شركه آجال القابضه

[FLOOD]

الحين المشاركة اللي فوق معروض 295 وانت بوسعدون شراي 340 فلس شنو بتجمبزنا ولا من صجك آنه عندي كمية كبيرة اذا تبي هذا رقمي 7861113

هههههههههههههههه انزين مش الفلم يمكن تروح كميتك

 

[خالـــــد]

شباب في تحويل رسمي للسهم او لا ؟

وشنو توقعاتكم ان شاء الله بخصوص لجنه السوق بتاريخ 27 هالشهر

هل راح يوافقون او لا

مع العلم اتوقع يجب عليهم الموافقه ان شاء الله

 

[بوسعدون]

هههههههههههههههه انزين مش الفلم يمكن تروح كميتك

يعطيك العافية يالغالي...

أنا بصراحة حصلتي صيدة بالديوانية.. إتفقت مع واحد من الشباب على 290 لأنة كان محتاج....

ولكن الكمية 20,000 ودي أزيدها بس على هالسعر إذا موجودة....

 

[tareq_m5]

للبيع اسهم اجال

عندى اسهم اجال الكمية محدودة بسعر 300 فلس السهم

للجاديين فقط رقمى 7861113

وقت الادراج بأذن اللة الشهر القادم

والتوفيق من رب العالمين

 

[سبع الليل]

متى الادراج بالضبط؟؟........اذا أمكن

 

[سويسرا]

مجهزين الدوا قبل الفلعة

السلام عليكم


اذا تمت صفقة رسمية بسوق الجت يصير خير بعدين قاعدين تسوون صفقات وهمية

ليش ياجماعة السالفة صايرة وهم في وهم كل واحد بعدين يصير خير بعد اللجنة

سلمولي على محمود حيدر -------

 

[Bo Tasneem]

اخواني ..

سامي البدر مستخدم كل الوسائل للضغط على لجنة السوق لإدراج آجال في أقرب وقت ..

لاتخافون .. سامي يبيها تنزل امبجّر .. وان شاءالله خير لحّد يحاتي ..

موفقين ..


بوتسنيم​

 

[Bo Tasneem]

الحين المشاركة اللي فوق معروض 295 وانت بوسعدون شراي 340 فلس شنو بتجمبزنا ولا من صجك آنه عندي كمية كبيرة اذا تبي هذا رقمي 7861113

عندى اسهم اجال الكمية محدودة بسعر 300 فلس السهم

للجاديين فقط رقمى 7861113

وقت الادراج بأذن اللة الشهر القادم

والتوفيق من رب العالمين

يا جماعة موجنّه نفس الرقم عند هالعضوين !! .. شنو ساكنين ويا بعض !! ولاّ هذا رقم السكرتير مالكم للمراجعه !! ..


بوتسنيم​

 

[bfirst]

للبيع 20,000سهم بسعر 350 المراسلة على الخاص

 

[no smoking]

يا جماعة موجنّه نفس الرقم عند هالعضوين !! .. شنو ساكنين ويا بعض !! ولاّ هذا رقم السكرتير مالكم للمراجعه !! ..


بوتسنيم​

صادووووه . ماشاء الله عليك يابو تسنيم . من اليوم ورايح قررت اسميك ( كولمبو المؤشر نت ) تصدق عاد طافت علينا كلنا

 

[المجموعي]

عندى اسهم اجال الكمية محدودة بسعر 300 فلس السهم

للجاديين فقط رقمى 7861113

وقت الادراج بأذن اللة الشهر القادم والتوفيق من رب العالمين

احلى دعايه حق البيعه (اللي باللون الاحمر)...(تشويق وتسويق) حلوه هذي بوتسنيم سجلها عندك .....

اخوي طارق
شلون حددت ان الادراج الشهر القادم
انت باللجنه الفنيه بالبورصه مثلا!!!!
اذا اهل الشركه مايدرون ش القرار اللي راح يصدر وانت على الراحه حددت وخلصت بعد؟؟؟
اخوي طارق
ممكن تفسر لي كلمة الكميه محدوده؟؟؟؟محدوده اش كثر يعني بالضبط..
.............

