا بمسباحك ترى .. حط لنا المره اليايه قلم ديبون ) !!

يالله بانتظار التأسيس الصحيح من جديد وأخبار الربع الثاني !!


بوتسنيم​

 

[المجموعي]

عشانك بس يابوتسنيم

ولا هال؟؟؟
ماابدله بارخص الاثمان

وانا لما قلت لك هدي لان جماعة الزرقاوي كانت شغاله على (سنجة عشره)
لكن
لما شفت بعض المتطفلين يطرحون اسماء الناس الشرفاء اللي وقفوها بوجه الطفل هذا وتذكرها بالسوء
قلت(مابدهااااااااش على ورزن الحبيب اللبناني ابو منتدى السبت)
والساكت عن الحق شيطان اخرس
ولازم الناس اتعرف وبالاسم منو السبب ومنو اللي هدم شغل
الناس الطيبه منو اللي هدم شغل فريق كامل

لكن
لك خااااااااااااااااااااااااطر يابوتسنيم وبمسح الاسم
بس عشانك يالغالي

لكن
لنا وقفه بس
انطر وعلى رواااااااااااااااااااااااااااااااااااااااء على الاخر
بس نتمنى المواجه من انصاف الرجال امثاله..

والمصيبه يبيع آجال لربعه بفايده جم فلس طيح الله حظه
على دنائته على جم فلس يستغل منصبه لتحقيق امراضه النفسيه ومادرى ان هذي امانه وراح يتسائل عنها
(تعس عبد الدرهم)
لاتنساها


والله يوفق الجميع لما يحب ويرضى

 

[Bo Tasneem]

هذا العشم فيك يالمجموعي ..

كبير والكبير رب العالمين .. وماعليه .. يمدي الخطأ يتعدّل .. بس يبيلها اشوية فطنه وحنكة .. والله يجعلها في الصانع الجديد يارب .. علشان هالمساكين المستثمرين على الأقل !!

دعواتكم بالتوفيق .. وراح أقولكم موقف صار بالبورصه بعدين جدّام أخوي !! موتني ضحك والله ..


بوتسنيم​

 

[almared]

والمصيبه يبيع آجال لربعه بفايده جم فلسطيح الله حظه
على دنائته على جم فلسيستغل منصبه لتحقيق امراضه النفسيهومادرى ان هذي امانهوراح يتسائل عنها


والله يوفق الجميع لما يحب ويرضى

الله لا يفشل ...

آجال تنباع بسعر 245 فلس .. والأخ يبيعها 260 فلس ...

ولا يعني واسطه ... بالله عليكم هذا شنوو تترجون منه ...

والله عيييييييييييييييييييييييييييب الطرح بإسم المجموعه الدولية والبيع بفايدة ومن أهل المجموعه الدولية ... بس الشيء اللي ما يعرفه أنه فيه من شراء 2.5 مليون بأسماء متفرقه راح تكون باكورة التداول .

 

[المطرود]

السلام عليكم

الإخوان بو تسنيم والمجموعي والمارد توصون ناخذ آجال وليش وعلى جم سعر الشراء ... يعني إخواني فيها خير إن شاء الله


مع خالص التقدير والشكر لكم يا طيبين

 

[Bo Tasneem]

يا جماعة الخير .. خلاص علشاني (اشتبي داش عرض أخاف لك شان !!)

والله عن جد اخواني ..

عن الفضايح خلاص .. واعلم بأنك ارتكبت اثم بيوم من الأيام وربّك ستر عليك !!

فستروا على الناس يا يبه .. والله يهدي الجميع يارب


بوتسنيم​

 

[almared]

يا جماعة الخير .. خلاص علشاني (اشتبي داش عرض أخاف لك شان !!)

والله عن جد اخواني ..

عن الفضايح خلاص .. واعلم بأنك ارتبكت اثم بيوم من الأيام وربّك ستر عليك !!

فستروا على الناس يا يبه .. والله يهدي الجميع يارب


بوتسنيم​

إرتكبت ...


بو تسنيم كلام الحق محد يزعل منه ...

 

[Bo Tasneem]

على راحتكم والله .. وانتو كبار وإللي تشوفونه سووه .. ونصحنا لا أكثر يبا !!


بوتسنيم​

 

[tariq m]

اخوانى بعد كل اللى صار وكل الدفاتر اللى تفتحت نقدر نقول ان ديرتنا صغيره ماكو شى ينخش فيها ومهما قلنا وزدنا يبقى من القائل وما مدى مصداقيته
وهل الانسان يعتبر من اخطاءه ويكون له دردس فى المستقبل
لاشك ان الرجال مواقف
انا شخصيا كنت من المستثمرين الشهر اللى فات شريت من القاع ل وكنت كل ما اشوف السوق اقول كفو خوش شغل ماراح ابيع واليوم بعت ثم ضاربت وخسرت
اخيرا اتمنى للكل التوفيق

 

[almared]

يستاهلون الشباب نحلل السهم لهم ...

