المجموعة الدولية للاسـتثمار ش .م.ك.م ( المجموعة د )

[Bo Tasneem]

الله يعطيك العافيه اخوي

شلون يعني البتروجلف تدفع المجموعه الدوليه لكسر المقاومه بقوه؟؟

خصوصا ان مقاومة المجموعه الدوليه صعبه جدا واتوقع صانع السوق لازم يريح عندها ويستوعب عمليات البيع القويه اللي راح تصير عندها وبعدها تكمل المجموعه مشوار الصعود(مثل ماسوى بال530)...

والبتروجلف اعتقد خلاص السهم اخذ اكثر من حقه ودخوله مجال ال500 يلزم عليه التوقف لعدة اسباب :
السهم انتفخ اكثر من اللازم(من غير حتى صفقه او خبر)
سهم محقق خساير بالربع الاول 7 فلوس
السهم وصل الى مرحلة كبسة الزر لتحقيق الارباح وجنيها!!!
مرحلة ال500 صعبه لاي سهم ولابد ان يؤسس عليها واعتقد الكل شاف اللي صار بالمجموعه الدوليه وعملية تأسيسها بال500 وال530 واللي راح تصير بال580 وال570(راح تشوفها)..

اتمنى ان المجموعه الدوليه وجراند والبتروجلف يكملون الى مالا نهايه بالصعود
لكن
احب ان اضع المعطيات وانطلق منها سواء كانت سلبيه او ايجابيه...

وهذي وجهة نظري الشخصيه وممكن تكون خاطئه

والله يوفق الجميع





وفقنا الله لما يحب ويرضى

أخوي المجموعي ..

ربما إختفت عنك معلومة أن البتروجلف إنتهت من موضوع الحفّار اليومين الماضيين الحمدلله ..

وسنرى نتيجة هذه القفزة الجريئة بالإعلان القادم لها بإذن الله .. ومبروك علينا هالصعود الطيّب ..

جروب المجموعة .. أصبح خالي من المضاربة وممسوك بكل سيطرة وحنكة من رجال هم أهل لهذه القيادة .. الله يزيد عزمكم يارب

الجروب بدأ ينتفض فينتفض معه كل السوق .. وهذا وسام شرف لك يا سامي ويا صانع سوقنا بكل أمانة ..


بوتسنيم​

 

[الكولونيل]

عزيز يالكولونيل...

اخذ المعطيات اللي جدامك وقيس عليها ولاتحط المعطي الغير الظاهر والوهمي معاهم عشان لايطلع قياسك خاطئ وينهد البنيان...

الشركه مطلوبه 7 فلوس الربع الاول يعني انت اتكلم عن 87 فلس تحققهم الشركه على اخر السنه
هااااااااااااااااااا بتنقصهم الحين الى 72 فلس صح!!!!!

بعدين راعي البضاعه مايذم بضاعته

الكولونيل
حدث العاقل بما لايعقل فان صدق فلا عقل له...

والله يوفق الجميع



وفقنا الله لما يحب ويرضى

ياخوي الارباح انا قلتلك 80 فلس على اقل تقدير يعني فيه احتمال انها تكون اكثر وطبعا بعد تغطية الخساير اللي اهي 7 فلوس واهيا اوريدي تسكرت الخساير لانه هالخساير كلها من محافظ واسهم وهذي مو وهم حقيقه وانشالله الايام راح تثبتلك صحة كلامي لانه الحين ماقدر اثبتلك

اما بالنسبه اني احدث العاقل بما يعقل

يامجموعي ياحبيبي بتروجلف اهوا السهم الوحيد اللي اغلب اسهمه عند ربعهم يعني مافيه مضاربه نهائيااا اما عن جراند كلنا ندري انه فيه اسهم تبديل حق اللبنانيه وغير المنحه القويه اللي وزعوها والمجموعه هم نفس الشي يعني اللي اقصده انه بتروجلف تعليقته سهله مافيه بياعه لهالسهم شلي يمنع مايوصلونه لاسعاره القديمه ؟؟؟ ​

 

[المجموعي]

أخوي المجموعي ..

ربما إختفت عنك معلومة أن البتروجلف إنتهت من موضوع الحفّار اليومين الماضيين الحمدلله ..

وسنرى نتيجة هذه القفزة الجريئة بالإعلان القادم لها بإذن الله .. ومبروك علينا هالصعود الطيّب ..