عندي 1,5 مليون سهم آجال القابضه
اذا حصلت احد يشيلهم ب350 فلس قوله لحق ترى الكميه محدوده...


وفقنا الله لما يحب ويرضى

 

[الناسجت]

فعلا الامر غريب
بمنتدى النوادي السهم يبعون فيه ب 350 فلس
وبهذا المنتدى السهم معروض ب295
اتمنى من الاخوان اللى ودهم يبيعون يعرضون كمياتهم بالنوادى ليبستفيدوا من فرق السعر

صباح الخير ... تم وضع إعلان شراء سهم آجال في النوادي بسعر 350 فلس وتم وضع رقم النقال واسم الشخص أو التاجر اللي يشتري ... تبين لاحقاً أن التاجر لا علاقة له بالموضوع فالإعلان مدسوس .. والتاجر آخر من يعلم .... و لا عزاء للمساهمين ...

هذا الشيء ولله الحمد لا يحصل عندنا في منتدانا ...

وللعلم السهم معروض بسعر 270 فلس في السوق ومحد شراه للحين إلى تاريخ هذه المشاركة ....

دمتم

 

[الناسجت]

يا شباب معروض لدي اسهم آجال بسعر اقل من سعر السوق واللي يبي انا حاضر

السعر 295 فلس واللي يبي كميات كبيرة هم بعد بنزل شويه صغيره

للتواصل 7859033 ودمتم

صباح الخير ... معروض في الناسجت لحد تاريخ المشاركة على 270 فلس

دمتم

 

[alngoshy]

مشاركة

مساء الخير

آنا شريت من السوق بسعر 270 فلس ورحت مع البائع مقر الشركة بالبورصه الدور الخامس ووقعنا كتاب تنازل ووعدوني بإصدار الشهادة بعد أسبوع .

 

[بديع الزمان]

يا جماعة موجنّه نفس الرقم عند هالعضوين !! .. شنو ساكنين ويا بعض !! ولاّ هذا رقم السكرتير مالكم للمراجعه !! ..


بوتسنيم​

كنت أقرأ الموضوع وضحكت حيل وكنت بروحي مروا العيال خفت يقولون استخف أبونا . دمك خفيف ، بس توهق.

 

[marine_q8]

للبيع أسهم آجـــــــــال الـــقـــــــابــضـــة

للبيع عدد 120,000 سهم لشركة آجـــــــــال الـــقـــــــابــضـــة لأعلى سعر يرجى السوم على الخاص (للجادين فقط)

 

[مستثمر قوي]

بيع سهم آجال

للراغبين بشراء سهم آجال..للبيع عدد 135 ألف سهم بسعر 270 فلس للسهم..المراسلة على الخاص

 

[بو حسين]

شنو صار على أدراج الشركه في اليورصه

 

[المجموعي]

شنو صار على أدراج الشركه في اليورصه

اخوي بوحسين
اشلون 3 سنوات والمجموعه الدوليه طالبه ادراج السهم من شهر 6 اللي طاف؟؟؟اذا كان ماعندها الشروط اللازمه للادراج ماتقدر تتقدم بطلب الادراج

على العموم اجتماع اللجنه الفنيه قائم الحين وان شاء الله يوافقون على الادراج
واذا ماوافقوا ماراح يتأخر الادراج عن بداية سنة 2007 وباذن الله مايتعدى شهر فبراير القادم
لان سبب التأجيل السابق للجنه الفنيه لادراج آجال القابضه(شهر6 اللي طاف) هو اعتماد ميزانية 2006...
يعني نفهم من هالحجي ان اذا قدموا الميزانيه لهذه السنه بيحصلون على الادراج بأذن الله من غير اي عائق


والله يوفقنا لما يحب ويرضى

 

[سويسرا]

آجال

السلام عليكم

يعني نفهم من كلامك ان الي تقدم من شهر 6 يوافقون علية

ولا يتم التاجيل لوجود شروط جديدة راح توضعها اللجنة