تحليل السهم بعد التداول السيء :

السهم دخل في قناة نازله بعد أن كان يسير

في قناة صاعدة كما هو واضح من التشارت ...

يمكن يتماسك السهم في المنطقة السعرية 530-540 وهو إحتمال ضعيف أنه يرتد منه .. المحصوره بين الخطين العنابيين ..

الهدف هو الخط الازرق ...

 

[MH For Ever]

يستاهلون الشباب نحلل السهم لهم ...

تحليل السهم بعد التداول السيء :

السهم دخل في قناة نازله بعد أن كان يسير

في قناة صاعدة كما هو واضح من التشارت ...

يمكن يتماسك السهم في المنطقة السعرية 530-540 وهو إحتمال ضعيف أنه يرتد منه .. المحصوره بين الخطين العنابيين ..

الهدف هو الخط الازرق ...

اخي المارد تعتقد باجر يكسر دعم 560

اليوم اغلب التداول صار عند هذه الدعم واقفل عنده

 

[almared]

اخي المارد تعتقد باجر يكسر دعم 560

اليوم اغلب التداول صار عند هذه الدعم واقفل عنده

يستاهلون الشباب نحلل السهم لهم ...

تحليل السهم بعد التداول السيء :

السهم دخل في قناة نازله بعد أن كان يسير

في قناة صاعدة كما هو واضح من التشارت ...

يمكن يتماسك السهم في المنطقة السعرية 530-540 وهو إحتمال ضعيف أنه يرتد منه .. المحصوره بين الخطين العنابيين ..
الهدف هو الخط الازرق ...

صح اليوم كان عنده تداول علي 560 بس ما لاحظتي أنه كان بالتداول حالته نفس الغرقان بالبحر ومو عارف يسبح وهو يخبط بأيده علي الماي .. وكل ما حاول يدعم صكوه ونزلوه .. وكان السهم مطلوب علي 550 .

بالتوفيق للجميع ...

 

[سويسرا]

شركة واعدة فيها ربح

السلام عليكم

الإخوان بو تسنيم والمجموعي والمارد توصون ناخذ آجال وليش وعلى جم سعر الشراء ... يعني إخواني فيها خير إن شاء الله


مع خالص التقدير والشكر لكم يا طيبين

قرار الشراء مسؤلية شخصية

اذا كان السوق في انتعاش انصح بالاكتتاب لانة عندها صانع سوق قوي

سعر الاكتتاب 245

سهم في رزقة

 

[صقرالبحر]

الكاتب: صقرالبحر

ودي تسالون اللي قط مليونين سهم علي 620 في دقيقه وحده الساعه 1214 الي 1215 ليش قطهم ؟
مو السهم فيه خير كثير علي قولة جيماز ولا علي قوله اللي حاط لفظ الجلاله حق الضحك ؟
وياما ملايين انقطت محد يدري
_______________________________
وهذا رد جيماز علينا


تدريي شن الحلوو فيك إنك لما تسأل عن سهم وتحاول تشكك فيه يكون الرد عليك خلال أيام وتنخش جم يوم وترد تطلع

البحر فيها ال التعريف بس الجيماز مافيها تدري ليش ...ما راح أرد عليك ليش
لكن اللي قط مليونين ممكن يكون غبي عود وراح تنحفر في ذاكرته كلمة غبي عود
وسجل ياتاريخ 13/6/2006
كما تعهدنا وقلنا حق العضو (بوياقوت ) سجل ياتاريخ وآنا أقولك سجل ياتاريخ المجموعه 630 بهذا التاريخ



احلى شي فيك إنك خليتني أشارك بعد إنقطاع مو لانك إستفزيتني لاااااااااااااا غلطان لانه ما أبي احد بيبع بهذه الأسعار


المجموعه مو للبيع
أخوكم
بوفواز


لنا مشاركه بإذن الله نهاية الإسبوع القادم يعني مو الأربعاء هذا لاااا اللي وراااه بشوف سعر المجموعه الدوليه كااااااااااااام

___________________________________

هذي المشاركات في 13\6\2006
ودي اعرف ياجيماز بما انك قريب من محافظ البدر او خل نقول عندك معلومات
ليش ماتبي احد يبيع بهالاسعار لما كانت 640 ؟ هل كنت تنتظر هذا اليوم ؟

اللي قط المليونين ذاك اليوم ماكان غبي مثل ماقلت والملايين ماتروح للاغبياء
حبيبنا جيماز
رجائي لك ولغيرك لاتاثر في قرارات المساكين ترا ذبحتهم وماندري شيصير
باجر

للرفع