جروب المجموعة .. أصبح خالي من المضاربة وممسوك بكل سيطرة وحنكة من رجال هم أهل لهذه القيادة .. الله يزيد عزمكم يارب

الجروب بدأ ينتفض فينتفض معه كل السوق .. وهذا وسام شرف لك يا سامي ويا صانع سوقنا بكل أمانة ..


بوتسنيم​

هلا بوتسنيم

حبيبي يالغالي ادري اناي اذيتك من موضوع لي موضوع ماعليه


(من ناحية ان في تكتم ففي تكتم شديد وترى مطلعين عيونا مو مثل قبل اش حلاتهم كانوا)..
المهم

تقول البتروجلف اتهت من موضوع الحفار من يومين...اي موضوع بالضبط (البيع ام الايجار)..

اذا على الايجار ماراح يبدأ العقد الا بشهر 10 لان عقدهم الحالي ينتهي بشهر 9 او 10 على مااعتقد
يعني ال170 الف دولار راح تبدا تدر للبتروجلف بالربع الرابع فقط ومن وراها..

اما مسالة البيع فالشركه اعلنت نيتها شراء حفار ثاني والابقاء على الحفار الاول بالجمعيه العموميه
ف مايصير يعلنون نيت البقاء وشراء ثاني والحين يبيعون(وين المصداقيه الجديده)..

تقول سنرى نتيجة القفزه الحاليه بالاعلان القادم..
فهل تعتقد انه تتم مسألة
(الشراء عند الاشاعه والبيع عند الخبر) ....


ليش المجموعه الدوليه تبي تأسس شركة طاقات(للنفط) براس مال ضخم وتبيها تتبنى اعمال البتروجلف... وبالعربي يبي البتروجلف تذوب داخلها مثل ماذابت اللبنانيه بجراند...
مجرد تساؤل ليس الا؟؟

والله يوفق الجميع



وفقنا الله لما يحب ويرضى

 

[المجموعي]

ياخوي الارباح انا قلتلك 80 فلس على اقل تقدير يعني فيه احتمال انها تكون اكثر وطبعا بعد تغطية الخساير اللي اهي 7 فلوس واهيا اوريدي تسكرت الخساير لانه هالخساير كلها من محافظ واسهم وهذي مو وهم حقيقه وانشالله الايام راح تثبتلك صحة كلامي لانه الحين ماقدر اثبتلك

​

​

هلا بالعووووووووود الكولونيل

يعلم الله اني اعلم مايدور بالمجموعه الدوليه وتوابعها

لكن هالنقاش يدار بينا لكي يستفيد اخوانا مساهمين السهم..

الشاهد

اولا
شركه نفطيه عندها عقود سنويه تدر للشركه 12 مليون دولار بالسنه
ليش تعلن عن خساير بالربع الاو على الرغم من وجود هالعقود الثايته..

ثانيا
ترى الرد عليك تلقاه بكلامك نفسه
شركه نفطيه خسايره بالربع الاول من استثمارات اسهم
اذن وين نشاط الشركه الاصلي اللي اهو نفطي!!!!

ثالثا
البتروجلف خسايرها بالربع الاول محققه 7 فلوس يعني صااااارت وتسجلت
مو مثل ماتفضلت انها اسهم ومحافظ
لانها لو اسهم ومحافظ جان تسجلت عل انها (خساير غير محققه)...صح ولا لأ..

ياخوي الكولونيل
ترى كلنا بمركب وااااااااااحد وهذا النقاش الهدف منه ان الكل من اخواني مساهمين الجروب يكون عندهم علم بكل تفاصيل الامووووووور..

ان شاء الله وضحت اخوي العوووود


والله يوفق الجميع




وفقنا الله لما يحب ويرضى

 

[بومحمد2002]

الحذر ثم الحذر ثم الحذر من الأوامر الوهمية

؟؟؟؟؟؟

 

[الكويت غاليه]

الحذر ثم الحذر ثم الحذر من الأوامر الوهمية

؟؟؟؟؟؟

ليش هالتشاؤم !!؟؟

 

[Bo Tasneem]

ليش هالتشاؤم !!؟؟

رفعوا الجامة ياجماعة .. صانع السوق مستريح اليوم وحاط أوامرة ويقمّس بسكوت وبقصم ودرابيل مع جاي حليب

والقفزة القادمة الاسبوع الياي إن شاءالله


بوتسنيم​

 

[الكويت غاليه]

رفعوا الجامة ياجماعة .. صانع السوق مستريح اليوم وحاط أوامرة ويقمّس بسكوت وبقصم ودرابيل مع جاي حليب

والقفزة القادمة الاسبوع الياي إن شاءالله


بوتسنيم​

بدام إنك يابوتسنيم موجود مافيه خوف على السهم بإذن الله

 

[SpeciaL 1]

أخي الكريم : أنا سألت المجوعة وزعت أرباحها؟؟؟؟؟

مووو أعلنت عن أرباحها؟؟؟؟

بالنسبة للإعلان عن التوزيع أدري إن 45 منحة و30 نقدي


بس هل وزعت الأرباح ؟؟؟


فقط للتوضيح


ــــــــــــــــــــــــــــــــــــــــــــــــــــــــ

تحياتي

العتب عالسهر أخوي
عاد وقتها ضحكت وقلت هذا وين كان ؟؟ مهاجر ؟؟ نايم؟؟
بس لما تذكرت إني مادري عن تزويعة واحد من الأسهم اللي عندي عذرتك
بس هم رجعت وقلت إلا المجموعه د هذي حتى اللي مو بالسوق يعرف توزيعتها..
واعذرني مره ثانيه.. وصج صج العتب عالسهر..

أما سالفة وزعوا والا لأ فهذي مثل ما يقولون "عند جهينة الخبر اليقين"




أخوك/ ويلاه

 

[Kuwait]

للأعلى انشا الله

يقولون الأرباح 120 فلس والله أعلم

 

[hhhmg]

الحذر ثم الحذر ثم الحذر من الأوامر الوهمية

؟؟؟؟؟؟

تحياتي لصانع السوق ... 100 %

للعلم من اشترى اليوم اقتنع بالشركة بأنها شركة استثمارية وليست شركة مضاربة ولا مجال للمضاربة

ومن باع اليوم فقد باع على صانع السوق عالـ 550 فكيف تكون لديك اعتقاد ان الطلب وهمي كما تظن ؟؟ !!!

خروج مضارب ودخول مستثمر

 

[Bo Tasneem]

بدام إنك يابوتسنيم موجود مافيه خوف على السهم بإذن الله

جزاك الله خير أخوي وماقصرت .. وبإذن الله راح ترجع الإبتسامة من جديد للجميع ..


بوتسنيم​

 

[المهندس 777]

سؤال

يا جماعة ابي اسأل ليش اسم المجموعة الدولية موجود ضمن الشركات بسوق البحرين و ايضا المستثمر الدولي.
هل يا ترى راح يدرجونها هناك؟
وهل في هذا الشي فايدة لملاك الاسهم
ودمتم

 

[Kuwait]

ههههههههههه عساك دوم ماتكشر

خلاص ولا يهمك أنا شخصياً راح آخذ بكلامك وماراح أستانس حتى التوزيعه ... (يمكن ادخل سجل جنييس للأرقام القياسية)

وهاذي تكشيرة ثانية ...

انت آمر يالناصر وبوراشد يطامر ...

لا يبا انشا الله دوم مستانس لا تكشر عن أنيابك .......كلامك كلا عدل يبا احنا غلطانين .

 

[ahmedi]

جزاك الله خير أخوي وماقصرت .. وبإذن الله راح ترجع الإبتسامة من جديد للجميع ..


بوتسنيم​

بوتسنيم ما عليك أمر متى ادراج آجال القابضة؟

 

[الكولونيل]

يقولون الأرباح 120 فلس والله أعلم

هذي ارباح شنو ياخوي الناصر

 

[ط¯ط§ط¨ط³1]

يا شباب احد يساعدني بدخول باكتتاب اجال القابضه . وله الشكر . ولي يقدر جزاه الله الف خير . يراسلني على الخاص . بوووووووووو تسنيم يا بو تسنيم .

 

[فؤاد]

يقولون الأرباح 120 فلس والله أعلم

120 فلس ربحية 2006 .......

السعر العادل =120 فلس * مكرر 15 مرة= 1800 فلس
120 فلس * 10 مكررp/e =
10 * 120=1200 فلس

 

[Bo Tasneem]

بوتسنيم ما عليك أمر متى ادراج آجال القابضة؟

الكلام بآخر 6 إن شاءالله .. ولكن أعتقد التأجيل إلى 7 بسبب الإكتتاب الخاص ..

المجموعي فيدنا ماعليك أمر ..


بوتسنيم​

 

[InUrEyEs]

الكلام بآخر 6 إن شاءالله .. ولكن أعتقد التأجيل إلى 7 بسبب الإكتتاب الخاص ..

المجموعي فيدنا ماعليك أمر ..


بوتسنيم​

والله الى سمعته يوم اكتتب انه شهر 9 والله اعلم